貴族蛋糕

營業中

休息中

多年來經過呢間蛋糕店無數次,每次都被餅櫃內大大個壽桃蛋糕及焗製蛋糕香味吸引,但直至今日至第一次幫襯。蛋撻/菠蘿蛋糕每款$5買五送一,今日只餘下葡撻/鮮奶撻,菠蘿蛋糕已經售罄,唯有再等下次。葡撻如一般葡撻一樣用幾油既酥皮焗製,口感幾酥脆,由於被餅盒吸左唔少油,所以還算ok;蛋漿較實淨,食落口感唔算軟滑,勝在唔太甜。鮮奶撻則用上曲奇撻皮,口感比較實在,鮮奶餡都係唔太軟滑,不過好重奶味及較甜,食完感覺較膩。個人覺得呢兩款撻質素平平,下次再試下曲奇/蛋糕再下定論。