謝謝儂 (東港城) (已結業)

朋友話今晚想食上海菜，咁岩經過見到呢間上海餐廳，唔知係新開定係新裝修，入面環境好靚，而且好多客人。好彩啱啱有人走，即刻可以有位坐。我哋叫咗個辣子雞，估唔到咁大碟。雞肉夠晒嫩滑，而且又夠辣，個辣味仲好惹味添，我諗我可以送到兩碗飯呀。呢個蔥爆牛肉又係一流，食物好夠穫氣，而且牛肉嘅烹調時間啱啱好，唔會太硬又唔會太稔，帽埋個汁好香口，搞到越食越開胃添。朋友話食上海菜一定要食賽螃蟹，我平時唔係特別鍾意食，因為覺得太清淡，估唔到呢度嘅賽螃蟹令我改觀啊。佢係蟹肉同蛋白都一樣咁多，食落唔會淡，反而係食到蟹肉嘅鮮味，點埋醋再撈飯真係好正。最後梗係要食上海必食嘅小籠包啦，我哋揀咗麻辣小籠包，估唔到都幾特別喎，小籠包入面好多湯汁，入面既麻辣好香口，我忍唔住食咗三粒，搞到我朋友剩返一粒可以食，哈哈。呢間上海菜又地道價錢又抵，唔怪得咁多客人啦。