豬屋日本料理

營業中

休息中

第一次到這家店鋪來食，是好友的推薦。下班後四個人一起來，因時間上晚了些，店裡人已經很多了。原以為要等很久，結果只要十多分鐘時間就好，效率上滿意。店裡衛生不錯，店面乾淨，桌面也衛生。味增湯裡面使用了三文魚肉，很鮮，三文魚蟹仔飯很棒，蟹的味道很足，整道飯入口即溶，值得推薦。味噌湯 （有三文魚肉）三文魚煲成壽司也很新鮮。這道菜分量很足，也很平價。唔擇地這道菜，食完之後很是滿足。尤其鰻魚壽司，特別推薦大家嘗試。咖喱飯也特別推薦一下，甜而不辣，特別入味。牛肉卷很勁道，嚼起來很滿足。

星期天，駕着車子到了西貢一趟，可惜未有開飯的念頭，所以先回沙田市才算，點知行錯路，誤打誤撞去到大圍，想起以前有個親戚住雲疊花園，附近有咪錶及餐廳仔，所以去碰下運氣！香港地的小區果然發展得很快，以前都沒太多食肆，幸好有錶位。環觀每間外都有一堆人等候，每間問問，豬屋剛好有兩個吉位，其他人都是等候4人6人座！好，試試吧！今次點了一個三文魚蟹子飯及神户便當，上台後，一向對魚生飯情有獨鐘的我，發覺便當比較吸引，便當多樣化，每個送都是及細細的，可以一整個便當都吃掉！幾適合女仔份量，下次我一定要食便當！！

原來呢度定食唔貴喎... 但婆仔叫晒野食先發現到定食晚餐個牌... 差不多台台都係叫定食... 唔怪得呢度成日都咁多人幫襯~估唔到呢餐只係 200$牛油果軟殼蟹反卷（ 8 件 ）舊 wasabi 有個豬樣好搞笑...唔錯喎~ 加左牛油果食落就無咁油膩... 亦唔會一夾就散晒~7 吋鰻魚壽司相都未影到條鰻魚就重過頭瞓左係舊飯旁邊 ...夠晒味乜醬都唔洗落~蕃茄豆腐沙律賣相同張相差好遠喎... 好在味道好好... 配胡麻醬好味~海膽壽司 / 炙燒帶子壽司海膽份量比其他鋪頭多... 好新鮮~ 炙燒帶子就普通啦~

本來約左朋友食飯，不過佢臨時有事就變成一個人自私食。抱住試新野既精神就黎到位於田心街既豬屋啦。由於已經係晚上9點幾，所以人流唔算多，一行入去就有位。侍應都好快手遞上餐牌同熱茶，當要落單時，都好快見到我同我落單。今次食左一個叫 ，係以照燒雞扒、七味燒豬頸肉、烤鮮菠蘿、中華沙律，以及咖喱飯組合而成。個人鍾意咖喱飯，日式咖喱甜甜地，配上幾有份量既米飯係唔錯既。雞扒被燒汁圍住，每一口都好Juicy！不過略嫌肉質太熟，無左嫩滑感。反而菠蘿無甘Juicy，除左因為食既時候感覺唔到烤完之後，菠蘿微溫既感覺，仲幾酸。而豬頸肉同中華沙律就不過不失，正正常常。整體其實唔錯，份量好足，係食得飽人，不過如果整個便當既溫度可以熱返少少，可能又會再加分多少少。除左便當，小弟都試左哈密瓜味既Sangaria汽水(+8蚊)，雖然唔係自家製，但味道幾特別，而且唔係間間日式餐廳有，所以都可以一試！

Lunch叫左個沖繩便當食，係2個人ge份量，有5種食物，全部都好好味！！個吉列芝心豬扒，炸得好香好脆，仲有層芝士，香口得黎，味道又多一個層次。金菇牛肉卷，牛肉煎到小小脆，但唔乾，因為淋左燒汁，正呀！！咖哩飯，無咁重咖哩味，偏甜，個人仲意食甜，所以覺得好好味！仲有個刺身同辣螺肉，刺身有三文魚，甜蝦同帶子，好新鮮，食完主食再食佢就岩啦！食佢之前記得食返幾條蘿蔔絲洗下個口，咁就食到更真嘅味na～

這天下午外出晚了回家，所以晚上在家附近找吃，便來了這間豬扒屋。這間豬扒屋，新店開店時，賣點是這裏的豬扒是由酒店名廚所做的，但味道確實一般，份量也少。多年沒來，這夜回來，他們改善了食物份量，味道其實是做的不錯的。******************************這是咖哩豬扒餐，包2種魚生、還有前菜小吃等。這裏的豬扒是做的不錯，不用多說，魚生也很新鮮，還包一杯飲品，不錯。另外要了一份煎鯖魚套餐，也有沙律和小吃涼拌豆腐。魚煎的香口好吃，豆腐芝麻汁好吃，不錯。最後要了义燒拉麵，再加錢要了三文魚卷壽司。魚生新鮮好吃，所以壽司也不錯。义燒不會全肥的，拉麵湯底是豬骨湯，也不錯。

上星期五同朋友去大圍踩單車 還完車一行4人去搵野食 行行下有朋友話試下豬扒屋 過因為個名好掏笑咁就試下啦 因為外表比較舊 所以都冇咩太大期望我地一行4人分別 汁燒牛肉飯 魷魚筒 炸芝心豬扒咖哩飯 豬軟骨拉麵 4樣野食share待應見我地叫左3個餐 都主動俾個個碗仔我地 值得一讚！汁燒牛肉飯裹面有洋蔥同甘荀 食落好香口 份量都幾多 答埋唔知咩野汁炒 陣味好夾 唔洗一陣就清曬魷魚筒成隻原條上 切好曬 食落彈牙 好似只係$40幾 但呢個唯一唔好係等得耐小小但如果人多絕對值得叫炸芝心豬扒咖哩飯好特別既野食 入面有流心既芝士 豬扒既厚度可以 食落既感覺都幾特別 中意食芝士既人一定要試下 但如果用車打芝士整就一定更加香至於咖哩 呢度既係甜咖哩 只有小小辣 小朋友都同唔食辣既人都會岩食豬軟骨拉麵豬軟骨係我既*飛花* 梗係要試啦 豬軟骨有5件左右 份量都幾多食落好林好入味 拉麵既湯底都ok 唯一係賣相差小小同豬軟骨比較散最後埋單都係一人$50都唔洗 絕對會再黎!

叫豬扒屋,但未食過咁難食o既豬扒用雪藏豬扒, 唔識整, 硬之餘,冇肉味,size 約iphone5 大小,一個定食得 豬扒飯+3件炸餃子+麵豉湯+餐飲45蚊落樓, 難怪星期五六晚市都冇咩人食但人係有, 去哂對面田心食o野.

是日夜晚8點令金曼谷好多人, 去左呢間平時都成日幫襯既飯堂.一向都鐘意食呢間, 咖哩烏東, 吉豬都好好味, 算係經濟好味.是日試左$75既軟殼蟹定食.有螺肉前菜,炸蠔, 吉列蝦.3款剌身, 炸軟殼蟹..跟咖哩烏冬/飯.豆漿刺身都新鮮...炸軟殼蟹炸粉實在太硬 失望左....螺肉前菜有少少古怪, D汁好似有D 粉狀...其他都OK..下次都係叫返最愛既芝心豬扖

本人在2011年9月11日6時旁到沙田大圍雲疊花園旁的豬扒屋用膳，本人走進店內並沒有招呼，也算，但是本人在看餐牌途中，感到一些囗乾，想問店員提供一杯水，但當時店內只有4-5位容人，但卻得到的回應是「得閒先」，接著我隱隱約約看見店員拿著手機，不知她在做甚麼。最後我想總結，客人係唔係需要等待店員的「得閒」才能送上飲品或食物呢？請大家想一想這店的店員是否很有問題呢？

同屋企人食, 叫左吉列朱扒滑蛋飯, 照燒雞扒咖喱飯, 雞軟骨拉麵, 南瓜天婦羅總體來說, 用$28食一個日本飯, 算抵只是味道就真係好一般,吉列朱扒個皮最難吃, 好似食粉咁, 豬扒應該係冰鮮, 因為無味照燒雞同"吉野家"無分別, 都係汁燒不太鹹, 雞軟骨有少少靭天婦羅好怪相, 好似皮唔夠滑蛋飯, 咖喱飯幾好味

^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^月初2個人嚟食晚飯 , 叫咗2個晚餐加d小食;日式叉燒拉麵 , 忘記左幾錢 , 大概$3x咁上下, d日式叉燒我覺得嘛嘛,滑蛋鰻魚飯 , $40 , d鰻魚幾好味吉列大蝦 , 跟餐加10蚊 , 有2條 , 今次好一般 , 唔脆而且冇乜味道 , 應該係放埋一邊一段時間雞腎串 , $12 , 有2串 , 有少少鹽 , 爽口又幾好味凍檸茶 , 凍豆漿 。雖然餐廳叫豬扒屋 , 但係真係冇試過哩道既豬扒 , 搵日有機會會試吓 !^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^

間野簡直不知所謂呀!!上一個星期開始係夜晚時段就去個間豬扒屋到試試就發現左幾個問題!!首先食物溫度既問題!我叫左碟"秋"刀魚 但個條魚既身唔熱既~只係暖暖地有小小位仲有d凍凍地tim...呢d情況一睇就知 條魚係就甘用微波爐黎丁返熱啦~係我眼中"魚唔係完全新鮮唔緊要"但都唔好丁到甘呀!大佬一食真係燥火lo係呢個open rice見到個間豬扒屋既芝士條真係好吸引 見佢拉得甘長真係都幾好玩但我親身去食個時...真係想爆粗甘制lo!! 芝士少之餘 又淡wor 最後D咖哩汁真係好淡 無乜味lo!!但我承認間野既裝修係好細心自己甘畫 真係幾吸引(特別係d細路)~同埋d餐牌真係都有幾多choice吓 但係d食物真係好唔掂lo!! 真係只係吸引到d細路去食至此之後 我無再去個間野到食所以我個評價係可以用四個字黎形容間豬扒屋---"不知所謂"

好少去大圍果頭, 唔知有咩野好食, 所以是但去左呢間野食lunch.....睇餐牌都有好多choices,,,價錢都好平, $2x-3x 連飲品......不過點知......食落完全唔掂......滑蛋豬扒飯 ---> 塊豬扒過哂氣, 仲有d 油味.......d 汁好淡豬軟骨鳥冬 ----> 個湯底好怪.....好甜......一d 都唔似日本鳥冬湯

呢日黎開呢頭，唔知食乜野好。就黎呢間食啦，呢間整既豬扒都唔錯，好吸收我。呢日都唔算多人，因為lunch time已過。芝士流心豬扒咖喱飯都幾好食既，芝士豬扒算幾流心。肉質都幾煙韌，算唔錯既。個咖喱飯既味道係日式咖喱，唔會太辣。呢個飯算唔錯，又大碗。餃子呢個係送既，無乜特別。但都算幾好食既。凍奶茶都算幾好飲，ok啦。都有下次既，因為個芝心豬扒同個飯都幾好食。