譽麵坊

營業中

休息中

土瓜灣區既人氣小店！！鋪頭細細，裝潢簡約，乾淨企理。雖然食物款式唔算非常多，但係大部分既食物都會水準唔差，尤其以南乳鷄球米線最為出色！南乳雞球米缐非常抵食，$34 蚊 有 5 件大大件既鷄塊，外皮炸得非常酥脆，肉質鮮嫩，南乳醬味道非常濃郁，好惹味可口！米線大大碗，加埋雪菜，清清淡淡，好味！今日同朋友嚟開土瓜灣，再次encore, 午餐時間依然旺場，食物水凖依然的好，價錢不變，份量不減！好希望呢間充滿誠意既小店可以繼續好好咁經營，十卜十卜！！

今日嚟到土瓜灣試吓傳說中嘅南乳雞，之前已經睇過有好多介紹，台灣嘅南乳雞好食嘅，今次就係香港到先下兩者係咪同一樣嘅嘢💁🏻‍♂️叫左南乳雞球撈麵，同我地叫左個墨魚餅估佢唔到有咁多舊雞，超抵食，34元ja，炸雞熱辣辣，加埋南乳source 剛剛好😂不過如果唔點source 既話，就無咩味，我見到好多客人都係呢個再加豬手，不過如果呢個價錢㗎呢個份量同依個味道既話係好outstanding 墨魚餅入面有三大塊，佢本身跟個salad source ，不過我地覺得點南乳正d,不過呢個仲貴個碟麵，所以麵係完勝總括嚟講，依個麵加料CP值好高，抵的

好友遠從外地而回, 想食local 既麵, 第一下諗到既梗係充滿大家童年回憶既譽麵坊。。。沙中線未起好, 北帝街既餐廳已經執左好多, 賣少見少, 譽麵坊係碩果僅存既一間。間餐廳唔大, 餐桌依舊, 我地今日早到就唔駛同學生老師爭位, 哈哈。我例牌要最出名既南乳雞球米線。朋友咁多年無見都仲係有選擇困難症, 最後都選擇左南乳雞球, 回味一下當年學生時代。米線先上, 南乳雞球另上。一食落去, 仲係10年前既味道, 一邊同舊同學傾返以前, 一路食返以前既味, 其實真係有d 感觸。想當年, 大家著住校服食, 今日大家著住西裝食, 無論係邊度發展, 其實都好掛住以前食開既味道。多倫多邊有南乳雞球米線食, 仲要係炸到脆卜卜唔油wor! 最鍾意佢米線有東菜係度調味。細個尼譽麵坊, 一定會叫玉露野飲, 以前已經係便利店好難先買到, 10年後更加唔知點先飲到, 當然今日唔放過。我叫左菠蘿玉露, 朋友叫左豆漿因為係加拿大好少飲。土瓜灣以前真係好多野食, 係開呢度玩/ 住一定同意, 趁仲係度既餐廳, 我真係會多d 去。。。太多太多不知不覺咁執左。。。

3個人黎 佢係咁比新客入 叫我地3個等等左好耐 啲人新入 叫嘅果碗面都到左 仲未比我入😊 問埋佢做咩唔係我地入先佢聽完望住我2秒 佢走左 等咁耐 我走：）🖕🏻🖕🏻🖕🏻🖕🏻🖕🏻🖕🏻🖕🏻🖕🏻🖕🏻🖕🏻

還有個多月時間，公司就會搬離土瓜灣這個美食天堂了，當然要趁最後機會食盡它吧！ 👍🏻南乳雞球米線 ($34) 差不多每星期都要食一次的南乳雞球米線！只需三十幾蚊，就可以食到五粒大雞球同大大碗米線，份量之大，就連男同事都食到超飽！雞粒雖然大粒，但入面依然炸得嫩滑有汁，外皮超級脆卜卜，配上南乳醬的鹹香簡直是十級邪惡😈 離開土瓜灣後叫我如何活下去😭😭😭

因為報左個短期 course 要去土瓜灣上堂，平時對呢個地方頗陌生，所以要上網 search 有咩野食，點知發現原來呢區有好多餐廳，呢間係我首選，因為食評很不錯！2:30 到，餐廳已經坐滿人，好好生意！「南乳鷄球米缐」係必食，同行朋友就叫很多人叫既「香脆雞翼米缐」，米缐大大碗，配上雪菜，簡單可口！鷄球同鷄翼分開上的，每碟4 大件，分量很多，絕無欺場！雞球同鷄翼炸得香口，原以為鷄球係先用南乳醬醃好，原來係另外配以南乳醬沾鷄球食，這樣更美味！三十幾蚊，好食又大件，真心抵！

4年前住附近未生B.B. 就有食開呢間米線 前幾日專登楂車入去同埋老公仲有個15個月大既bb就想黎食返昔日既味道 果日入到去好多人 等左一陣位但員工都有搵左個位置俾我地坐 因為我地推住部bb車 所以坐得比較迫 其間bb都有嗌左幾下 不過吾大聲 鋪頭入邊係全部滿座 客人既聲音一定比bb更大聲 我地落左單之後 食物好快到 味道同以前一樣無變。好食 但我一邊食 bb就一邊嗌左幾聲 其間有一個短頭髮吾知係員工定係老闆娘就行過黎好吾耐煩咁 黑口黑面對住我個B.B. 佢仲要一餐飯入邊叩左我枱面超過6次有多邊叩邊叫我bb吾好嘈 佢個樣子完全吾係友善係好似我bb得罪左佢既面口咁樣 我同老公都知咩事 就諗住啦啦聲食完 快d走 我都有用手機播放音樂 俾bb聽 希望轉移bb視線 但果位員工竟然講左句 係竊竊私語企係收銀位講 話：一早就應該要拎個電話出黎播歌俾佢聽啦 咁嘈 聽完我當然無理會佢啦 我無食晒碗麵就直接埋單走人1.我係客人 我係消費者 你吾應該咁既態度2.可能佢無生過B.B. 吾清楚bb係中意幾時喊就喊幾時笑 就笑 3.我想講 我bb一開始係對住佢笑 係後來吾耐煩就開始嗌左幾聲 佢叩完我枱後 我b

一直都想去土瓜灣食呢個南乳雞球米線🍜本身我就好鐘意食炸嘢香口嘢🤤呢個炸雞球真係睇相都feel到有幾熱氣🙈但係我鐘意呀🤤雞皮炸到好似脆過薯片😂脆到咬落係咔嚓咔嚓聲㗎😜但入面肉質依然幾嫩滑，係名符其實嘅外脆內腍，食落都係啖啖肉㗎😋點埋南乳醬食，好夾✌🏻送米線食好正👅唔夠南乳醬仲好似可以問店員refill。不過對我呢個醬怪嚟講，本身俾咗嘅南乳醬份量都啱啱好夠食，所以相信大多數人都唔需要再refill。米線煮得比正常淋少少，但我覺得食落都ok。大大碗米線，仲加上五六舊炸雞球，先33蚊咋！😆真係好食又抵食😆聽人講南乳雞球撈粗都好食，下次再嚟土瓜灣一於試吓😍.話說食完咁多炸雞球又食咗咁大碗米線，難免想叫番杯嘢飲⋯⋯🈲🈲記住留番個飲嘢quota，食完呢個米線之後，過對面馬路飲老字號美味椰汁🥥😋

我真的不知道，除了這裡，還有甚麼地方，可以吃到炸南乳雞球？或許真的有，但我一時想不到，又或者，我不知道。土瓜灣新山道譽麵坊，由昔日在商場內，到譚公道，直至現今的新山道，足足十多年，獨孤一味南乳雞球，足已令我專一。沒錯，每次來到，只吃南乳雞球，配個酸菜湯米線。炸得恰當，雞皮香脆不油膩，內裡的雞肉仍然嫩滑的雞球，雖然雞肉的味道不太突出，但是香濃的南乳醬搭救，填補了其缺點。配以清湯酸菜米線， 美味又滿足，所費只是三十多元，今時今日的香港百物騰貴，收這個價錢算很便宜。再過對面的士多買杯椰汁，像完成了一個儀式，有始又有終。土瓜灣實在有不少出色的小店，可以一起床，只須擦過牙，踢對拖落樓，便能享受不少價廉的美食，誠為土瓜灣之友的福氣。

尋日兩公婆到土瓜灣行下，雖然舊區沒有新發展嘅商場，但橫街窄巷亦不泛小店美食，由於我們約了朋友在土瓜灣麻雀晚飯，中午尚有時間，於是捐窿捐啦睇下有乜正野食！呢間小店，鋪面簡單，但中午時間經過見佢座無虛席，而且好多都似是學生，一人嚟打住手机食，打住手机走， 好有飯堂feel！我就最欣賞佢嗰個脆炸雞球， 份量多抵食，即炸，香脆可口， 米線的分量十足！反而炸豬扒就差些少了，外面有些炸過火感覺， 肉質亦不夠嫩滑珍珠奶茶，味道略甜！

南乳醬看起來像蠔油，吃起來更偏向腐乳的味道，很惹味，5大塊只要33港幣。另外點了什錦米線，也是33港幣，一大碗好足料，有牛肚，牛筋等。雖然味道不算驚艷，但牛肚牛筋都燜得好軟，不會韌。

讀中學時間唔中 lunch 會走黎食，好難得約返4個中學好友平日放工黎一齊食，食嘅唔止佢嘅味道，仲帶住一絲絲回憶。叫咗南乳雞球米線/ 炸豬扒米線/ 椒鹽肉排撈麵 同墨丸撈麵。 4樣嘢入面有3樣都係炸，熱氣到爆，雞球同豬扒份量好多，配埋撈麵就好乾，米線份量都好多，不過撈麵份量得好少，兩啖就食晒。 價錢都越黎越貴，以前廿幾蚊，宜家要三十幾，不過食嘅係回憶，讀書時 d 畫面乜都返晒黎。(P.S. 食完之後成晚都好口乾，第二日即刻喉嚨痛，回憶呢d 嘢都係間唔中好喇😂)

聽聞呢間麵店出名食南乳雞米線，今日經過就一於食下先。餐牌梅梅地有啲污糟驟眼見好多食客都係食南乳雞球米線，咁我都信佢嘅人氣。不過坐位位置頗逼，要背貼背咁坐。一碗南乳雞球米線只需$33，以份量黎講確實好抵。但老實說呢碗米線not my cup of tea...雞球炸得太勁，但唔係好有味，所以要靠點個南乳醬黎調味。碗米線亦同樣冇乜味，米線煮得太淋，論份量同價錢實在係無可挑剔，但始終味道上未算好好，而且太多雞球，一個人食會有點吃力。

譽麵坊位於土瓜灣，此店最出名是和風炸豬扒及沙拉雞球。為何這兩款食品咁出名？原因是鮮炸，即是即叫即炸及即整。本身食物已經醃好，一收到下單，店員即時準備，然後攞去鮮炸，跟著上碟送去客人𥚃，鮮炸的食物當然好味啦，再加上沙律醬就更加好味。推介指數：6/10米線，只是普通的米線，沒什麼特別啊！湯也是普通淡湯，味精不重。推介指數：4/10飲品有珍珠奶茶，水蜜桃紅茶等等選擇。當然不要跟專門做茶的店來比較，但係它們的茶不是太甜，是可接受範圍。推介指數：5/10

特色的麵店，推薦鐘意香口炸物的朋友，特別的南乳雞球撈麵，炸雞份量足夠多，但南乳全靠碟醬汁，椒鹽豬扒，上檯，噢，其實金沙骨，好食，有酒樓半碟餸咁上下，抵食夾大件，無嘢講，以$33- 實在抵食超價。