譽麵坊

營業中

休息中

譽麵坊之前搬過一次，今次去搵間新鋪真係搵左一大輪，入邊坐位都夠，坐得幾舒服之前食過幾次都感覺唔錯，個南乳雞球炸得恰到好處，唔會太燶又保留有肉汁，再點個南乳醬真係一流，今次就試左個豉油雞翼飯，都係四十零蚊個白飯既份量真係超大，成個湯碗咁樣，絕對食得飽。d雞翼都有6隻，隻隻都炆到勁入味，同埋都好淋，一咬就幾乎骨肉分離，連我本身唔多鍾意食皮既人都連皮食，損到乾乾淨淨，以四十零蚊既價錢黎講，呢個飽到上心口既飯絕對係超值之選!

七點前到達，今天離奇地沒有太多人呢，我們二人就佔用了一張四人桌。因為不是太餓所以只點了南乳雞球米線，炸豬扒米線及墨魚餅小食。這裏只售米線，通常米線是跟餸分開上的。米線的分量不少，上面還加了蔥及不少的雪菜。如果愛吃辣的話記得要試試他們的辣油。南乳雞球~ 來店舖的人大部分都是點這個南乳雞球的。連皮雞球上的炸漿只是薄薄的一層，沾上南乳醬，入口鬆脆又多汁。但以前好像好吃多了…… 雖然雞球這麼大塊可以保留很多肉汁，但吃起來沒以前方便 ; 而且南乳醬怎麼變咸了? 我們這次竟然連碟上的醬也用不完呢，難道有很多像我們般要求加醬的客人嗎？炸豬扒的份量也不少，差不多有兩塊吧。味道挺不錯的，炸得剛好不會太乾，炸漿也很薄，不會讓人覺得太膩。推介的是墨魚餅 外面的不是炸漿而是雲吞皮，外脆內彈，咬下去就聽到“擦?”一聲，然後吃到裡面彈牙又鮮甜的墨魚餅，中間還有不少墨魚粒呢這裡的其實是大米線，份量真是很多的（亦可能是太多炸物令我們飽了），每次也會吃剩，所以我早有準備啦！每碗米線預先留起一些，回家再炒個菜明天又可以帶飯了。每次來都又食又拎，心滿意足地回家去了

今日難得返中學探老師，就順利去食中學時期嘅至愛,南乳雞球米~比較舊鋪，新鋪相對比較寬闊，餐廳以米色同淺木材色為主，感覺乾乾淨淨，依舊好多人食!如果撞正中學生嘅食飯時間，可能就要等一陣。不過，好在呢度上菜好快，而學生相對唔會坐太耐，所以都唔洗等好耐~雖然鋪頭嘅麵食已經悄悄加過幾次價，但同一般啲麵鋪價格差唔多，唔算太貴，加上份量多，夠哂經濟又實惠。南乳雞球米線一大碗米線，配上酸菜榨菜同香蔥調味，米線偏粗身同軟，份量好足。再加上，一大碟炸雞球，有5至6舊，雞球炸得香脆，肉質結實，食落仲有少少肉汁，點埋南乳醬就更香濃惹味！

以往都是吃開炸肉排，但好多時都是骨大大，肉少少，所以轉了吃炸雞翼。味道沒有以前的吃了後感覺好口渴，可能走清了所有在麵裡的配料吧！因好多時叫走雪菜、及炸蒜，不是忘了走雪菜就是忘了走蒜，從未像今次那樣清。希望下次再叫肉排時，不會再是骨多多，肉少少。

第一次来土瓜湾，本来想随便吃个大家乐的，结果看到推荐，每个人都推荐南乳鸡球，感觉一定要试试啊！结果下午两三点都还是人满为患的节奏，果然值得拥有呢几乎所有食客桌子上都是鸡球➕珍珠奶茶，几乎不用看餐牌呢～上菜特别快，鸡球本身就炸的很入味，鸡皮金黄还冒着刚出锅的油星，原本的油腻，被南乳很好的化解了，兼职不能更赞没有套餐的样子，鸡球很便宜33，但是饮品13，感觉没有必要点呢。因为米线的汤很清淡，喝完已经不是很需要饮品了。总体还是很值得吃的啊～

今日要去土瓜灣搵朋友，搵完就當然嚟呢區好好食嘅譽麵坊做午餐啦！下午一時許入到去，見到入邊好多人，店員都只係揀左一個比較擠迫的位置比我，不過我都接受到，人多就體諒下啦，比嗰四十蚊食午餐，唔好諗坐得舒服啦。我一入座後唔駛諗，即刻同店員姐姐講我食雞球米線。因為真係好好味，而且八成人都食呢個。米線湯底清淡過譚x。不過我無乜留意米線，反而著重雞球。雞球大大舊，好抵食。再加上鹹鹹的南乳雞球醬，味道一流。我數過雞球有六件，我食到第四件已經好飽，第五件已經再食唔到落去。我記得之前四個人嚟可以再嗌小食（eg. 墨魚餅）。惟我今次毒食，無法再叫更多。個餐係冇跟飲品，但可以加$6飲罐裝飲品或$15飲台式飲品。我冇咁有米飲台式飲品，故加$6飲罐裝道地綠茶。不過在上年十一月時食呢個餐只係$31，今次要$33。雖然加左價，但都係抵食。

其實我中學在土瓜灣讀書，所以附近有咩食我都十分清楚。近日我工作上需要到土瓜灣走一𨍭，我腦海立刻閃過南乳炸雞球米線。以前我一個星期必食一次。其實佢有蒜蓉炸排骨、墨魚餅都好食。可惜今次得我一個，冇人同我分享。南乳炸雞球個汁係自己整，雞球炸到大大粒又乾身入面多汁。媲美日本雞球。再配上士多啤梨紅茶，正👍👍

今日去開土瓜灣見客，問問住喺附近嘅朋友有乜好介紹，佢話呢間一定要我試試我就隨便問個街坊知唔知譽麵坊喺邊，跟住就即刻教我點行了，可想而知喺呢區都幾出名喎坐底望一望餐牌都見有好多選擇，豬扒、牛腩、墨魚丸等……但見有8成嘅食客都係叫南乳炸雞球呢，好嘢緊要照跟啦雞球order後才即炸上枱，香氣撲鼻外皮香脆，肉質juicy嫩滑再配上秘制的南乳醬，非常惹味$31價錢又好味又夠份量，難怪吸引咗咁多街坊學生幫襯啦

來到土瓜灣, 即時會想起的, 是「譽麵坊」的雞球米線。很多時吃選擇吃米線, 本人也是先從湯底想起,那一家湯底出色, 便會選擇那一家的米線。但「譽麵坊」卻打破了我選擇吃米線的傳統, 這裡的米線, 說真的只是平平無奇, 但一配上「雞球」, 便立即提升了幾個層次。 雞球炸得剛好, 上菜時還是熱烘烘的,入口時香脆, 雞肉肥美幼滑, 總之就是不會有乾身的感覺。能做到這點已經非常的讚! 雞球再配上另一靈魂 - 南乳醬嘩! 雞球多了一份南乳咸香, 亦綜和了炸物本身的油膩, 真的絕配!!ps. 若一時重手點了太多南乳醬, 亦可放入米線中!以平民的價錢, 能夠品嚐到如此美食,可能土瓜灣真的還有其他美食, 但肯定的是..「譽麵坊」的雞球米線, 也會是到訪土瓜灣時的首選！！

老公係附近返工，表示依到既雞球好好食..今日難得接佢收工，就去試下😋😋😋因為少黎依頭，所以就叫左2個雙拼粉麵最後雙拼左雞球、雞翼撈幼麵，豬扒肉排米線雞球外面脆裡面滑，惟獨是雞球較大件，size細d相信更加好食，撈麵個人來講就比較硬，但個汁好正，雞翼就都係好滑至於肉排，佢既椒鹽好正，有驚喜！豬扒就正常，米線就太淋，但個湯清清地就中和返肉既油膩感最後，有珍珠奶茶，d珍珠好彈，好飲，不過奶茶就味淡左少少走既時候見到d人食撈粗，感覺好似好正咁，下次有機會再來試😋

某日同女友口痕痕想食D 熱氣0野, 於是就諗起譽麵坊喇!!!我相信土瓜灣0既街坊唔會對佢陌生架啦, 而我地都食左呢間野好多年LU之前佢0係商場鋪位已經有幫襯開, 因為佢D 米線大件夾抵食最出名一定係雞球米線!!!!!基本上都係鎮店之寶咁滯, 因為真係好好味另外D 飲品都OK 架,, 係台灣飲品~我地今次叫左士多啤梨紅茶, 夠甜夠味反而散叫左個 沙拉骨就唔多掂D 醬over 左...........我地食左幾舊就食唔落啦, 中哂伏!!!!下次都係叫返雞球算..哈哈哈

身為米線愛好者，才不會總是吃那一兩間的米線專門店(雖然我都很喜歡吃lol)朋友住在土瓜灣，說這店她從小就光顧，現在味道ok，不過從前更好吃(哈哈)! 可是我已經無法品嚐從前的版本，那只好嚐嚐現時的版本吧! 這碗米線比其實米線專門店的份量多，建議食量少的朋友叫少米。南乳雞球的醬汁做得好，雞球份量多，我只吃了一半，味道不錯。只需31 元，實在抵食。

囡囡上次與同學仔食過這兒的南乳雞球米線之後 成日都話好好食，要帶我去試下 南乳雞球米線 HK$31 米線與雞球分開上就唔怕被湯浸到唔脆喇 !!!一向愛食香脆食物的我當然被這碟炸得香脆的雞球吸引住雞球好大件，熱騰騰剛炸好的，食的時候小心熱呀 !!!去了骨的雞球外皮炸得香脆但唔油膩，裡面的雞肉仲好嫩滑點少少帶甜又有咸香的南乳醬一起食，真是好惹味亦可以加配飲品，飲品的選擇也不少除了有罐裝汽水和豆漿，也有台式飲品，好似珍珠奶茶、蘋果綠茶、荔枝綠茶 ...** 以上分享是以我的口味、喜好和情況作出感受和分享，一試 / 合用與否請自行決定

大學年代常來，搬店後好像沒來過了。環境不錯，店子大了不少，內裏有十張八張桌子，相信可同時容納三十人。店員串了，以往的阿姐沒現在那麼囂張，可能由於人流多，沒那麼憂慮了。雞球依舊，價錢貴了近一倍，但數量還少了。雞球大大件，仍然是另上，分開放在碟子上，還有南乳醬。雞皮微乾，雞球仍帶汁，雞肉不乾，味道不錯，內裏仍然鮮嫩，跟當年的味道分別不大。麵條向來普通，撈麵乾得來好像太黏，而且幼身又不太彈牙，僅屬一般。

舊陣時翻學個陣，成日放lunch，都會去食。依家雖搬左位置，但水準依然。依家想食，多數都是外賣。選左個雙拼外賣(南乳雞球加什菌)雖然翻比屋企，d米線已經快吸緊湯水，但另有一番好味！雞球的味道依然實在！