讚好台灣

營業中

休息中

放工來到公司附近搵食，選了一間"爆場"的台灣菜小店- 讚好台灣。豐盛牛肉麵（$69)湯頭用新鮮牛骨淆製，另加入炒過的牛肉，大量蔬果細燉，不加味精。味道清甜，食完都沒有口渴感。配料非常豐富，有牛肉，牛筋，貢丸，花枝丸，蘿白。牛肉採用金錢腱，口感軟腍，筋位爽滑，而且滷得入味。麵條爽彈，久浸湯中也不會糊掉。很喜歡加在牛肉麵中的酸菜，酸度得宜，很對味！正宗滷肉飯（$45)滷肉肥瘦相間，豬油滲到飯內，香濃得很。惟有些滷肉切得太大粒。滷汁鹹度適中，卻夠香夠惹味, 很好下飯。滷肉飯更附有三款小菜，其中，炸薯粒相當香脆好吃。小食大多廿多三十元，相比起其他台灣菜餐廳，算是挺划算。鹽酥雞（$23/ 小）外層炸粉薄而香脆，雞肉嫩滑。加入少許椒鹽調味，惹味！夜市小香腸（$28)香腸切開一小片，容易分吃。外層香脆而不硬，內裡彈牙，更有肉汁，味道香甜。真的可以媲美台灣夜市的香腸。冰胚芽奶茶   (跟餐加$10)奶茶甜度適中，上面放面胚芽碎，有小麥胚芽的香濃。冰珍珠奶茶（跟餐加$10)珍珠的煙韌度剛好。奶味及茶味亦足夠和平衡。區內比較少有台灣菜餐廳可供選擇，加上這裡質素平均，價錢又親民，怪不得成為區內新晉排隊店。

呢間餐廳食過好幾次，每次都係食紅燒牛肉麵，幾鍾意呢度啲麵質，今次就試吓麻辣湯底啦，叫咗個麻辣軟骨湯面，個湯底除咗麻辣之外，冇乜味，似乎牛肉湯底較好！麵質仍能保持水準，D豬軟骨炆得唔夠淋！這店裝修過後坐得較舒適，但食物水準希望仍有進步空間

紅磡附近都好多餐廳，不過台灣嘢，呢間應該比較好，可能時間較早，所以今日唔洗點等位，今日唔食牛肉麵啦！試吓口水香腸江伴麵，香腸是台灣香腸，當然味道唔似雞肉腸啦！味道較香囗，二嗰啲乾伴醬汁似麻醬！好香！不過越食越麻！麵質ok! 如果不嗜辣者最好別選！哈哈！

真係10年都唔會嚟一次紅磡今日因為就個朋友 所以嚟到紅磡呢度先發現原來紅磡有咁多好嘢食 成條街都好多野食我地揀左呢間裝修好新又好有台灣味道嘅餐廳好彩我地早兩分鐘入去咋 之後就爆哂場啦餐廳一路都係播台灣歌手嘅歌 好有回憶啲凳都坐得幾舒服餐牌都幾多選擇 有便當同乾拌麵麵食仲可以轉做新竹米粉 好中意食新竹米粉嘅我地當然唔可以放過呢個機會啦我叫左個鹽酥雞新竹米粉 朋友就叫左個豐盛牛肉新竹米粉有四個湯可以揀 大骨湯 蕃茄湯 牛肉湯同埋麻辣湯牛肉湯真係好入味 襯埋米粉好正 大推呢個湯仲叫左兩個拼盤 路邊攤有花枝丸香腸同鹽酥雞花枝丸非常好味 仲有香腸 好想再食多啲滷味拼盤有大腸豆腐同埋滷蛋全部都好好味 尤其係滷蛋 熱辣辣架野飲方面就要左珍珠奶茶同香芋奶茶唔會太甜 飲完都唔會好膩個洗手間設計都好得意 洗手係一碌竹咁架幾新奇下次黎要試下佢個蕃茄湯同埋其他小食先

有事情去紅磡處理，之後搵地方開餐食晏。一路行一路行越來越接近黃埔花園，但又唔想幫襯黃埔花園內各個商場的連鎖食肆，正在煩惱揀那一間街舖食店，就見到對面馬路一間門面採用純白色加木系簡約設計的食肆，本來就已經相當引人注意，加上一條排隊等位的人龍，就決定一試「讚好台灣」。餐廳佔據地下兩個相連舖位，不過舖面並沒有打通，因此左右兩間舖各有一個收銀櫃位，浪費了空間，地方肯定唔好用；以寸土尺金的香港地舖租金，實在想不明白箇中原因，莫非兩間舖位唔同業主？如果廚房也設置了兩個的話，就更加不符合成本效益?!內部裝修貫徹白色加木系簡約風格，空間感略嫌擠迫，有點似細細間的雲吞麵店或車仔麵小店，只是勝在環境較為乾淨企理。餐牌封面印上「台中」兩字，營造來自台灣的形象，但餐牌內完全沒有提及餐廳來自台灣，只在第一頁寫上「台中人經營」，估計餐廳老闆是旅居香港的台中人。名字用了「讚好」，雖然有點過度吹捧；但另一方面亦顯現老闆愛自己國家（註：這句說話可不容許給國家機關見到，政治不正確嘛！）的情懐。餐牌強調正宗滷肉飯及紅燒湯底台灣牛肉麵，亦有自家創作的鮮番茄湯底、及台式麻辣湯口味可供選擇，全部定價 $60 以內，即使選擇特色湯

好幾次經過紅磡「讚好台灣」都會見到人排隊，今晚終於都抽到時間黎試了，店鋪密密麻麻坐無虛席，長期都有捧場客。🥢豐盛牛肉麵 蕃茄湯 轉新竹米粉我同朋友都麻麻地台灣麵，所以都叫左新竹米粉，可以索入湯味。蕃茄湯鮮甜帶微酸，而牛肉肉味香濃，口感帶稔，必試之選。🥢肉燥鹽酥雞湯麵 麻辣湯 轉新竹米粉相對蕃茄湯個人更愛麻辣湯，微辣，味道更香。雞塊味道唔算突出，不過不失，份量剛好。🥢三味拼盤滷蛋有青瓜、豆腐、香腸，豆腐入味比較好食。🥢五味小茄子上面滿佈柴魚絲，感覺好日式，而味道有點酸甜味，一道唔錯既小食。🍃高山冷泡烏龍飲落不苦不澀，有淡淡茶香味的風味。

點左排骨滷肉飯，鹽酥雞拼盤同埋乾拌麵，飲品叫左珍珠奶茶同芋香珍珠。嘢食絕對無問題，可以比4/5分。但飲品可以話係伏既，珍珠還可以，但個底係啖某某到一個點，我覺得好似溝左半杯水咁，真係唔係好飲得落口，剩返大半杯真係幾浪費。餐廳本身裝修得幾簡潔舒服，個人都好喜歡去呢D小店支持下，所以希望可以再做好D啦！

「讚好台灣」屹立在紅磡數年，味道一向不錯，惜店舖位置較少，感覺也比較舊式。直到上月，發現店舖搖身一變，重新裝修之餘，更擴大至兩個舖位，自此，街角總是長長的人龍。貪新鮮的人類，當然要來湊湊熱鬧。煥然一新的門面和十分光亮的餐廳內部，感覺非常舒服。餐牌選擇，多了一些小菜，飲品亦更多元化。仍舊喜愛這裡的蕃茄湯紅燒牛筋腩麵($65)。翻新以後，價格調整少不免，但味道依然，實在難得。麻醬乾拌麵($49)，倒是初次品嚐，卻成了心中至愛。麻醬濃稠適中，份量毫不客氣，彈牙的麵條均勻掛上。只有青瓜點綴，卻豐富美味。魚酥皮蛋豆腐不過$28元，性價比高，皮蛋鹹香惹味，山水豆腐軟滑。五味小茄子($32)，茄子雖少，份量卻很多。滿滿一碟，差點吃不完。

台灣菜總是令人十分想念又同朋友仔黎到紅磡食台灣菜今次黎到讚好台灣 食左個豐盛牛肉麵 ($69)紅燒牛肉湯底 喝下去的甜味慢慢散發出來結尾有點點辣 不太油膩牛肉質素還不錯 鬆軟而入味👍🏻令我印象深刻的是木魚豆腐 ($33)每磚香滑豆腐放上木魚絲經高溫油炸後配以即炸 炮製出粒粒酥脆 外脆內嫩🤤而朋友則點了個肉燥鹽酥雞乾拌麵 ($54)超喜歡吃台式的乾拌麵裡面有麻油醬油拌勻再加上入味的肉燥味道很不錯很香鹽酥雞炸得香脆 肉質嫩滑🐣________________________裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)________________________唔信我嘅可以自己去試試😂

呢間野成日都排隊，以前佢間鋪好細，但依家佢哋租埋隔離鋪，又重新裝修咗，靚咗好多😍，但質素都冇變過。鹽酥雞肉燥湯麵（$48）鹽酥雞真係好邪惡，但又忍唔到住次次都叫。佢炸得好香口，但入面都仲好juicy，炸粉又唔會太厚。雖然佢個湯望落去幾清下，但又幾好味喎😛，麵質非常好，好有咬口，不過肉燥會比較少，整體都唔錯。鮮番茄牛筋腩湯麵（$60）呢碗就貴少少，因為係蕃茄湯底，而且幾足料。個湯好濃蕃茄味😁，但又唔會好酸，應該都加咗唔少糖🤣，不過通常d蕃茄湯底都係咁嫁la。牛筋腩都幾大舊，幾抵食。

偶然同朋友經過紅磡想找間餐廳食少少野吹下水剛巧經過餐廳 見都幾多人食幸好還有一張二人枱可以立刻入去坐這間下午茶價錢還算抵仲要唔洗加一🍱$33 就會有A+B+C 款 A 可以選小碗滷肉飯或麻辣擔擔麵等等4款B 可以選小香腸，鹽酥雞，涼拌小黃瓜，牛肚絲，木魚炸豆腐等8款C 可以選奶茶，檸水，+$6 仲會有特別飲品岩晒咩都想食少少的我今次選左小碗麻醬乾麵 🍲麻醬味道幾濃 麵夠彈牙🥒涼拌小黃瓜 都幾爽口 味道可以濃一些🍠甘梅脆薯 唔會好油膩 🍢木魚炸豆腐 外脆內軟 反而叫台灣便當 比較遜色夜市小香腸滷肉飯（$49）滷肉同汁都唔太足夠香腸份量比下午餐個小食仲少

同朋友睇演唱會前,梗係醫飽個肚先啦!!!這間讚好台灣係要人齊先可以入座, 我差不多等咗大半個鐘先可以入去。所以呢排隊期間我哋已經剔好咗食啲咩。茄仔同青瓜，細細碟做前菜幾開胃，幾恰當。鹽酥雞飯嘅擺法好有台灣特色， 呢個飯形的模好似台灣地圖嘅形狀，而雞件炸得好鬆脆，味道好似台灣嘅鹽酥雞。這個台灣牛肉麵， 湯底唔不夠濃。還有就這個排骨撈麵，確實佢啲炸物係炸得幾好食幾鬆脆，但撈麪略為普通咗啲囉，汁太少，太乾身了。最唔好嘅係我朋友未食完就好想收我哋啲碟 ，有一種趕人走嘅感覺…

今日和太太往紅磡讚好台灣食晚餐, 我們點了滷肉鹽酥雞飯, 蕃茄湯肉燥綜合湯面、酥炸花枝丸、麻醬生菜、凍珍珠奶茶和熱蜂蜜lemon。滷肉鹽酥雞飯滷肉半肥瘦食落有油花, 肥而不膩, 鹽酥雞炸得金黃, 炸得乾身惹味, 配菜有滷水蛋, 生菜和豆角, 滷水蛋蛋味好香, 生菜和豆角食落爽口美味, 飯食落軟綿, 配上滷水汁食落醒胃, 整份滷肉鹽酥雞飯材料足料, 食落美味；酥炸花枝丸炸得金黃, 花枝丸食落彈牙, 配上香料, 食落醒胃；麻醬生菜麻醬食落開胃, 醬汁味道適中, 菜食落新鮮爽口；最後凍珍珠奶茶茶味香濃, 甜度適中, 珍珠食落大小適中均勻, 口感美味。餐廳食物美味, 份量十足, 價錢合理, 我和太太食了一頓高質台灣美食。

成日行過總係見佢排哂隊，門口又裝修得好靚，就決定得閒要試下佢，即係今日😂諗住12點黎應該未係太多人掛，錯左，門口都排左十個八個人，好彩人流都叫快，等左十分鐘左右都入到去。有樣唔好就係佢一定要人齊哂先可以入座，我話我男朋友仲有兩分鐘就到都唔得，唯有再等下一張。有點餐紙亦有個靚menu，第一次黎可以黎下menu再決定，比起阿元來了、六両三其他台灣食堂，佢的確多好多選擇。好似我想食滷肉飯又想食鹽🧂酥雞，喺阿元就要叫兩樣，佢就可以叫口滷肉鹽酥雞飯就滿足到😛🤘🏼

每次到紅磡睇演唱會，幾乎都會過來食野裝修過後，環境好了很多，地方也大了食物類種多，價錢經濟，重點係不用加一最愛這裡的乾伴麵口水香辣豐盛牛肉乾伴麵有牛腩，牛筋，花枝丸，貢丸等等牛腩夠軟淋，且入味麻醬夠香濃，口水香辣帶少許微辣麵條掛汁力強，每次來食都沒有失望甘梅脆薯炸得香口，食起來不會太油腻配上梅粉同吃，更加滋味路邊攤拼盤有鹽酥雞，台式香腸，花枝丸鹽酥雞外酥內軟，好食胚芽奶茶就係好正宗台式奶茶味，唔會太甜