豐明苑粉麵燒腊茶餐廳 (已結業)

8月16日（星期一）晚，是晚女友約了去試化妝師，後來女友的大姐姐也來了，誰不知一試便花了三個多小時，令女友身心也累透了，見到女友這個樣子，實在很心痛。試完妝後，我趕快帶女友逃離現場和找個地方坐下來，吃點東西休息一下，為求方便，隨意地就選擇了這裡。女友已經疲累都想不到任何事，我便替女友作主點了碗魚旦魚片角湯米和熱檸蜜，我就試試ＸＯ醬揚州炒飯，因大姐姐已經吃過了飯，所以祇點了杯凍奶茶。想不到最遲落單的ＸＯ醬揚州炒飯竟然比湯粉還要快送到來，魚旦魚片角湯米才隨後來到，可能這就是茶餐廳特色罷！ＸＯ醬揚州炒飯的份量也不少，最重要的是竟然吃到微微的ＸＯ醬味道，想不到祇加$2元的效果如此明顯，而且揚州炒飯也很足料，幾乎吃每口飯也有火腿片粒、叉燒粒、蝦仁和生菜絲等材料，不過炒得很油膩，飯面碟底皆見到油光。至於魚旦魚片角湯米，魚旦魚片角各有約三件，我祇吃了一塊魚片角，尚算鮮味爽口。女友雖然口裡說不餓，最後也自己一人吃掉了整碗湯粉，我也可以略為放心。吃罷，也盡快送女友回家休息。

一大清早來到尖東, 先找個地方吃早餐才上班, 豐明苑是個不二之選。入到店內, 已有不少「蒲友」在打躉, 幸好還有卡座, 一個快步, 便坐下去。來到茶餐廳吃早餐, 不用想太多, 總是 ABC 餐, 我點了一份早餐 C 餐 - 沙爹牛肉麵配腸仔蛋及牛油厚多士 ($22) 。等了一陣, 早餐已熱辣新鮮送上, 最喜歡這店的多士是選用厚厚的方包製作, 吃下去, 很有質感。而腸仔太陽蛋配上沙爹牛肉麵, 永遠是最佳的拍擋, 缺一不可!! 別忘記以提神的熱奶茶作結, 整個早餐才稱得上完美。嘆完一份豐富的早餐, 精神為之一振, 是時候努力工作啊!!

i dun like the sauce is too watery.but the taste is the best i have ever tried before!!it is a bit spicy.potatos are deep fired but softened by dipping in the curry sauce already~i love them!btw,the restaurant has 3-4 HD TVs showing the World Cup.i think it is a good place with an enthusiastic atmosphere to watch the matches~!it can be a good suggestion to enjoy the matches without alcholic drinks~

過去大半年，每逢星期一夜晚我都會去豐明苑醫肚先返學。 嗰度六點前仍有下午茶，選擇非常多而且整得唔錯。 見到網上有好多關於呢間食肆嘅批評，想幫佢講句公道說話。 豐明苑嘅格局一向都係走大衆化路線，賽馬日仲坐滿馬迷……不過咁亦唔代表呢度無特色美食，只係無熟客引路而已。 我未食過呢度嘅粉麵同燒腊，唔敢作任何評論，但係呢度嘅咖喱雞球飯同福建炒飯的確唔錯！ 就响呢度介绍下：咖喱雞球飯：其實係雞扒飯至真！ 一片片雞扒煎過先放入咖喱度，啖啖肉。D咖喱汁鹹、甜、香、濃，十分惹味；相比之下，咖喱牛腩飯就無咁惹味，D牛腩亦唔係嚿嚿咁靚。 福建炒飯：有圖為證，勁多料！ 鍾意食濕炒飯嘅必定要試下。特色什會湯飯：有時食滯咗，清清地都幾醒胃。下次响尖東搵唔到嘢食，不妨考慮呢間豐明苑，但先始聲明，呢度並唔係樣樣都好食，亦唔好期望過高，咁可能會有驚喜。 加埋半年感情分＝㊣

原本諗住去食新o個間日本野, 但係睇到餐牌, 冇野飲要$4x, 不如食茶餐廳之前黎過豐明苑食過覺得d 咖喱ok, 所以揀返黎哩度咁岩西餐有得揀焗紅咖喱牛扒煙肉, 就試下哩個. 佢另外有個餐牌寫左"青咖喱", 連佢地d staff 都唔知寫錯左, 等我地仲以為有兩款可以揀$40 跟湯同野飲, 凍飲+$2, 原本係配羅宋湯, 但我轉左中湯.我o個碗係走榨, 但走左榨都仲有好多榨, 成個湯都好粉. 但勝在冇味精而且用好多料煲.應該係蓮藕紅蘿蔔豬肉朋友叫中式豬扒餐, 佢話d 汁好甜, 我自己覺得ok.但係d 豬扒真係麻麻地, 出面有汁, 但入面冇味.份量好多自己o個個西餐唔記得影相等左勁耐先黎, 因為要焗.紅咖喱係黃色. 上面有少少芝士焗. 有三塊牛扒同一塊煙肉牛扒真係好失望. 原來係bbq 牛扒黎. 冇厚度o個d. 睇黎我太高估哩間茶記.而且唔夠林, 有d 難咬. 多筋. 煙肉反而ok, 可能唔係煎既其實冇乜難度.咖喱幾辣, 有d 甜味, 我就係貪哩度d 咖喱夠辣岩岩好先黎.d 飯好多, 我平時會食晒d 野, 哩次都食唔晒... 到最後只係食左一塊牛扒同煙肉, 基本上主要係用汁撈飯廢事晒咁多

最近去左tst返學,lunch都唔知去到食好.所以都會行去麼地道附近既茶餐廳食野叫左個意粉黎食.可以話幾好味啦.不過d麵都乾乾地.同埋間茶餐廳既野飲極貴普通既凍檸茶都要14蚊.(散叫)算係不過不失啦

晚上係尖東豐明苑吃了一頓晚餐，試了咖喱雞飯及蠔仔粥，賣相及味道一般啦。另外，不得不提的是店內地面幾滑，而且洗手間在隔鄰商廈，很不方便。

尋晚做功課做到11點幾, 揀左間茶餐廳食飯, 因為收得夜間野都幾多野食. 小菜西餐斬料湯炒粉麵飯咩都有3人叫上海粗炒, 同2個青咖喱餐, 我要豬頸肉, 朋友要雞肉碟青咖喱同飯好大碟, 睇落覺得自己食唔晒d 青咖喱汁真係整得好好食, 杰杰地既唔似得上個禮拜去o個間泰國野既青咖喱稀到水咁, 冇打獻.咖喱仲好夠辣, 係食上癮既辣! 撈飯一流豬頸肉夠爽口, 夠大片, 夠多!仲試埋朋友既上海粗炒d 麵好煙韌, d 汁甜甜地帶有少少辣. 食過咁多粗炒算係整得最好食既一間啦一間茶餐廳有唔少既菜式, 但樣樣都整得好都唔係件容易既事試過咖喱同粗炒, 覺得哩間真係唔錯. 係地方烏糟d 嗻

今晚去睇演唱會前同朋友去咗呢到開餐，大家都點了西餐嘅晚餐，朋友食嘅係牛仔骨意粉；而我的是青咖喱雞青口意粉。西餐係跟羅宋湯及飲品，因為我唔飲羅宋湯，所以只是要了青咖喱雞青口意粉及一杯冰奶茶。首先要講吓個意粉，一望落去，又是一碟發脹意粉，仲要係賣相不討好，勁求其。青咖喱雞青口係另外上，好多好多油，冇咖喱味，雞扒佢係切件上，但煮之前係炸過，所以幾硬幾難食。而朋友的牛仔骨食到差不多見底時先發覺勁多油，雖然佢好肚餓，但見到勁多油之後都立即收手，唔明白好好一碟意粉點解會咁樣？呢間茶餐廳雖然好大，但餐具唔太乾淨，比如餐具仲有啲漬喺到，嘔心....呢間 食店真係唔比喊面唔得！

星期六下午的尖東都好多人內地人下, 經過見它門口有好多麵包供應, 就同老公入去tea一 tea.他叫了份干炒牛河的茶餐, 配凍檸茶要$32, 都幾貴下. 而且下午茶的碟頭比較細, 好似不太值, 不過味道還可以.我叫了菠蘿油+凍檸茶, 只是$18又好抵喎, 果然麵包餐平好多呢. 上枱時真是好開心, 好大個的菠蘿包, 真是好大個, 我地都話未見個咁大個菠蘿包, 而且它真是外脆內軟, 加上夠熱, 真是人間美食, 同老公一人一半好回味呢. 最後我忍不住再叫多一個蛋撻, 是至愛的酥皮, 蛋心好滑夠蛋味, 好好食呀.今餐我就食得好開心, 因為有至美味的蛋撻同菠蘿油.

2008年12月23號 - 夜晚7點半左右今日放工後搭左112去左尖東。 去找野食先。 最後就去左豐明苑食飯。 入到去看到餐廳已經好多人。 見到個卡位有位就去搭抬。坐下來就看看餐牌先。 見到一個鮮茄豬扒飯(34)就決定試試la。 再加埋一杯奶茶(12)。 哎呀。 無優惠ga。 不過算la。奶茶來先。 覺得個味道OK。 不過濃度調較得好好。 之後來左個飯la。 試試先。 Um。 個肉好好。 但是最好的是個汁。 我最鍾意係個汁。 總括來講都覺得呢餐好滿意。環境方面都好好。 夠大同有電視看。 不過當我找叉, 刀同匙的時候店員就拉開個櫃筒。 但是無拿它們給我wor。 覺得服務方面可以改善。

可愛朋友是日還沒飲奶茶,還沒吃完韓國麵已打算找奶茶飲,四人遊蕩至尖東在兩間相連的茶記中選了這間。坐在門口風水位,聽到其他客人點蛋撻,八卦的月巴人走到咫尺的麵包部看看,咦...似乎是酥皮蛋撻耶! 問問阿姐:係咪酥皮蛋撻呀???阿姐豪爽地回答:啱啱新鮮出爐熱辣辣呀!! 跟朋友們相視一下: 四個唔該!! 四個熱辣辣蛋撻上桌,朋友們自動幫我放得漂漂亮亮的給我拍照,真抵錫! ^3^ 酥皮雖然不算層次很分明,但也鬆化得掉了不少在桌面 蛋漿很幼滑但勁熱,第一口真被它燙到!!不過蛋漿很甜,吃完它之後覺得本來蠻甜的奶茶已變得淡味得多!!少甜凍奶茶被可愛朋友評為很甜,我跟honhon的正常版更是很很甜,要等碎冰溶掉一點才好飲一點;花奶份量偏多,所以朋友們覺得奶茶帶咸味,應該是花奶用量稍多之故,茶味還算ok,只是真的稍甜而已。本打算以那杯熱茶清清口腔,怎知那杯熱茶味道怪怪,也許店方沒打算客人會飲它吧。奶茶+蛋撻的確是下午茶絕配,雖然今次的確甜了一些

是日突然想是五香肉丁，於是踏入了久違的茶餐廳。點了一個餐，有肉丁通，炒蛋火腿和多士，凍檸茶。肉丁通的份量很多，作為下午茶來說，兩個人都夠了。而肉丁相比起來份量就不多，有點不夠喉呢。蛋不算滑，男友說多士太濕了。檸茶的冰太多，好像喝幾口就沒有似的。都是一時癮起，不知何時有雅興再去茶餐廳呢。

忽然很想吃個酸辣米線, 但又下大雨, 同事謂這兒自稱有招牌酸辣米線, 好!一於去試試!!點了一客$26包飲品的雲吞酸辣米線, 有五粒大雲吞, 蝦肉大而且鮮味爽口, 雲吞來說, 真的是水準之作, 而且一碗有五粒, 都算是多吧!!但是酸辣米線上有一片檸檬,加上小量雪菜絲及小量指天椒絲, 真令人費解, 那一片檸檬被我夾走它了, 喝一口湯, 嘩.....完全不不酸又不辣, 只是如平日早餐\\\\\\\\\\\\\\\\\\\\\\\\\\\\\\\那個沙嗲牛的湯底一樣,淺白色的, 怪不得它要加上檸檬片及椒絲了, 完全不可以稱為酸辣米線吧下次請在推介為招牌貨之前, 試一試味道吧, 畢竟這間茶記在尖東都算老字號, 這樣一來, 令到顧客大失所望又何必呢!

同朋友做完義工，見源記要二十幾元又多人，所以走過來食下午茶兩個人都食西多士凍咖啡，西多士中間好干，唔～～～味道都ｏｋ的，不過有比它更好的咖啡就有點問題，飲落有點酸味．．．．．．環境算乾淨光猛，不過真的煙霧迷漫，唔可以坐得耐