譽麵坊

營業中

休息中

之前因為喺附近返工，所以認識左呢一間譽麵坊。分量大之餘又好抵食，同埋最緊要係好味。所以呢一間小店喺土瓜灣來講都算幾出名下。當然佢哋嘅招牌菜就係南乳雞球米線， 30幾蚊有成五六舊南乳雞球，仲要係即刻炸，超級熱辣辣，炸得好好食，入邊又有肉汁，配埋南乳醬真係非常夾。另外今次仲試埋椒鹽肉排，估唔到好似仲好食過南乳雞球喎。因為肉排比起炸雞更加多肉汁，而且配合埋椒鹽，好似食緊小炒咁，如果食厭咗雞球可以試吓。😂😂😂

譽麵坊既南乳雞球米線，真係冇得輸應該係好多喺九龍城區讀書嘅人嘅中學回憶喔！！畢咗業幾年后再返嚟食，風味依然，只係物價上漲加左少少價，但仍然係咁抵食^_^！真係好大份，一份南乳雞球應該有六舊雞仲要舊舊都好大舊，即叫即炸，熱辣辣脆卜卜，入面啲肉滑滑的。仲有個南乳醬真係好野味因為個南乳雞球已經做得咁出色，所以個米線係清清地雪菜湯底，perfect match個菜肉雲呑都不錯的，多涵，一個淨雲吞$34有八粒大大粒，好crazy🙈不過我是喜歡厚皮的，所以沒有比五星了～除咗南乳雞球，之前試過椒鹽肉排其實都幾好味嫁～嘢飲方面，好鍾意佢個茉香珍珠奶茶不過今次嗌咗少甜，就好似真係完全唔甜🤭，所以下次都係唔扮健康了，照原味就最正了。都不會太甜～而且珍珠是有咬口的

這家麵店在土瓜灣打滾至少有十五年，在這區數度搬遷，始終扎根於此，從沒離開。雖然與它擦身而過的次數不少，但已經多年沒吃，當天心血來潮前往回味一番，眼見小店依然客似雲來，座無虛席，老懷安慰。同行人點了五香牛肚米線，牛肚彷佛是不要錢的猛放，米線份量也很大，一般女生吃一碗可抵至少1.5頓飯吧。份量雖多，但質素有欠，牛肚軟而不香，味道上不來。米線輕微發脹，口感偏笨重，不到軟乎乎的討厭，但絕對談不上好。湯底加入雪菜，但雪菜的味道融不進湯裡，像咸水加酸而已，不可口。這裡的餐牌對我用處不大，因為每次來必點南乳雞球撈粗。雞球的份量佔上大半碟，每件除了肉還是肉，一碟撈麵也能滿足一顆想吃炸雞的心❤雞球外脆內嫩，不油膩，雞皮有別於快餐廳店的炸雞，特別的酥脆，蘸上南乳醬獨特的咸香酒氣，既酥且騷。粗麵有微微梘水味，但是不疑事，而且撈麵的豉油汁算是濃味的汁料，能把梘水味壓下去。麵質尚算爽口，吃前放到熱湯裡過河，既能化解麵條結團又能回溫，順道調整濃味的豉油汁，口感味道更好。老實說麵條未算出色，但是質素也不俗，而且與炸雞球是絕配，撈麵湯汁少，減少破壞雞球的乾脆口感。我不記得以前自己有沒有吃過這裡的米線，但這次體驗是除了

家中沒有煮飯，所以晚上到了土瓜灣，吃了有人說是全香港最有名的中式炸雞米線名店譽麵坊。二人點了南乳雞球米線($34)及柱侯牛筋撈麵($34)。南乳雞球真的好吃得不得了。雞球是新鮮即炸，上枱是還是熱辣燙口的。雞肉炸後還是嫩滑的，雞皮則是香脆而油脂味甘香。南乳醬則是伴碟，加上很多了一種風味，那種鹹香不是一般調味可以帶來的。米線的清淡，讓你洗刷口中的炸雞膩。柱侯牛筋撈麵的麵條彈牙，牛筋軟腍，惟柱侯汁有點過鹹，吃後會口渴。這樣的一頓周五晚飯，真的是不枉此生。如果你到土瓜灣，真的一定要專程前往。

以前成日食譽麵坊，自從冇喺附近返工之後，都有好幾年冇食過喇。呢日終於抵受唔住南乳雞球嘅呼喚，趁住放假的起心肝過去食個lunch。食開嘅人都知，譽麵坊成日都好多人等位，特別係食飯時間，今次我兩點半先去，一去到就有位入。之前試過南乳雞球米線，湯底有啲寡，同米線煮得太軟身，唔係咁啱我口味，始終都係覺得南乳雞球撈粗最好。南乳雞球係呢到嘅招牌名物，無骨連皮雞件炸到脆卜卜，唔會有層厚炸粉漿包住，每一口都啖啖肉，再配上香濃嘅南乳醬汁，滋味無窮，食到停唔到口。而且一碟麵有大概5大舊炸雞，都只係三十幾蚊，絕對稱得上抵食夾大件。外皮酥脆，但炸得未夠乾身，食落口略嫌多油。下次試過第二款小食。*****提提大家，餐廳空間比較狹窄，要預咗等位同撘枱，人多時要有心理準備會出現無可避免背頂背情況，但為咗食好嘢呢啲都係值得嘅。

譽麵坊，是我細蚊仔時中學的飯堂。多年冇去，聽講已經搬左幾次鋪，但入到鋪內，依然人山人海，下晝兩點幾去到，都要同人搭枱。食左咁多年，其實menu基本上對我來講係冇用的！因為入來都係必叫一碗南乳雞球米線你望到啲雞球大大舊，經過洪洪烈火百度高溫咁炸，就知唔係善男信女！我每次吃完都會生飛滋！但炸起的雞球雞皮酥脆，肉卻very滑，點埋南乳醬，實在是perfect match。米線配上雪菜，加上湯底清甜，可以中和味道霸道的雞球。豬頸肉撈麵都不錯，撈麵彈牙，唔會煮得一pat野。豬頸肉就普通啲，似係白烚。重口味的我都忍不住要點下個南乳醬。希望下次造訪土瓜灣，譽麵坊依然屹立！！

想當年中學時期，一星期都食一兩次，一放lunch拿拿過黎食，慢左一步就爆哂棚。南乳雞球米線系呢到既鎮店之寶，濃香南乳醬甜滑，雞球份量多，金黃外脆，肉汁鎖緊，肉質嫩牙。

土瓜灣有好多野食，其中一間我覺得值得推介既就係譽麵坊‼️我唔係第一次黎食，呢個份量，呢個味道，呢個價錢，真係無得輸😈最最最鐘意就係招牌南乳雞球米線❤️幾乎每一次都係叫呢個，真係食唔厭！今日同朋友黎食，所以叫埋炸雞翼😉份量黎真係好足料，起碼有5件雞，同埋佢d雞球唔係一啖食晒個種！米線都好有份量，女仔建議小米線就ok!味道就緊係好味先會黎咁多次😉😉最多係有時炸完擺耐左，雞皮有d硬！但通常都好香口，加埋個南乳醬，正！價錢黎講30幾蚊一碗真係超值，我通常都會配埋豆漿😌

咁岩經過土瓜灣整野完全對土瓜灣冇概念嘅我都諗唔到有咩好食一個人嘅午餐食咩好？於是就上網搵吓土瓜灣有咩隱世美食發現左依間譽麵坊 最出名嘅係南乳雞球話時話喺香港真係冇食過南乳雞球決定就一個人走咗去試吓傳說中「全香港最好食嘅南乳雞球」一個人點左一份餃子米線配南乳雞球米線湯底清甜加左梅菜 配大大粒餃子 皮薄餡靚雞球分開上 旁邊有南乳醬可以點自己揀最落多或少 雞球炸過但係並不油膩 肉質嫩滑雖然就咁食冇咩味道但點埋個南乳汁別有風味一餐一個人嘅午餐食得好滿足

食左成十年，保持到一向的風味炸雞球炸到皮脆肉嫩，再點南乳汁，一個字，正！個米線好好食，唔會亂加芽菜影響口感，反而加啲雪菜，超好食食開既熟客都會加少少楠汁落啲面，更加惹味👍🏻👍🏻👍🏻

每次經過都見到好多學生排隊，難得放暑假無乜人，緊係要黎試下。雖然放暑假，但係都要等咗十分鐘先有位。叫咗個南乳雞球米線，同牛肚撈麵，味道一流，雞球好香口，熱辣辣，絕對推薦!

來土瓜灣上堂， 上堂前醫醫肚，就來了呢間試食好多人推介的南乳炸雞撈麵。一入到舖已有三枱客， 三枱都係食南乳炸雞。 所以我都叫左個南乳炸雞撈粗。 因為雞係即番炸， 唔係整定，所以等左陣。其實係炸雞撈粗來之前，佢地就上左碗湯（左上），係冬瓜湯，雖然無湯料，但都有冬瓜味🤔🤔🤔到個炸雞撈上， 係好多炸雞， 麵份量剛剛好， 不太多， 可能知d 雞多， 又油又濟，所以酌量減返d 量， 係幾細心。不過講味道其實無咩特別，南乳醬（右上） 係有南乳味， 但都唔係好特別出色；麵，第一啖，覺得幾彈， 但食多兩三啖，其實係乾， 又無味； 而個雞， 佢係炸得幾好， 唔會好乾， 但佢d 雞好肥， 好多肥膏，雖然都有d 位炸得比較乾， 但整體唔錯。 值得一提係d 職員的服務態度幾好， 有位先生來買2個外賣， 因為又落雨，本身又拎著個外賣， 所以無手開門走， 職員就好主動咁幫佢開門， 又係包外賣時， 諗定點包先方便宜佢拎，值得一讚。

食過一次總會心思思想去食嘅譽麵坊自從上年男朋友帶我黎食過南乳雞球就深深中毒，每隔2，3個月都會黎一次。👇次次都係衝住呢個名物而黎，我點嘅【南乳雞球米線 $34】大大件炸雞件連埋雞皮，一碟有成4大件好抵食 ！成件雞半點油膩感都冇，炸漿亦做得好靚，加上廚房處理油溫處理得好，迫晒多餘油份出黎，脆口到一啖咬落去就會聽到清脆嘅聲音，但入面嘅雞肉依然好Juicy。點埋南乳醬汁食，令到炸雞嘅味道完全昇華去另一層次，正到不得了！米線就係普通一碗清湯米線加左蔥花同雪菜。👇男朋友點嘅【鼓油王中翼撈米線 $34】雞翼非常入味。只係因為點錯米線嘅關係，完全索唔到D鼓汁，覺得好水。見到隔離枱點左其他比較吸水嘅粉麵冇呢個情況，男朋友極度後悔點左米線😂整體都係好味，抵食，CP值高，會繼續幫襯！

我叫咗個招牌南乳豬手撈粗面，只係$34包，豬手軟林林滑一滑，味道入味，唔太鹹，撈粗夠爽口，👍👍👍！另外朋友叫了雲吞撈幼面，雲吞自己包，菜肉比例適中，也是＄34🤭！便宜啊！朋友說味道不會太濃，正👍👍🤗，下次一定再來食其他野🤗

譽麵坊的炸雞球撈麵同炸雞球湯麵十分受周圍地區的學生及街坊支持。今次天氣熱，我地叫左受炸雞球撈麵🐣。相比其他撈麵，它的濕度會較高，因為混合了少少豉油，味道唔會似其他撈麵咁怕太乾或無味。當然，隨碟亦有附上上湯，如果想食濕啲嘅麵，可以自行加湯。再講雞球🐥，今次食3碟麵係新鮮出爐上枱，食到嘴邊仍能感受到雞球油炸的熱力😋，味道不會太鹹，份量亦好大份，配上32蚊一碟的價錢，實為青年人或學生午餐飽肚之選。而飲品就有一般豆漿($7)、汽水($7)以及珍珠奶茶($17)。