譚仔雲南米線 (太和邨)

營業中

休息中

從來食米線只會食譚仔三哥，係一種情意結，今日瞓醒突然心癢癢，好想食米線，但係個人又懶得行得遠，於是就打電話，叫譚仔外賣。收線後隔咗三個字落去，就有得拎喇。俾埋錢就咋咋淋返上屋企食。佢本來已經分左湯，呢種設計好窩心，但啲米線唔會淋。今日叫咗魚腐雞肉麻辣三小辣米線。魚腐索晒啲湯，好入味。雞肉就不過不失。另外再叫多個土匪雞翼，雞翼味道十足。聽朋友講譚仔嘅小食係比三哥嘅出色。又真係喎。我諗之後我都會試多啲譚仔嘅小食。畢竟呢間譚仔只係喺我屋企樓下。非常方便。

食譚仔米線應該係個個都做過，太和呢間譚仔幾時都好多人，無論堂食定外賣都要等好耐。太和呢間譚仔無論叫幾多個餸都會好豐富，個個餸都比得好足料！我試過就咁清湯加炸醬，姐姐都會比超多炸醬。就算我叫三個餸都一樣會好足份量！好食還好食，但次次等成15-20分鐘真係令人有啲卻步

譚仔麻辣米線就出晒名啦再介紹就多左今次刻意提 係因為新產品——麻辣小食果然又係上癮之作🤩🍹川風香辣黑柏葉......................$29牛柏葉唔係白色架咩？原來未經漂染嘅黑柏葉更加爽口彈牙少啲化學品處理 更加自然再淋上川味香辣醬汁一貫作風 先麻後辣酸酸辣辣 惹味開胃.🍹米線配料黑柏葉自己一個食唔晒？唔緊要！散叫追加小食又得少少哋 叫米線配料都得而家全線分店都有 不妨試吓.🍹茉莉花清茶配糖圓子...............$16茉莉花清新解渴似台式飲品花茶系列再加上糯米嘅糖圓子口感煙煙韌韌.🍹柚子利賓納..............................$11利賓納就飲得多溝埋柚子蜜 創新口味你又試過未原來2個係咁夾一啲違和感都冇以後襯米線又多一個選擇.1款小食+2杯特飲=悠閒下午茶

見到標題可能會覺得奇怪😳譚仔米線有咩咁難得一見😂但個日見到碗番茄米線真係喔出聲😯😯😯好似有擺盆既碗番茄湯底米線😂少見😂😂😂平時係其他譚仔分店食就係平平無奇既一堆材料係上，好少見到會加啲番茄係上面做點綴😂😂可能近排肺炎的關係少佐堂食，夜晚食飯時間都係幾台人係度食only😳反而聽到好多人嗌外賣🍜少佐堂食廚房師傅可能多佐d心機擺靚碗米線掛😂😂味道依然唔錯，番茄味濃郁👍👍

actually 都係個D野.. u know... 個個都應該知依個名, 又電視又廣告其實OK喇..有人喜歡有人唔喜歡...不如一齊睇睇今次嘅，食嘢體驗啦。其實而家鋪頭幾得意嘅，入邊食嘢，大部分都係米線而湯底可以有清湯番茄湯，酸辣湯麻辣燙，而勒度仲可以有1-10級，非常之咁唔方便同埋適宜唔同辣到接受程度嘅人先過嚟挑戰。而配菜方面都有好多嘅選擇，任君去挑選，你可以揀，炸醬，魚蛋番茄芽菜韭菜等而有啲唔需要嘅配菜，你仲可以要求，譚仔嘅職員，搦走佢，佢哋會叫做走九。喺電視度見到，有個男藝人幫呢個鋪頭賣廣告其實我見到都已經好心動，好想沖個嚟試一試。今次嘅事情有，體會到，電視廣告嘅效應味道始終不變嘅感覺。職員姐姐個個都好幫到手，佢哋清一色都係紮起頭髮非常之咁端莊得乾淨。今次食左:大土大白冬OT蘿旦(茄)土匪雞翼非常之咁香滑同埋有特色雞肉好大架，凍檸茶夠曬凍，唔會好談亦都唔會好苦亦都唔會好酸非常之咁啱口味。蒜泥白肉少少辣又有蒜味有啲油但有啲肥膩，如果唔鍾意肥你嘅人可能唔會咁鍾意所以自己需要選擇同埋因應返個別情況而考慮。不過食飯時段就真係好講究同好需要研究一下唔同地區唔同頭其實都有個好得意嘅時候就係

今日去咗太和探個朋友，順便食嘢，見到有我哋鍾意食嘅譚仔，我哋二話不說就入咗去，我就叫咗個普通酸辣雞肉竹生小米，一杯凍檸樂......最值得稱讚係侍應好有禮貌同迅速上菜；因為佢一落單，D食物大概5分鐘到就送到，簡直快到你唔信，如果講時間或者食飯時間得好少，呢度都係好好嘅選擇地方。今次嘅酸辣辣到我完全食唔到，於是就叫個侍應比多一隻碗仔我，再將麵同湯分開先可以勉強食到縱使我將湯同面分開，都只能食到少少，最後我決定放棄了，唔食啦！因為實在太辣了，都唔係我平時食開嘅酸辣，再者，今次食唔到酸辣嘅味道......係咁嘅情況之下，我唯有只能食土匪雞翼，幸好雞翼都冇失水準，雞翼覺得啱啱好，肉汁亂畫，但食完個雞翼都唔飽，要之後再買個麵包食先得🤣

叫單送永遠係最抵嫁 因爲啲送係最多！就好似嗌墨丸有成六粒係到！真墨丸有啲軟骨咬 有口感，有少少墨魚味，唔會粉到好難食個種！譚仔既普通酸辣湯底我已經覺得好好味，以前都唔係成日食譚仔嫁，中意食阿哥多啲！但而家勁中意食譚仔喎！哈哈哈可能譚仔既水準提高左！加上譚仔既小食我覺得好味過阿哥 例如豬耳同白肉

12:54p.m. 落單, 等到1:31p.m. 仲等緊. 同店員說了都沒分別. 店內雖然坐滿，但有部分食客都像我們一樣，只可以等。坐坐下仲有水湧到店內，有兩枱的客人都要離開自己座位，讓店員清潔。慢慢慢慢慢！

講真都有好耐未食過米線，今次唔打唔撞來呢度食番餐米線，千祈唔好要求食物過高，本身出咗名已經生意唔憂做，想食就梗係趁下午茶去食，會比較小人唔駛點等，不過係落左order都要等左好耐先至有得開餐，米線一上枱同食開其他嘅米線店基本上冇乜分別，至於湯底味道方面同配料就冇乜特別一樣咁原味風味冇驚喜，我就點左兩款配料，先食左基本配菜同飲番啖酸辣湯開胃一下，食埋我喜愛配料再食啖米線，簡簡單單又食完一餐人氣米線。

外賣自取，拎到碗麵番屋企，倒餸同麵入湯時，攪攪下見到條長頭髮，完全無哂胃口，想嘔。打電話問去講番，呀姐態度唔想理咁，又唔應人，唔出聲，一講到報食環就應我，同佢講我淨係拎碗落來退錢，大土匪唔退。拎到去，呀姐態度唔想理，又唔想睇碗麵。我話淨退碗麵，雞翼唔退，佢就話煮碗新，同佢解釋，我完全食唔落，一諗起條頭髮想反胃。同佢講落雨走來去好玩咩。道歉一句都無，呀姐完全閒事莫理。呀姐講左句：「問左上面無得退錢」我話報食環佢仲叫我報。最後掉左。P.S原本勁肚餓，完全無食欲。太和分店d人做野咁污糟，成條頭髮都有。如果食到一半先發現，即爆粗吊9你。平時都鍾意食，以後唔會再食譚仔。蝕左56蚊。

服务态度真的不好，尤其是AW05号那位。感觉我在求她吃饭一样。上菜很慢，不是很卫生，味道也一般。现在还改成现金收费，很不方便。可能是吃过的最差谭仔，不是很建议来吃

今日去開附近想食譚仔同朋友一人叫左一碗米線啦點知我個碗黎左食埋但朋友個碗催左三次都未到最後等左廿幾分鐘先黎直係無下次！同埋大家有冇發現而加譚仔啲位真係唔舒服個椅背得背脊四份一唔夠價就識加服務硬件就咁。。。希望可以改善下

每次一有米線癮起我就一定會去譚仔食返碗米線，貪佢梗有一間係左近嘛！個人覺得譚仔比三哥好味！最中意食重慶酸辣湯，好惹味！小食黎講最愛土匪雞翼，涼拌豬耳同皮蛋，樣樣都超級正呀！

其實我覺得譚仔真係比三哥譚仔更加好味。今次兩個人食就叫了一碗湖南酸辣墨魚丸米線，麻辣豬耳，麻辣皮蛋，大土匪雞翼。真是10分飽。佢嘅豬耳同埋皮蛋真係整得10分出色，麻辣非常過癮，呢度嘅皮蛋比出面好食好多。以土匪雞翼亦都炸得啱啱好。果皮非常之脆入面啲肉都好滑好香。小食比起米線更出色。

無諗過譚仔可以咁差 全間店嘅夥計都好似中左降咁，超慢動作由落單到碗麵到我枱面足足等左15分鐘。連覆單都勁慢，老人家講嘢都快過佢。安排又亂，好似老馮大家識背佢個餐牌咁，唔叫唔會比餐牌食物質素方面，我都真係未食過譚仔嘅墨丸係冇味嫁。簡直係出色呀！隔離枱仲得意，叫左個雜錦米線，自動波比人走晒全部肉類。同夥計講完，夥計就收走左佢碗嘢，又等多10分鐘。太和呢間簡直係全香港最唔應該存在嘅譚仔分店。歡迎大家一齊嚟中伏