豐味車仔麵

營業中

休息中

豐味車仔麵位於旺角女人街，店鋪不太顯眼，很容易會便錯過了，鋪面呈長方形，坐位不會太擠迫，員工有禮貌，地方衛生。⁣⁣港式車仔麵價錢便宜，一餸一麵只需$28、兩餸一麵$35、三餸一麵$42。⁣除了港式車仔麵外，還有正宗重慶酸辣粉、招牌四川麻辣燙，價錢一餸一麵$33另加餸每款$7。⁣⁣雖然份量不算太多，但勝在價錢相宜，食材種類是一般車仔麵款式，港式車仔麵味道正常，相信酸辣粉同麻辣燙味道會出色很多，下次可以一試。⁣⁣———————————————————⁣⛳️ 豐味車仔麵 (旺角)⁣旺角通菜街2A-2P號鴻光商場地下2J號舖⁣⏰星期一至六 11:30-22:00⁣⏰星期日 全日休息⁣

因為黃店所以特地幫襯，因現在疫情關係，地方清潔，有長BAR台位同4人台，我哋一行兩人一入到嚟就同我哋講要座長BAR台，明明就得兩三個人係到點解要咁安排呢？食碗線最多咪20分鐘，我哋無理佢照座4人台，當然有啲說話俾我哋聽喇，但我地全情無理個老闆娘，快手叫完野食同快手食就完就走，全程無15分鐘，今日就食咗以下嘅野：百葉大腸豬紅酸辣薯粉 (中辣)百葉正常百葉味但分量少，有4片，生熟程度有點過火，少韌，但可接受；大腸滷得幾好都叫做入味，腸帶肥膏，唔臭，不錯；豬紅有少許彈口，夾落唔散，合格；辣薯粉有啲淋唔夠爽彈，但都可以接受；麻辣湯頭飲落唔涸口，唔係死辣味，酸味與辣味平行做得一般，但食完絶無涸口。冬菇大腸腩肉酸辣薯粉 (中辣)冬菇食味正常，叫做煮得淋身同入味；大腸滷得幾好都叫做入味，腸帶肥膏，唔臭，不錯；腩肉正正常常，辣薯粉有啲淋唔夠爽彈，但都可以接受；麻辣湯頭飲落唔涸口，唔係死辣味，酸味與辣味平行做得一般，但食完絶無涸口。食物整體都滿意嘅，但唯獨係份量真係少咗啲，正常食量者三餸麵一定食唔飽，建議要加麵底，因為佢麵底真係份量太少了，另外以麵鋪嚟講佢嘅衛生同環境係合格以上，幾企理。個兩三餸連兩杯野

經過家樂坊嗰邊唔知食咩好又多人，於是行入行仔求其搵間嘢食，見叫做豐味車仔麵，於是行咗入去。由於我盡量少食澱粉質，我叫左麻辣燙，朋友叫左腩汁車仔薯粉。3餸$35+$7一個餸當兩碗面嚟到我面前，我比兩碗面嘅湯底香味吸引，但低頭望見發現餸嘅份量不多，心知唔夠大胃的我。我果碗 麻辣燙：滷水蛋1隻芋絲4舊菜心 碎條5-6小塊牛腩 （超肥）4舊仔朋友 腩汁車仔薯粉：雞翼2隻牛腩 （超肥）4舊仔生菜 4條薯粉份量適中兩碗都係小辣，湯底嘅麻辣幾惹味又香，但只係之前食開嘅車仔麵份量都比依間較為多，所以有比較下顯得份量較少。舖頭有兩個侍應，一個年輕一個比較成熟。年輕顯得那麼，成熟嗰個antie比較熱情，當佢見到我哋將牛腩放喺枱上面。先同我哋講落單時可叫瘦牛腩，咁就唔會造成浪費。臨走嘅時候佢有同你講打風問我哋有冇帶遮，好熱情好好款待。

如果食厭左某連鎖四川米線的話 我會高度推介呢間車仔麵 無論係湯底同材料質素都係遠高於某連鎖店 重點係果間連鎖店顏色未名反而豐味車仔麵就係一間黃店 值得支持今日所有旺角西洋菜街黃店門口都排哂長龍 好彩豐味有位仲可以即刻坐店員非常細心 量體溫係基本 佢地仲會即時消毒台面 務求令到客人安心黃店既文宣絕對係缺一不可兩送麻辣燙 小辣 (魚肉春卷+牛腩) 配 枝裝可樂湯底非常野味 夠香麻 食得好過癮 麻辣燙值得推介魚肉春卷味道唔會好咸 牛腩煮得夠林 份量都唔少麵底揀左油麵 不過份量確實唔夠 食完好似無食咁 建議加多少少就好宜家普遍大部分餐廳都係比罐裝可樂 呢到比多$8就可以有大枝裝可樂 非常滿足

第一次幫襯，地方清潔，因現在疫情關係，當我坐下時特別再用布沫一次檯面確保乾淨，店員又有禮貌，感到可安心食嘢，今天叫咗一碗4餸粗麵+一杯凍飲，特別要求麵腍d，經驗話我知一般店鋪煮麵時間太短會好硬😅，麵送上，餸放喺麵上是整整齊齊，有心機擺放，值得一讚，豬大腸軟腍而有彈性，豬皮爽而腍，蘿蔔腍而冇渣，這三款都好食，其餘一款唔記得個名，味道都ok，粗麵尚算不錯。整體非常滿意，日後再去旺角，又多間食店選擇。

係旺角番工，想食車仔麵，就上網搵下附近有咩黃店有車仔麵食，俾我搵到呢間豐味車仔麵。佢個門面真係整得好靚，係門口未入去已經會俾佢吸引，加上門口貼左「支持全面封關」，更加令我想入去支持下！入到去，鋪頭唔大，位置唔多，但食車仔麵黎講，佢既裝潢都幾靚幾特别，枱枱櫈櫈坐落都好舒服。價錢算係中等，但食物質素係幾高，今次叫左個三餸麵，個人黎講係幾鍾意！冬菇牛筋滷水蛋烏冬 (冬菇汁湯底) （$42）推介指數：9/10冬菇牛筋都燜得好淋，我個人係鍾意淋小小既冬菇同牛筋，感覺好易入口，口感會更好，今次就正中要害，呢2樣餸我都俾滿分！而滷水蛋就無乜驚喜，不過不失，覺得可以再重味一點！本來想叫清湯，但夥計問我要唔要試下個冬菇汁湯底，佢話好食好多，咁梗係要試下！果然，食落清甜得黎冇乜味精味，真係好好味！但佢餐單上面係無的，我個人幾鍾意果種味，建議大家可以試一試！烏冬方面都就正正常常啦，都幾彈牙唔會浸軟晒。但成個車仔麵既配合都係十分有驚喜！42蚊可能係算係有小小貴，但係呢一區，同埋入到去個環境，會覺得係好衛生，坐得好舒服。市面上有d唔洗30蚊就食到碗，但環境衞生都好差，食物質素亦唔高。俾42蚊我覺得都係抵，仲要係

呢間車仔麵，我和我老公經常光顧，因為快靚正，服務一流，我今次Order左蘿蔔紫菜冬菇米線 冬菇汁湯底 ，（其實差不多次次都點呢樣，因為我食素，哈哈哈）蘿蔔夠淋，冇渣， 紫菜冬菇好入味， 冬菇汁湯底濃郁帶有少少鹵水汁，下午茶時段會送埋餐飲，都幾抵食，餐廳簡單裝修，但幾寬敞 ，好乾淨，枱和餐牌唔會立痴痴 ，但最主要吸引我們光顧N次的係服務真的好好，待應人手唔多，通常只有一位高高瘦瘦的靚姐姐和一位水吧大隻姐姐，一腳踢，但她們手腳快，好醒目，有活力，十分十分有笑容和禮貌，又會記得熟客口味！都幾有親切感，一間值得推介的餐廳！

喺旺角食車仔麵嘅選擇唔係好多睇OpenRice睇到呢一間評價都唔錯見佢食物種類都幾多選擇 價錢相對比較貴見呢間運作方式同文記差唔多但食物質素係咪不相伯仲呢？其實食物份量真係好少 四舊牛腩 幾舊豬大腸 兩件雞翼正常味道係唔錯嘅 尤其是牛腩好入味 彈牙 而豬大腸滷水味好勁 食過返尋味可惜份量太少喇 我仲未試出咩味已經比我食晒我叫咗加底 但食完之後都覺得唔飽但係咁都要$50 個價錢真係太離譜如果份量比較多啲嘅話仲可以接受 食物質素唔錯但係價錢方面有待改善一次有多

師傅喺旺角區，見有啲肚餓，諗咗一陣食乜好? 師傅記得呢度有一間食店係食車仔麵，而且水準都唔錯，所以諗都唔使諗，即刻行過去食碗車仔麵先。入到去人唔多，由於又係下午茶時段，所以都有好多位坐，坐低之後個靚女侍應都好快埋黎師傅身邊，幫師傅落柯打。望左陣師傅就決定落單，一口氣柯打左幾款餸，分別係豬紅，豬皮，豬腸，牛腩同埋牛柏葉，而麵底就揀左油麵，跟住就配中辣，個靚女小姐仲話加埋腩汁好唔好，師傅當然話好啦，變咗腩汁加中辣。由於下午茶時段，所以有杯飲品會送返，師傅就揀咗杯凍檸茶 走甜。落完單唔使等左好耐，就有得食。師傅先試下個湯底，湯底味道幾濃，加上香香甜甜，幾好味，再將辣醬汁撈勻，變為辣湯底之後，個味道變得非常惹味，甚為吸引。再試下個豬紅，豬紅都係一粒粒為主，又唔算滷得好入味，但又唔算好差，口感都好煙煙韌韌，唔會一夾就散，都可以。至於豬皮就比較參差，都係屬於半爽半腍嗰種，如果啲豬皮可以再爽口少少，就會更加好啦，而且非常入味，所以都可以。豬腸又係一絕，炆得超腍，加上腸身超肥美，超好食，呢個豬腸絕對係師傅必食推介 。另外兩個餸都比較令人驚喜，分別就係牛腩同埋牛柏葉，牛腩好香，要肥有肥，要瘦有瘦，唔係碎

先申利！我係超級車仔麵控！一有出名的車仔麵我都去食！上網見到豐味食評不錯！仲要話服務好好！咁就要試下啦！叫左4送車仔麵！豬腸、冬菇、魚肉春卷、菜心，菜心度度一樣唔特別去講，其餘食評如下：豬腸：好淋有特別整過，好味唯獨有d肥，唔知有冇得order瘦腸，有的話就perfect!冬菇：世界級、超入味、勁爽口，如果再大舊d就冇得彈！魚肉春卷：不過不失，但應該入湯前已不脆了，如果keep住新鮮炸的話就冇得頂湯底：清湯加秘製辣汁不錯！不過應該配多少少腩汁更好！凍檸茶：正正常常！不錯！服務：加曬分！男女老細都超好禮貌，殷勤、招呼又周到！食野求開心！服務好一定come back! 走時更有飲品劵送for下次用！太抵讚了！總括：一定有下次！

下課後到旺角覓食，意外來到這間在西洋菜街內的車仔麵店。一入到店面即傳來陣陣酸辣的香氣，原來除了港式車仔麵，還有酸辣粉和麻辣燙可以選擇，二話不說轉投了酸辣粉和麻辣燙的懷抱。酸辣粉選了蘿蔔、芝心丸配薯粉，蘿蔔香甜，薯粉煙韌而且份量不少，酸辣湯底酸爽不會過鹹；麻辣燙的湯底和酸辣差不多，少了酸味，微辣的湯料很開胃。麻辣燙和酸辣粉兩餸一麵都是40元，車仔麵三餸一麵亦只需42元，另有數款麵食選擇，在同區算是親民。

服務：很好，有禮貌，友善地方： 乾淨衛生湯底： 我叫小辣，真正的車仔麵呀！！！餸： 好味，叫響鈴又可另上價錢： ok 啦，而家食車仔面 d 價錢係咁上下考慮： 男仔可能會唔夠飽會再返去👍🏽

見今日冇咩胃口，就想同朋友食啲有湯嘅粉面，見到一間係女人街裡面嘅車仔麵餐廳，裝修簡約但有整齊清潔，決定一試，我叫咗兩個餸，豬腸同牛腩，鋪頭仲可以俾你加腩汁，我叫咗大辣辣汁，豬腸食落口好夠味，同非常之淋，牛腩做得非常之香，最好味就係個湯底，同佢個辣汁，落咗辣汁之後嘅湯非常之好味道，食到我細個時鍾意食嘅車仔麵味道，價錢合理！

今日嚮OPEN RICE發現呢間新開車仔麵,見到食評唔錯當然要去試試啦~呢間車仔麵做法都幾聰明,將四川,重慶,港式車仔麵三合一,只需不同湯底配料就滿足到客人不同口味需要!場內環境方面都唔錯,坐位唔太迫車仔麵黎講算舒適啦,係唔夠涼囉~外賣包裝方面都做得好好,因為外賣盒有分隔層,就算路程遙遠粉麵都唔怕浸到發晒漲,亦有較好承託力唔怕壓爛蓋!今次叫左2兩碗,分別點左BB辣同大辣,結論係大辣唔辣之餘仲唔夠BB辣好食,老公碗BB辣雖然完全唔辣,不過辣汁冇搶左腩汁湯底味,所食比大辣更好食!至於餸就試左春卷,魚皮餃,雞翼(大腸,豬皮,豬紅,冬菇)括號內係推介餸菜

有天普通的一個週末下午，自己獨自去旺角辦理工程，奈何旺角街道都充滿內地或是外地遊客，確實煩厭😪。未到下午茶時段，只差10至15分鐘，這樣好像被絕殺，有點兒不底，於是去看看唱片再回頭過來。只因看到餐牌寫上，下午茶時段送餐飲，以及餐廳又有酸辣、又有麻辣燙、又有車仔麵，都沒有考慮太多想吃什麼。就在這一刻，發現了驚喜😏。通常去這些車仔麵店，感覺上通常很多中年阿姐，甚或是廣東話都未說得清楚的大媽幫你落單😒；但是在這間車仔麵，竟然兩名店員都是年輕少艾🤫，打扮樸素而乾淨，專業盡心而又顯得精神，不知是店員定還是合資的老闆，令人眼前一亮。🤫店子呈長條形，入門口之後左邊仲有一些單人的面壁位置，右邊就有一些四人座位，我想如果坐迫一點，可能坐六個人都仲得。當然如果你與不太熟悉的同事來，一起面壁都應該可以。點了一個薯粉然之後加一個餸，在外加另一個餸，店員輕輕低聲說道：「下午茶時段送冷熱飲品」😏因此後來，轉了一杯凍檸茶少冰。我就點了一個麻辣燙的BB辣，幸好叫了BB辣，因為辣度都差不多比起平日譚仔的10小辣還要強勁。豬大腸味道夠香，中間有點兒東西，不算挑得太乾淨，但是挑得清空便沒了香濃味道，魚肉春卷不算非常特別，只