豐鍋雞煲 (京瑞廣場1期)

營業中

休息中

夏天想打邊爐，去咗石門嘅呢間---🌟豐鍋雞煲🌟，地理位置非常方便，馬鐵線一出，行幾分鐘就到👍🏻餐廳除咗打邊爐，仲有雞煲，仲可以揀唔同嘅辣度，邊爐嘅湯底款式都有好幾款，有辣有唔辣，而火鍋配料非常多選擇，醬料同白飯自助✨️._.🐥| 滋補螺片花膠雞煲 (半隻) |🐥兩人食半隻份量差不多，湯底嘅料好足，雞件斬件方便食，雞肉新鮮肉質嫩滑，仲有花膠大大塊👍🏻.🥟| 中優狀丸 |🥟(黑松露墨魚丸+蝦丸+墨魚丸+黑墨丸+綾魚丸)一碟可以試齊咁多款丸類，每款兩粒，一人一粒又唔怕食得太飽食唔到其他嘢，份量啱啱好.🦀| 花心蟹粉丸 |🦀一碟有成八粒，蟹粉流心，滿滿嘅餡料，好滿足.🐂| 頂級雪花肥牛 |🐂打邊爐又點少得肥牛，一片片薄砌，舖得幾靚，雪花紋靚，淥幾淥就食得，牛味重.🐖| 豬頸肉片 |🐖一碟分量都唔少，舖排得又係好有心機，碌熟咗之後肉質唔會韌，仲保留到肉味同軟腍度.💛| 自創爆芝響鈴 |💛響鈴對我黎講又係火鍋必點，選擇唔係得一款，好特別，又有紫菜味又有爆芝好吸引，最後揀咗芝士味🧀，好吸引，仲有得揀三件同六件👍🏻._.

沙田友推介近期超有人氣🔥隱世美食豐鍋雞煲，小編專程去試一試，認真唔簡單！原來餐廳用上10年花雕酒炒雞煲，真係勁香啊🤭豐鍋仲係🐟海鮮控同🥩肉控嘅天堂，平民價錢抵食又好味💖餐廳環境簡約舒適，大部份都卡座，平日晚市7點幾已經爆場🫣，小編建議大家最好預先訂座，同預留定海鮮先有保證😎𓏸𑁍𓏸𓈒𓂃𓂃𓂃𓂃𓂃𓂃𓂃𓂃𓏸𓈒𑁍 ᵂᴴᴬᵀ ᵂᴱ ᴼᴿᴰᴱᴿᴱᴰ招牌麻辣雞煲（半隻雞）🐔 $178 嘩！真係麻辣雞煲嘅天花板😍雞肉用咗10年花雕酒炒🥃到半熟，雞件大大隻又厚肉，仲好嫩滑添！麻辣湯底香辣度剛好，香氣撲鼻，真係愈食愈開胃！湯底仲有濃濃酒香，配搭雞肉真係一絕🔥 麻辣控同雞煲迷一定愛到喊🤤海鮮 🦞 （需預訂）❁ 鮑魚 $48/pc鮑魚大大隻，厚實爽彈，入口鮮甜，超值😋❁ 蘇格蘭蟶子王 $48/pc蟶子王啖啖肉，鮮味爆棚，真係好好味！❁ 帆立貝 $48/pc新鮮肥美，口感嫩滑，最鍾意食🐚貝類，呢個係海鮮控必點🌟 ❁ 草蝦 $88/pc新鮮蝦肉，實肉得黎又彈牙，仲好大隻添啊🦐頂級安格斯牛（小）🐂 $198牛肉質感細嫩，油花分佈均勻，入口即化，牛味濃郁，配麻辣湯底係perfect match💯😍即點即炸 ❁ 自家製響

呢日中午劉媽👩🏻雞煲癮發作😆即急call朋友去石門食呢間人氣雞煲#豐鍋雞煲 位於沙田石門京瑞廣場每次午餐時段經過都坐滿食客😌因為除咗雞煲、打邊爐外佢哋嘅午巿套餐都好多食客棒場今次我哋order咗🍽️花雕藥膳雞煲（半隻）真心正！藥膳湯底超足料👍🏻北芪、黨參、杞子咁補嘅材料睇到見🥣飲落仲有淡淡花雕香🥃雞肉入哂花雕酒香味🐔滾完嫩滑唔柴😋半隻都夠2-3人食食之前記得飲佢啖湯😉🍽️十優狀丸拼盤必點！黑松露墨魚丸超驚喜🦑松露味濃得嚟唔搶🦐蝦丸彈牙到乒乓波咁！🐟鯪魚丸、黑墨丸同墨魚丸都夠鮮味😌每款兩粒啱啱好，試勻唔會膩～ 🍽️頂級黑豚豬腩片脂肪分佈靚😍淥兩淥就食得肉香十足又唔肥膩👍🏻同藥膳湯超夾！ 🍽️什菇籃 份量足🥬金菇、冬菇、秀珍菇、雞髀菇樣樣有😙索晒湯汁好入味🍽️牛柏葉爽脆冇雪藏味🙂‍↔️打邊爐必嗌！ 🍽️紅薯粉最後落湯煮🙂‍↕️吸盡精華滑溜又煙韌😋飽肚又滿足～🥤大話七🥤Zero

靚湯底，火鍋料夠足既雞煲店鋪環境乾淨企理，卡座坐得幾舒服，價錢都唔貴。花雕藥膳雞煲 (半隻) 雞煲係呢度嘅招牌，當然要試。一上枱已經聞到好足料藥材味同淡淡花雕酒香，又唔會太濃烈。藥膳湯底飲落好舒服幾清，當歸、杞子、紅棗、桂圓肉帶微微甜味，花雕香味幾出，飲完個胃暖笠笠滋補。雞肉份量算足。雞肉厚肉仲幾滑溜。頂級雪花肥牛 (小)雪花肥牛睇落油花分佈幾靚。肉質夠嫩，牛味都濃郁，油脂甘香，唔會韌。以呢個價位嚟講好大碟。手工四寶丸 四寶丸分別係鯪魚球、黑墨汁墨丸，墨魚丸及蝦丸。明顯係手工手打，特別係墨魚丸同蝦丸，好彈牙，咬落好實在，有粒粒墨魚肉，蝦肉有蝦鮮味真材實料。手工即炸魚皮魚皮即叫即炸，大大片鱔魚，金黃鬆脆薄薄嘅一層，入口脆卜卜。自創爆芝紫菜響鈴店嘅自創新菜式，脆炸響鈴入面包住紫菜同流心嘅芝士做餡，一咬落去外脆內軟，重有拉絲芝士！魚片頭魚片頭質地爽口 ，有魚鮮味。飲品：龍鳯檸樂：酸酸鹹鹹甜甜好解渴解膩，配雞煲打邊爐一流。玫瑰柚子：飲落係清新嘅柚子蜜味帶淡淡玫瑰香氣，唔會太甜，都係解膩嘅好選擇。

🪑聽聞好早就要book位，我哋一早預約左，職員亦會事前打嚟確認係咪會到。到場後準時入座，枱面整齊，準備開戰！🍲 雞煲主角登場：BB辣都唔BB！雞煲份量十足，肉質嫩滑，醬汁香濃惹味，辣得過癮。🔥 火鍋環節：加湯開煲！以下係我哋叫嘅火鍋料：🥩 手切牛頸脊：非常新鮮，油花分佈靚，涮幾秒就入口，肉味濃郁。🧆貢丸 & 🦐蝦丸：彈牙，有誠意。🧀爆芝紫菜響鈴：外脆內爆芝，紫菜味突出，係少見又特別嘅配料。🥟 麻辣雲吞：皮薄餡靚，麻辣味滲入雲吞入面，惹味。🐟原條手工即炸魚皮：炸得香脆，就咁食又得，落湯亦唔會溶，口感一流。🍢 蜂巢豆腐、午餐肉、烏冬：經典配料，吸湯力強，食落好滿足。🍻 雪花啤酒，解辣又解渴。龍鳳檸樂，酸酸甜甜，仲有懷舊味道，係意想不到嘅驚喜。

📍豐鍋雞煲 (沙田）好食又高質嘅雞煲🍳 豐鍋滋潤椰子雞煲我們兩個人點了半隻雞，滋潤椰子雞煲的味道非常鮮美，雞肉嫩滑，椰香撲鼻，湯底濃郁，真係原個椰子🥥用來整湯底，令人食指大動。🍳 頂級安格斯牛小扒頂級安格斯牛小扒真係好正！肉質滑嫩，雪花分布得咁均勻，煮出嚟口感超級香口。無論係單食定係配湯，都好好味，絕對係打邊爐必點嘅選擇！🍳 手工四寶丸手工四寶丸真係一絕！每一粒都滑溜溜，口感豐富，咬開有肉汁流出，特別好味。搭配湯底食落去更加提升，令人一口接一口！🍳 芋絲芋絲份量大大份，兩個人食非常足夠！🍳 唐生菜新鮮乾淨，打邊爐一定要有d菜🍹 大檸樂🍹 大話七大檸樂好懷舊，龍鳳檸樂搭配新鮮檸檬同鹹檸，飲一口就令人回到童年，酸酸甜甜，特別開胃！至於大話七，鹹檸嘅濃郁味道配上甜味，味道平衡得好好，飲落去唔會覺得膩，反而令人欲罷不能，兩款飲品都好適合聚餐時享用，令人心情愉快！

沙田友老友介紹，女士們最愛嘅花膠雞！湯底選擇幾多，一早已睇中呢款滋補花膠雞煲，本身味道幾香甜。半隻雞份量都非常充足，仲有大大塊嘅螺片同花膠，真係非常之滋潤。雞肥瘦適中，肉質非常嫩滑爽口。極品本地手切牛頸脊：呢款牛肉大理石紋理非常靚，睇得見的高品質。輕輕煮十秒八秒，牛肉仍保持鮮嫩多汁，配上沙茶醬甜豉油就最岩！十優狀丸：賣相靚，一次過試齊五款口味。每款都好新鮮，口感彈牙。墨魚魚丸本身海味香濃，食得出粒粒墨魚肉，更加爽口Q彈。仲有一款黑墨丸，味道更咸香。升級版加入加入黑松露，菇菌味香非常夾！蝦丸真材實料，勁彈牙。鯪魚丸食得出新鮮，魚香濃郁。最後加一份雜菜籃：幾款蔬菜都非常新鮮，吸收晒湯底香甜，清爽！豐富滿足的一餐。

花雕藥膳雞煲 / 半隻🐔勁香！🥰一上枱成陣藥材味混住花雕酒香，雞肉滑🐔嘟嘟，湯底飲落暖笠笠，啖啖酒香好治癒～ 特級牛柳粒🐮牛柳粒🐮一咬爆juicy，油脂香到暈！蜂巢豆腐🐝個樣似海綿嘅豆腐，篤落湯吸汁力MAX！咬落去「咇」出濃湯，豆香超濃～ 鮮淮山萵筍片兩樣都爽脆清甜，解膩一流！ 😝自家炸響鈴響鈴即炸脆卜卜，浸湯3秒索晒精華～🤓自家製麻辣雲吞🌶️皮薄餡多，豬肉餡🐽混咗花椒辣油🌶️，一啖咬落去麻到嘴震震，爽爆！ 大檸樂🍋大檸茶🍋成隻檸檬🍋𠝹開塞落杯！酸爽到瞇埋眼，打邊爐飲超爽～ 自助調味料蒜蓉🧄+芫茜+辣椒圈🌶️+沙茶醬，鍾意點撈就點撈，DIY萬能醬汁！ 👍--豐鍋雞煲 香港沙田石門安群街3號京瑞廣場1期1樓137號舖

石門呢間火鍋店平日都好多人，主打火鍋雞煲。蕃茄薯仔濃湯的味道，主要來自於番茄的酸甜和薯仔的綿密，以及其他食材的搭配。 番茄的酸味和甜味會相互平衡，而薯仔的加入則使湯的口感更濃稠、更滑順。 十優狀丸自家手打的丸子拼盤包括：墨魚丸、蝦丸、鯪魚丸等，每款都彈牙鮮香，口感豐富，墨魚丸則帶海鮮鹹香，啖啖真材實料，人氣十足!黑䐁肉質較鬆化，肉味也較濃，海鮮類脆魚腩爽爽脆脆，入口飽滿細膩，脆而不肥，肥而不膩，配烏冬一絕!

石門人氣雞煲火鍋點解長期都咁多人食？就因為佢哋火鍋海鮮材料種類多之外雞煲夠惹味而且仲可以半價再加個湯底等食完雞煲再打邊爐。所以建議大家提早訂座就比較穩陣麻辣招牌雞煲雞煲上枱已聞到好香。員工再即時落少少陳年花雕落去雞煲度即時再炒可以帶出雞件更加入味，佢哋仲落左好多香蔥大蒜芫荽令雞煲更加惹味⋯⋯手工四寶丸墨汁黑松露墨魚丸，墨魚丸，蝦丸，鯪魚球丸粒粒彈牙又鮮味同平時嘅丸嘅質感好唔同。頂級安格斯牛小排牛小排油脂分布均勻，厚度適中，牛味濃郁又唔靭口。生猛九節蝦用竹籤串住灼蝦非常方便而且更容易剝殼，蝦又夠爽口鮮甜。如果想食高價海鮮例如龍蝦鮑魚貴妃蚌就要預早訂啊⋯⋯紫菜響鈴響鈴即叫即炸上碟還是暖暖的。用湯浸三秒即食仲食到好酥脆⋯⋯而且佢哋有分size三條同六條選擇👍食雞煲唔少得係飲品- 有時一杯唔多夠喉，可以叫佢地嘅大杯裝檸茶檸楽就啱啱好非常解渴📍豐鍋雞煲 (沙田)沙田石門安群街3號京瑞廣場1期1樓137號舖

今日去咗石門呢間火鍋小店，雖然鋪面唔大，但勝在乾淨企理，一坐低就聞到陣陣藥膳香，即刻流晒口水！老闆話佢哋主打雞煲火鍋，食材新鮮，選擇又多，啱晒一班朋友圍爐打邊爐！我哋先試咗招牌藥膳雞煲，湯底超濃郁，藥材味夠晒香但唔會苦，雞肉嫩滑唔鞋，飲完碗湯成個人暖笠笠！另外必點嘅係牛舌，切得厚薄適中，淥幾秒就食得，爽口彈牙，牛味好出。手打四寶丸都係驚喜之作，蝦丸、墨魚丸、牛肉丸同鯪魚丸全部真材實料，咬落去仲有粒粒口感，正到爆！整體嚟講，呢間小店性價比高，食材新鮮，湯底用心，絕對係石門打邊爐嘅隱世好選擇！

按摩完畢有啲肚餓，所以喺商場度搵嘢食之前已經食過一次，記得價錢唔算好貴，所以再幫襯去到已經下午2:30好彩仲有午餐，套餐起碼有成7-8個餸揀，選擇都算多。原本想叫個蟲草花蒸雞，點知已經售罄，叫咗椒鹽一字骨凍飲要加$3 ，一個套餐有餐湯•一碟油菜•一個餸配白飯，總共$75，好抵食同場都多人坐滿，好惹味一碟入面起碼有五嚿。食完超飽，超滿足。只係餐湯略嫌有啲鹹感覺好味精。有啲掛住佢夜晚嘅雞煲，要搵日再去食

惹味麻辣雞煲🤤好少踏足石門，謝謝朋友推薦的雞煲小店😍豐鍋招牌麻辣雞煲👍🏻麻香味好足，小辣非常恰到好處，好惹味🥳🥳唔會過鹹👍🏻🥩手切牛頸脊，配合雞煲湯汁底，嫩滑美味👍🏻🥟搞搞震有4款餃，用料新鮮好味，滿足咗喜歡食餃嘅心情🫶🏻🦪欣賞佢個美國桶蠔，超級大隻，蛋白質滿滿，好嫩滑🤭🧀爆芝響鈴係小店新鮮炸，非常酥脆，吸咗汁又好好味，芝士配響鈴好出色🙌🏻👫卡位坐得舒適，有好多火鍋湯料選擇👍🏻

今日去咗石門「豐鍋雞煲」，試咗佢哋嘅招牌椰子雞煲，果然無令人失望！雞肉份量十足，肉質嫩滑得嚟又彈牙，浸透咗椰子湯底嘅清甜，每一啖都充滿驚喜。湯底清潤鮮美，飲完完全唔覺膩，反而越飲越想飲！ 另外叫咗麻辣雲吞，呢款小食出面好少見，雲吞皮薄餡多，麻辣味夠晒惹味，辣度適中，食到停唔到口。桶蠔絕對係亮點之一，蠔身超大隻，肥美飽滿，入口鮮味爆棚，一啲腥味都冇，絕對值得encore！ 最後叫咗個椰青，清甜解膩，完美中和咗濃味食物嘅油膩感。整體而言，食材高質，味道出色，服務亦周到，一定會再嚟幫襯！

豐鍋雞煲｜$288招牌麻辣全雞煲 自家製響鈴脆到犯規！🌶️ 招牌麻辣雞煲（全隻$288）一上枱就聞到濃郁酒香麻香！雞肉厚切大件，熟度啱啱好，入口嫩滑唔柴，我哋太貪心試中辣辣到要加湯先食到，大家記得盡力而為呀！麻香突出但唔會嗆喉，湯底越煮越濃，建議先食完雞再加湯打邊爐。 配料：1️⃣ 自家製響鈴（$59）👉 即炸上枱超脆口！熱辣辣香味十足，吸湯後外軟內脆口感勁吸引2️⃣ 自製韭菜餃（$50）👉 皮薄餡多，韭菜混合豬肉碎，爆汁效果驚喜 3️⃣ 稻庭烏冬（$30）👉 索盡麻辣湯精華，最後煮超邪惡 4️⃣ 蓮藕片（$36）👉 切得薄身，爽脆解膩，吸收雞煲醬汁超惹味💰 性價比分析✔️ 全隻雞夠4人食，人均$200左右 ✔️ 配料份量足，選擇都十分多豐鍋雞煲贏在雞煲味道濃郁惹味同食材新鮮，招牌麻辣雞煲絕對值得再食！特別推薦比鍾意重口味嘅朋友，記得預留肚仔食埋個稻庭烏冬～