豐味車仔麵

營業中

休息中

-港式車仔麵🍜 （自選3餸1麵）($42)揀左蘿蔔❤️，雞中翼☺️，魚肉春卷😍蘿蔔超好食，食落好甜又無渣，而且煮到好淋，蘿蔔真係必食❤️❤️而雞中翼都好好食，都幾入味，肉質好淋，容易咬開🤗魚肉春卷都幾大條，索曬d湯更加好食😋麵底就揀左薯粉，薯粉好滑😎，食落好煙靭，軟硬岩岩好，十分彈牙，不錯😘而湯底就係腩汁 和 秘製辣汁(BB辣)，秘製辣汁真係好正👍🏻，加左之後果然唔同曬，少少辣🌶，愈食愈好味，秘製辣汁真係一定要加😋-椰子水🍹（$10)味道清甜，天氣咁熱，飲椰子水真係好解渴😁，食車仔麵飲椰子水都夾❤️

星期五收工突然想食辣野，行行下見到我至中意食既重慶酸辣粉就急不及待地衝左入去🙈呢間豐味不止有酸辣粉，仲有車仔麵同麻辣燙，都係我最中意食既野☺️最後我緊係揀左最中意食既酸辣粉😆一餸一粉 $33,另加餸就$7一款。 我揀左3款餸，雞翼，魚肉春卷同芝士腸，中辣配紅薯粉。首先，比起大陸既酸辣粉，呢間比較岩我胃口。因為比起大陸既酸辣粉少好多油但又不失惹味。大陸既酸辣粉一食落口成把口都係紅油，好似食緊油咁易腻又勁肥❗️呢間就做得吾錯，辣得黎油吾多酸酸辣辣既開胃又香口👍🏻 不過，下次我會叫大辣，可能我又食得辣左🙈🙈入面配菜有炸菜同花生，增添口感。紅薯粉滑口，煙韌，但易咬斷，故此軟硬適中。極力推薦呢個魚肉春卷，超級好味用腐皮包裹住魚肉，有腐皮既香口又有魚肉既彈牙，好正❗️第一次食到呢款，真係好岩我食一次過食腐皮同魚肉呢款成為我下次必點之一鹵水雞翼好入味，雞肉嫩滑，皮薄。 咁流心既芝士腸非金妹牌芝士腸莫屬下次可以食下麻辣燙🙆🏻‍♀️PS. 相比起大陸酸辣粉，呢間除左小油，仲有一樣就係可以揀餸‼️大陸酸辣粉除左花生就只有炸菜，咁食好單調架嘛而豐味就融合左大陸同香港既元素，既惹味又吾單調PS. 超過加一既服務但冇加一

想食車仔面，酸辣粉唔一定要去深水埗排勁耐，又要急急腳食完就要走今日係旺角做完gym，行去女人街就見到衣間《豐味》坐得舒服冷氣又夠，最重要係有我好想食酸辣粉有50款餸任㨂，9種面底我叫左正宗重慶酸辣粉＄26包1餸，另加餸每款$7, 我加多2個款。total$40豬大腸係必叫，生根可以吸晒酸辣粉既精華，紫菜係我最愛下午茶時間（2:30-6:00)，重要送餐飲食酸辣粉點可以唔飲可樂等一陣已經有得食我叫左小辣，見到湯底紅卜卜已經流晒口水但其實都唔係好辣。配料有榨菜，芫茜，花生，份量都好多雖然係車仔面檔，但擺盤都無馬馬虎虎。每邊一款餸。豬大腸洗得好乾淨，又切得大舊生根只有2舊，唔係好夠嚨但整個面份量都係好多，好夠飽因為薯粉太容易整條吞落肚，一定要慢慢食但全程都無感覺到比人趕走幾個待應姐姐都係靚女好人

香港近幾年興起酸辣及麻辣等四川風味，連小肥兔都非常熱愛，今日去旺角行街，見〈豐味車仔麵〉仲有一款叫〈麻辣燙〉嘅口味，就決定入去一試。除咗有我頭先提及嘅〈麻辣燙〉外，仲有傳統嘅車仔麵及重慶酸辣粉，食唔食辣嘅朋友都可以照顧到。店內沒有花巧嘅裝修，非常簡潔。但以普通車仔麵店來講，已經算非常寬敞舒適。我叫了三餸一麵麻辣燙，熱辣辣的送來，好香呢！！BB班我選了小辣口味，先嘗一口湯底~味道好濃郁，麻香多過辣，帶少少甜味，比酸辣口味少一份刺激，所以不會吃到眼淚鼻涕直流，味道很好。吃麻辣要配薯粉是常識吧！！粗薯粉煮得剛好，軟硬度適中，口感Q彈冬菇是必吃首選，非常厚肉，夠腍又入味。豬皮亦是另一款索湯之選！！爽口的豬皮吸滿湯汁，好吃極了。另外雞翼非常好吃，腍滑得來有雞肉的口感，而且滷得非常入味。想不到在女人街的小小車仔麵檔可以有如此高質素的食物，去旺角想慳慳地食餐的話，可以選這間。

天口熱，又話會打風，唔想等位食飯，於是去了呢間位於旺角通菜街的 ''豐味車仔麵'' 食個晏。舖頭裝修别緻，簡約風味，感覺舒服。餐牌有數十款美食，任君選擇。我點了 ''自選3餸1麵''($42)，包括有猪大腸、魚肉春卷、娃娃菜、油麵，湯底是腩汁、秘製辣汁(小辣)，再加杯凍咖啡($7)，合共盛惠$49。車仔麵賣相美觀，份量十足。猪大腸好多肥膏，咬落爽口。魚肉春卷大大條好咬口，魚肉新鮮，薄薄的腐皮吸收了秘製湯底的辣味，味道倍感滋味。娃娃菜新鮮幼嫩油麵份量不少，口感適中。湯底少少辣，味道不錯。凍咖啡大大杯，咖啡味夠奶夠滑。埋單都只是$49，抵食！

趁住山竹未到港又係 Happy Friday 當然唔想咁早返屋企啦。出到MK經過女人街記起之前朋友介紹豐味嘅重慶酸辣粉好正😋入到店鋪個裝修幾懷舊，碗同匙羹都係公🐓😍😍叫咗🐷大腸，🐄筋，冬菇同埋蘿蔔，揀咗小辣。每樣餸都好入味，好好味👍👍，仲飲埋椰青水，今餐真係大滿足。返屋企要🏃‍♀️返10K8K先得囉🤣🤣

本身都好鐘意食酸辣粉食過最好食既就係Moko 樓下果間企係度食既(相信鐘意食既會知係邊間)而呢間小店係我會再去食既小店去相第一次食酸辣佢既湯底唔似出面咁湯還湯辣還辣食開小辣既剛剛好~第二次試麻辣今次食bb 辣比起酸辣小辣辣多少少湯底都好味道~另外覺得小店乾淨舒服店員都好有禮貌!笑容可嘉!仲突燈追出黎比張野飲coupon我特別唔知係咪老闆娘既店員(？)佢都好友善(加靚女😁)!!~有少少缺點係個薯粉好長夾極都仲有🤣🤣而個碗好大，顯得啲餸比較小

旺角餐廳多得數之不盡，種類繁多，不過有時候只想簡簡單單食一碗麵或飯。上星期經過這間車仔麵，裝修還很新淨，環境企理，於是和朋友入去一試。這家車仔麵跟一般的不同，除了一舨的車仔麵之外，還提供了重慶酸辣粉的選擇。喜歡辣的我當然首選重慶酸辣紅薯粉，除了本身的酸菜花生等配料，我還加了豬紅、墨丸和豆卜。薯粉煮得夠腍，又有咬口，湯底夠酸而不會太辣，適合不太能吃辣的人。朋友點了車仔麵要豬骨湯底，加了腩汁，金菇、豆卜和娃娃菜配烏冬，金菇和豆卜完全吸收了湯的精髓，娃娃菜也十分清甜。點可樂的時候，店員還貼心問我要黑色還是紅色可樂，非常貼心。

在旺角吃晚飯，無論甚麼價位的選擇也多。今晚想hea點吃便宜點，在女人街找到家車仔麵。太普通了嗎？不，它一點也不普通。因為這家車仔麵除了平常的湯底外，還有重慶酸辣粉和四川麻辣燙！麻辣燙在港仍未算很流行，反面上深圳玩時吃得多，現在當然要吃！所以我點了椰子水，它那清甜的味道夠refreshing，就算我吃麵吃得辣也不怕。豆漿不會太甜，也不錯呢。男友不吃辣，就點了碗三餸腩汁米線，大大碗盛惠42元。我的麻辣燙就貴點，三餸要54元，不過我對這湯充滿期待，54就54啦！先由味道溫和的腩汁米線開始。牛腩是粒上的，帶一點筋，軟身得來又有點爽口，重點是入味！牛筋也是粒狀但大點，煙靭爽口俱備。看這顏色都知有多入味啦！蘿蔔煮得軟又無渣，不過沒牛那些的濃味。米線軟身也滑。深啡的湯底滑口，味道香濃，是鹹中帶甜的味道。麻辣燙的湯底是深紅色的，要拌勻才吃啊！湯充滿香氣，喝下去不算好辣，但感覺醒神！最配的麵當然是紅薯粉，又滑又煙靭又吸湯，好入味！豬紅只有麻辣燙的香味，軟軟的很好吃。魚肉春卷吸湯後更惹味，魚肉量不算少。雞翼有醃過，有鹹香的味道，沒有被辣湯蓋過。肉質煮得超軟，輕易骨肉分離。在車仔麵店吃到麻辣燙，我心滿意足了

旺角餐廳林立，喺女人街附近發掘左呢間新嘅車仔麵檔！價錢大眾化，而且除咗香港地道平民車仔麵之外，仲有麻辣粉及酸辣粉吃，夠晒多元化！四川麻辣粉湯麵餐$33起，秘製嘅麻辣湯底可自選辣度！麻辣湯底可選BB辣、小辣、中立、大辣及宇宙辣，鍾意食辣嘅朋友絕對值得你試吓挑戰下味蕾！我點選左一碗小辣嘅麻辣湯底薯粉，覺得非常正！麻辣口感層次分明，入口先麻後辣，辣得來又唔會太過涸喉，越食越辣，越食越上癮！值得一提嘅就係下午茶兩點半後有餐飲送，比較抵食！

難得今日偷得浮身半日閑，去睇戲既途中有點餓餓地，見仲有時間，都係揾下野食下先，免得一陣要受飢餓之苦。在旺角女人街見到呢一間新開的車仔麵，咁就入左去食。可能時間太早的關係，五六點左右，所以人流不算多。呢到是可以選擇港式車仔麵，麻辣湯或者酸辣粉。見呢度首選都是食酸辣粉，味道最濃郁，再配上煙韌薯粉，簡直一流。但可惜因為病病地的關係，所以就選擇了食清少少的車仔麵。地方企理，裝修懷舊有特色三餸麵餐都只係$38加埋杯熱飲，好抵食👍🏻魷魚春卷豬腸米線豬骨湯底加腩汁BB辣，豬腸洗得很乾淨，而且全部餸都好入味。味道比較清淡，原來呢到主打是無加味精。食完唔會口乾，正wo!牛柏葉魚腐響鈴烏冬，腩汁加BB。估唔到響鈴配車仔麵可以咁正，我真係第一次食，勁入味!有冷熱飲品

作為重度嗜辣症患者，我絕對唔會錯過吃辣的餐廳～呢間豐味車仔麵位於旺角，有齊酸辣和麻辣兩種滋味，如果唔食辣都可以食車仔麵，都有幾種湯底可以揀。正宗重慶酸辣粉$33，加餸每款$7我揀左牛腩、魚肉春卷同埋蘿蔔三個餸，麵底揀左薯粉，牛腩味道香濃魚肉春卷係招牌菜，個人亦認為非試不可，比平時食開的魚蛋或魚腐更有質感～蘿蔔吸收哂酸辣湯底，好入味！薯粉係我最鍾意的麵底，好彈牙，推薦！招牌四川麻辣燙$33，加餸每款$7朋友就揀左牛筋、黑椒牛丸、蠔油冬菇，都係配薯粉。其實都係睇返自己鍾意食咩餸啦，個人覺得食車仔麵主要係睇湯底。呢間餐廳的酸辣同麻辣都做得好好味可樂$8忌廉$8今餐食得好滿意，唔單止好食，價錢仲好平，大約$50一位就可以食到美味的麵

旺角出名多嘢食，但好多都試過晒啦，最近朋友帶咗我去一間新嘅車仔麵，裝修非常之靚，好有香港特色。另外食物質素都非常高！我就叫咗個麻辣湯嘅薯粉，真係好夠辣，同傷心酸辣粉有得比。但係佢個湯汁都真係好好味我唯有叫杯汽水你解辣。雖然係好辣，但係啲餸配料同埋面都真係非常值得一讚。朋友叫咗個唔辣嘅湯佢都話好清甜好好味，啲配料亦都非常充足好味。而且價錢都真係好平30幾蚊就有嘢食有嘢飲，食厭咗譚仔不妨真係可以試吓呢間車仔麵。

呢間新開既車仔都檔除左有傳統香港地道車仔麵食之外，仲有四川麻辣湯粉及酸辣粉！自問係辣妹既我...點左個小辣既酸辣粉，已經食到辣到跳舞喇!🌶🌶🌶辣同酸既層次幾分明，不過我就覺得酸味未夠濃！辣既程度分左五級：BB辣、小辣、中辣、大辣、宇宙辣！🌶小辣已經等同平日中辣既辣勁，真係好難想像宇宙辣會點樣😂無辣不歡既朋友仔不妨bookmark去試下！下午茶時段仲有餐飲數非常之超值！而我就揀咗杯凍豆漿，用嚟解辣一流！粉麵及餸菜都可自由配搭！而我就揀左魚腐、魚皮餃及蘿蔔！我覺得識食酸辣湯粉一定要叫蘿蔔，蘿蔔能夠吸收晒湯底嘅味道，夠晒惹味！值得一讚魚皮餃皮薄餡多，好味呀！薯粉晶瑩剔透，味感煙靭。薯粉同酸辣湯是perfect match 呀！

女人街出名好多嘢食平時如果係旺角返工都一定去嗰邊食今日就試一間新開港式車仔麵入去環境裝修唔錯 幾特別除咗車仔麵之外仲有麻辣燙，酸辣粉同其他選擇今次嘅車仔麵我簡左咗豬大腸豬紅同埋雞翼豬大腸爽口彈牙而且乾淨 雞翼炆得好淋唔錯最正嘅係呢度仲有薯粉 薯粉可以吸收湯底嘅味道令到車仔麵更加昇華而且個湯底感覺冇咗好多味精同埋油食完之後仲可以飲少少湯價錢來講都幾抵食而且環境企理乾淨員工招呼都唔錯有禮貌下次有機會嘅話會再嚟