豐明苑粉麵燒腊茶餐廳 (已結業)

我見d食評之前唔太好…但係我就唔係堂食,所以可能因為咁就覺得無咩…我見佢一早有雞批出爐,又好香下,而且個店員係咁sell(話時話,呢度d人真係sell得都幾落力下…又會咁…),又五蚊一個,咁就試試啦!我覺得又真係唔錯喎!好好味!又熱又脆,仲香噴噴,餡內雞肉唔會太肥,個批皮唔太厚,亦唔太油,汁既份量亦剛剛好,作為早餐或下午茶係食得過既!

呢間茶餐廳，野食本來都已經只係一般，但點知今日食完重更加唔想再去.....話說收工之後見有d肚餓，就走左去呢度食個茶餐，見到佢地貼左一張紙出黎，寫住"一丁麵不另收費"，咁我不嬲食麵都一定會叫出前一丁麵，咁就更係叫佢轉做丁麵啦，但當佢黎齊野之後，我至發覺張單係寫住$24，但我叫果個茶餐係$20，凍飲+$1，咁應該係$21至岩，於是我就叫個亞姐埋黎問點解係$24，點知個亞姐同我講，"你叫左出前一丁嘛，咪要加$3囉"，咁我話明明寫住"一丁麵不另收費"，點知佢講"果隻係一丁麵，唔同你呢d出前一丁架"，我話咁都得，你好明顯係呃人啦，佢話"冇呃你，你食下就知你果個係出前一丁黎，好食好多架"，跟住佢就行開左，我覺得，轉丁麵要加錢就緊係冇問題，但你都唔駛用呢d手段黎呃人，明顯係誤導人啦，$3事少，條氣唔順事大，唔知可唔可以去消費者委員會告佢呢？

比隔離茶餐廳污糟落得幾樣食物都可以唔記得寫再叫阿姐落單要凍柑桔蜜竟然送上熱桔蜜本人點的炒豬扒烏冬,勁鹹,簡直係鼓油浸烏冬豬扒又肥最慘係四周的食客全部食煙至正係旁邊的姐姐仔,拿住包藥都照食煙一般茶餐廳都大把客食煙但係都無這裡煙霧迷漫可能抽風系統唔得敬告各位非煙民不要去幫襯

普通的一家餐廳，不太好也不太差，炒物不太行。

全店無乜特別, 係好似仙境一樣,吸煙既人非常多...不喜歡吸煙的朋友就唔好去,危害健康.

I had lunch with g/f at this restaurant. The flat fish meat (魚蛋片) tasted quite well though a bit salty. The soup of the noodles was a bit salty and greasy but did taste better than normal soups offered in other restaurants.