譚仔雲南米線 (太和邨)

營業中

休息中

譚仔對大家都唔陌生今日經過太和想食米線但又無咩選擇 入咗譚仔平時好少3 4點時間食原來有下午茶味道唔多講 都係譚仔味道咁我叫咗雙餸米線 2個一人小食唔知係咪下午茶關係啲土匪雞翼預先焗好哂 好快上咗枱 唔夠熱不過連飲品埋單都係50有找非常有性價比

一如以往等候時間好長，今次等左20分鐘左右，好彩有朋友陪我傾計渡過至於食物，今次叫左重慶酸辣少米線雞肉竹笙，但個分量都係同正常米線分量一樣大辣今次都覺得幾辣，味道一如以往，不過不失

對譚仔新嘢不嬲都冇乜興趣，但係今次會員app有優惠(送凍飲)，就即管試吓佢！🏃🏿‍♂️🌟港式牛脷配釀豆腐crossover歐式百里香配胡椒蕃茄湯米線 ($48)佢個名已經講晒入邊有咩配料～🌟湯今次嗌咗2小辣，同平時叫開嘅辣度差唔多，但忘記左係胡椒味，所以有啲辣😂 有少量百里香味道，湯底味道有啲似肉醬意粉🍝🌟牛脷有3大片，味道其實唔錯，喜歡佢嘅切法，有啲煙韌，但賣相有啲raw(脷胎)👅，如果唔係咁嘅樣應該下次會再叫～🌟釀豆腐幾足料，有豬肉、粉絲、爽口蔬菜，佢話有魚肉，但食唔出。雖然得兩個配料但好飽肚。如果大家對湯底有興趣，唔一定要嗌套餐，可以平時嘅配料加$3。因為平時蕃茄湯加辣都要加$3，所以都值得試吓。🌟🌟🌟事關太和譚仔岀名人手少，見到啲劣評就知，麻煩老細加番啲人手，遮遮連執枱嘅時間都冇，慘。🥲

好少員工 每次食都要叫好多次先會有人幫你落單個經理態度好差 其他員工都好冇禮貌等勁耐先會有野食 出哂名趕時間都唔好去食啲嘢又成日出錯譚仔最差嘅分店😅希望公司會正視一下

一餐譚仔米線真係食到一肚氣！一餐譚仔米線真係食到一肚氣！開頭入餐廳嘅畤候，冇乜人，所以坐咗喺門口位，見到冇乜侍應，所以自己QR code點餐。紙上面寫住「用app點餐，又快捷又有優惠」。跟住就繼續點餐，點完餐等緊嘅途中，聽到個侍應幫打電話嚟叫外賣嘅人落單，跟住佢同電話另一邊嘅顧客講，而家啲餸，買三個餸送一個。佢收咗線之後，我就問佢點解我手機點餐冇買三送一？佢話要搵佢哋落單先有，手機自助點餐係冇嘅！我話咁即係其實你喺度隱瞞有呢個優惠。之後佢經理嚟咗，大大聲同我講，好似講到我唔啱咁，但係我話明明你就冇寫住，點解搵你哋落單就有買三送一？自己手機落單就冇 ？佢話自己手機落單有優惠，有得儲分。我話，搵你哋落單都有得儲分，所以冇分別！佢話自己落單有優惠，我話個優惠喺邊？我完全見唔到？佢最尾都show唔到俾我睇啲優惠喺邊，態度非常惡劣！食物味道正常，杯檸茶太甜，冇乜必要都唔會再幫襯！

簡單收到糧尾食咩好？譚仔真係糧尾之選擇呀不過有d污糟清潔唔係好夠，可愛加強返清潔，姐姐都好nice,但人手唔夠下單都有d 耐，要等同埋都搵唔到人下單。反而廚房唔係好耐，都正常時間就有。

夜晚7:32透過網上外賣平台外賣落單：一餸、清湯米線一碗，足足50分鐘至8:22先拎到。我係7:46到達時問過，職員話未有，叫我等等。我由7:46等到8:22期間問過3次都話未有，而且亦聽唔到有叫過網上外賣平台號碼，再問都係叫我繼續等，我等到8:22請另一位職員幫我跟一跟，佢即刻喺櫃檯拎出嚟俾我，話：一早有啦，你下次要問吓佢哋。睇返張單原來7:40已經製作好可以拎，點解問3次都話冇？耍客人？

每次外賣都等很長時間，今次等了至少半個鐘。。。。。。。。。。。。。。。。。乙。。。。。。。即使堂食都等很久，下次不會再在這分店買外賣了！。。。。。。。。。。。。

諗唔到食乜，最好選擇！🥒 *口水汁開胃小食菜夠爽口， 微辣的🧄🥓入口前把蒜泥放入薄薄白肉卷著吃，濃濃蒜味好配合🍜* 豐富食材有十多款豬肉、火腿、魚蛋、乍醬、腐皮、酸菜韭菜、牛肉、牛丸、墨丸、芽菜、、生菜豆卜、竹笙、雞肉、腩肉、豬膶這間米線食材足料，D餸佈滿麵面，足夠2人吃

譚仔出左新野🙃🙂濃汁豬軟骨寬麵🐽 甜辣雙拼🌶️🐽濃汁豬軟骨寬麵 （44HKD）食落感覺没太特別🥱即使配上花椒重慶酸辣湯都唔會太辣🧐 應該話係冇咩味至啱🤢少失望😭 豬軟骨方面有4-5件😆 但可惜質地唔夠淋🥲😶 相比前幾次新品吸引好多😔甜辣雙拼🌶️ （HKD24> 特價HKD19）雞卷🐤拼甜茄🍅🌶️ 甜味過份突出😭 食落去搶曬辣味😑😑 令成個菜式好奇怪😔 可以選擇的話一定其他小食更優😉

譚仔又出新品啦😚😚 竟然唔係米線，係寬麵🤣 中意試伏既小編梗係要試下啦😚😚😚🍜 濃汁豬軟骨寬麵（配升級版花椒重慶酸辣湯）今次小編叫左小辣，湯底似重慶酸辣，冇咩驚喜🙈🙈豬軟骨入味同好淋身，份量適中，唔錯😝反而對寬麵真係最失望😢 唔似米線咁可以好索汁，反而好硬身🥲 食左幾啖已經想轉番米線了🥲大家可以自己選擇試定唔試寬麵，但我應該就冇下次了🙂🙂🙂如果同樣既配搭轉米線應該會好正😀🤧

對於一啲唔食澱粉質嘅人士，出街食嘢好難避免，但係而家可以將米線轉為菜底啦👍🏻咁就唔怕啦！今次叫咗一個小食麻辣生腸，麻辣醬料好惹味，生腸夠晒爽口，辣得好過癮！

好多人都好鍾意食雲貴香嘅米線同埋譚仔米線，咁本身想食雲貴香米線但太多人唯有就食譚仔米線，譚仔雲南米線提供五款別具風味的湯底及多達十層不同的辣度，配合嚴選米線及優質配料以供選擇，更備有湖南土匪雞翼、麻辣豬耳及四川青椒皮蛋等多款特色小吃，以饗饕客。咁就試吓佢嘅麻辣湯，平時就食開湖辣嘅🤣🤣🤣今次嘅湯底讓湯底口感層次更豐富，同時有刺激感！平時如果有friend嘅話就會食土匪雞翼但係今日得自己一個所以都係冇叫🤣

我又食譚仔喇，譚仔的確係一個好選擇。諗唔到食咩嘅話。行入去連menu都唔洗睇就可以揀到食物。今日返工前又要醫下肚。打電話落去叫定外賣咁就唔洗等咁耐啦。一如往常，今日都係叫左雞肉魚腐麻辣中辣走芽菜，再加個細土匪雞翼。打完電話隔左一陣落去比埋錢就有得拎喇。呢間譚仔辣度一路都會保持水準唔會一時辣一時唔辣。米線亦煮得夠，唔會太硬。雞翼亦都係保持以往嘅味道。我有時覺得，譚仔真係解決左我好多諗唔到食咩嘅moment。

我同我個女去食呢一間譚仔，我叫佢分開湯同面，因為小朋友唔俾佢食咁辣，佢就同我講話公司規矩唔可以分湯上，問題係咁點解外賣可以分湯上？咩嘢係公司規矩？呢個都唔係重點，個阿姐仲要好臭串，態度好差，叫過另外一個阿姐過嚟，之前嗰個阿姐就同佢講話唔得，擺明係夾過先講。一間餐廳態度咁差，唔怪得之我之前去都冇乜人。公司規矩？公司規矩夠話唔可以玩電話蛇王啦，佢哋咪又係玩電話，雙重標準嘅譚仔呀姐，真係好嬲好着🤬🤬🤬🤬真係要忍住怒火先至唔用粗口問候佢，結果掉低Menu去食麥當勞仲好平時我都唔會寫食評，但係今次真係忍無可忍，xyzxyz🤬🤬🤬🤬