貓之眼

營業中

休息中

晚上夜放工，天氣又凍，於是在公司附近搵食。昨晚才在汕頭街食完的喇沙麵，今日就試吓這間蛋包飯店。點了咖喱豬肉燴牛肉蛋包飯。等了幾分鐘就有得食。蛋包飯：首先這不是傳統的日式蛋包飯，而是蛋鋪在飯上邊。蛋軟滑好味。燴牛肉：肉好像是一片片的肥牛，燴汁有洋蔥，味道是一般的日式汁。分量足夠。咖喱豬肉：豬肉是粒狀的，份量少得可憐，我碟得三粒豬肉。咖喱汁有紅蘿蔔粒和洋蔥，味道😋。一向都對日式咖喱汁麻麻。這個咖喱汁和一般的日式咖喱汁不同，唔知點形容，我覺得非常好味。I give them the benefit of the doubt,可能是接近收鋪所以豬肉小了。希望店主能夠在咖喱豬肉汁內加多啲料，豬肉或者紅蘿蔔粒都好，不至望落去水汪汪。

呢間日式蛋包飯係灣仔幾出名，又係公司附近，就搵日嚟試下！以貓眼形嘅蛋包飯作招牌， 淨係賣相已經超可愛！今次同朋友叫咗2款試咗3隻味：忌廉雞肉＋咖喱豬肉 $79咖喱豬肉＋濃茄牛肉 $79★★★忌廉雞肉雞肉有點少，白汁唔會話太濃，不過尚算creamy有陣奶香。★★★★咖喱豬肉不太辛口嘅傳統日式咖喱，附有洋蔥同紅蘿蔔粒，睇嚟佢地真係落足料。再配上香濃嘅滑蛋，口感好滑溜好正！★★★★★濃茄牛肉茄汁非常之濃郁甜甜地唔會太酸，牛肉亦好夠稔據聞醬汁是慢煮了八小時的，帶著濃濃的牛肉香和蔬菜的甜，非常惹味。最正都係呢一款！★★★★★值得一讚係佢嘅蛋真係非常之香滑，配返日本米好好食～份量非常足夠，多飯唔洗加錢，完全唔洗擔心唔夠飽。最後把整碟吃光就可見到可愛的貓貓同你講(人''▽｀)ありがとう☆差D想奶乾淨隻碟哈哈。希望下次可以試埋手打牛肉漢堡扒啦（呢個好快賣晒！）貓之眼CATS' EYE整體評分★★★★地理環境★★★★★寫字樓地段岩晒返工人士，又易搵，日式裝演唔錯。服務★★★★★店員好好笑容！十分有禮，態度親切。食物★★★★整體都好食，主要係賣相吸引！濃茄牛肉值得讚，忌廉雞肉就建議濃身D價格★★★日式餐廳

平時睇飲食節目見到主持人食日式咖哩蛋包飯食到Jap jap 聲，今之倖存者特登早放Lunch去排呢間長期有人龍係門口嘅貓之眼!冒住俾腦細ko嘅風險，倖存者同同事一坐底就已經決定好-一定要叫咖哩汁！店內主打3種醬汁（有唔同醬汁配搭）：忌廉汁、咖哩汁同紅酒燴牛汁。如果要倖存者排ranking, 咖哩汁第一，其次係忌廉，之後係紅酒門口仲未有人嘅時候和牛漢堡扒+蛋包飯+咖哩汁 $98蛋汁滿佈煎蛋表面，以金黃嫩滑嘅蛋包飯作分界，6cm厚嘅漢堡扒鬆軟綿密，一層層互相交疊，外面微微煎了封鎖肉汁和絲絲香氣，一咬肉味濃郁四射。至於日式咖哩同樣驚喜不斷，有別於一般急凍咖哩，咖哩汁黏稠適中，散發陣陣肉桂香味，呼吸時咖哩香味圍繞鼻腔

喺香港好難搵到一間好食嘅蛋包飯而呢間係灣仔嘅鋪頭細細地大概要輪候10至15分鐘左右雖然鋪頭比較細但係佢嘅蛋包飯真係試過之後覺得同其他冇得比而且佢係有多款配搭有唔同嘅配料選擇，而且地點喺利東街附近好適合行完街就去食。而且侍應嘅服務態度都好好笑容十足除此之外佢嘅蕃茄牛腩做到好入味而且牛腩一啲都唔韌真係一試難忘如果有時間真係等多陣都唔介意不過可惜嘅係套餐加嘢飲比較貴但價錢來講都算可以接受嘅下次一定會再幫襯

放工好肚餓 急急腳醫肚餐牌主要係食蛋包飯可以揀唔同嘅口味配蛋包飯可以要求多飯或者少飯（no extra charge)我同老公決定每人揀兩個口味等大家可以share-和牛漢堡燴牛肉漢堡飯-咖喱牛肋濃茄汁蛋包飯個和牛漢堡超好味 軟身 送蛋包飯一流咖喱一啲都唔辣 香而好mild三歲細路仔應該都食到個蛋好滑身 自己係屋企整極都整唔到我呢個芝士迷一見到有日式芝士魚肉條當然唔執輸當appetiser 幾好 過下口癮 啲芝士係會爆漿出嚟店員有主動refill 水食完返出門口8:15左右 已經有大概10個人喺度排緊隊

灣仔有好野食推介！係蛋包飯呀❗️🤤好耐冇食蛋包飯了。呢間既服務態度好好👍🏻Walk in only , 我地星期五715pm左右到岩岩係最後兩個位，我見730果陣外面都有人排隊喇🙊. 咖喱豬肉+濃茄牛肉 $79呢兩個汁都好味🤤肉質都吾錯，送飯食一流呀。蛋好滑！！富有蛋香加蛋汁😍.忌廉雞肉+和牛漢堡蛋包飯 $95反而呢個有小小失望，和牛漢堡肉質係夠腍，不過可能煎耐左，有啲苦澀味🙈忌廉雞肉就不過不失。.兩個飯都好大碟、價錢合理！

同男朋友行街最大的難題就係搵野食係灣仔街道隨處閒逛 比我地發現到里間隱世美店時不而遲 去相！我地係排隊既時間做足準備功課知道最多人叫就會咖哩豬肉、燴牛肉同海鮮雞汁難得一場黎到 我地當然叫埋人氣漢堡扒喇甘樣兩個人就可以試哂4隻口味一上台 我地就即刻食左一啖蛋包飯滑蛋配飯真係超好食三種肉汁都各有出色要叫我推介 我只可以講句 打和喇Super係食完之後都念念不忘的美食但說實在 漢堡扒試一次就可以了因為扒上台時只係微溫而肉質亦鬆散 不過個汁拯救了所以推介兩個或以上既朋友仔黎甘就可以一次過試哂甘多隻味lu

特選和牛漢堡三色蛋包飯 $108為左試呢間人龍蛋包飯 果晚6點幾就去到唔洗排隊 店員安排我地坐喺暗角位 然後熱心咁介紹食物 中途仲會瘋狂加水好盡責 走果陣都好有禮貌很warm的🙂蛋包飯醬汁得咖哩豬肉 忌廉雞肉 濃茄牛肉 燴牛肉呢四款揀 點餐紙果兩款特選三拼看似被set死 不過原來可以改汁! 將重覆既咖哩豬肉改做燴牛肉汁 咁就可以試齊四款!! 太聰明了🤫呢碟野似唔似貓之眼就見人見智🐱 呢度既忌廉汁特別有奶味 好濃好正👍🏻👍🏻 雞肉都正正常常 濃茄汁燉牛肉幾軟熟👍🏻 不過個汁蕃茄味唔夠濃所以怪怪的 燴牛肉反而會係配薄牛肉(食落有d似豬肉?_?) 個汁牛肉味幾濃厚幾正 咖哩味道就溫和派 蛋都夠嫩滑 撈飯一流😋試埋個手打和牛漢堡扒先夠圓滿架嘛 拳頭咁大個👊🏻 勁厚肉 咬落絕對唔會好似拳頭咁硬 好鬆軟好juicy😍😍 佢本身都淋上左醬汁 鹹鹹地幾惹味 不過牛味唔算突出

上班的日子很多時候都會在灣仔區的食肆享用午餐, 間中會到不同的日式餐廳吃午飯。這家蛋包飯專門店餐廳是我我喜歡的餐廳之一。值得一讚的是 - 我每次去吃午飯, 上菜時, 蛋包飯都是熱騰騰的, 十分新鮮, 天冷時吃這個蛋包飯倍感高興。蛋包飯的賣相十分日式, 味道很豐富。中間是滑蛋蓋著白飯, 不喜歡多汁的朋友也不用太擔心, 因為中間的白飯被蛋覆蓋, 其實沒有沾到很多汁。喜歡多汁的朋友則可以用左右兩旁的咖哩汁和濃茄汁拌飯。日式咖哩汁很香, 豬肉嫩滑。 濃茄汁的蕃茄味和牛肉的味道亦很配合。蛋有蛋香, 整體味道一流。份量比一般茶餐廳少, 胃口較大的男士們未必夠飽, 可能要加錢要雙倍豬/牛肉, 或者加沙律/小食。

老友就黎搬屋，話佢最唔捨得就係呢間蛋包飯。夜晚7點零去到，要等位。舖頭細細，得10個座位度，等左十幾分鐘。製作時間大概10-15分鐘，呢餐都算等得耐。但食到好味的蛋包飯覺得係值得嘅。首先，個蛋包飯唔係蛋皮而係炒蛋，滑嫩嘅炒蛋包住日本米，已經好吸引。再黎和牛漢堡扒，秘製燒汁唔甜唔膩，送飯一流，牛肉肉質鮮嫩多汁，厚切，好滿足。忌廉雞，雞肉滑嫩，白汁唔會油膩，甜度啱啱好，係難得嘅味道。我又試過朋友嘅咖哩豬同鮮茄牛，牛肉入口即化，茄汁濃滑惹味，咖哩甜辣平衡，如果有三個胃我想下次食三拼😂今次蛋包飯好令人驚喜，我諗我會再黎幫襯

1.服務員安排了兩位客人坐吧位，其間不停叫其客人坐入啲比佢經過傳菜。由於身型較大嘅客人已經冇位再坐入啲，因為吧位的設計冇預足夠的走廊傳菜，所以客人提議不如讓他們坐非吧位，原意是給予服務員更多空間。其實店內非吧位的空位有很多，而且冇人排隊，服務員都卻用晦氣態度說無可奈何，不願安排調位，並說：如设那身型大的客人不能坐入啲，恐怕食物會不小心倒在他身上。非不能而不為也吧？2.服務員有在樓面撩耳屎，再傳食物給客人，漠視食物衛生。

每次去灣仔必吃的蛋包飯，正確來說是滑蛋飯。我叫了咖哩豬肉拼忌廉雞肉$78，不想吃太多飯所以叫了少飯。咖哩是甜咖哩，多汁好吃。店員親切有禮，多次問我們要不要加水。

是咁的，去完日本成個月好掛住日本嘅嘢食，就約左FD子去試下食日式嘅蛋包飯。去到門口都有成十幾個人排隊，排左約十幾分鐘就入到餐廳都算幾快。豬肉煮得好軟腍，配上日式咖哩汁甜而不膩啱啱好。和牛漢堡入口啖啖肉，肉質好嫩，咬落有少少肉汁流出嚟幾正。雞肉煮得好嫩滑，加埋忌廉汁香氣芬馥，入口又唔會覺好膩。飯係用日本米，食落唔會太硬幾易入口。雞蛋整得好滑，配上唔同嘅醬汁令人食到停唔到口。成餐飯配上樽裝可樂簡直係畫龍點睛起香港食過好多間蛋包飯，而呢一間係試過嘅嚟講最好食同最日式， 好值得一試

心血來潮想食漢堡扒，雖然香港無乜漢堡扒專門店，好彩記得依間蛋包飯嘅其中一道招牌菜係自家製漢堡扒，坐言起行即刻去解下癮一嚟係星期日，二嚟聖誕節隔離利東街打卡位效應，比想像中多人排隊好彩前面排左3～4檯都入得好快，等左15分鐘就入得，負責安排入座既姨姨仲好有禮貌今次叫左牛肉汁+白汁嘅蛋包飯再加漢堡扒，雖然主角漢堡扒就梗係好好味，但係第一次試白汁都好有驚喜！個汁嘅湯底有心機整，入口嗒落有層次；平時去到通常係揀咖哩同牛肉汁，下次就要心大心細諗下先喇

通常排15分鐘左右就可以入座，上餐快，水準穩定，如果唔趕時間都會行來呢頭食。服務好有禮貌，客氣，會主動加水。其實最出名的是漢堡肉，但總是忘記點這個。如果抽油煙可以加強就好了，或者用玻璃隔開廚房，油煙味太勁，返到公司同事都說好大陣味。