譚仔雲南米線 (已結業)

今天太太約了好友打麻雀， 一支公，便到附近的譚仔食米線。素來都少吃辣， 難得到譚仔吃米線， 所以就叫咗阿女推介嘅重慶湯底(三小辣)。米線一上枱，當堂嚇一跳，皆因米線紅噹噹，未品嚐已經覺得頭皮發麻。試第一口，並沒有想像中那麼難應付。 湯底味道酸中帶麻， 花椒粉令舌頭麻痺， 但越吃越過癮。 至於米線亦相當彈牙，墨魚丸有4粒，咬落爽口， 而且整碗米線亦包含多種配菜， 有芽菜、韭菜、 和腐竹， 肉醬味道偏甜， 能夠中和辣到， 不過應該用了肥豬肉去烹調， 感覺不太健康。 總括而言，以此價錢吃一碗米線， 相當超值。