讚好台灣

營業中

休息中

Ordered a taiwanese minced pork rice bento.Added $10 extra for a special drink which was a traditional pearl milk tea. The pearls were nice n firm giving a good bite and there was plenty of them. The tea was smooth too.The rice was really nice, with the pork being tender and the sauce going really well with the rice

滷肉香酥排骨飯 ($48)主食的定價只在 $45-$6x...難怪見到店鋪外賣單不斷... 友人點左 每次去台灣都必食的滷肉飯..一上台就已經充滿驚！喜！小店來自台中的...廚師細心地專登用台中的地圖模去設計 飯的外型 😱😱😱wow...不過食物的內涵都是很重要的！ 飯粒選用一級台灣珍珠米🍚🍚...飯米大細平均..吸收哂滷肉精華..每粒都漲卜卜...正！排骨肥瘦適中... yummy 😋肉燥鹽酥雞乾拌麵 ($54)細心將鹽酥雞同拌麵分開上枱...大大雞粒...外脆內熱又juicy 💦💦!!! 肉燥肉味香濃與乾拌麵天作之合的配撘....巧巧痴唷！值得一提的是麵條爽滑彈牙🦷...吾會一拌一夾斷哂...🍜🍜酥炸花枝丸($25)新鮮炸起的花枝丸...熱呼呼到要等待冷卻下來才放到入口... 色澤金黃又香噴噴的...熱氣？又！如！何！😼😼香滑牛筋🐂 ($38)性價比超高的！只係38蚊...但有大碗牛筯！！真心...而家出去求奇一間排檔都未必得了..係咪咪！牛筯🐮入味又香滑...仲加左生菜薦底...生菜🥬吸收哂d精華...不得了！必點❗❗蘋果西打 (跟餐價$10)去過台灣的朋友相信不會陌生了....

裝修之後日日都排長龍，今日見早早地唔使排隊即刻去試下。價錢比未裝修之前貴左少少，但好坐左勁多，環境都舒適，都算抵食。首先叫了個鹽酥雞肉燥飯。我好喜歡有豆腐菜甫菜同滷蛋做前菜。雞不會太咸，炸得酥脆，不會太乾，很不錯。肉燥正正常常，份量足夠，味道不會太燶。唯一有點敗筆係個飯，有點太淋太多水了，要改進下。友人叫了一個紅燒牛肉麵，友人大呼好好食，湯底帶少少甜味，葱段都好香，牛肉入味唔鞋，不過友人當晚要飲好多水，唔知會唔會有味精。先生開動左先記得影相蕃茄牛腩麵，個湯底好濃好好味，又係帶有微甜，配葱好好飲。d牛都幾大件，入味唔鞋好淋，高分高分！覺得麵真心好食高質。加台式飲品加10蚊也可以接受。平均六七十蚊一個人晚餐好合理！

以前已經食過呢間幾次, 但因為座位好迫, 已經少左黎但而家裝修後, 變左兩個鋪位, 我真係有D 掛住佢既牛肉麵, 於是返黎幫襯雖然係門口有人排隊, 但都郁得好快紅燒牛筋腩湯麵送黎, 湯底係偏重味,  牛肉非常軟腍無筋, 牛筋煙韌得黎又有咬口麵條幼身, 唔會煮得太腍, 軟硬度剛好肉躁鹽酥雞湯麵, 轉左新竹米粉, 米粉又細又軟, 好好食, 吸收牛肉湯精華配返紅燒牛肉湯, 但同牛筋腩湯麵既湯有D 唔同, 比較淡味D鹽酥雞炸得鬆脆可口, 但如果有得揀辣度就更好五味茄子, 表面放左D 木魚, 茄子雖然油炸過, 但入口唔覺油涼拌滷豆腐, 幾迷你, 滷得唔夠入味, 不過味道OK飲品方面, 選擇多蜂蜜柚子茶, 味道正常, 有少少柚子渣小麥胚芽奶茶, 甜度適中, 珍珠都幾彈牙

-話說今日中午同朋友食完呢間台灣野send相比男朋友睇佢話”點解個飯咁似台灣個地型既🤔？”我話”下？多左lah🙄!”然後再望真d, 係喎 真係好似，果然有創意🤪-1️⃣逢甲鹽酥雞便當 + 熱檸檬紅茶$48 好味指數：7/10鹽酥雞都幾嫩滑 不會話乾而難咬滷肉飯好正 會忍唔住不停”筆”入口仲有d小菜 生菜 長豆 菜鋪 同半粒滷水蛋好豐富😋😋😋2️⃣夜市小香腸便當 + 蜂蜜檸檬 $52 + $5 好味指數：6.5/10小香腸勁好咬 雖然味道清淡左少少但係你會覺得食佢唔會有罪惡感而且唔油膩 都幾正😋😋味道: 7/10🍽賣相: 7.5/10💰價格: 7.5/10💎CP值: 7.5/10⚖️人均：$50↩️回頭值： 90%ig:hkfood_station

經過總會見到呢間嘢人龍不盡，見有日無咩人排當然要去試下佢咩料子！入到去以木色為主，感覺好舒服好乾淨。點完餐就乖乖等食啦，見到都好多人陸陸續續係門口排隊，慶幸自己行快一步。有運行哈哈好喇我地叫咗碗牛肉麵，湯底唔算好正宗，感覺係有味精，唔係台灣個啲真係用時間煲出來個種。麵身一般，唔算有咬口。朋友叫咗肉燥拌麵，偏多油，唔太吸引。豬扒炸到有點乾身，唔多汁。小食台灣腸就係水準，切到細細塊好易入口。嘢飲方面不過不失。整體黎講好普通，真心唔明點解咁多人排隊。。奇怪奇怪。。

我地去到排第一個 之後問職員係邊到排 佢話出面 之後我地再問多次 佢又答多次出面 （望都冇望過我地，好冇禮貌） 咁我地就係門口右手邊排啦 之後排左十分鐘 突然有一個員工話要排左手邊 叫我地再排過 （果時我地後面仲有4-5個人排緊）咁我地心有不憤 同佢理論 佢就當我地透明 仲要係我地面前叫排左係另一邊嘅人入去 明明佢睇著果啲人岩岩黎 最後我地當然冇食到走左 我平時唔會寫食評 但真係吞唔落呢啖氣 千其唔好去受氣 唔好去食！俾錢買難受 野食幾好食都係冇用！

成日行過經過呢間餐廳都聞到勁香，又見到出面勁多人排隊！成日都好想食又懶得排隊 哈哈今次特登同朋友早d黎，避開排隊潮！我地叫一人叫左一個餐加杯珍珠奶茶同小食。個人覺得杯珍珠奶茶就麻麻，但係我個排骨湯麵就真係勁香！！！一上菜就逼不及待想快d試下個排骨啦！而個湯麵個湯底同麵都唔錯，我都幾滿意！而我地叫左個皮蛋豆腐，個味道都唔錯，再加上柴魚乾係上面，就更加香🤤🤤而朋友叫既肉燥飯都幾好味，不過我食過更好味既，所以我唔會迷上佢呢個飯，哈哈

見咗有一間鋪變兩間鋪，即管去試吓。雖然未至於有幾十人排隊，但都算係長時間滿座，大部份時間都有一兩枱客等緊。有部份店員講國語，好似自己身處台灣食店咁，感覺良好。以一間小店唻講，都算多食品可以選擇。滷肉鹽酥雞飯，滷肉比起台灣食嘅偏瘦，雞塊有點似普通炸雞，不過不失，份量剛剛好。牛筋腩麵，牛肉腍，但牛筋偏硬，而湯底唔似台灣嘅「色淡而濃味」，所以較台灣食嘅遜色，整體都可以接受。蕃茄湯牛肉麵，湯底較杰身，可以掛麵，喜歡蕃茄湯口味應該滿意。

同女朋友嚟到紅磡搵嘢食，見到呢間台灣嘢門面靚靚，入面好多人食緊，雖然要排隊但唔使等好耐～叫了一份鮮蕃茄牛肉湯麵、口水香辣排骨乾拌麵和一份街頭小吃拼盤。蕃茄牛肉湯麵的蕃茄湯夠熱、濃郁，牛肉可以，麵條彈牙。口水香辣排骨乾拌面嘅口水味夠麻夠辣，排骨亦炸得外脆內軟，有驚喜。不過小吃拼盤、滷蛋同飲品沒有特別。

咁啱睇演唱會，就行咗去黃埔搵食。經過呢條街有好多餐廳，行過見到讚好台灣好多人排隊呢⋯⋯見到咁到咁多人排隊都無諗住揀呢間食呢。但行咗成條街都唔知食咩好，點知返轉頭人龍少咗好多，一於試吓啦！太好啦，排咗5分鐘都唔洗就有位啦。睇咗一陣張點菜紙，始終係第一次嚟呢間店，唔太清楚係有啲咩食，個店員好好就俾咗本菜牌我哋睇。我哋揀咗牛筋腩麵、蕃茄肉燥三寶湯麵。跟餐加$10就有嘢飲，我哋叫咗凍蜂蜜檸檬🍋同蜂蜜綠茶。牛筋腩麵個湯底好好味，番茄湯又唔會太甜酸酸地好開胃，而且個麵好Q好彈牙鍾意食台灣野嘅朋友一定要黎試吓，食完或者會愛上呢一間店

原來依間舖已經開咗幾年 最近重新裝修餐廳環境裝修後 俾人一種好柔和舒適嘅感覺下午茶餐牌首先係揀一款主食 再揀三款小食同一杯野飲嗌咗下午茶麻辣擔擔麵餐雖然份量唔算多 但好好味!個麵好香麻辣味但隻辣唔會話係辣到食唔到個隻辣度適中配嘅小食 我揀咗滷蛋 木魚炸豆腐同逢甲鹽酥雞👍🏻👍🏻三個都好好食唯獨是舊豆腐有d凍 搞到有d美中不足整體而言 CP值高但杯凍香芋奶茶冇咩特別 跟餐要加$6若再加珍珠 要加多$4 唔抵

最近見到有新裝修嘅鋪頭，見好多人排隊，入去試咗果然有驚喜。地方乾淨企理，而且鋪頭光線充足，店員服務態度好。叫咗個招牌紅燒台灣牛肉麵，湯味有濃郁牛肉味，而且份量都夠大，牛肉夠晒鬆軟，而且仲有好多台灣小食，價錢仲要街坊價，唔怪得知咁多人排隊。值得一試啊！

成日聽講紅磡有好多好嘢食🤤🤤但一直未去試😐有晚930放咗學專登去紅磡覓食😋行過見到有間都幾靚嘅台灣野🇹🇼到咁夜都坐無虛席，仲要等位，就同個同學去試下！我地叫左鹵肉飯、鹽酥雞同埋牛肉乾拌麵😋鹽酥雞好鬆脆，啖啖肉無肥無皮仲好juicy!!!😋😋口水乾拌麵用左麻醬加麻辣油撈係粗麵度！個醬掛晒麵！無得頂！又香又惹味！牛腩炆得入味又淋身！食完成碗麵！大滿足💮鹵肉飯配左小食，不過就無乜大特別！大大力推薦乾拌麵！😈

之前夜晚經過見到排曬長龍，今日下午茶時間就冇乜人，所以就入去試下。 一入去已經見到有台灣店員。新裝修之後，光猛左乾淨左， 不過香港地方淺窄，座位就窄左少少。下午茶14:30-18:00 (包括1款主食、3款小食、飲品)😋小碗麻醬乾麵($33)寫明小碗麻醬乾麵，分量真係比較少，建議想當午餐食嘅就單叫麵啦，但當下午茶食就一流，份量岩岩好。乾麵韌度適中，唔會太淋或者太硬。麻醬份量亦充足，每一條麵都充滿住麻醬。😋自選三款小食：逢甲鹽酥雞、木魚炸豆腐、滷蛋半隻鹽酥雞炸得好酥脆，皮薄肉滑。豆腐好大舊，加木魚好香口。😋台灣奶茶 (+$4 珍珠/胚芽)奶茶就普通，似屋企即沖嘅，不過胚芽就好足料，飲到底全部都係胚芽。🔎讚好台灣🚩紅磡湖光街1-7號聯成大廈鴻運閣地下13及14號舖