豬屋日本料理

營業中

休息中

自從男人買了車，好像少了在家附近覓食。這個星期五，因為第二天早上要很早起，又累又有點頭痛，想吃日本菜，但不想去太遠或和人迫，便決定去附近價錢相宜的豬屋。這間豬屋，其實已經去過很多次，環境算舒適，座位也不算太迫，不過長期也很多人。這天6時多到達，已經9成滿。這裡的食物選擇不少，晚飯時段有多款定食選擇，黑板上還有小食推介、特價小食和新𦬕品優惠的餐牌。鹽燒牛舌(2串）$45沒想到是這麼大件，根本不像平常串燒牛舌的大小，大件到有如平常餐廳的兩碟份量。牛舌燒到微微脆邊，肉質鬆軟，只以少量鹽作調味胡椒味，入口牛味十足。沖繩便當 $90便當包括吉列千層芝心豬扒、汁燒金菇牛肉卷2件、味付螺肉、三款刺身和咖喱飯。吉列千層芝心豬扒不太感受到千層，但吃得到芝士味芝士，炸漿厚度可接受，豬扒質素亦屬正常，不會太油膩。汁燒金菇牛肉卷包得夠紮實，牛肉不會太乾太粗糙。3款刺身都很大件，沒有腥味，亦非冰凍只餘雪味，三文魚是肥美的，帶子和蝦不會太黏。味付螺肉解凍做得唔錯，不會入口冰凍的，亦沒有醬汁比螺肉還多的情況。咖喱飯的咖喱汁味道就和市門做得不錯的日式即食咖喱一樣，甘口帶微辛，還有薯仔粒和洋蔥，飯煮得軟硬剛好，口感微黏

咁啱尼開大圍，諗住捉緊今次既機會，探索下呢度既美食！本身其實就target左對面既一間泰國菜。不過一去到已經係人山人海，等左陣都係覺得太肚餓啦，所以決定臨時轉軚。我地兩個人就每人叫左一個便當啦。份量尼講就唔係話好多，勝在種類多，有齊前菜、配菜、小食、壽司等等。呢份便當總共5種食物啦。左上既蟹柳都冇咩特別，左下既加州卷就麻麻啦。右上既餃子算係最好，右下既中華沙律就恕我唔識欣賞啦。咖喱飯就不過不失啦。左上天婦羅都唔太差，右上軟榖蟹就幾好，可能因為我本身中意食既關係。左下三文魚冇咩特別，螺肉反而唔差，咖喱飯就唔再提啦。所以大家都見到架啦，總之就係冇咩特別。呢個價錢，可能我會expect更多啦！！

上次來過豬屋日本料理食炸豬扒便當，味道都不錯，價錢很公道。這次再一次來食壽司！！！在門口等了一會先就能入座了，這兒的壽司全是長壽司和大件壽司，配料都比外面的多，特別合我這喜歡”食餸多過食飯”的人。點了數件壽司 蟹籽，中華沙拉和螺肉。村料真的很多，弄成了一座小山丘，而味道都是正常味道，不過不失。喜歡這些壽司的人可一試。我還點了鰻魚壽司同鮮帶子壽司。鰻魚就是很長很長的，賣相差了一點，但是味道很好，鰻魚沒有小刺，燒得很香，鰻魚配合店家所製之鰻魚醬，十分推薦。鮮帶子壽司，1個壽司用了整整2個帶子，份量很多，帶子十分鮮味。燒三文魚配魚籽壽司飯這個飯不同吉野家的三文魚魚籽飯，那兒是用三文魚碎的，而且不是燒熟，口感都比較粗糙。但這兒的三文魚配上沙拉醬燒，配合醬油和芥末的感覺，三文魚的香味，配上進口即化的感覺和魚籽的脆脆口感，實是難以形容，喜歡肥美香味的人定要嘗一嘗。原給這個飯100分的，但是甜品比較普通，只是雪米糍，印象減了一點。順道一提，店家給的綠茶不是普通預先調好的茶，而是給綠茶包，帶有點點的玄米香味，作為解膩很好，店員亦不忘為我加水，服務都很好。

今晚食到從未如此難食嘅滑蛋豬排飯，D蛋全部鼓油色，全無滑蛋可言，D豬排無肉汁，炸到賣相難以形容，諗住賣相不好，也可能好吃，點知一吃中伏，D飯係最敗筆，完全非日本米or 珍珠米，用一般中國米....這何為日式料理。Shit.... 好評，相信全是自編自導，一個豬排飯都如此難食，其他魚生或料理真的不敢恭維⋯⋯無下次😖

最近我個好兄弟介紹我沙田有間日本餐廳價錢夠貼地,而且又好食,今日放假就專程過黎試試龍與鳳.餐廳門口木色設計,感覺好溫和,好似家庭小店,而且真係有隻豬係招牌到,但我廢事係人地舖門口影相,所以冇相睇.我主要都係想食壽司, 呢度壽司類似元朗田X,都係主打足料壽司,價錢好親民.有頭甜蝦壽司,有3隻有頭大甜蝦,一件都好似係$18蚊,徐番都係$6一隻,抵食.至於甜蝦好新鮮,我直頭連蝦頭既膏都啜曬.灸燒左口魚壽司 $22有2件左口魚味道相信唔洗多講,主要係食入口即溶感覺同果陣獨特既油香味. 左口魚經過燒一燒後, 魚油逼曬出黎,入口即溶,一試難忘.灸燒三文魚蟹子飯 好似60幾蚊呢個係晚餐set黎,送味噌湯同甜品.甜品就冇咩驚喜,只係一般放題食到既雪米糍.驚喜反而係味噌湯身上, 加左三文魚肉去煮,淡淡地既味噌,搭上三文魚既香味,小店配合得好好,平時唔種意飲味噌湯既我都飲曬, 因為味噌味唔會太重,即使飲完都唔會口乾.到主菜出現了燒三文魚飯+沙律醬去燒,入口即溶,沙律醬都唔會蓋過三文魚本身既香味.以前食過好多地方既呢個飯,都做唔到入口即洛既感覺,但係呢度做到,揾番我最愛既感覺.蟹子份量都絕對唔孤寒,入口脆卜

Had a bad experience. I ordered a 62$ cheesy pork chop. There were no pork chops in my delivery, only a small salad. Contacted Delivery company and was told they would partially refund me 42$ because the salad was delivered and was worth $20 according to the restaurant. I never touched the salad and offered to have it returned but they insisted they could only refund 42$ due to the restaurant valueing the salad at 20$.This is not the right way to treat customers. Especially since the salad isn't

So lucky me, my dad took me for Japanese dinner after Itold her that I have got 6.5 points in Ielts. At first, we wanna try Kumano Japanese restaurant butthere was no space for parking nearby. So we drove around tai wai and we finally chose pig house as thename is cute though there is no menu with English version.Although the name is so called pig house Japanese restaurant,the majority of dinner set is “bento”.The portion per bento is quitebig so we only order 2 bento.Okinawa bento Culet pork ch

之前睇食評見到呢度有手推車出食物，都一直想黎，可惜離我屋企太遠，今次因為要去沙田買傢私，就順手過黎試下。黎到見到門口有人等緊，都知道應該唔錯，好彩等左陣就有位。今日胃口麻麻，打算食個飯就算了。但偷聽到隔離枱話豬軟骨好食，又唔知食咩好，所以叫左個豬軟骨拉麵。竟然比我發現呢度有我最鐘意食既燒河豚魚乾，當然要叫番個啦。燒河豚魚乾用好q既超級市場手推車裝，份量雖然唔多，但我相信貴精不貴多。河豚乾燒得好香，其實河豚魚乾唔係間間整得好，因為屬於高難度製作，但呢度食落甜甜地，加埋本身河豚獨有既香味，即使唔洗點沙律將都好惹味，極度推薦一定要試下，唔試包你後悔。波子汽水 跟餐加9蚊，都算抵飲。豬軟骨拉麵配料好豐富，豬軟骨份量都好多，拉麵配豬骨湯食落都唔錯，唔會太咸同淡，麵條都爽口，唔會煮得太淋。豬軟骨好好味，夠淋又入味，因為試過係出面食既豬軟骨既軟骨係硬硬地，呢度連軟骨都煮得好淋，隔離枱真係無介紹錯。

最近拎到 online dining platform -$20折扣優惠，打算試用呢類外賣服務，見到其中一間滿＄250蚊送1份炸餃子，平上加平，就叫左呢間豬屋。外賣速度都好快，40分鐘左右就送到門口。外賣裝得好好，刺生有獨立膠袋裝，重跟埋冰袋，又有紙皮隔開，咁就唔怕食物變壞，好貼心。而便當估唔到真係用便當盒裝，有4格，刺生重會分開裝，哈哈。北海道便當盒，有飯有刺身，味付螺肉好味，咖哩飯甜甜地幾香，男友好中意，軟殻蟹重KEEP到香脆同有蟹糕香味，I LOVE IT。炸蠔同炸蝦都OKAY。刺生方面，2件三文魚，2件帶子，1件甜蝦，好新鮮，而且絕對唔孤寒，夠厚切，最緊要保持到涷，因為刺生夠涷係好食既重要條件。送既炸餃子6件，賣相就麻麻地，不過點沙拉醬食都幾好味既。我自己係左口魚迷，因為好鐘意左口魚獨有既油香味，入口即溶，人生一定要食，哈哈。蟹棒壽司加左沙拉醬燒都幾夾，比想像中好味。好多羅白絲係旁邊頂往件壽司，呢樣都係店家細心之一，可以防止件壽司反肚。叫得1件，因為唔捨得食。 海膽就入口極鮮甜，冇苦澀味，好後悔點解只係叫1件，嗚嗚。有其中2件蝦尾特別長，估計最少用左4只蝦去整，同元氣比，味

我同我個frd兩個人嗌左兩個便當，一個係奈良便當，一個係神岡便當。呢兩個便當比我的感覺就是普通一個便當，沒有太大驚喜，不是難吃，但也不好吃。咖哩飯很普通，調味也一般。個炸魚餅是還不錯了，味道不錯。雞塊跟豬扒的賣相很差，看了都沒胃口，吃下去跟看的差不多，都是很hea，有點像是在家就是把肉炸一炸簡單吃的感覺。其他例如餃子跟加州卷都很普通，吃過一次後應該不會再黎，因為價錢又不是很便宜，食物雖不是難吃到入不了口，但真的有點hea，也不好吃。

今日下午就同女友人吃午飯見到個價錢同賣相都叫吸引所以就入咗去叫左個角切魚生飯同芝士忌廉雞翼個飯嚟到之後見到佢跟埋一個糯米糍雪糕心裡面已經出左個黑人問號首先個雪糕糯米糍應該飯後先上因為我食到中間，個雪糕已經溶咗其次係個魚生飯有好多味道唔搭配嘅食材就例如有螺肉、鮑片、腐皮等等而魚生只有三文魚同鯛魚不過淨係食到冷藏味而啲飯完全唔係壽司飯嘅味道仲要痴實一舊舊個飯我食左3分1已經食唔到落去喇如果我可以俾10個負評嘅話我會俾20個都唔會再有下次

本身睇到其他食評話呢間日本料理好抵食🤔 而且睇相d便當都幾吸引咁 咁咪去試下囉🙊點知一試就中伏😵我地兩個人叫一客鰻魚飯同一個便當，鰻魚得四片，都算啦 😐d飯得4件壽司咁嘅份量😵😵，飯身仲要偏黏🤢而d鰻魚汁仲差過去大型超市買果d，咁就承惠$72🤡！另外我地仲叫左一個便當🍱， 我就轉左湯拉麵-湯底飲落完全係味精，仲有濃烈鹼水味😐😐比較可取嘅係便當入面嘅蜜糖雞翼， 味道都算唔錯， 但其他野食例如：魚餅就比較多麵粉食落幾'淋'🙊；炸雞就有好多炸粉唔係好食到雞肉😶， 而呢個便當因為我轉左拉麵就要$77........哩種質素咁嘅價錢....... 我地都真係覺得一定唔會再黎🙅🏻

本身琴日約左朋友食雲疊間泰國野，點知朋友有事黎唔到，變左獨自一人的晚餐。自己又冇理由一個人食泰國野，見到對面有間野招牌好光鮮，大大個字豬屋，重見到有人等位，心唸應該唔錯，就去試試啦。一個人食唔到D咩，就叫個飯算數，叫左個洋蔥豬頸肉粒飯，黎到見到賣相就麻麻，重以為中伏，點知人不可以貌相，好好食，豬頸肉唔會”UN”而且好彈牙，醃得夠入味，配合埋甜甜地洋蔥同惹味既黑椒，加埋小店自家製醬汁炒，熱辣辣，好惹味。其實最估唔到既係，一間日式餐廳竟然會有呢款飯賣，因為大部份日式餐廳來來去去都係賣鰻魚炒飯，三文魚炒飯等等，呢度竟然加入左其他才料去做日式料理，係就係有小小奇怪，但係最緊要好食，理得佢什麼式餐廳。金菇牛肉卷拼沙律沙律正常味道，不過不失，因為只要青瓜夠新鮮，配沙律醬就一定NO PROBLEM。 金菇牛肉卷有8小件，份量絕對唔孤寒，食得出唔係用平價牛肉去整，入口有淡淡牛肉味，肥瘦適中，配合店家既醬汁，真係好食到停唔到口，可惜我一個人食唔曬，因為份量都幾多，最後都要剩小小都要打包拎走。

重記得好多年前，金田係長壽司始祖，果時成日去食，現在坊間可能因成本問題，長壽司買小見小。難得見到有，就山長水遠由大埔坐車去大圍試試佢。原來唸往只係食長壽司，點知呢度竟然有我最鐘意既芥辣八爪魚，有紫菜有飯跟，可以自己整迷你手卷，迷你壽司又得，貼心度一百分。呢款芥辣八爪魚辣得黎唔會咽喉，超級惹味，芥辣愛好者一定一定一定要食呀。作為頭盤，絕對係開胃之作。嘻嘻！我既至愛出場啦，其實因為我見到好多野食忍唔往叫，所以最後叫左2件長壽司昨。食過長壽司既人一定知道，將D三文魚捲捲捲，捲埋一齊，再將件壽司放入口既感覺，食完係冇可能番轉頭食番正常壽司。因為真係太太太太好味。足足有2支7味粉長度既玉子壽司甜甜地，有蛋香味，都唔錯，可惜冇得捲捲捲啦。2件壽司都好抵食，絕對唔會將貨就價。其實同場重有長油甘魚，劍魚，鰻魚等等，可惜既係我得一個胃，留番下次先試。鹽燒鯖魚賣相幾好，一上台重見到好多魚油係面，忍唔往食啦，我食魚最鐘意食腩位，呢度既鯖魚腩位好香好滑，重食到魚本身既鮮味，配合埋外皮脆卜卜，加上小小檸檬汁好魚之人一定要食呀。 唯一美中不足既係冇羅白茸跟。燒菠蘿，其實係普通菜式，屋企都整到，但自己係街買既菠蘿永

呢排都食得茶記多，今日興致起突然想食日本野。屋企冇人煮飯，一支公去搵食，老婆話叫我試下呢間豬屋，因為老婆之前試過係網上外賣平台叫呢間野，話幾好食。呢間野好在門口有得泊車又有錶位，渣車去一流。直接去圖，三文魚同帶子刺身超厚，超級新鮮，勁多油，三文魚既香味同油脂係口中溶化既感覺，我發現原來我係一個三文魚迷。帶子絕對唔似出面平價野，呢度帶子冇猩味，又大粒，絕對值得叫。甜蝦壽司好似叫山型甜蝦壽司，原來有3大隻有頭甜蝦，先係＄18一件，平到暈，最後連蝦頭D膏都啜埋。哈哈。花之戀，唔洗講，蟹子超多，食完呢2件都飽飽地啦。唯一傷心既係，見人地第二台有WASABI豬仔，點解我冇咖？不過唔緊要，最緊要好食。＄22有4粒 呢個外脆內軟，食落去好似食年糕咁，淡淡既香芋味，出面好多放題都整得唔好食，呢間整得幾好，作為成餐既總結。Perfect!!!! 同場重見到榴連炸彈，可惜我唔食榴連，如果唔係都想試下。飲品特寫，日本橙味汽水，似多汽板芬達，但又冇芬達咁甜，都OK既