貓啡

營業中

休息中

一向好鍾意去貓Cafe，可以一邊食嘢，一邊見到啲貓貓，感覺好療癒。今次第一次到旺角貓啡樓上Cafe。環境舒適乾淨，木系風格極具格調，睇得出餐廳用心設計，整體感覺好舒服，幸福感滿滿。食物都吾錯，一啲都唔馬虎，貓控唔好錯過這個好地方喵之優惠套餐x2已包括小食、主食、飲品自家製吉列豬扒咖喱飯🍛自家製吉列豬扒酥脆惹味，配上咖喱，增加味道層次感日式溫泉蛋肉醬飯貓型飯好過癮，打卡一流，味道都唔差菠蘿百香果椰果梳打菠蘿百香果椰果梳打味道清甜解渴可口海鹽芝士奶蓋玫瑰紅茶海鹽芝士奶蓋好飲得𠻹帶點邪惡，鐘意淡淡的玫瑰香

我咁大個人係第一次去貓cafe，原來真係好開心，見到咁多貓貓真係好治癒🥰發現原來餐廳嘅貓貓大多數都係收養嘅流浪貓嚟，而且貓貓一啲都唔會惡，完全唔會咬人，仲會俾你摸 🥰有好多貓貓都會自動坐咗喺張凳上面，好親人好sweet☺️重點係餐廳嘅貓貓部份可以直接領養架！！！啱嘅話就可以出動帶主子回家🐱今日我哋就叫咗兩個貓之優惠套餐，一個係雙重芝士肉醬意粉🍝我本身就係芝士控，呢一個肉醬意粉嘅芝士量真係巨多，超級正😋另一個叫咗自製吉列豬扒咖喱飯，佢哋嘅飯仲係貓貓造型非常可愛😍好啱打卡，吉列豬扒好脆，都幾厚架！！😋，而我哋當日嘅小食係咖喱角，熱辣辣超香脆。飲品方面我哋叫咗朱古力咖啡同抹茶鮮奶拿鐵，兩杯都味道好好，好濃郁。我成日以為貓貓Cafe嘅主角係貓貓，但估唔到呢間貓Cafe嘅嘢食都咁正🤤

之前上網睇到呢間貓cafe如果無人等位+嗌左最低消費～$100食物/飲品就可以俾人任坐，所以搵左一日上去做野+玩貓+食野，結果去左一次之後短時間去左第二次🤣因為呢度真係好啱人上黎hea/溫書/做野😭環境舒服仲有好多好得意嘅貓陪，野食仲要唔差😋第一次食叫左招牌明太子蟹肉意粉（$108），巴馬火腿辣茄闊條麵 （$98），德國豬手配蜜糖芥末（$78）三款都好食，只係份量少🥹招牌明太子蟹肉意粉（$108）呢款意粉真係必叫，佢比我想像中足料，每啖都有蟹肉！好食！我會想叫多碟食🤣巴馬火腿辣茄闊條麵 （$98）呢款意粉就正常發揮，味道不錯👍🏻德國豬手配蜜糖芥末（$78）欣賞佢已經切成一片片，啱晒懶人唔想啃骨😂味道比想像中好食🤤喺鬧市比百幾蚊有野食有貓玩有得任坐，我會再黎😍

🐷📌 #豬西食旺角 #豬西食九龍.貓啡 Catfe 係旺角最大嘅貓Cafe，有2000呎咁大架！據報有多達38位主子陪大家食飯～ 面且你每食一餐飯，都係幫助更多嘅浪浪非繁忙時段可以不限時同主子玩，仲可以即場申請領養貓貓回家！！食滿$98就可以全日任坐～ 任你同貓主子玩 見到有啲中學生喺度溫書！一路溫書做數學，一路可以玩貓，啲貓貓貓有啲都幾痴人，整體都幾Nice！但唔好過份地「蹂躪」佢地呀！😆.🐷招牌明太子蟹肉扁意粉明太子蟹肉扁意粉味道濃郁，明太子香氣十足，蟹肉鮮甜，意粉煮得彈牙，份量足夠，食落好滿足。除此之外，仲有兩個貓掌嘅圖案，都真係幾Cute架！.🐷喵の優惠套餐（招牌紅酒燴牛肋條飯＋是日小食（咖喱角）＋凍蜂蜜柚子茶）優惠套餐性價比高，紅酒燴牛肋條飯牛肋條軟腍入味，個醬濃得來又唔會太膩，而且啲飯仲切咗個貓貓嘅圖案，非常可愛～咖喱角香脆，凍蜂蜜柚子茶清新解渴，整體配搭好好，食完心情好。.貓啡📍旺角彌敦道577號高氏大樓4樓.

旺角又有貓cafe啦， 熱愛貓星人必去！🐱🐱這間貓cafe算大，食物質素也一般貓cafe高！原來這裡的貓咪也是被遺棄或是流浪貓🥹🥹但牠們也很溫純，完全不怕人☺️可以互動！ 有心儀的貓咪還可以領養🤩🤩我們叫了2份貓咪套餐，包前菜和飲品.💠 雙重芝士焗肉醬意粉 濃郁的番茄肉醬搭配雙重芝士，鹹香中帶微酸，芝士焦烤後增添煙燻香😚😚意粉軟硬度適中，表面芝士層焗至金黃酥脆，內層拉絲😋肉醬飽滿多汁😄💠咖哩角 酥皮極脆、輕盈不油膩💠海鹽芝土奶蓋炭焙鐵觀音茶味濃郁，芝士奶蓋奶香醇厚不膩🤓清爽解膩😛💠溫泉蛋卡邦尼扁意粉 煙燻培根鹹香😚扁意粉吸附醬汁力強，口感彈牙🤩🤩溫泉蛋劃破後更顯滑順濃稠🤤💠抹茶拿鐵質地絲滑綿密，苦甜柔和👍👍

因為屋企養唔到貓嘅關係，又想去玩下貓，就响OpenRice搵到呢間貓cafe。「喵啡」响旺角非常方便，因為冇book位，等咗10分鐘左右。入到店好衛生企理，亦有好多唔同品種嘅貓咪，好多都好乖可以比人摸。店入面嘅有部份嘅貓可以提供領養，待有心人比貓咪一個溫暖嘅家。除咗玩貓外，食都係重點之一，佢有好多食品同飲品選擇，我地揀咗招牌明太子蟹肉意粉同貓啡安格斯牛肉漢堡配薯角。一直以為貓cafe冇咩好食，估唔到「喵啡」嘅食物質素有驚喜。招牌明太子蟹肉意粉 $108有驚喜嘅菜式，味道濃厚夠creamy，明太子亦冇掩蓋蟹肉嘅味道，值得一試。貓啡安格斯牛肉漢堡配薯角 $118唔知係想將個包整到貓嘅樣定係走咗樣，感覺外表怪怪地，但係無損佢嘅美味。極厚嘅牛肉漢堡，肉汁juicy，牛味亦好香，加上芝士，口感豐富。

呢間係旺角嘅樓上貓Cafe環境舒適，除咗有可愛貓貓陪伴，仲有board game，可以同朋友一齊慢慢chill，玩到唔想走！🎲😻佢哋大部分貓咪都係收養流浪貓，原本以為會有啲怕羞，但每隻貓都好親民，真係超可愛！有隻仲會好似隻豹咁成日高速飛奔🤣❤️ 我一入到去，就已經被佢哋吸引住啦！除咗貓貓可愛，野食方面都唔錯！推介佢哋嘅招牌明太子蟹肉意粉，明太子味香濃🍝 仲有貓啡大啡菇安格斯牛肉漢堡，鮮嫩多汁，食落去好滿足，仲帶有貓貓元素，真係可愛到爆！🐱🍔最值得一提係，呢間餐廳每月都會捐錢比慈善機構，幫助更多流浪動物，真係好有心！我諗我之後會成日嚟幫襯，支持佢哋嘅好事！🥹🤣#貓啡 #領養代替購買 #即場申請領養 #領養 #浪浪中途站 #浪浪 #貓 #貓cafe #旺角美食 #美食 #cat #香港貓Cafe

位於旺角彌敦道高氏大廈的貓啡，簡直係貓奴與美食愛好者嘅天堂！一入到餐廳，就被可愛的貓咪環繞，心情立刻變得輕鬆愉快。😻首先，我試咗佢哋嘅**招牌紅酒燴牛肋條飯**。這道菜一上桌，色澤深紅且光澤誘人，牛肋條上面淋上豐富的紅酒醬汁，香氣四溢，令人食指大動。牛肋條煮得軟嫩，肉質彈牙，入口即化，搭配上香濃的醬汁，簡直係味蕾的享受！米飯吸收了醬汁的精華，每一口都有著濃厚的風味，真係食到心滿意足！🍷接下來就係**蜂蜜烤雞翼**，外皮金黃酥脆，散發出淡淡的蜂蜜香氣，令人忍不住想立即咬一口！雞翼肉質鮮嫩，甜中帶鹹，口感層次分明，咬下去的瞬間，連同香脆的外皮，簡直係為味蕾帶來一場派對！每一口都令我心情大好，啖啖都係幸福感！🍯在享受美食的同時，周圍的貓咪們在你身邊嬉戲，讓整個用餐體驗更加溫馨，仿佛回到無憂無慮的童年。貓啡不單止係個餐廳，更係一個可以放鬆心情、享受生活的小天地。總括來說，貓啡以其獨特的貓咪主題和美味的菜式，絕對值得一試！如果你係愛貓又愛食的人，記得來這裡感受下美食與貓咪的完美結合！✨

因為我去戈日都算特別日子,已有心理準備係咩類型既客多唔係地方大就一定好,,相反有時縮窄人同貓既距離會更有親切感或者就係因為咁似屋企有d地方真係似餐廳,高檯高椅佔多數呢度真係就返貓平時活動既高度,真係以貓為本既令人放鬆,,有種down to earth既feel可能有緣啦,,有d貓唔好話抱,,摸都唔太願比人摸戈日有隻橘貓走左埋黎,我盤腿坐,,佢就坐左上黎差唔多15分鐘離開我,佢都係一直坐返我正對面訓覺最後唔駛吸印仔戈d,,,我都一定會再黎

今日嚟呢間旺角貓Cafe冇入場費，又歡迎小朋友，大部份都係流浪貓，不過d貓貓都好友善，就算小朋友去騷擾瞓緊覺嘅貓貓都任佢摸招牌明太子蟹肉扁意粉賣相好可愛，加咗貓貓腳印。意粉軟硬適中，蟹肉鮮味，配埋咸香明太子，醬汁幾Creamy，推介雙重芝士焗肉醬意粉上碟嘅時候熱辣辣，芝士好香，肉醬蕃茄味香濃，意粉軟硬適中另外有套餐可以配是日小食 （炸春卷）及飲品，春卷炸得好香脆，又唔會太油膩菠蘿百香果椰果梳打 梳打加入菠蘿同百香果非常清新，酸酸甜甜好開胃，夏日消暑一流整體食物質素比其他貓Cafe好，餐廳會接收流浪貓同被棄養的貓貓，亦提供領養服務，具社會責任，愛貓人士可以多多支持

同小朋友去貓貓cafe😺佢地好開心🥳🥳真係好多貓貓😻超過十隻數量，每一隻都有唔同性格，店員都仔細介紹💓💗🐾喵優惠套餐😺主食部份雙重芝士肉醬意粉肉醬整得入味，上碟已經好香，食落有濃郁芝士味，意粉超掛汁溫泉蛋卡邦尼意粉口感超豐厚，溫泉蛋好有蛋香，卡邦尼個醬超滿意紅酒燴牛肋條飯牛肋條好有囗感，红酒的酒香，蕃茄的酸甜，食落好豐富每個套餐都有小食和餐飲，熱飲☕仲會有貓貓腳掌，真係好打耳🐾下次一定會再來探望貓貓，多數cafe好少歡迎小朋友，呢到周圍玩都冇問題，仲可以慢慢嘆美食🥰😺貓啡😻📌油麻地彌敦道577號高氏大樓4樓

朋友知我女鐘意貓貓🐱，同我講旺角新開咗間貓貓cafe👉🏻貓啡，叫我帶個女去玩吓貓🐱一嚟到我女勁開心四圍搵貓貓玩🫶🏻大部分貓Cafe都未必歡迎小朋友不過呢到就可以周圍玩，而我就可以慢慢嘆吓😌🍛招牌紅酒燴牛肋條飯 $98個飯整咗貓貓造型好可愛，牛肋條牛味濃郁，配搭紅酒汁好香，送飯一流🥔滋味炸薯角配黑松露沙律醬 $48著角炸得金黃香脆，叫比小朋友食，兩個極速清晒🍹玫瑰荔枝椰果梳打 $48荔枝椰果梳打味道香甜，感覺好清新🍹菠蘿沙冰 $48菠蘿沙冰打得綿密細滑，味道酸甜好開胃

旺角呢間「貓啡」，真係被班貓主子萌到暈！大隻細隻都有，仲有唔同品種，有啲懶洋洋瞓到反肚，有啲就好奇咁望實你，成個人即刻放鬆晒～ 試咗佢哋嘅招牌明太子蟹肉闊條麵，蟹肉鮮甜，明太子醬汁濃郁，撈埋闊條麵好夾！免治牛肉飯就得意到爆，飯整成貓咪形狀，連個碟都印住貓爪，打卡一流，味道就中規中矩啦～ 最暖心的係，呢度嘅貓貓大部分都係被棄養或者流浪貓，餐廳仲提供領養申請，等佢哋有個溫暖的家。而且每消費一蚊，店家都會捐部分收益幫更多流浪動物，真係食得開心又做得善事！貓奴們必去啊～

心目中 如果要去一間貓Cafe 我都會揀呢間 搬咗新舖 環境更好更加靚喜歡貓的人 都希望小貓有好歸宿所以定期有領養活動 今次見到其中一隻小貓已搵到新主人所以覺得呢間Cafe更有溫度食物方面 我哋專程來食lunch Meow 套餐 份量都幾飽肚芝士焗肉醬意粉 🍝肉醬份量幾多 芝士香濃作為正餐好足夠 即叫即焗 幾好食㗎飲品方面，選了生椰拿鐵 椰子味同咖啡好夾 和平時Cafe飲到的差唔多有貓貓陪你飲特別好飲你睇吓佢有心心圖案❤️這裏的店員都特別有愛心 真的愛貓而且清潔得好好 所以環境方面都好舒服但係其中一個小缺點，小貓會趁你唔覺意佔位 一不留神 就冇咗個位

小朋友鍾意與動物互動，揀左間貓cafe，呢度貓貓都好親民🥰仲要無限時既，鍾意坐幾耐都得，小朋友都玩到唔想走🤭🤭呢度好似一個大走廊咁，貓貓會行黎行去，仲可以買貓條餵貓貓🐱所以食物容器都同貓有關，好可愛😻▫️溫泉蛋卡邦尼意粉意粉汁濃度非常高，味道都岩岩好👍🏻小朋友教食到唔停口▪️意式雜錦辣肉腸薄餅個餅皮夠薄，邊邊位都好脆口，份量都恰到好處▫️招牌紅酒燴牛肋條飯牛肋條燴得好夠冧，而且啖啖肉😋▪️大啡菇黑松露扁意粉大啡菇多汁又夠香，配埋黑松露，簡直絕配👍🏻