貴族蛋糕

營業中

休息中

某日, 返到屋企既時候, 我爸買咗半打蛋tart返黎, 有鮮奶tart 同埋普通蛋tart.我食咗件普通既, 哇~ 好好食! 真係未食過咁好味既實皮蛋撻! 個皮應該冇用到豬油黎做, 而係用好香既牛油, 又唔肥膩又香又鬆化!之後我爸久唔久就會去買返黎比我食~我啱啱又食完一個鮮奶tart喇! 鮮奶tart就冇咁香但係都好好味~~!

因為小女子生日所以特別來這裡訂蛋糕其實唔係第一次訂很久之前已經訂過榴槤造型嘅榴槤蛋糕味道超正，鍾意食榴槤嘅人一定要食仲有計數機蛋糕但次次都係買比人今天想送一個比自己洋娃娃蛋糕，佢地有左好多年唔知點解近排先多人介紹不過我睇過其他地方有d係平d~~不過個樣做得唔靚其他一磅都要過２００呢度就＄１９０／磅，３磅起始終我都食過，知佢地ｄ蛋糕有水準，而且價錢ｏｋ個公仔可以係佢度買埋($70)但係行兩步係花園街，即卓悅旁有間賣玩具$40得喇～～另外你都可以買jenny公仔，其實睇你鍾意咩囉事頭婆“阮太”話歡迎自來公仔嫁本來我係佢度買左個公仔（其實我唔鍾意個樣），轉頭見到另個合心水（仲平ｄ)，我攞番去比阮太，佢都退番錢比我，絕無黑面所以因為咁，我有一個完美靚靚蛋糕過生日朋友見到都好羨慕而且仲好震撼呀～～呵呵

(17/2/08)行花墟經過,聞到好香曲奇餅味,而且都有幾個人等買,求其買少少試試佢實力。$10八條的麥提莎,及朱古力脆條。好輕飄飄,低密度的脆脆,食完好似無食咁,好甜,好西方人口味。我"好"甜,所以覺得幾好食。仲有曲奇餅、$22袋的蛋糕仔,好想食呀!

主人與奴隸獸行花墟買花過年，途經此餅店，見有多名顧客在此買Cookies，奴隸獸即時提議買半磅（HK$28）試試。因為Cookies有多款味道，（有士多啤梨、朱古力、咖啡、雲呢拿、朱古力果仁、心形果仁、合桃及腰果。）所以請店員每款Cookies 都給我們揀選2 至3 件。曲奇食落不算太鬆化，不過D 果仁尚算新鮮，味道OK 喇！

佢, 係我屋企附近~佢, 我食左好多年~佢, 我最like係曲奇~仲有newyork cheese cake, 係當中一絕~可惜未有機會試佢ga 撻,因為次次機會都比晒曲奇~~^+++^ps. 我覺得可以同jxxxy 的曲奇比美~

今年係第二年係呢間餅店訂蛋糕...呢間可以你想要既蛋糕,要咩樣有咩樣,味道唔會太甜,好好味....係就係貴左少少,但物所值...大家不防一試...

多年來經過呢間蛋糕店無數次,每次都被餅櫃內大大個壽桃蛋糕及焗製蛋糕香味吸引,但直至今日至第一次幫襯。蛋撻/菠蘿蛋糕每款$5買五送一,今日只餘下葡撻/鮮奶撻,菠蘿蛋糕已經售罄,唯有再等下次。葡撻如一般葡撻一樣用幾油既酥皮焗製,口感幾酥脆,由於被餅盒吸左唔少油,所以還算ok;蛋漿較實淨,食落口感唔算軟滑,勝在唔太甜。鮮奶撻則用上曲奇撻皮,口感比較實在,鮮奶餡都係唔太軟滑,不過好重奶味及較甜,食完感覺較膩。個人覺得呢兩款撻質素平平,下次再試下曲奇/蛋糕再下定論。

十年前的時間，灣仔298商場附近有家叫「雪莓娘」的店子；十年後的今日，灰水雖然剝落，但塊招牌仍然懸掛在電車路之上。這個雪莓娘，有一個小孩的拳頭咁大，糯米皮厚厚的，多粉，不煙靭；新打的忌廉，是鮮忌廉蛋糕的那種，濃濃的，但本身淡淡的；裡面埋藏了的草莓，有彈彈波般大，也不是酸貨；一開錫紙，晃然大悟- 原來糯米皮只有大得包著忌廉的份兒，而不能把襯底的蛋糕，如mochi 般整個包起來。十年前的時間，雪莓娘曾經在珍珠奶茶、葡撻、Kripsy Kreme 以先，如雨後春筍般臨到香江；十年後的時間，在香港找一件雪莓娘竟然有一點難度。更何況一件像樣的雪莓娘？

1) 幾乎可以一個人食晒, 就知有幾好味2) 人生人有幾次機會唔多啦!真係幾好食又特別.

有生以來第一次收咁大個馬騮仔蛋糕.做得好精緻, d蛋糕都好好味. 不過好貴....只不過係海棉蛋糕要成三百多元, 真係有d登送俾我個人肉痛....我係一名"小氣鬼".

佢都有鮮奶撻賣架d 餡味道唔錯但衰在係我唔鍾意既酥皮(扣一分)

我個個星期行開個度都覺得好香gar佢d 菠蛋糕,撻s同芝士蛋糕都好正gar芝士蛋糕細細個,唔夠買多個仲抵呀!

佢d旦糕同cookies都好好食/葡撻都好好食,好香口

呢間餅店幾特別!只有曲奇同旦糕買,買左1/4 磅曲奇$12,有5-6款曲奇,其中合桃,朱古力果仁同牛油果仁做得頗出色!牛油味十分濃,且曲奇鬆脆,讚!另一推介系佢既撻類$4,旦漿/奶漿都十分滑,撻皮亦頗鬆化,strongly recommend!

我試過四，五個呢間餅點的出品。款多有創意，你諗到的卡通人物或造型都可以，做大壽桃又得，比起其他連鎖店特別，味道就真係合附港式甜品要求”甜而不漏”，幾好！