譚仔雲南米線 (已結業)

話說琴日去食野，之後有事好急咁埋單走左。 過左一陣，我發覺我電話唔見左， 朋友幫我定位，電話應該仲係譚仔果到！之後即刻跑返去拎。原來我漏左係張櫈到，之後姐姐汁枱發現左，好彩係d 姐姐見到，如果唔係就凍過水了。真係感激佢地路不拾遺的精神。🙏🏻

今天太太約了好友打麻雀， 一支公，便到附近的譚仔食米線。素來都少吃辣， 難得到譚仔吃米線， 所以就叫咗阿女推介嘅重慶湯底(三小辣)。米線一上枱，當堂嚇一跳，皆因米線紅噹噹，未品嚐已經覺得頭皮發麻。試第一口，並沒有想像中那麼難應付。 湯底味道酸中帶麻， 花椒粉令舌頭麻痺， 但越吃越過癮。 至於米線亦相當彈牙，墨魚丸有4粒，咬落爽口， 而且整碗米線亦包含多種配菜， 有芽菜、韭菜、 和腐竹， 肉醬味道偏甜， 能夠中和辣到， 不過應該用了肥豬肉去烹調， 感覺不太健康。 總括而言，以此價錢吃一碗米線， 相當超值。

次次嚟譚仔都係食嗰個紅油木耳，今次搞搞新意思試下個四川青椒皮蛋先，皮蛋夠靚，個汁辣得嚟有少少甜味，本身個味道唔錯，不過唔知點解食完之後再食返個米線，會覺得有少少苦，如果食完之後再飲檸茶，直情苦到澀啊，唔知你哋會唔會都有呢個感覺呢？？

每次去到譚仔我都好似有了選擇困難症一樣不知道點哪一個好這次我選擇了吃牛肉和魚腐及清湯米線魚腐其實是我一直點的常菜一直的水準都很不一一時大一時小這次的份量算是中等除了SIZE外, 他的味道其實算是很STANDARD因為吃了太多次沒有什麼令人驚喜的地方牛肉反而帶給我一點點的驚喜就是很的肉身很淋滑之前在譚仔吃過幾次都是比較硬的牛肉這一次真不錯!!吃過不小次譚仔最令我覺得他成功的地方是他能保持食物的STANDARD值得一讚!!

今晚收工簡單吃， 就識最愛嘅譚仔米線， 叫咗一碗重慶湯底中辣米線配墨魚丸， 另加一客酸辣雲耳。重慶湯底保持一貫水準， 酸味夠，麻辣出。墨丸彈牙， 而且有六粒之多， 感覺都幾抵。至於酸辣雲耳， 基本係每次必點嘅菜式， 雲耳夠曬爽口， 而且又夠健康， 酸辣得嚟帶點甜味， 配埋我最愛嘅芫茜， 簡直係冇得輸。不過今次出現咗一件小插曲， 就係食食下無端端有嚿大塵跌咗落木耳度， 同返店員講， 佢哋都好識做waive返碟木耳， 仲基我哋會食到肚痛，收到收唔切。

其實拍拖吾一定要去食貴野既，女朋友問我想食乜野，我就答佢：不如食譚仔雲南米線啦。 我地兩個人叫左一個過橋米線套餐，大大碗我覺得好抵食架。入面每樣材料都有D， 有墨魚丸，牛丸，魚蛋，雞肉，豬肉，牛肉，豬潤，腩肉，火腿，芽菜，韭菜，腐皮，豆卜，生菜，酸菜，炸醬。 佢最鍾意食墨魚丸，因為夠彈牙。 佢仲好鍾意食呢到既炸醬， 適合吾食辣既佢。而且用黎撈米線一流。 我自己就鍾意食呢到既腐皮因為好入味，酸菜亦都幾好味，酸酸甜甜撈米線好開胃。兩個人仲叫左個大土匪雞翼，大土匪雞翼外皮脆而且有芝麻味，香口又惹味。 我同女朋友都好鍾意食，再加多罐可樂一齊飲，爽一爽！

行開呢頭去街市買嘢先留意到原來開左間譚仔！買完嘢入去食個下午茶，見到有生腸，仲有蕃茄湯添。生腸平時其他舖未必食到，$15大大碟，自己一個人食晒。真係超屈機勁好食，同廣東式鹵水嗰啲唔同。嗰啲要靠點芥末，譚仔呢個汁料，又香又辣，食極都想食，如果唔係已經飽左，一定會嗌多碟。試左新口味蕃茄湯。呢個都幾好，同另一間譚仔乜哥嗰個好唔同。嗰個食過幾次，印象中無茄肉，得個紅當當嘅湯，感覺上係溝出唻咁。呢度呢個個面舖左啲煮過嘅茄肉，湯入面亦食到新鮮蕃茄嘅酸、甜同少少青味。要左三小辣，辣度啱啱好。元朗都有，出到去其他分店，呢個湯都可以翻兜！

譚仔米線長期都係我嘅至愛最愛嘅就係重慶酸辣湯底都算食得辣嘅我通常都會嗌中辣重慶酸辣辣得黎點點麻香酸道剛剛好 非常醒胃配料最愛酸菜 豆卜 炸醬酸菜夠曬爽脆 而且甜甜地豆卜就吸盡所有湯嘅精華炸漿甜甜 中和辣度冇得輸嘅仲有土匪雞翼上面既孜然粉同埋芝麻嘅香 令人一吃再吃涼拌推介有貓耳朵 即係木耳味道同樣係酸中帶辣 辣中帶甜上面既芫茜同辣椒 功不可沒譚仔如此好味要搵個肯同你食譚仔嘅女朋友 又有多難呢？

脫離左學習生涯，出左黎社會真係少左好多機會起譚仔（三哥）呢度食價廉物美的餐廳！依家辭咗職轉左返學，就非常有時間找一找依個餐廳食一餐午餐啦！由我中學到而家一直都會叫嘅牛肉炸醬糊辣湯底！以前嘅話牛肉係一小塊一小塊一口一口嘅依家變咗一大塊一大塊所以剩返得個三四大塊可以食感覺上份量少左架我成日都覺得啲芽菜會阻住個位，搞到啲麵嘅數量少左但係今次睇返，走咗芽菜，其實麵既都唔會多咗！糊辣嘅湯俾我感覺上係似飲湯所以非常之保身啦！我相信店員俾炸醬嘅份量真係好隨心所欲我記得我以前叫兩味餸既時候都好多炸醬㗎！向來炸醬既味道介乎肉碎與半液體狀，好惹味啊！最後兩個餸加一蚊糊辣，總共＄34！

假日前夕食個晚餐好多地方都好full,人地個個一家大細，有晒朋友一齊食，但有時會自己一個人，呢個時候我最鍾意就黎食過譚仔米線，入到去又唔多人，有人多數都系一支公黎食，d人食完買單就走，唔會留甘奈，所以實有位，我最愛既腩肉，食落去爽林唔硬，食極都唔厭，豆卜就系吸晒佢d湯底再拎黎食，咬落去湯豆卜同一時間系個口度！正

很多人會把譚仔視為家常便飯, 而當大家都談論譚仔有三哥好味點, 還是無三哥好味點時, 計我話哪一間就腳就光顧哪一間, 反正每間質素都有出入。把yoho mall即將開幕的譚仔計算在內, 元朗這地區竟有四間譚仔之多, 比麥記還要多。 而距離家最近的算是阜財街那間。從前是光顧西菁街那間, 但老公嫌棄那間的腐竹太韌, 米線太腍。 阜財街那間新開了一段時間, 於是轉移陣地, 去光顧一下。店舖不及西菁街的大, 不過總算不用等位。 這間捨棄圓檯, 用上組合性强的二人檯, 更設有卡位,全得舒服。 總好過有些分店lunch時間6人圓檯坐上8-9人那樣瘋癲。除了米線, 譚仔竟供應通粉炒蛋的港式早餐, 現今生意真難撈!魚蛋米線 $34我的米線選擇了酸辣湯底, 酸辣湯底不像麻辣湯底般可以選擇辣度, 而往往每間譚仔的酸辣度都沒有準則, 有些會偏酸, 有些則偏辣, 這間是後者。 酸濃又辣的湯底加上熱騰騰, 蠻搶喉, 湯中的配料: 韮菜和牙菜個人例牌會刪除, 以至剩下腐皮, 較為清淡。從前走掉韮菜和牙菜後都會剩下酸菜, 現已不見蹤影了!這間的米線不太糊爛又不是太硬, 煙韌得來帶點點嚼口, 可能是刪除了韮菜和牙菜,

住左元朗幾年一直只得三哥，個人覺得非三哥係好食啲既，一知道喺阜財街開左間即刻人生滿希望。嗌番非三哥至有既重慶酸辣湯底，餸就要炸醬同墨丸。第一次食嗰陣覺得個炸醬唔夠其他分店好食，但心諗佢地呢啲應該全部來自中央故喎，理應一樣味格，幸好第二次黎已經重返正軌喇。呢度既炸醬嗰隻甜甜地既味道係我咁愛佢既原因，食個重慶湯底食到好辣既時候，扒一啖炸醬入口即刻解辣，解完又再辣過。而呢度的重慶湯底嗰隻酸同嗰隻辣又係配合到近乎完美，啲芽菜同韮菜索哂個湯，勁正。元朗既譚仔fans又多一個熱點。