謝謝儂 (東港城) (已結業)

星期日中午時份，見平日晚上都有人等位，於是試這間新餐廳餐廳裝潢幾雅致，可惜發現用膠餐具便心知不妙😑點了3樣菜式桂花糖蓮藕 $48（大概有7-8件）味道最正常的一樣，桂花香唔突出，略甜。但食完收碟時，侍應竟然問「食物到齊未？」（似是以為食完甜品想提示埋單）排骨擔擔麵 $62擔擔麵條幼且滑，湯底味道不太濃，有點稀，花生味略欠最大問題是排骨即係炸豬扒，首先唔夠熱，然後粉漿仲厚過豬扒，仲要又乾又無味連快餐店焗豬扒飯嘅豬扒都又厚又好食過佢好多，所以食咗半塊豬扒就放棄爆汁煎小包 $48/4隻其實就係煎嘅小籠包，因為係煎所以個皮會厚啲，肉汁係好多但啲肉係無味嘅。我估小籠包應該係一樣唔好食。每位收$5 茶錢但茶同大排檔/茶餐廳洗餐具嗰個杯茶一樣味結論：跟餐廳裝潢不乎，水準同快餐店一樣，CP值低，不會再光顧

今曰去咗坑口東港城行街，去到一間賣床上用品嘅時候，店員落力推介一個超正嘅枕頭，我覺得唔算太貴，就買咗一個，見隔離有間食店叫做謝謝儂嘅店鋪都好多人等位，原來係食京、川、滬菜嘅，等咗一陣，店員俾咗一個門口位置嘅座位，女朋友睇完餐牌後叫咗一個謝謝儂小籠包，一個干貝賽磅蟹，安格斯肥牛上海抄麵，我叫多一個響油鱔糊跟夾餅，小籠包有4粒，每人可以食兩粒，熱辣辣，肉汁又多，跟住到賽螃蟹，好滑，配白飯一流，鱔糊同安格斯肥牛抄麵都嚟到，鱔糊味濃郁，配夾餅食都好正，炒粗麵嘅肥牛都好多肉質好冧，味道唔錯，兩個人食得哂咁多嘢都好飽，下次叫多幾個人一齊嚟，呢度啲嘢食都好多種類，又大碟。

這天朋友安排一同於將軍澳吃飯，這天朋友安排的餐廳，主打就是上海菜。餐廳位於大型商場之內，近地鐵站，路程約需二分鐘左右，地理上十分方便，正正因為餐廳位於大型商場內，因此冷氣充足，座位寬闊和舒適。排骨擔擔麵， 排骨香脆可口，內裏肉汁鮮嫩， 擔擔麵用料十足，花生味濃，帶丁點微辣更為美味。謝謝儂小籠包， 絕對是招牌，皮薄餡靚，內裏肉汁豐富，一不小心嘴巴也會被燙熟。爆汁煎小包， 內裏同樣肉汁豐富，但外皮香脆美味， 最重要不油膩又香口。作為晚餐，上海菜果然是最佳選擇。

去上海婆婆同一集團的謝謝儂，是新品牌，多了不同的川菜菜色，更多選擇。看了餐牌，竟然有蜜汁火方叫，我對這道菜情有獨鍾，而且不是每間上海菜都有，當然要即刻叫，$105有四件，好好食，腐皮夠鬆化，配上咸香的金華火腿，頂層的豬皮唔算好肥，食落煙煙韌韌好有嚼口，面還用了桂花蜜糖，夾上麵包超回味，大閘蟹季節，叫籠蟹粉小籠包$78，果然冇失望，小籠湯包內已見金黃色的蟹黃肉餡，還有一小塊硬身的蟹膏，咬下夠多肉汁，而且香濃的蟹黃味夠突出。食上海菜當然要點擔擔麵，仲要配上排骨擔擔麵$62，絕配，排骨炸至金黃色，好香脆，配上幼滑的麵條，湯底傳來陣陣花生香味，面層還鋪上微辣的豬肉碎、花生粒、蔥花和炸菜，好惹味。芝士乾燒蝦球$125新款菜色，芝士唔會太濃，加上酸甜醬汁，蝦球又彈牙。

將軍澳又有新野進駐，係上海嘢嚟，所以今日不愁諗食乜午餐，就是它了鋪面 裝修古色古香，有濃厚上海風味，我地揀咗下午茶時段入坐，會更低食～坐低睇完餐牌又心大心細，想吃的倒是很多，但又眼闊肚窄，最尾都係揀咗午餐嚟食，貪佢跟餐可以加錢叫小食，咁就可以食多幾樣嘢我地揀咗川辣口水雞丶鎮江肴肉丶油爆蝦丶小籠包丶蘆筍炒安格斯牛柳粒丶雞絲粉皮同紅油炒手～上桌後係豐富的一席，先嚟跟餐酸辣湯，好傑身，又多料，酸度夠，然後就上小食，肴肉爽口有咬口，雞絲粉皮又爽脆，然後上熱騰騰的小籠包，皮薄且多肉汁，紅油抄手夠辣又啖啖肉，吃得夠過癮~跟住主食上場，口水雞，是凍食，雞肉嫩滑，下飯之選，而蘆筍炒安格斯牛柳就夠腍滑，有牛香又惹味，最後還來了客愛人最愛的油爆蝦，好脆口，可以連殻食，又好味又香口，好方便今日的午餐很不錯，就上海嘢食嚟講，價錢都好低食，而且又可以加錢追加小食，而且份量夠飽，是回頭之選，不得不説謝謝儂

謝謝儂，儂係滬語，意思=你咁解，姐係間舖叫謝謝你。餐廳新店開張，非常之新淨，裝修都有特色。.講到食川菜就會諗係蒜泥白肉同水煮牛肉，試一試呢啲基本野先，蒜泥白肉唔辣，有個甜甜地嘅啡醬汁，都唔錯，係略嫌啲蒜泥太少，比多一兩倍份量會好食好多！水煮牛都好辣下，以今次叫嘅所有餸之中比較刺激，最唔中意係佢個底放左大量幼身薯粉，太少牛肉。.松子魚個酸甜醬汁做得好香，魚肉炸過之後唔乾身，依然水嫰，最重要係完全冇骨，起骨起得好乾淨，雖然外型整得唔夠靚仔，但味道很好，怕魚骨嘅朋友都可以一試。.醉雞，酒味好濃郁，雞嘅嫰滑度同爽口彈性度都有改善空間.四季養生汽鍋雞湯，我都係唔太推介😂佢有花旗參，但比啲切件冰鮮雞黎煲，加啲紅棗杞子花旗參同雲耳收$168就真係冇乜誠意😡仲要比個個湯匙你係太大，佢個煲一間個條柱都阻住左，要用番匙羹黎「不」😅.小籠包$36稱唔上皮薄，但勝在餡靚湯多，抵食。.桃膠桂花糕，$36四舊，桂花味濃厚清新，甜度適中，加入桃膠非常適合貪靚嘅大家。食完大餐食番件清清地嘅甜品非常合適。

我有個上海妹朋友話好掛念家鄉菜, 咁就一於帶佢試下呢間新開無耐嘅上海小菜館- "謝謝儂"平日晚上,估不到都要襟飛仔等位. 好彩等了十分鐘就能夠入座。打開菜牌都已經分門別纇，清清楚楚, 並且食物選擇也很多，朋友見到有做緊創意蟹粉系列的推介，所以我哋選擇了蟹粉小籠包。打頭陣係蟹粉小籠包,大概等了十分鐘左右便蒸好，一籠四個，皮夠薄蟹羔足料，食落滿口熱辣辣湯汁另外叫了一碟三小拼分別有肴肉，小排骨，烤麩一碟有齊三款冷菜，份糧足夠兩個人吃然後分別叫了響油鱔糊跟夾餅和手工菜肉餛飩湯麵鱔糊夠入味再跟兩籠四件夾餅，呢個配搭一流，可以中和肥膩感餛飩大小適中，皮薄內裡有豐富菜肉餡料再加上清甜的湯底,我和朋友開心SHARE 很快便清晒上海妹朋友話我今次無介紹錯呀, 可以帶住滿足感回家.

放工去將軍澳探阿媽，同佢去附近的東港城食飯，阿媽話新開左一間食上海菜的謝謝儂，想去試下，那麼我們便登記入座。原來是上海婆婆的分店，店內枱椅擺放整齊，地方整潔。砂鍋雲吞雞：半隻雞鮮嫩，雲吞皮薄餡飽滿，食得出是用新鮮豬肉，有鮮味，湯底奶白色，加了雲南火腿，湯鮮甜味十足。娃娃菜林甜，吸收湯的精華特別好味！排骨擔擔麵：排骨炸得酥脆，肉質鮮嫩，擔擔麵湯底香濃帶少辣味，拉麵幼滑彈牙。上海粗炒：夠穫氣，材料有肉絲、冬菇絲和白菜，用濃郁的醬料爆炒，麵條彈牙，又香又惹味！生煎鍋貼：底部煎得好香脆，餡料鮮肉鮮美，點些醋食，可以提升味道。

謝謝儂是上海話，即謝謝你的意思。最近在將軍澳東港城有間叫謝謝儂的新食肆開業，一看店名謝謝儂，大家就聯想是主打上海美食的。新店開業，果然食力非凡，祗見店外人頭湧湧，等了一會，才可入座。謝謝儂店內地方不大不小，屬中型食肆，佈置優雅，入門一邊有大壁畫，畫有上海美女，都幾傳神搶眼，裝飾帶點上海風味，設有卡座，環境舒適。餐牌設計亦相當精美，像本紀念冊。謝謝儂提供多款上海美食選擇，有湯類、肉類、魚類、蔬菜豆腐、小炒、炒粉飯麵、上海點心/甜品，應有盡有。坐下叫了必食的小籠包、砂鍋雲吞雞(位上)、蘆筍炒安格斯牛柳粒和甜品豆沙鍋餅。小籠包一籠四個，包皮不算很薄，但湯汁形隱約可見，在包中蕩漾，肉餡有脂香，先啜湯，再吃包，勝在熱辣辣，小籠包不愧為上海必食點心。這裡的砂鍋雲吞雞很親民，可以段位上，為食客提供更多選擇，可以留肚食其他菜式，於是叫了一「位」砂鍋雲吞雞。砂鍋雲吞雞湯以原隻靚雞煲成，完全無落味精，味道鮮甜。雲吞大大粒，一「位」有2隻，餡料扎實，菜同豬肉的比例啱啱好，加上吸收咗湯中精華，飽滿又多汁。雞肉仍然保持滑嫩，配埋湯內浸至入味的大白菜，料足湯靚。蘆筍炒安格斯牛柳粒，帶點驚喜。安格斯牛柳粒質高量足，

很久沒來將軍澳搵小鬼，趁今日 Happy Friday，一於來個突擊探訪，順便一家人聚聚。沒想到原來這個大男孩對家居打掃亦很有一手，雖然未至於一塵不染，但亦執拾得窗明几淨。快活不知時日過，看看腕錶，原來已經坐了一整個下午，又是時候外出覓食。本來還在煩惱該去哪裡吃晚飯，沒想到原來這個小伙子一早就已經做足功課，說要一盡地主之誼，帶我哋去這間新開的餐廳「謝謝儂」吃上海菜。店舖地方不大，不過裝潢上看得出花過心思，花紋階磚、柚木地板、通花靠背座椅，再配襯牆上奪目的壁畫和一室布罩吊燈，仿古得來又帶點時尚品味，呈現出懷舊及現代交錯嘅感覺，極具特色。幸好來到時時間尚早，毋須排隊便可以即時入座，但不消半個鐘便幾乎全場爆滿，非常旺場。聽小鬼講，這間食肆雖然開業不久，但已經吸引了不少街坊食客捧場。翻開餐牌，食物選項不少，有冷菜、豆腐、湯類、河海鮮、豬牛羊、雞鴨、蔬菜類、飯麵、麵類、點心、甜品及飲品等，另外茶位費就每位 $5。既然有小鬼在場，今次點菜的任務就一於交由他發板。每次去吃上海菜都一定會點小籠包，不過今次有人話要搞搞新意思，試下這客爆汁煎小包 ($38)，充滿湯汁的小籠包以小碟盛上，面頭飾以蔥花，賣相

同女朋友經過見到哩間謝謝儂新開張，裝修又幾靚，就入去試吓。叫得謝謝儂就知係上海菜，我地叫左雞絲粉皮、小籠包、安格斯牛肉粗炒、黃金四季豆。食個冷盤做前菜先，雞絲粉皮口感彈牙，而且混和花生醬，清新好味。小籠包餡料分量適中，肉餡鮮味，調味適中 ，而且有豐富湯汁又不油膩，一人兩粒都唔係幾多喉安格斯牛肉粗炒分量充足，牛肉重牛味，肉質細嫩，調味適中，香得黎唔會成碟油！黃金四季豆鹹蛋黃分量相當充足，即時想叫碗白飯！

經過見到有新嘢，見咁多人排隊，唔排唔知有幾好，等我又排下先。 名字有點看不通？？ 思考一下才醒覺原來是上海話的謝謝你，又幾特別喎。裝修有上海情調...謝謝儂鴨丁炒飯($75)炒飯粒粒分明，味道均勻， 有鴨胸粒、芥蘭粒和爽口的蝦仁，材料豐富，吃罷不會滿口油膩。四季氣鍋養生雞湯 ($168)係湯，個名又咁補，等我湯怪試一下先。目測有大量的雞件，雲耳，還有紅棗和杞子。 但嚐第一口湯，味道竟然是另一樣是花旗參! 原來湯中有很多花旗參片， 湯味主要是花旗參味中大有少少雞味。 果然是補湯。爆汁煎小包($38)這一款並不是生煎包，而是煎小籠包，比較少見，由於小籠包皮比較薄，所以煎小籠包是頗考功夫的。 這裏的煎小籠包煎得香口之餘， 包內的湯汁能夠完好的保存，咬一口，爆汁！椒鹽小黃魚($48)外層炸得香脆， 內裏的魚肉質感依然保持嫩滑。薑母茶湯圓($30)甜味比較淡， 薑味濃， 湯圓是芝麻味。總括嚟講食物水準唔錯， 謝謝儂幫襯， 記得返嚟再幫襯， 我一定會！

朋友話今晚想食上海菜，咁岩經過見到呢間上海餐廳，唔知係新開定係新裝修，入面環境好靚，而且好多客人。好彩啱啱有人走，即刻可以有位坐。我哋叫咗個辣子雞，估唔到咁大碟。雞肉夠晒嫩滑，而且又夠辣，個辣味仲好惹味添，我諗我可以送到兩碗飯呀。呢個蔥爆牛肉又係一流，食物好夠穫氣，而且牛肉嘅烹調時間啱啱好，唔會太硬又唔會太稔，帽埋個汁好香口，搞到越食越開胃添。朋友話食上海菜一定要食賽螃蟹，我平時唔係特別鍾意食，因為覺得太清淡，估唔到呢度嘅賽螃蟹令我改觀啊。佢係蟹肉同蛋白都一樣咁多，食落唔會淡，反而係食到蟹肉嘅鮮味，點埋醋再撈飯真係好正。最後梗係要食上海必食嘅小籠包啦，我哋揀咗麻辣小籠包，估唔到都幾特別喎，小籠包入面好多湯汁，入面既麻辣好香口，我忍唔住食咗三粒，搞到我朋友剩返一粒可以食，哈哈。呢間上海菜又地道價錢又抵，唔怪得咁多客人啦。

上海嘢係香港人喜愛嘅菜式，門口好多人排隊，裝修幾精緻，牆上有上海方言，見到「謝謝儂！」，感覺好親切等位叫餸速度都快，店員呀姨仲會幫手斟茶呢度嘅蒜泥白肉卷味道好特別，凍冰冰嘅白肉包住好fresh嘅青瓜條，加上滑捋捋粉皮，生蒜蓉同甜豉油食落佢嘅甜味蓋過鹹味/辣味，亦適當地調較返上海人鐘意清淡啲嘅口味小籠包啱啱蒸好，趁熱食正下面有一片小黃瓜，防止熱力整穿個包皮輕輕戳破外層薄薄嘅粉皮，入面嘅湯汁肉汁流哂出嚟，係好rich嘅broth，有傳統嘅味道，亦係每次懷念小龍包時嘅幸福感蘆筍係用滾刀法切嘅，批去外皮，留低最幼嫩嘅蘆筍芯，大小同牛柳粒相約，食落爽脆清甜牛柳粒軟淋入味，不過有啲位置有筋，特別老人家食可能會咬唔斷兩者配搭合宜，而且份量好多，用嚟餸飯啱哂！上海炒年糕望落唔係好上色，點知原來係好入味嘅年糕切得厚薄適中，醬油好香，加上冬菇，菜絲，肉絲，炒得均勻，食落口感好豐富年糕軟糯煙韌有嚼勁，加上爽口嘅菜，中和飽膩感，層次分明生煎包好靚，三個都煎到金黃色，色澤光亮切開見到入面嘅餡料都幾飽滿，有京蔥同牛肉，包皮厚度適中咬開牛肉味道充滿整個包，不過就略嫌太乾身，要飲返啲飲品balance下總括黎講呢度上

今日同女朋友一齊嚟食飯，近近地嚟到將軍澳東港城呢一間謝謝儂，係我好鍾意嘅上海婆婆嘅分店。姜母茶小丸子薑母茶不得了非常之辣，區寒第一，小丸子煙韌紅糖炸薯餅呢個係我第一次食非常非常之推介首先紅糖甜甜地唔會過甜然之後呢個薯餅嘅口感好特別好煙銀好似食緊炸年糕但係又唔係個味道都唔錯反正就好新奇四季養生汽鍋雞湯168龍龍紅棗味仲有淡淡的藥材味唔錯 稍嫌價錢有啲貴雞味唔係太重酸菜桂花魚176呢個桂花魚唔錯偏酸多過辣 入邊有好多酸菜食唔停口 魚都唔錯非常之滑溜 另外一邊仲有啲薯粉好彈牙上海小籠包38小籠包嘅皮唔係特別薄不過勝在多汁