豐味窯雞

營業中

休息中

意外地發現觀塘區有窯烤雞外賣店，原來公司個為食同事一早有幫襯過的，口脾唔錯，所以見中午齊人，一於外賣來試下。熱辣辣的窯烤雞，肉質juicy嫩滑，撕開裡面好多肉汁，外皮都好嫩，唔會好多油，好適合愛健身的我和朋友食。每隻雞使用天然香料醃製，在窯中慢慢烘烤，保留鮮嫩口感和肉汁。此外，餐廳還送了一碗美味的冰粉甜品，係幾有驚喜的，估唔到幾好食，夏天消暑岩晒。外賣袋非常實用，能保持食物的熱度，拿到回office依然熱辣辣，正。

位於觀塘工廈裏面, 窯雞每日新鮮製作, 佢哋只做外賣, 記得要提早預訂啊～窯雞用兩層錫紙包裹, 再放入保溫袋, 大概放咗一個鐘左右, 打開嘅時候仲係熱辣辣！更會提供勞工手套🧤、膠手套、辣椒粉🌶️, 方便大家拆肉！🍗豐味窯雞 一打開錫紙就香氣撲鼻！選用三黃雞, 用秘製醬汁醃製, 窯雞表皮烤至金黃, 用手一撕就拆到啲肉出嚟！雞肉肉質好嫩滑, 連雞胸肉都好嫩, 又多肉汁！啖啖都充滿着肉汁同雞油嘅香氣, 而且好入味！想買隻雞返屋企加餸？推介大家試吓呢間👍🏻

今日去觀塘行街,試吓呢排好hit嘅「豐味窯雞」😍😍雖然鋪頭喺工廈入面有啲難搵,但為食嘅我點會咁易放棄~好彩真係冇令我失望,仲有意外驚喜!店員姐姐見我第一次幫襯,好好人送咗碗冰粉俾我,真係超最驚喜係佢哋嘅外賣包裝,隻窯雞用錫紙包實再加保溫袋,我拎返屋企成個鐘之後打開,隻雞竟然仲係熱辣辣仲要附送3對膠手套、1對棉手套同辣粉,完全照顧晒我哋 呢啲懶人,真係諗得好周到!招牌全隻窯雞$168一打開就聞到超香雞味!隻雞真係好大隻,皮脆肉嫩又多 汁,兩個人食都夠晒飽。最正係佢哋嘅獨家醃料,鹹香得 嚟又唔會蓋過雞肉本身嘅鮮味!冰粉估唔到送嘅甜品都咁有誠意~冰粉入面有煙韌嘅芋圓

又去觀塘工業大廈買窯雞啦，食過幾次都係咁正一樣好多人食好多人排，所以要等下加餸或就咁食都好正～窯雞即係窯烤，keep到juicy 同雞肉滑啲，細嫩啲，中間仲有洋蔥、蔥，味道更香口惹味🫶🏻🫶🏻煲溫一流，用錫紙包住，返屋企隔咗陣食都仲熱辣辣用手套去撕出嚟食，沾埋汁料，好juicy好濕潤，雞肉㥤滑超惹味，唔會太鹹，易摵易食🚩豐味窯雞 (觀塘) @chickendinn_er 📍觀塘觀塘道472-484號官塘工業中心第一期7樓G室B單位

上網搵發現原來觀塘都有得買外賣窯雞，放工嗱嗱臨走去買隻雞，然後返屋企加餸🤭估唔到由觀塘返到屋企隻雞都仲係熱辣辣，唔使加熱都食得，真係好方便😍窯雞size好大，兩個人食嘅話，我估加多碟菜已經夠晒🤤，小心打開窯雞因為真係好多汁！咬啖雞肉發現雞肉好嫩滑，而且好Juicy，味道好惹味唔辣，小朋友都啱食👍🏻搭地鐵去到觀塘站，唔使5分鐘已經去到觀塘工業大廈，見到好多外賣仔嚟攞外賣，好在一早預訂咗，如果唔係真係有排等🤭

又黎食呢間專做窯雞嘅舖頭。就叫左半隻雞試吓，另外再叫咗個蔥油雞飯同另一半share 窯烤雞真是一個字—香！咬落去肉質嫩滑，仲要勁多汁水。每啖都係滿足感。雞皮烤得均勻，帶點微焦香氣，調味啱啱好，唔會太鹹，食到停唔落口。蔥油雞就係另一種風味，蔥油香氣撲鼻，入口濃得黎又唔膩，蔥花同油嘅配搭簡直係絕配！淋喺雞上面嘅醬汁，滲入肉裏，食落好juicy。每啖都充滿蔥香。兩款雞各有千秋，窯雞夠惹味，蔥油雞清新又香口，無論配飯定單食都一流，絕對係食雞控嘅心頭好！

琴日喺觀塘行街，無意中加餸，買咗隻燒雞返屋企試下。隻雞拎返屋企已經隔咗成個半鐘頭，但一拆開仲係熱辣辣，好似啱啱出爐咁，啲香味直接撲鼻，真係忍唔住立刻試一啖！🍗燒雞外皮係金黃色，油亮亮，睇落已經好吸引，一撕開仲要係超軟滑，雞髀輕輕一扯就分開，啲肉仲係嫩得嚟唔會乾柴，咬落去真係啖啖肉汁，冇得輸！💦雞入面仲有洋蔥同香料，啲味道滲到入晒雞肉度，超級入味，完全唔需要額外加鹽或醬油，咁食已經夠滿足。😊份量方面，隻燒雞夠3個人食，拎返屋企再炒碟菜，煮多兩碗熱辣辣白飯，正？？

喺觀塘工業區嘅轉角位，「豐味窯雞」嘅外賣舖頭，專注做一隻雞做到極致。冇華麗裝修，得開放式廚房傳出陣陣炭火香，經過都忍唔住跟住香味搵上門！ 🔥 鎮店之寶：原隻窯燒雞掀開外賣瞬間，成間屋即刻被炭燒香氣攻陷！隻雞焗到金黃琥珀色，雞皮泛住油光，仲有滴滴雞汁喺錫紙底流動。徒手撕開雞髀位時，真係聽到「咔嚓」脆皮聲，肉汁好似瀑布咁湧出，雞肉紋理分明但一啲都唔柴，咬落有驚喜——原來醃料用咗陳皮同沙薑，尾調仲有淡淡荔枝木煙燻香！ 老闆仲教路：「食剩嘅雞架返去滾個冬瓜雞湯都得！」 💬 食後感： 為咗測試味道，特登忍住唔翻熱直接食。點知雞胸部位都嫩滑到離奇，連平時唔食嘅雞皮都清晒——原來佢哋每日用新鮮三黃雞，即醃即窯燒，難怪鎖汁效果咁誇張！半夜諗起都會吞口水嘅級數！

位於觀塘工業中心既「豐味窯雞」係一間主打外賣雞小店，雖然隱身於工廈之中，但人氣極高，其招牌窯雞很出色。窯雞以三黃雞製作，經過獨家醃料醃製，再用錫紙包裹高溫烘烤，雞皮金黃酥脆，雞肉嫩滑瀑汁，撕開時香氣四溢，肉汁豐盈。店家更貼心提供手套和保溫袋，確保外賣回家仍然能夠保持熱度與口感。除左窯雞，豐味窯雞亦有供應冰粉糖水作甜品，冰粉晶瑩剔透，配料豐富如芋圓等，口感層次分明，甜而不膩，為濃味既主菜後帶來清新收結。

窯雞真係愈開愈多，但我最中意食既仍然係呢間觀塘既豐味窯雞佢有半隻同原隻買，我每次都係買原隻，窯雞全部都即叫即整，落完單大約等20分鐘左右，香噴噴既窯雞就出爐啦～餐廳會用錫紙包住再放入保溫袋，咁樣即使拎到返屋企都仲係熱辣辣既，可以即刻當餸食😋入面仲有埋勞工手套、透明膠手套、辣粉，唔怕整污糟手窯雞既雞肉嫩滑，仲keep到肉汁，唔會整到乾哂柴哂，而且餐廳用秘製既醃料放係雞身入面一齊燒，燒出黎雞肉好入味好好食🤤連小朋友都中意食

在香港的飲食文化中，吃雞可是一大主流，除了在節日、宴席時，雞是宴客的必備菜餚，在日常生活中，雞也是不可少的，加上雞的煮理方法花樣百出，包括：白切雞、脆皮雞、鹽焗雞、豉油雞、手撕雞、七味撈雞、燜雞...... 等，每餐也吃也不會厭。BeautySearch也是無雞不歡，就連我家的寶寶，也對雞情有獨鍾！觀塘出名美食多，早前來到觀塘工作，我便試了藏身於觀塘工業中心一期的火紅外賣店 ~《豐味窯雞》。《豐味窯雞》是一家專做外賣的小店，食客可透過外賣平台或致店購買，由於是即叫即製，製作需時，卻更有風味。我是親身到取，雖然回家路程超過一小時，幸好包裝妥善，打開手挽保溫袋，膠袋內還有錫紙緊緊包裹着，不但沒有漏汁，回到家中依然是熱烘烘的，不用加工便可以即食。拆開錫紙，香氣撲鼻而來，而且相當大隻，我們兩口子也覺份量超足！加上雞皮烤得金黃焦香，未食已覺相當吸引！除了膠手套，還附上一雙雪白的勞工手套，非常細心喔！另外，還有一包辣粉，好辣的人有福了！窯雞皮脆肉嫩又多汁，獨家古早醃料，鹹鹹甜甜，味道豐富，又不會蓋過雞肉本身的鮮味。不但雞脾，就連雞胸肉都非常嫩滑，啖啖都是精華，令人回味無窮！

ღ 豐味窯雞ღ真係無得輸！佢哋嘅窯雞即叫即整，熱辣辣🔥啖啖都係香噴噴嘅雞肉，吸收晒香料同調味料嘅精華，非常入味，外皮金黃色，入面嫩滑又多汁，真係勁juicy！無論係屋企加餸定係同朋友聚會，豐味窯雞都係絕佳選擇。佢哋只做外賣，不設堂食，用WhatsApp或者其他平台落單就得，好方便佢哋會用錫紙包住成隻雞，既保溫又方便，仲送埋手套同辣粉，食起上嚟方便又衛生，真係超貼心呀！下次想食好味雞，記住試吓豐味窯雞啦，肯定唔會失望！🍗

近排發現市面多左好多賣窯雞的店舖，好奇外賣來食下。是晚加料作晚餐，位於觀塘工業中心的「豐味窯雞」，專做外賣窯雞，在工廈之內唔算好難搵。窯雞 $168窯雞大大隻，用上三黃雞加洋蔥汁醃製，用錫紙包住高溫烤焗。雞皮呈金黃色，且薄亦無咩油，雞肉撕開係一條條的，肉質好嫩好多汁，拎到屋企都仲係熱的，慳返唔洗再返熱，可以即食。雞肉味道醃得唔錯，味道比較濃，一人食半隻都會覺得膩，最好就四人分食較為合適。除窯雞外，仲送左碗冰粉，幾好有糖水食。

同事帶路先知，原來喺觀塘竟然有窯雞食？ ！仲要即叫即整，真係啱晒收工外賣返屋企～重點係拎到返屋企都仍然熱辣辣！包裝真係好加分，會有保溫袋keep 住個溫度，包得好密實！ 唔驚漏汁～ 成隻雞都係金黃色，雞皮充滿左秘製醬汁！雞肉好嫩滑～爆多汁，重點係連雞胸都係滑架～真係估佢唔到～火候控制得岩岩好！ 雞肚入面放滿晒洋蔥～每一啖都係充滿咗洋蔥味～店鋪好貼心，有提供勞工手套同埋膠手套畀我哋拆雞～ 我地亦索性成隻撕開，做手撕雞食法，食落啖啖肉！真係非常過癮風味十足，簡直係白飯killer真係唔夠喉啊！

晚飯上加餸，諗起之前食過嘅豐味窯雞幾有特色，所以今次又再去買！🥳 佢哋喺工廈樓上，有少少隱世，但係外賣店嚟講就無所謂！😌佢哋可以上網落左Order先，即叫即做，然後個保溫袋做得幾好，返到屋企仲要熱辣辣🔥。佢哋又好貼心👍 提供埋勞工手套🧤，就唔怕太熱，可以即刻手撕雞！🤩今次我地叫左一隻全雞，4個大人加餸來說都足夠有突。成隻雞 🐔 都好入味，食到尾有少少鹹，不過加餸嚟講，連埋飯食就一流！🍚 雞髀滑就一定啦，雞胸都無鞋口，幾唔錯！👍 最後成隻雞清哂，好滿足！🥰呢間燒雞真係幾好食，啱晒加餸！不妨嚟試下！📍 觀塘觀塘道472-484號官塘工業中心第一期7樓G室B單位@chillchill_aloye @chickendinn_er #觀塘美食 #雞 #窯雞 #外賣 #加餸 工廈美食 #foodiehk