貓啡

營業中

休息中

今日同小baby去貓貓cafe真係好好玩好開心呀🥰一般貓cafe都要大人陪同同貓貓玩，而呢度係可以比大家隨意接近貓貓😺而餐廳大部份都係收養的流浪貓，本來以為流浪貓會好惡，但呢到個D大部份都好親人🩷🩷我地嗌左雙重芝士焗肉醬意粉，份量岩岩好比我地share食，而蜂蜜烤雞翼好香甜多汁，小朋友最愛💕💕而蘋果汁同朱古力鮮奶都大大杯夠我地坐咁耐，飲咁耐😊而且仲有遊戲玩，岩哂大人小朋友～一邊同貓貓玩一邊娛樂之餘，仲可以醫飽肚仔😍😍

放假我鍾意去貓貓cafe玩下 同可愛嘅貓cafe 🐱chill下 探下可愛嘅貓仔🐱第一次上嚟光顧 地方乾淨 有露營feel⛺️有二 三十隻可愛貓貓同你玩 🐱🔸️喵之優惠套餐 前菜主食飲品我個人覺得啲嘢幾好食 都抵食 ~$150 🔸️前菜 咖哩角或者沙律主菜🔸️招牌明太子蟹肉闊條麵意粉好creamy 裏面有勁多蟹肉好鮮味 上面鋪滿勁多明太子 賣相都幾好🔸️招牌紅酒燴牛肋骨牛肋骨炆到好淋 紅酒煮嘅醬汁好濃味 配上有貓貓圖形嘅白飯Café 有多種飲品🔸️綠茶拿鐵🍵 上面有好cute 貓貓🐾造型 感覺好窩心💖餐廳有收養流浪貓🐾 全部健康ok 唔會惡惡 全部都好可愛好溫柔 有部分貓貓可以喺店內申請領養 🐾🪧

嚟呢度一次滿足三個願望有飲有食又有貓貓同你玩好多時呢啲cafe都麻麻！因為諗住有貓貓做左噱頭其他野就求求其其啲算數但呢間食物質素真係唔錯叫左明太子蟹肉意粉套餐同紅酒牛肋條飯套餐試下明太子意粉醬汁creamy每條意粉都比醬汁包覆住牛肋軟腍醬汁濃郁好送飯而且個飯係貓貓形好可愛如果中意坐cafe飲杯野嘅不妨叫杯抹茶拿鐵好rich呢度啲貓貓都好乖唔搗亂唔講都唔知原來係流浪貓唔惡又會同人玩合眼緣嘅仲可以直接店內申請領養給貓貓一個舒適的家🥰—————————————————————

尖沙咀發現咗一間貓啡，愛貓人士打卡熱點。親身試過啲嘢食都唔錯，而且仲好抵食。得閒可以過嚟玩吓貓順便食埋嘢😋好抵食，兩個人叫咗兩個set埋單先至200多少少有齊晒食沙律、飲品同埋主食。煮食方面有意粉同pizza可以選擇。招牌明太子蟹肉扁意粉 +是日小食 +橙汁蟹肉意粉醬汁濃郁，每一條意粉都黐咗蟹肉醬。小食揀咗炸油角。一樣咁酥脆好味。溫泉蛋卡邦尼扁意粉 +是日沙律 +朱古力卡邦尼意粉煮得啱啱好，意粉彈牙煙靭。溫泉蛋滑溜。朱古力唔會太甜啱啱好。

🐈💖露營風貓Cafe，環境寬敞又乾淨，真係好Chill！假期遇上雨天，來呢度玩最適合不過！開張期間仲不設最低消費，想Hea足成日都得！🏕️一入黎就被貓貓包圍著，好幸福呀！我哋點咗兩個餐，包小食/沙律+主食+飲品，性價比超高！味道意外地好食，feel到佢哋用心製作！😍（第一次喺貓Cafe食到咁高質）🌟 自家製吉列豬扒飯（$108）豬扒外脆內嫩，搭配香甜的咖喱，簡直係完美配搭！而且貓貓造型實在太可愛啦！🐱💕🌟 招牌紅酒燴牛肋條飯（$118）牛肋條軟腍入味，紅酒蕃茄汁越食越開胃，果然係招牌菜！貓仔頭造型更加吸引！🤩飲品方面，朱古力咖啡上面仲有可愛貓爪圖案，粉紅鮮果沙冰（+$8）更加推介，火龍果、百香果同菠蘿既組合，清新refreshing！🍍✨❤️整個體驗真係好治癒，貓貓都好乖好可愛。呢度有38隻可愛嘅主子，部分係流浪貓同被棄養的貓貓，如果你想領養，仲可以即場申請，真係超有愛心！

今日阿女話要去好耐冇嚟嘅，貓貓Cafe,之前都係喺呢幢大廈既3樓依家搬咗4樓，依家餐廳嘅食物唔同咗，而家有得嗌套餐優惠都算抵食，我哋嗌咗個卡邦尼意粉咖喱角同埋一杯沙冰，另外我再嗌咗個pizza同埋再多一杯沙冰，味道好食❤️媽媽仲係好得意好可愛

貓啡📌旺角彌敦道577號高氏大樓4樓入去前要先除鞋同埋噴手消毒都係保障返貓貓嘅健康🥰店內有榻榻米區同一般枱男朋友唔太慣蹺腳/跪坐所以坐返木枱☝🏻如果坐榻榻米就可以同貓貓近距離如圖😆貓啡安格斯牛肉漢堡配薯角 $118半熔芝士包住入面嘅肉汁好juicy薯角放耐咗都仲暖同埋夠脆😉溫泉蛋卡邦尼扁意粉 $98撈埋蛋汁好creamy呢個份量啱啱好生椰拿鐵 $58男朋友話夠香濃😚草莓牛奶冰沙 $48飲落好smooth又解膩🍓呢間貓cafe特別在於:佢哋會接收浪浪或者棄貓再喺店內安排領養🤩我本身養開貓見呢到所有貓都好乾淨企理(☝🏻左下角係我隻大髀 居然有幸比貓店員i住瞓)摸落滑溜溜而且大多唔抗拒親人貓同貓之間又好fd痴到實一實感受到員工係真心錫d貓🥰⭐️Rumple港女評分⭐️味道: 4.5/5環境: 5/5服務: 5/5 抵食: 4.5/5Please follow Rumplestiltskin aka 名字古怪的小矮人呢個港女代你試盡香港好食好用嘅🤩

超耐無去過貓貓cafe☺️ 今次到訪旺角嘅「貓啡」治癒一下❤️ 場內環境溫馨又舒適，有大量適合貓貓遊玩休憩嘅設施👍 Cafe 還免費提供多款貓玩具，給客人與貓貓互動玩樂✅ 好正☺️ 先㨂咗一客貓啡安格斯牛肉漢堡配薯角😚 套餐即送小食同埋基本餐飲😆 好豐富大滿足🥰 漢堡賣相幾別緻😎 加貓耳朵作點綴好可愛❤️ 漢堡包經香煎，食落脆卜卜好香口😋 安格斯牛肉又厚又juicy🤩 加上半溶芝士，滋味邪惡又惹味😈 多添了一客牛角窩夫作甜品😍 擺盤精緻吸引，小小嘅貓腳印好得意🤗 窩夫香脆鬆化，層次感十足，伴糖漿、雪糕一齊享用，甜美無比非常可口👍 🐧❣️ 餐廳每月都會捐款俾慈善機構，令更多流浪動物得到幫助，非常有心👍 快D 黎消費支持下🤗 

近年亦頗流行去貓貓cafe，貓啡收養流浪貓，睇個樣以為貓貓好惡，點知系好痴人☺️客人於餐廳用餐，餐廳更會捐錢比慈善機構，幫助更多流浪動物。✿ 招牌明太子蟹肉意粉 $128就咁睇個意粉以為好細個，點知一整開之後份量好多😳明太子整成貓爪形狀好QQ👣忌廉同蟹肉頗多🦀成個意粉撈勻後做到掛汁好creamy🍝✿ 貓啡安格斯牛肉大啡菇漢堡配薯角 $128芝士芝味濃郁🧀安格斯牛肉果真不錯，牛肉肉味香濃🐮能夠鎖住肉汁。大啡菇都好juicy🍄薯角香脆可口。✿ 粉紅鮮果冰沙 $58個名好過癮🤭材料系有火龍果 百香果 菠蘿🍍火龍果本身好健康💖百香果清甜，菠蘿同樣，顏色黎講系火龍果顏色相對明顯😁✿ 鮮雜莓冰沙 $58雜莓味道向來清新，飲到多重莓味🍓🫐臨近夏天飲解暑一流。

【貓啡】重新裝修咗啊！地方更靚更大坐得更舒適，都多咗好多新成員。大部份為收養流浪貓 支持領養代替購買。有意領養更可直接向餐廳查詢，已經有唔少主子搵到好奴才搬家了。於餐廳消費餐廳都會每月捐錢比慈善機構 幫助更多流浪動物💪💪 理念一流 嘢食更加一啲都唔馬虎～Menu 都多咗選擇，今次叫咗卡邦尼啊，同雙層芝士肉醬意粉，兩樣都好有誠意。飲品方面加咗鮮果沙冰，真係新鮮水果冰打出嚟，超級有誠意！店員都好錫貓 亦係熟手。貓貓全部都親人親貓 貪玩。仲有超級煲水怪 會乖乖哋畀你抱住 任錫唔嬲 絕對係一個貓奴好地方🥰👍

旺角無低消，平日無限時嘅貓cafe！十幾隻貓貓陪我食飯，真係食得特別開心。而且餐廳入面好多都係流浪貓/棄養貓可以申請領養😸。🔸喵の優惠套餐Catfe Set $118招牌紅酒燴牛肋條意粉+ 是日小食 + 茉莉綠茶 🔸喵の優惠套餐Catfe Set $108自家製吉列豬扒咖喱意粉是日小食 美式咖啡 嘢食認真超晒班，尤其係意粉，有西餐廳級數💕。紅酒燴牛肋條蕃茄味好突出，酸酸地勁開胃。同埋估唔到咖喱配意粉會咁夾🤯。豬扒炸得香脆而且肉質好腍😋。

喵の優惠套餐 （包1小食/沙律、1主食、1餐飲） $128是日沙律以沙律醬調味，清新爽口招牌明太子蟹肉意粉明太子的鮮鹹搭配蟹肉和奶油醬底，加入明太子微微微微辣意，意粉被醬汁均勻包裹，較濃郁鹹香味重抹茶拿鐵抹茶和奶香帶來奶泡細膩濃密，較為香甜大啡菇黑松露意粉 $98帶有濃郁的黑松露香氣，面頭以一隻大啡菇點綴鍾意呢間Cafe嘅理念；呢間餐廳收養咗好多流浪🐱🐱，原本以為佢哋會比較怕生或者戒心重啲，但嚟到發現大部分都好親人，仲會主動接近客人！餐廳唔單止係一間🐱🐱cafe，仲會接收流浪貓或者被棄養嘅貓，想領養的話，可以直接喺店內申請，幫牠哋搵個溫暖嘅屋企。🏠🏠幫喵喵影咗好多可愛寫真相😍😍

已經成年冇去過貓cafe,咁岩佢send優惠活動95折俾我先去下，入去只係叫左杯凍嘅美式咖啡，$48 正常味道，但玩左幾個鐘，呢個價錢應該平過北上🫢🫢🫢我去個時12:00冇咩客，包場玩貓玩左勁耐，佢環境好靚地方乾淨，冇貓味。佢呢到有好多貓貓係等領養，如果會想領養貓可以即場申請，我見有D係布偶同英短黎，勁得意，可惜我屋企人貓毛過敏養唔到🥺有興趣領養嘅話一定要去睇吓「金仔」 佢勁勁勁得意🥰🥰🥰

今日出旺角上堂, 就早少少去食個lunch 順便探下喵🐱新店環境好舒服 幾有露營氣氛，地方好乾淨 睇住貓貓周圍跳上跳落 玩得好開心。成個氛圍好舒適 我坐坐下差啲唔記得咗要去上堂😂大蝦辣茄意粉，味道濃郁，蝦爽口加埋有蟹籽 口感唔錯👍🏼貓cafe 竟然食物都有驚喜凍黑咖啡 正常ok

樓下搬樓上意圖洗白🫠成班人淨系識解決提出問題嘅人而漠視問題本身🫠好意思話我又攻擊又騷擾員工💩對人無禮貌對貓無愛心...咪你地lo🫠錢就永遠識賺而愛心長期缺貨🙃好一間愛心cafe😛如果d貓識講野嘅話都一定日日開工鬧到你班人收工一個難民營搬去另一個難民營，越收越多仲慘過住劏房🫠其實又唔怪得你班員工嘅...你老世都根本無理過班貓生活系點，你地志在打份工出份糧嘅又點會上心呢？上樑不正咪下樑歪，淨系識靠貓賺錢但連同客人最基本嘅禮貌都無😊愛心？sorry哂...你呢間舖無喎🫠口口聲聲話用心照顧d貓先可以令佢地健健康康，但受傷最嚴重嘅永遠系最親口果隻，枉隻貓仲依然相信人...你話諷唔諷刺先😀每次對親客人都西口西面，比錢你賺反而好似得罪你咁款...做咩呢？唔想做咪辭職甚或叫老世直接執笠lo🙃貓又受罪，客人又受氣☺️