豐味車仔麵

營業中

休息中

又到LUNCH時間，本來打算跟同事打算平平地頹食，在女人街隨便找一間，見到呢間未見過既面店，感覺乾淨企理，比一般車仔面店舒適，一於就試試佢。自己在紙上圈食乜，選擇都好多下，選擇困難發作，一時三刻決定唔倒。為了試真章，選了三個不是default味道的餸雞翼尖冬菇大腸公仔面，腩汁，小辣。雞翼尖入味，但可以再淋Ｄ，會較容易食用，畢究女生還是顧儀態的（雖然我沒有在理）。冬菇好味喎！厚肉又燜得夠時間，唔錯。大腸都幾好，不會有臭味怪味，略嫌裡面肥膏太多，處理走一些會更好。公仔面配自製辣醬，惹味，不會太辣，好邪惡。整體來說抵食，值得一試。

勁黑仔囉 行行下街落大雨 冇帶遮 所以行入女人街左右兩旁嘅通道打算避下雨雨越落越大 企喺度都唔係辦法 所以入咗呢間豐味車仔麵 邊食邊等停雨咁啱撞正打工仔放飯時間 見到好多ol幫襯 仲同餐廳職員好熟㖭 食客冇帶遮 餐廳都借埋雨傘客人 這種貼心及人情味 實在難得介紹番我今日食咗啲咩先我叫咗個三餸嘅港式車仔麵牛腩，豬大腸，魚肉春捲 配薯粉加腩汁(小辣)先品嚐一啖湯底 腩汁非常濃郁 帶有藥材味 感覺有啲似食緊肉骨茶嘅湯底 非常喜歡另一精髓是餐廳秘製嘅辣汁 又香又辣 完全可以增加湯底嘅層次感魚肉春捲 腐皮吸收湯底嘅精華勁入味 魚肉有彈又鮮牛腩炆得好林 又入味 帶有點點牛筋 有咬口 質感非常好豬腸勁好食 雖然好多肥膏 但係咁樣先香口 完全冇腥臭味 入口彈彈的薯粉麵條較粗 入口非常滑 而且煙韌 一啖面一啖湯 吃過不停另外跟餐凍檸茶只需要加七蚊 正宗嘅港式凍檸茶 茶味香 又不會太甜付款方式都幾多 除咗現金之外仲可以俾八達通，支付寶 夠曬方便餐廳唔係全年無休 今日剛好下雨 剛好經過 剛好餐廳有開門營業 我先可以食到一碗咁好味嘅車仔麵

一個人的下午茶…… 自己一個食乜都冇所謂 簡簡單單食碗麵已經足夠經過女人街 兩旁全部都係食肆 一於支持本土特色美食餐廳除咗有港式車仔麵 仲有正宗重慶酸辣粉和川味麻辣燙入到餐廳第一印象係簡潔而且整齊 樓底好高 完全冇焗促感 仲好光猛牆上仲掛咗好多香港老照片 充滿香港情懷食得辣嘅我梗係要試下呢度嘅正宗重慶酸辣粉 辣度分為五種 包括bb辣 小辣 中辣 大辣和宇宙辣我揀咗三個餸包括 豬紅 魚腐 魷魚(重慶酸辣粉)配料包括榨菜 花生 及芫茜(走芫茜)辣度:宇宙辣湯底超級惹味 辣度十足 又酸又辣 酸度溫和 層次分明魷魚 口感爽脆彈牙魚腐 魚味十足 完全冇腥味豬紅非常推介 非常入味 入口嫩滑不嚡口下午茶時間2:30-6:00送餐飲一杯自選一餸一粉$33 另加餸每款$7三餸一粉$47 剛巧碰上下午茶時段嘢飲免費超抵食呀!

同朋友嚟旺角行街，呢幾日都食到好飽，唔想食啲咁油膩嘅嘢，就揀咗嚟食港式車仔麵，嚟到見到裝修好新淨，周圍都好乾淨，唔似其他麵店咁痴立立老闆娘仲好有禮貌！我叫咗一個三餸麵，叫咗薯粉，招牌雞翼，滷水蛋，春卷，湯底就要左豬骨湯，加滷水汁薯粉好煙un, 好有咬口唔會淋哂，雞翼蚊到好林好滑，而且夠哂入味！湯底香濃得嚟食完唔會口渴朋友就要左幼麵，魚皮餃，滷水蛋，春卷，豬骨湯底加冬菇汁，呢個汁會比滷水汁清啲！嘢飲我哋有人要左一杯凍奶茶同凍鴛鴦

今日同朋友出旺角行街，行到一半個天突然落大雨，加上都差唔多時間要食嘢，結果就搵到一間新開嘅麵店入去試一試新嘢。入到去個環境幾闊落，左邊就係單人嘅向牆臺，另一邊就係四人枱，中間條通道好闊，就算兩個人一齊行都冇問題，喺旺角依啲地段嚟講呢啲餐廳都算少見。選擇十分之多，淨係麵嘅款式都有三款麵。 最後我揀咗食車仔麵，而朋友就揀咗食酸辣粉。嘢飲我哋叫咗凍檸茶同椰青水。分量唔錯，嘢食亦都好味。同埋就係餐廳坐得好舒服，價錢都唔貴，兩個人食一百蚊唔使就可以食到飽一飽，抵玩。

又係嚟到我最鍾意喺度搵食嘅街❤️通菜街。真心呢條街真係好多又經濟又實惠又好味嘅食店‼️ 今次發現咗新開嘅車仔麵鋪頭😍 呢條街冇乜呢類型嘅餐廳，而我最鍾意食就係車仔麵🤤梗係入去試吓。入到去環境好舒服，座位寬敞，冷氣夠同埋有電視睇。👍🏼 好搞笑佢有一排單人位。😂見到餐牌原來佢唔止車仔麵咁簡單！😳 佢仲有重慶酸辣粉同四川麻辣。🤤 等我下次再試先，因為今日好想食車仔麵😛。 餸嘅種類都好似其他車仔麵鋪咁好多款，我覺得車仔麵同拉麵都一樣湯底係好緊要🤔。 佢有豬骨湯底同腩汁湯。之後仲可以加佢個秘製辣汁，今次我揀咗BB辣度。😝秘製辣汁係個匙羹上面，食之前將佢撈勻晒係個湯底度咁就得了。👍🏼 飲咗一啖湯底果然好味。😍 墨魚丸味道正常，蘿蔔煮得好林好甜，值得一提係佢個魚肉春卷！拍得住南記👍🏼，又係好鮮甜好滑。餸嘅份量幾夠。朋友叫咗魷魚腩肉菜心油麵，佢話都幾好食可以再戰。😂特別一提佢個下午茶好抵食😍。

在經過店外的時候被這家店乾淨明亮的裝修吸引於是進去試試。竟然有我最愛的重慶酸辣粉、很少有車仔麵中找到的，我十分興奮。選了午餐肉，豬紅，金菇，蠔油冬菇，中辣。午餐肉有兩大片，豬紅很滑，最最最值得讚得是蠔油冬菇真的好好好食，蠔油完全滲入厚厚的冬菇中，好食的蠔油冬菇現在是非常難找的，吃得我很感動！酸辣粉和炸菜份量亦很多，酸度和辣度適中！第二個麵選了河粉，牛腩，豬大腸，雞中翼，芝士腸，BB辣。腩汁很甜，豬大腸好食，處理得很乾淨而且煮得很入味，雞中翼肉質滑鹵水汁不錯。加飲品價錢合理，我最愛的椰青水都只是加$10，清新解渴，夏天我必選！最深得我心的是吃完麵後，一整晚我都不覺口渴，完全是沒放味精的象徵，這些是沒得騙人的，非常難得！

打風搵野食永遠最煩，好彩經過女人街，入黎避雨之餘睇下有咩食!見到開左間新既麵店有麻辣燙，聽得多但未食過，一於試下!餐廳都幾大，整個感覺做到好似內地既麻辣火鍋店咁最似係呢一類中國feel既油畫，好多麻辣火鍋店都鍾意放呢一類畫除左麻辣燙，同樣都有做車仔麵，睇落食材都一樣，係湯底唔同我要左碗麻辣燙既麵，睇落即係麻辣湯底~可能叫法唔同???湯底偏重口味，比較咸，麻辣味超香，食落重辣輕麻，我點左大辣牛腩大小剛好，一啖一粒，幾香腍入味。雞翼係滷水野，滷水味一般，但啲肉好腍好多汁。隻蛋就一般。麵底好緊要!!原來諗住揀油麵，最後要左粗麵，等佢更吸湯，果然啲湯完全吸哂湯底味，超惹味!!入味之餘又唔會腍哂，正朋友要左腩汁底既車仔麵，油麵永遠最抵食，粗身得黎份量多，一定夠飽肚朋友要左牛腩大腸蘿蔔。蘿蔔超腍超甜又無渣，但切得細舊左少少，唔可以口啖咬落去，好似少左啲滿足感大腸洗得夠乾淨無臭味，而且煮得好腍好入味，正

其實由細到大都好鍾意食車仔麵，今日上堂之前就快快手喺旺角諗住食個麵，經過女人街，睇咗個餐牌見到價錢都合理就揀咗呢間睇咗好耐，猶豫緊揀酸辣粉定普通車仔麵好，心絲絲底下就揀咗酸辣粉，酸辣粉嘅配料都幾豐富仲有好大量嘅榨菜同花生添，湯底幾濃味，唔會過辣雞翼尖份量都唔少，滷得好入味魚肉卷比較林身，而且索晒啲湯嘅味道， 好食朋友就嗌咗車仔麵，我飲左一啖湯底，味道都10分濃郁，而且唔油膩，如果想食清淡啲嘅，絕對可以揀呢個，而且辣醬係分開上，幾細心，朋友最後食到一啖都冇得淨

心癮這回事，確是難以解釋。近期突然迷上食車仔麵，返工放lunch，都嚷著要吃車仔麵；晚上回家，不吃車仔麵不罷休；就連宵夜，也指定吃差不多類型的粉麵類。可能想尋找一間半間是有特色的車仔麵吧。不得不承認，是有點太瘋狂！哈哈！今日同朋友係旺角行街, 當到晚飯時間, 係旺角女人街選擇多多，所以我倆決定睇到邊一間平價就食邊一間!行行下見到間應該係新開張無耐既小餐廳，店內的老闆娘向我倆落力招徠，我地見價錢便宜又是我愛吃的車仔麵類！家庭式小店咁！就入去試試啦!天氣悶熱食湯麵類真心不錯的！呢間【旺角豐味車仔麵】有港式車仔麵啦、招牌四川麻辣燙啦同正宗重慶酸辣粉揀，每一款都可以可選擇唔同辣度！MENU有兩面，入面都好多選擇啊！成41款餸揀！真係心大又心細！呢度既環境就好簡的，乾淨企理！長方形格局，一邊係向牆單邊吧枱式！一邊係四人枱二人枱咁！港式味道十足！朋友揀左“酸辣粉”，三款餸:「牛腩,雞翼,豬大腸」, 要左薯粉 仲要 (宇宙辣) 所以搭左罐可樂。酸辣粉通常都重味精到暈！但呢度又唔會！因為老闆娘本身自己都怕多油肥膩同埋味精！所以俾客人既都唔會多油，自然味為主望落可能都會覺得辣，但食落又唔太辣, 酸酸麻麻

約埋幾個朋友仔去旺角行街，幫朋友M 裝身扮靚靚， 但係行街之前，當然要醫飽個肚喇。旺角雖然多嘢食，但係太多選擇又真係幾難揀嘅， 又唔想食太飽，簡簡單單食個車仔麵都係一個唔錯嘅選擇。行到女人街附近見到呢一間車仔麵都幾有特色，除咗有車仔麵之外，仲有酸辣粉﹑麻辣燙，同埋唔同嘅小食，好似幾得意咁。 坐得都幾舒服，唔會太迫。空間感幾足，唔會好似附近某啲餐廳咁坐得咁迫。選擇都幾多，有唔同嘅餸 ，30蚊一個麵加一個餸，另加餸就每款七蚊， 下午茶時間仲送嘢飲添，感覺唔錯。另外仲有麻辣燙同重慶酸辣粉，幾有特色咁。朋友就嗌咗一個港式車仔麵，有牛腩、冬菇、龍蝦丸，佢個選擇咗腩汁，偷咗一啖嚟試，都幾香。至於我就嗌咗椰青水，費事飲汽水啦，清清哋最啱解辣。我就嗌咗麻辣燙，要魷魚、豬腸同響鈴，跟薯粉。 魷魚都幾爽口，豬腸就好有鹵水香味，唔錯。響鈴就可以吸收到麻辣湯嘅味道，正呀，好味。其實都幾大碗，份量都唔細。值得一提嘅係薯粉煮得好軟身，好滑好好食，不過真係好難夾， 好容易一夾就跌返啲粉落湯， 要小心彈到自己。另一個朋友就嗌咗車仔麵配薯粉，魚肉春捲、蘿蔔同牛腩，特別嘅係可以另加辣汁， 咁可以控制辣度，想試辣又怕辣嘅朋

旺角一向食肆林立，要在眾多食肆中揾身絕非易事，識得捐窿捐罅才能避開人群。走入後街，原來有間車仔麵店。見裝修不錯，入內探個虛實。餐牌主打車仔麵，但都有重慶酸辣和麻辣選擇，實行眾幾樂樂。下午茶都有一班人眾腳。以車仔麵店來說，環境算闊落。飲品有椰青水，清熱解渴，跟餐$10。點了個車仔麵，$42三餸一麵。自選麵底和湯底。建議試下這裡的秘製辣醬，少少辣，多多趣。麵質不錯，粗麵吸湯正。魚肉春卷幾特別，好少車仔麵有。魚皮餃和牛栢葉都係小編食車仔麵的指定配料。魚片餃都幾肉厚。整體印象都不錯，以下午茶有飲品跟為抵。

新到模型返貨，女友陪 L 到旺角入貨後突然想吃車仔麵，於是找到位於女人街的豐味車仔麵。女友的港式車仔麵選了蠔油冬菇、雞中翼及魚肉春捲。秘製辣汁bb辣配上腩汁。冬菇炆得好腍，秘製辣汁bb辣都不錯，並非只有辣有點不同層次的味道。女友說加一杯凍鴛鴦就是夏雨天的享受。至於 L ，通常到未吃過的餐廳都會選其招牌，四川麻辣燙選薯粉配bb辣加豬大腸、豬皮及蘿蔔。薯粉晶瑩通透有彈性。蘿蔔及豬皮都好腍，豬大腸都洗得乾淨無羶味。 L 強烈建議除非一向吃得很辣，否則先從 bb辣起步而非一步登天到宇宙辣!結果都要以椰青水解辣旺角有誠意的麵食不多，這裡有齊重慶酸辣粉，四川麻辣燙及港式車仔麵。

又到星期四，上堂前要先醫醫肚，上次喺附近食野，已經留意到呢間新開嘅麵店，望入去幾乾淨企理，於是今個星期試一試。成間餐廳好光猛，長方形格局，一邊係四人枱，一邊係向牆單邊枱。平日收工時間都幾好生意，差唔多七成滿座。呢度主打港式車仔麵，另外亦都有麻辣燙、酸辣粉，感覺幾吸引。車仔麵款式都多，1餸麵28，兩餸麵35，3餸麵42，配料都係大路野，豬大腸、豬皮、豬紅、牛腩、雞翼、魚片頭、魚春卷、韭菜餃、菜類等，麵底可以揀油麵、粗麵、幼麵、河粉、公仔麵、米線，仲有薯粉添，驚唔夠食可以加底8蚊。湯底配豬骨/腩汁/辣汁，分bb/小/中/大辣。另有小食，加配飲品半價，人均50蚊左右啦。豬大腸、雞翼尖、魚肉春卷、河粉 42：碗麵都幾大碗，豬腸比較瘦，都幾有咬口，清理乾淨；雞翼尖忟得夠淋，而且幾入味，一共四隻(?)；至於魚肉春卷就比較一般，薄身。麵底揀左河粉，男士作為晚餐，唔加底都可以接受雞中翼、魚片頭、娃娃菜、油麵 42：另一碗都係三餸，雞中翼幾好食，有少少腩汁味，唔會好老好鞋果種；娃娃菜腍身，主要係葉嘅部份；魚片頭三粒，夠彈牙爽口。麵底揀左油麵，女仔夠哂。湯底揀左辣汁、中辣。由於佢個辣汁係好似文記咁匙更另上

今日同朋友行開旺角，兩個未到月尾，就已經荷包乾的窮鬼，肚餓了就梗係要入女人街搵嘢食喇， 貪入面啲餐廳選擇多， 價錢較大眾化。今次揀豐味車仔麵，係因為店員姐姐喺門口叫「有車仔麵食呀有車仔麵食呀」 朋友揀嘢食好簡單， 見姐姐係靚女咁就入咗去喇。豐味車仔麵最特別嘅地方係有三種湯底可以揀嘅， 有川味麻辣煲， 重慶酸辣粉的湯底， 以及傳統港式車仔麵湯底， 傳統港式車仔麵湯底又可以加腩汁，各種辣度，同埋腩汁等等。今日朋友叫咗碗重慶酸辣粉湯底， 另外有幾多三樣餸有牛栢葉， 魚肉春捲同埋金菇。 湯底都夠酸夠辣嘅， 仲有少少麻嘅口感， 而且嗰份都大碗。 唯一美中不足的是， 呢度冇芫茜同埋冇花生， 如果加埋呢兩樣嘅話， 就更加高興啦。而我叫咗碗傳統港式車仔麵湯底嘅車仔麵， 叫咗蘿蔔紹菜同埋牛腩， 因為我比較細食所一個幼面其實都夠， 蘿蔔都算清甜， 係牛腩有啲細粒同埋有啲肥， 不過整體嚟講都算ok啦。