影片
港鐵油麻地站 A1 出口, 步行約3分鐘
繼續閱讀
電話號碼
96646361
開飯介紹
佔地2,000呎的露營主題貓Cafe，供應輕食為主，多達逾30位主子陪伴用餐。這裡同時是「浪浪收容所」，與開放領養的貓咪互動後覺得合意的話，更可即場申請將貓貓猜回家。
繼續閱讀
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
有關獎賞計劃
招牌菜
想搵個地方傾計，同伴提議嚟呢間貓cafe。一般嚟講，主題cafe/餐廳雖然有特色，但distraction會多少少，幸好呢度的貓咪多數係靜靜哋休息，食客亦好尊重佢哋，唔會追住玩，所以都令人幾放鬆。之前睇過介紹，好似每人最低消費$100，當致電訂位時獲知每人只需點1杯飲品或1客小食，門檻極低，而平日更無限時任坐。如果要搵個地方hea，呢度都係一個好選擇。熱抹茶鮮奶：$38再加一，價格同一般cafe差唔多；份量同味道正常；飲品微甜，奶味多過抹茶味喺cafe入面，食客可席地而坐或者坐正式餐檯，但好少食客會坐櫈，可能大家都想同貓貓拉近距離。嚟之前有睇過一啲食評，話店內部分貓貓的健康狀況令人擔心，有脫毛、皮膚發炎或過瘦等問題。呢啲情況真係有出現，不過眼見只係少數，而正常家貓都會病既，應該唔使過分憂慮？另外，最近門口的一張鞦韆吊椅連檯由店員佔據，見檯上放有毛梳，店員得閒時會打理下啲貓貓，而cafe內長毛貓咪的毛毛亦非常鬆軟，冇打結，店入面放咗幾大盤貓乾糧...應該唔需要太擔心~~最後，呢度的冷氣真係弱，而凍飲同熱飲價錢相差$10又有少少唔合理。不過，作為主題cafe，如果只係點1杯飲品，消費真係好低㗎喇，不妨支持下。
繼續閱讀
今日同小baby去貓貓cafe真係好好玩好開心呀🥰一般貓cafe都要大人陪同同貓貓玩，而呢度係可以比大家隨意接近貓貓😺而餐廳大部份都係收養的流浪貓，本來以為流浪貓會好惡，但呢到個D大部份都好親人🩷🩷我地嗌左雙重芝士焗肉醬意粉，份量岩岩好比我地share食，而蜂蜜烤雞翼好香甜多汁，小朋友最愛💕💕而蘋果汁同朱古力鮮奶都大大杯夠我地坐咁耐，飲咁耐😊而且仲有遊戲玩，岩哂大人小朋友～一邊同貓貓玩一邊娛樂之餘，仲可以醫飽肚仔😍😍
繼續閱讀
嚟呢度一次滿足三個願望有飲有食又有貓貓同你玩好多時呢啲cafe都麻麻！因為諗住有貓貓做左噱頭其他野就求求其其啲算數但呢間食物質素真係唔錯叫左明太子蟹肉意粉套餐同紅酒牛肋條飯套餐試下明太子意粉醬汁creamy每條意粉都比醬汁包覆住牛肋軟腍醬汁濃郁好送飯而且個飯係貓貓形好可愛如果中意坐cafe飲杯野嘅不妨叫杯抹茶拿鐵好rich呢度啲貓貓都好乖唔搗亂唔講都唔知原來係流浪貓唔惡又會同人玩合眼緣嘅仲可以直接店內申請領養給貓貓一個舒適的家🥰—————————————————————
繼續閱讀
尖沙咀發現咗一間貓啡，愛貓人士打卡熱點。親身試過啲嘢食都唔錯，而且仲好抵食。得閒可以過嚟玩吓貓順便食埋嘢😋好抵食，兩個人叫咗兩個set埋單先至200多少少有齊晒食沙律、飲品同埋主食。煮食方面有意粉同pizza可以選擇。招牌明太子蟹肉扁意粉 +是日小食 +橙汁蟹肉意粉醬汁濃郁，每一條意粉都黐咗蟹肉醬。小食揀咗炸油角。一樣咁酥脆好味。溫泉蛋卡邦尼扁意粉 +是日沙律 +朱古力卡邦尼意粉煮得啱啱好，意粉彈牙煙靭。溫泉蛋滑溜。朱古力唔會太甜啱啱好。
繼續閱讀
🐈💖露營風貓Cafe，環境寬敞又乾淨，真係好Chill！假期遇上雨天，來呢度玩最適合不過！開張期間仲不設最低消費，想Hea足成日都得！🏕️一入黎就被貓貓包圍著，好幸福呀！我哋點咗兩個餐，包小食/沙律+主食+飲品，性價比超高！味道意外地好食，feel到佢哋用心製作！😍（第一次喺貓Cafe食到咁高質）🌟 自家製吉列豬扒飯（$108）豬扒外脆內嫩，搭配香甜的咖喱，簡直係完美配搭！而且貓貓造型實在太可愛啦！🐱💕🌟 招牌紅酒燴牛肋條飯（$118）牛肋條軟腍入味，紅酒蕃茄汁越食越開胃，果然係招牌菜！貓仔頭造型更加吸引！🤩飲品方面，朱古力咖啡上面仲有可愛貓爪圖案，粉紅鮮果沙冰（+$8）更加推介，火龍果、百香果同菠蘿既組合，清新refreshing！🍍✨❤️整個體驗真係好治癒，貓貓都好乖好可愛。呢度有38隻可愛嘅主子，部分係流浪貓同被棄養的貓貓，如果你想領養，仲可以即場申請，真係超有愛心！
繼續閱讀