豐味窯雞

營業中

休息中

今次去咗觀塘隱世豐記窯雞，真係好有驚喜！佢哋用嘅係三黃雞，隻雞勁大隻，肉質鮮嫩，咬落去好Juicy。窯雞外皮烤得金黃香脆，內裡卻保持咗濕潤，真係完全唔會乾，就算雞胸都係超滑！每一口都好滿足，熱辣辣嘅，食完真係想encore !!😚而且店主真係好好人，仲送埋一碗冰粉做糖水，清涼解膩，啖啖都係甜蜜滋味。冰粉滑滑地，配上啲糖水，簡直係完美搭配，食完雞之後再食糖水，心情瞬間升級！😎整體嚟講，豐記窯雞真係值得一試，無論係雞肉定係甜品，都俾到我一個大驚喜。如果你想食到一隻正宗又好味嘅窯雞，記得去試下呢間！

終於食到網上大推嘅窯雞🐥原來係咁正㗎 同平時食開嗰啲真係好唔一樣 窯雞真係好正 用傳統窯爐慢火烤 雞皮金黃酥脆 一撕開就爆雞油 肉質嫩滑 連雞胸都唔會柴 仲有淡淡炭香 配秘製醬汁和洋蔥 味道更豐富 即叫即做 新鮮滾熱辣 食到停唔到口 😋就算拎咗返屋企都要一個鐘 但係因為包住錫紙都完全保留到嗰種溫度同埋肉質嘅鮮味 仲準備埋隔熱手套同埋膠手套好細心🥰朋友都話好好食 去到要等一陣，因為佢真係即刻整，但係冇乜所謂啦，起碼新鮮啲同埋熱辣辣

Happy Friday ☔️ ,去朋友家開Party ! 我早有準備，一早預訂了一間隱藏在觀塘工業中心一期的「豐味窯雞」。據說這間外賣專門店的窯雞香氣撲鼻、皮脆肉嫩，還日賣過百隻！ 抵達觀塘工業中心，到達7樓店舖位置。 一推開門，是簡樸的廚房，空氣中卻瀰漫著令人垂涎的烤雞香氣店員熱情地遞上剛出爐的窯雞，包裝在雙層錫紙和保溫袋裡，還貼心地附上膠手套和勞工手套🧤。 回到家，大家迫不及待地打開錫紙，金黃色的窯雞猶如一件藝術品，散發著誘人的光澤，香氣瞬間席捲整間屋子-🔸招牌窯雞這隻窯雞選用三黃雞，肉質本身就帶有濃郁的雞香。經過店家秘製醃料醃製，再以傳統窯爐高溫烘烤，外皮烤得金黃酥脆，輕輕一撕，皮肉分離，散發出陣陣香氣。雞肉嫩滑多汁，咬下去時，肉汁在口中爆發，帶著微微的鹹香和草本調料的餘韻，令人回味無窮。錫紙包裹的設計不僅鎖住了雞汁，還讓雞肉保持溫熱，絲毫不顯乾柴。特別值得一提的是，雞翼尖部分烤得特別香脆，帶點微焦的炭香，簡直是整隻雞的亮點！搭配店家提供的辣粉，增添了一絲刺激的風味，對於愛辣的朋友來說絕對是加分項-不得不提的是，店家推出的$1冰粉活動，簡直是炎炎夏日的救星！冰粉質感Q彈，入口即化

之前喺觀塘返工嘅朋友推介，試過一次呢間嘅窯雞，覺得幾嫩滑，連雞胸都唔鞋、有肉汁。今次去開觀塘就順便買隻返屋企。水準keep到喎，同上次一樣用兩層錫紙包得好密實又保溫，成個鐘後返到屋企都可以即食。隻三黃雞好墜手，相當大隻，據講係選用兩斤重嘅三黃雞新鮮製作，不含激素、色素、防腐劑。戴好膠手套同勞工手套後就拆件上碟，見到雞身入面塞滿醃料。總體嚟講稱得上鮮嫩多汁，調味亦剛好。最欣賞係肉質，好多時雞脾肉同雞胸肉嘅分別會好大，雞胸會鞋口得多，亦會偏乾，但呢隻窯雞就冇呢個問題，當然雞脾肉一定會嫩滑啲，但雞胸肉都唔算鞋，真心唔錯👍🏻下次再去開觀塘嘅話會再買返屋企加餸。

Craving a delicious, fuss-free meal at home? You absolutely have to try Yummy Chicken in Kwun Tong! This place specializes in kiln-roasted chicken, and it's a game-changer for takeaway.From the moment it arrived (either by self-pickup or online delivery platform), the chicken was still piping hot, thanks to their thoughtful thermal bag and foil packaging! 🔥 That immediate warmth truly sets the tone.The chicken itself is divine – incredibly tender and packed with juicy flavors. Every bite just me

上網search到呢間窯雞外賣店，話有自設工場，不過就要預訂先可即日取，心血來朝諗住不如訂隻聽晚番去加餸。dm間鋪，就會有店員落單，仲推介咗$1糖水可以加購。店鋪係觀塘地鐵站附近，都算方便，店員會用一個保溫袋裝住隻雞，入面有齊手套工具，拎住袋雞，大概番到屋企40分鐘後，估唔到打開隻雞仲會熱到出煙，而且好香。一撕開隻窯雞，雞汁流哂出黎，d肉都好滑，雞肉唔算好厚，兩三個人食一隻都夠。個$1糖水係花生麥米粥，覺得稀咗少少，但叫做有碗糖水食。

觀塘工業區隱藏了不少美食寶藏, 今次試了藏於官塘工業中心內嘅「豐味窯雞」, 果然名不虛傳！ 因只有外賣, 窯雞以錫紙包裹好, 再放入保溫袋中, 送到手上時仍熱氣騰騰, 打開時香氣撲鼻, 令人食指大動。 雞肉肥美多汁, 肉質嫩滑, 完全不柴, 尤其是雞腿和雞翼部位, 輕輕一撕就能骨肉分離, 入口充滿濃郁嘅雞油香氣。 調味鹹香適中, 帶有淡淡嘅藥材和香料味, 不會過於重口味, 但非常入味, 連雞胸肉也不覺乾澀。 雞皮經過窯烤後, 雞皮香而不膩, 帶點焦香, 吸附了湯汁的精華, 是整隻雞的亮點之一。 窯雞份量十足, 足夠2-3人食用, 味道和口感都令人滿意, 尤其是雞肉的嫩度和調味的平衡, 非常適合喜歡原汁原味的人。唯一的小缺點是工業大廈的位置稍隱蔽, 但為了這隻美味的窯雞, 而且只限外賣, 但絕對值得一試！

最近diet緊唔可以食咁多碳水化合物，食雞胸食到厭晒，條街又唔多餐廳可以選擇。於是就叫咗一隻雞，外賣拎到嚟都仲係熱辣辣，好新鮮。大大隻風味窯雞 $168用保溫袋包起晒隻雞，一打開個袋成浸雞味濃烈地噴出嚟，聞到我流晒口水。店員用膠袋同埋錫紙厚厚咁樣包咗兩層，而且個袋係保溫袋，返到屋企隻雞都仲係熱辣辣。雞入面有啲唔同配菜，例如洋蔥等等令到成隻雞尾更加濃烈。因為佢哋用咗長時間嚟烹調雞肉，所以肉質好嫩滑之餘亦都好有彈性，好有驚喜。佢哋除咗全雞之外，都仲有其他套餐可以選擇，都不妨係一個晚餐好選擇。

金黃色的誘惑，豐味窯雞，口感滑嫩，即叫即整，獨家秘製。一隻肥美的豐味窯雞，為了保持食物質素，店家所有食品都會即叫即整。這裡的窯雞係獨家秘方，肉質鮮嫩，好食停唔到口！ 兩層錫紙保護，真的是非常用心！ 打開錫紙的瞬間，香氣立刻飄出來，金黃色的烤雞看起來真是色香味俱全！ 皮肉都腍得透徹入味，雞肉和雞骨一撕即分開！這肉質滑嫩又多汁，真的是太好吃了！ 外賣到家依然保持水準，有興趣嘅朋友，必定要試每一口都是享受，非常推薦！

話說幾個姊妹好想食雞，平時都係特登返大陸買，但係真係冇時間，但係食雞癮發作，啱啱朋友推介呢一間試吓，正常應該叫app 比較方便, 但咁啱我喺觀塘就直接上去買，其實地方一啲都唔難搵，觀塘工業大廈第一期，從來未去過真正嘅廚房，可想言之應該都好好食，結果佢真係冇令我失望！！成隻雞錫紙包住，加一蚊仲要有多個糖水(冰粉）我拎到返去仲係熱辣辣！一打開嗰浸香味成屋都係！3個女仔K.O.咗一隻雞！大贊好味，超入味，雞有雞味，又滑又香對於我呢啲鍾意食雞嘅朋友表示非常滿意，之前淨係會諗住返大陸食，但其實唔使咁麻煩都識到咁正既雞！值得推介！

超開心🥳，因為我買咗隻窯雞返嚟食！拎返屋企嗰陣，成條街都係雞嘅香味🐔，真係忍唔住想快啲開餐🤤！隻窯雞個皮脆卜卜金黃色💛，肉又嫩又juicy，無論配飯🍚定係淨食都好好味😋！返到屋企，我即刻打開個袋，嘩！見到隻雞已經口水直流🤤！手撕雞嘅過程超爽快，撕開每一舊肉，熱辣辣嘅雞肉散發住陣陣香味，我仲忍唔住一路撕一路偷食🤣，真係好好味呀！每一啖都充滿濃郁嘅調味，好滋味呀😋！我仲整咗啲自己整嘅醬料，例如蒜蓉醬同埋香辣醬，配埋窯雞一流👍！呢餐飯唔單止好好食，仲好幸福🥰！下次我一定要試多啲唔同嘅配搭，期待更多美食嘅驚喜🥳！

即叫即製鮮嫩多汁外賣雞，放工想食新鮮滾熱辣嘅窯燒雞，喺公司附近外賣自取咗一個豐味窯雞」絕對係驚喜之選！即叫即製，皮脆肉嫩，一撕開雞肉就爆出滿滿肉汁，鮮味十足！我今次試咗「一雞兩味」食法：雞髀留俾阿仔配白飯同油菜，啖啖肉超滿足；雞胸就撕成絲，拌沙律菜、烚蛋同香甜番薯，健康又輕盈～ 貼心附送食用手套同勞工手套，徒手撕雞都唔怕油膩，外賣一樣方便！無論係家庭分享定獨食都咁過癮，除咗外賣自取，原來仲可以外賣送貨

意外地發現觀塘區有窯烤雞外賣店，原來公司個為食同事一早有幫襯過的，口脾唔錯，所以見中午齊人，一於外賣來試下。熱辣辣的窯烤雞，肉質juicy嫩滑，撕開裡面好多肉汁，外皮都好嫩，唔會好多油，好適合愛健身的我和朋友食。每隻雞使用天然香料醃製，在窯中慢慢烘烤，保留鮮嫩口感和肉汁。此外，餐廳還送了一碗美味的冰粉甜品，係幾有驚喜的，估唔到幾好食，夏天消暑岩晒。外賣袋非常實用，能保持食物的熱度，拿到回office依然熱辣辣，正。

位於觀塘工廈裏面, 窯雞每日新鮮製作, 佢哋只做外賣, 記得要提早預訂啊～窯雞用兩層錫紙包裹, 再放入保溫袋, 大概放咗一個鐘左右, 打開嘅時候仲係熱辣辣！更會提供勞工手套🧤、膠手套、辣椒粉🌶️, 方便大家拆肉！🍗豐味窯雞 一打開錫紙就香氣撲鼻！選用三黃雞, 用秘製醬汁醃製, 窯雞表皮烤至金黃, 用手一撕就拆到啲肉出嚟！雞肉肉質好嫩滑, 連雞胸肉都好嫩, 又多肉汁！啖啖都充滿着肉汁同雞油嘅香氣, 而且好入味！想買隻雞返屋企加餸？推介大家試吓呢間👍🏻

今日去觀塘行街,試吓呢排好hit嘅「豐味窯雞」😍😍雖然鋪頭喺工廈入面有啲難搵,但為食嘅我點會咁易放棄~好彩真係冇令我失望,仲有意外驚喜!店員姐姐見我第一次幫襯,好好人送咗碗冰粉俾我,真係超最驚喜係佢哋嘅外賣包裝,隻窯雞用錫紙包實再加保溫袋,我拎返屋企成個鐘之後打開,隻雞竟然仲係熱辣辣仲要附送3對膠手套、1對棉手套同辣粉,完全照顧晒我哋 呢啲懶人,真係諗得好周到!招牌全隻窯雞$168一打開就聞到超香雞味!隻雞真係好大隻,皮脆肉嫩又多 汁,兩個人食都夠晒飽。最正係佢哋嘅獨家醃料,鹹香得 嚟又唔會蓋過雞肉本身嘅鮮味!冰粉估唔到送嘅甜品都咁有誠意~冰粉入面有煙韌嘅芋圓