豐鍋雞煲 (京瑞廣場1期)

營業中

休息中

我最鍾意食雞，今晚就同朋友撐枱腳食返餐雞煲，一唔煲一路傾下心事😂突登搭車去石門呢間出名食雞煲既舖頭，不過今次唔食麻辣雞煲，叫左個滋味響螺花膠雞煲，嘩嘩嘩，D花膠真係好大塊，真材實料，無花無假；D雞唔會只有骨，啖啖都係肉。加多幾樣食品，手工即炸魚皮、什菜籃、手工四寶丸、紫菜響鈴，非常非常完美。魚皮真係無食過咁爽脆、響鈴夾左紫菜係中間又另一種風味喎、什菜一望就知新鮮啦，條條綠油油。食火鍋點少得杯可樂，但我哋叫左龍鳳檸樂，有2種檸檬係入面，真係同火鍋絕配。傾下講下發現原來有日本米白飯，仲要任食（點食得落😂）呢度環境一流，坐得樂舒服，抽氣系統又好，職員都好好，照顧周到。埋單時收銀位仲有糖糖比客人拎黎食。下次一定會再黎過幫襯。

今日係石門，專登想試吓雞煲。所以就試下呢間火鍋雞煲。叫咗個滋味螺片花膠雞煲，夠晒補。香味突出。中真係好足料，湯同埋雞煲料係分開上，等到個煲滾左之後，先落料。有好多花膠，雞就半隻。花膠同埋啲雞都好新鮮，勁好食。打邊爐配料，就有四寶丸。安格斯牛小排，呢個真係要講一講，切得夠薄，肉質亦都十分鮮嫩，牛肉質素十分高。即炸紫菜響鈴，同平時嘅響鈴嘅分別就係，入邊加咗紫菜，口感豐富左。仲有手工即炸魚皮，夠晒香口脆。另外，緊係食下啲蔬菜健康。依度嘅裝修佈置都幾俾心機。食品嘅質素亦都非常好，絕對值得黎，而且黎多幾次。

好耐無出街食飯，難得出外搵食，緊係搵間坐得舒服又好味架啦，呢間雞煲真係用料上乘，真材實料。今次叫左個滋味響螺花膠雞煲湯底，一個湯底+用花膠鋪面蓋住半隻雞呢個震撼景象已經想大叫再加左一碟頂級安格斯牛小排（真係難以用筆墨形容）。貪心的我們再加左一碟紫菜響鈴、什菜籃、手工即炸魚皮、手工四寶丸和龍鳳檸樂。每樣食材都好新鮮，雞肉啖啖肉，花膠響螺絕無花假、值得一贊係手工炸魚皮，唔知點解可以炸到一塊過又卷曲既呢🤔總結：值得一試、食材新鮮員工有禮抽煙系統好食完唔會成身味

今日係石門附近收工，又要食呢個食完番尋味既豐鍋雞煲喇，呢度個雞煲同埋d火鍋料都好好食我地叫左豐鍋招牌麻辣雞煲半隻，要左小辣岩岩好，惹味到不得了，個雞肉爽口有雞味，食極都唔厭加完湯之後就係邊爐既時間頂級安格斯牛小排上次食過又係超靚，油花分佈均勻，食落入口即溶，呢個價錢真係好抵食，分分中平過自己買即炸紫菜響鈴響鈴即炸真係好食好多，淥兩秒就夠，平時真係食唔到手工四寶丸有蝦丸，墨汁墨丸，鯪魚丸同墨丸，超大粒爽口新鮮，必點推介新鮮什菜籃有生菜油麥白菜同娃娃菜，份量幾多大檸樂同龍鳳檸樂勁大杯配雞煲岩岩好

約左舊同事食lunch 佢話之前黎過呢個食過晚餐既雞煲 食完一啲都唔口渴 無乜味精 就決定去試下個lunch set啦一坐低 Meun都未睇 職員就拎2碗爆足料既例湯 “ 海底椰雪耳無花果腰果湯” 正到爆 好有煮家湯既味道😍B餐日本咖哩薯仔炆牛腩飯 呢個咖哩一啲都唔辣 岩曬我 牛腩好淋 入曬咖哩味 🥔薯仔出其甘好食 唔知係咪come from Japan 關係 薯仔味係唔同啲G餐鴛鴦籠仔蒸排骨雞飯 唔算係正宗既籠仔蒸飯 無咩荷葉味 不過啲雞同排骨好好食 每件都好大舊 飯又多 食到捧住個肚走🤣Lunch set黎講價錢算貴 但其實cp值好高 包足料湯 一碟菜 同餐飲 而且係天然無味精住家菜

在沙田石門返工的朋友，約我食豐鍋，在安群街3號京瑞廣場一期1樓137號舖，餐廳在窗前擺放一些得意的卡通人物公仔，感到歡樂氣氛，座位寬敞坐得很舒適。我們點左螺片花膠雞煲，雞十分新鮮又鮮甜，花膠很好味😋，超正雪花肥牛更無得彈，油花均勻，牛肉味道香濃，真是好食到停不到口。手工四寶丸，有蝦丸、黑墨魚丸、墨魚丸🦑、鯪魚丸，大大粒又爽口，真美味。即炸爆芝紫菜響鈴，索左火鍋美味湯底，滿口芝士的香滑，必食推介👍👍蔬菜藍，有生菜、菜心、白菜🥬十分新鮮。椰青，十分清香又甜。這餐極正我們極滿意，會再回頭吃。

今日係石門見客，見完同老公去咗京瑞廣場，天氣凍凍哋梗係去食雞煲啦😋我哋叫咗豐鍋招牌麻辣雞煲BB辣半隻🐔勁開心見到咁多芹菜和芫茜🤤雖然半隻雞但份量都好多😻職員好好不斷幫我炒啲雞，終於有得食啦💃🏼啲雞好滑又Juice😋味道好夠又唔太咸，BB辣已經好夠辣，仲好刺激好好食😆食完雞煲當然要打邊爐啦😆我叫咗頂級安格斯牛小排，安格斯牛肉啲油脂分布好平均，涮幾秒就食得，入口即溶，勁重牛味，真係超級好食🤤什菜籃有白菜，菜心，黃芽白和油麥菜，樣樣都好新鮮好味😻自創爆芝紫菜響鈴即叫即炸，香脆可口，一入口入面啲芝士流晒出嚟，超級正😋餃餃陣分別有4種唔同嘅餃子🥟餃子粒粒都真材實料，勁多蝦勁大粒，好味到停唔到口🤤冇呃您餃子入面真係爆多材料😋手工即炸魚皮第一次食咁大塊咁直嘅魚皮🤣真係超級好食，脆卜卜，仲要好厚身，出面真係食唔到咁正嘅魚皮😋玫瑰特飲和水蜜桃梳打，兩杯飲品都好好飲，夠濃又夠凍👍🏻出面有個自助區，可以自己攞配料😻呢間餐廳食物質素超高又好食，所以9點幾都爆曬場👍🏻同埋啲職員勁好人又Nice，有講有笑，真係食得好開心😆

同朋友都鐘意食雞煲又鐘意食辣，次次平日黎食都排曬隊，今次我地都唔理甘多，排就排。。等左30分鐘入到去。。由於太耐無去啦～一坐低就叫中辣雞煲。。。 點知。。睇少左個威力，愈食愈甘，程度係出面既大辣。雖然辣得好過癮，下次都係叫返小辣啦～之後我地叫左肥牛，響鈴，炸魚皮，菜菜子同四寶丸，樣樣都好高質，特別不得不提既肥牛真係好屈機。。 一入口即溶，d紋好幼細，好嫩身，eat支棒。樣樣都甘好食，我同朋友食到好滿足。。 一定要下次再黎食過

天氣凍左又係打邊爐好時機同friend book 左食雞煲一入到去嗅到好香麻辣炒雞味道開頭以為呢間得麻雞煲原來仲有花雕藥膳雞煲，螺片花腿雞煲同我地揀左既椰子雞煲原個椰青水倒入煲內，仲有紅棗杞子椰子肉水滾後加入雞，我地呢到係半隻計時⌛️5分鐘就食得雞肉好嫩滑，仲有少少甜味飲品大大杯手工四寶丸，有蝦，墨魚，黑墨，綾魚肉手打丸肉唔會好實，鍾意食墨魚丸和黑墨丸，有墨魚粒係入面架炸魚皮好大塊，面有少少鹹鹹地放入湯淥一淥仍然夠脆紫菜響鈴吃得到紫菜香當然唔少得有肥牛la安格斯牛小排油脂分佈平均，有肉香

冬天最愛吃麻辣雞鍋，今天幾個女人仔聚會，兼夾團年，食好啲就來到石門試新野。餐廳幾骨子，週四晚上都幾多人食，要訂位。我們叫左招牌麻辣雞，半隻168。好多辣椒🌶️好正，職員一邊炒一邊飄來好香既香料味，好肚餓呢！雞煲既味道好有層次，有辣也有香味，而且肉質滑，好食。另外點左其他火鍋料，牛胸爽非常推薦，好爽而且有牛既香味，是朋友介紹先識食，發現新大陸。其他食物都好新鮮，餃子🥟大只又脹卜卜，芝士紫菜响鈴起正！浸5秒即食，脆爆又有芝士香，大愛飲料🥤32元大大杯，有幾款解渴選擇，今晚真是食得非常盡慶下次要試下其他人煲先

今日過嚟烏溪沙接朋友收工 諗住喺呢邊食埋飯先一次過出九龍 點知呢邊嘅選擇真係太少 🤷🏻‍♀️🤷🏻‍♀️ 我哋搭多左兩個站 過咗嚟石門食雞煲啦 朋友話食過呢間唔錯 配料係自助式架 ！！！ 花雕藥膳雞煲 半隻雞 $158 嚟到揀咗個健康嘅花雕雞煲 好適合冬天養生 湯底放入花雕雞 滾左 姐姐會俾個漏斗 ⌛️ 漏完就食得啦 🥳🥳🥳 ，啲雞啱啱好熟 仲好嫩 時間掌控得非常好👍🏻 。。。安格斯牛 一份牛 份量都幾多下 夠牛味 五會根 正正 ！！！ 即炸爆芝紫菜響鈴 真系即叫即炸 即刻食仲勁熱 辣親口添 😂😂 手工即炸魚皮 都係即叫即炸 睇得出係一條大魚🐠 塊魚皮長過枝牧童笛啦 幾誇張 ，好脆卜卜架 ！！！雜菜籃 🧺 最後食返多啲蔬菜 🥬 幫助消膩 椰青 + 玫瑰柚子 打邊爐飲椰青啱啱好 夠晒清熱唔上火 又清甜

🐔雞煲🥘配火鍋真係冇得頂，最鐘意食乾身的雞煲後再加入上湯變成火鍋，再加入鐘意的配料落去，人生一大樂事😋叫左個微辣的雞煲，幾惹味，半隻雞份量，職員會幫你即時炒下個雞煲，以防痴底，炒到ok就會話比我地聽食得😎😎超好service同叫左四寶丸，好大粒又夠彈牙芝士紫菜響鈴浸落去湯底索晒d精華好入味手工魚皮好特別😎又脆有咬口不得不提安格斯肥牛，超雪花超林🥰大愛仲有至愛的咸檸七，咁就唔怕會熱氣啦

原本今日約咗個朋友喺佢公司附近食lunch，但佢臨時俾老細捉左去開會，等咗佢差唔多半粒鐘都未開完，唯有自己食啦～兜左陣個商場睇下食咩，俾呢間住家餸吸引咗就入左去坐低，由於已經一點半過左最繁忙時間所以餐廳唔算多人～一坐低店員就俾左碗湯我，見到好多豬骨，仲有粟米同南北杏，滋潤下，飲得出真係零味精既老火湯👍我叫左個豉汁蒸倉魚套餐，條魚幾厚肉，冇腥味冇泥味，唔會太多調味或者太咸，好有家的味道👍👍另外都想讚下佢嘅米本身用料幾靚，同煲得幾好， 軟熟得黎唔會太淋一pat pat～碟菜落左啲油唔會太乾同太鞋，但又唔會過於油膩，唔錯👍👍

豐鍋係京瑞廣場一期既一樓同地下都有，我地去左一樓食雞煲。環境: 坐得好舒服，枱面同餐具都好乾淨無油跡。服務: 店員好靚女，又有禮貌，有問必答，即使長氣小小嘅問題，店員亦都好有耐性咁樣解答，值得表揚。食物: 我地一開始叫左個滋補螺片花膠雞煲($208)，辣既雞煲就食得多，今次我就叫左個養生嘅煲。雞肉非常鮮嫩，明顯唔會係放左好耐先拎出黎賣，加上個湯底，我地放哂d野落去煮左陣，湯底更鮮味。食完之後都唔會好口渴，證明用料天然又唔咸。特別推薦-頂級安格斯牛小排($178)就咁睇油花分佈都睇得出好平均，熟左之後更加明顯，雖然價錢係貴少少，但質素絕對值得。自創爆芝紫菜響鈴($42) 響鈴內層有紫菜同芝士包住，絕對適合芝士迷，芝士流哂出黎，如果食哂成舊會有少少偏咸。手工四寶丸($85) 非常彈牙，一食就知全手工打，用料非常天然，讚!德國手工麥啤($29)(抵飲!)好有麥味，飲住食雞煲一流。手工即炸魚皮($48)我鍾意成舊炸魚皮dom落去煲，之後等佢軟哂先食都依然好香口。

石門開咗好多新餐廳，今日想食雞煲就walk in左一間餐廳 - 豐鍋！雖然睇一睇個Menu唔係平，不過應該有質素嘅，咁就試吓啦！而且入嚟第一個感覺已經好好，啲侍應嘅服務同埋態度都好好同埋睇得出呢度嘅裝修擺設都用過心思！幾精緻同埋靚因為呢排喉嚨有啲敏感，所以帶咗花膠雞煲，唔辣麻！仲有嗌左手打四寶丸！全部遠都真係好蛋同埋好粥了！我自己最鍾意就係下院，真係好大浸蝦味架不過如果就咁嗌就有少少肉赤，始終一分錢一分貨嘅🤣見佢個響螺幾特別，帶咗黎試下！史樂真係勁特別！又有芝士又有紫菜口感同埋味道都好豐富有層次大家可以試吓！好特別其實我自己最鍾意食就係佢本身個雞肉，好想知係邊度出產地！勁滑勁鮮勁好味好正丫 大家都瘋狂搶晒😂朋友鍾意食牛就覺得呢個牛先係最正！我自己就覺得有少少肥🙈不過我食嘢係好怕油嗰啲人haha 仲有呢，佢啲菜都超新鮮囉！呢間餐廳每一個位都好認真準備貴啲都值得