譚仔雲南米線 (已結業)

住左元朗幾年一直只得三哥，個人覺得非三哥係好食啲既，一知道喺阜財街開左間即刻人生滿希望。嗌番非三哥至有既重慶酸辣湯底，餸就要炸醬同墨丸。第一次食嗰陣覺得個炸醬唔夠其他分店好食，但心諗佢地呢啲應該全部來自中央故喎，理應一樣味格，幸好第二次黎已經重返正軌喇。呢度既炸醬嗰隻甜甜地既味道係我咁愛佢既原因，食個重慶湯底食到好辣既時候，扒一啖炸醬入口即刻解辣，解完又再辣過。而呢度的重慶湯底嗰隻酸同嗰隻辣又係配合到近乎完美，啲芽菜同韮菜索哂個湯，勁正。元朗既譚仔fans又多一個熱點。