謙記火鍋

營業中

休息中

今晚一家四口到謙記打邊爐。經理介紹了條魚，食落無甚特別。牛肉有D 水準，order左2碟。埋單都要8百幾。

嬴左波，諗住成班人食番餐，有人竟然又提議體院餐廳，當然反對。而另有波友提議來打邊爐，雖然天氣熱熱的，打邊爐幾戇居，但唔使吃體院餐廳，當然又舉手贊成。之前都來過，水準不錯。是晚十二人，就安排到一間獨立房間，設有有線電視，加上又夠私隱，好企理。最低消費要二千，當然在座的是重量級人馬，絕對沒有問題。開了三個爐，每爐都係一開二，即選了六個湯底，分別是清湯、芫萎皮蛋湯、蕃茄湯、蘿蔔牛腩湯、沙爹及麻辣湯底，其中以麻辣湯底最正，真的是又麻又辣，又越滾越濃，越吃越辣，幾正；其次就是芫萎皮蛋湯底，清清的，芫萎味道又香，中和了麻辣的濃烈感覺。其他四個，只屬一般，尤其沙爹湯底是無咩味道，所以基本上全晚只流連在麻辣與芫萋皮蛋之間。食物方面，這裡是剔紙仔，基本上食物紙上有的，都大概點了一次，水準都算不錯。最喜歡還是手切本地肥牛，雖然大的要百六蚊，但牛肉真的是靚貨，我們一吃是四碟，可惜有些切得碎了一點，吃得不夠瘾頭；象拔蚌當然鮮甜，但份量少，三幾個人，一人幾塊便報銷一碟，結果又是吃了四碟；幾款手打丸都有水準，同有骨氣是差不多，尤其魚麵，都是用個袋唧出來的；亦叫了小籠包,沒友很是喜歡，不過的就覺得麻麻地。成晚吃完又

上星期六, 看完飲食雜誌, 介紹此店, 便去試試,但郤使人不快!首先此店食物質素一般, 主打肥牛, 並不如廣告所說般優質, 但價錢勁貴; 最令人氣憤是不斷在身後徘徊, 趕急的收碟, 火鍋內仍有食物也想收走, 不是我們叫住, 已收走了, 跟本就是趕客, 使我們極度不滿。一班人食飯最緊要開心, 食得如此受氣寧願不吃, 所以再也不會幫襯此店!

回應vages，我之前去過一次謙記，佢蛋家莊隔離呀嘛！果日係星期六，明星就見唔到，但係唔知係咪方的式，所以好鬼迫。食係OK，牛肉又唔係講到咁誇叻，係OK喇，但係真係好鬼細碟，同埋個價唔平喎！個蕃茄魚湯幾鮮甜，幾香！其他的都不過不失，最記得係同有骨氣好似樣的奶皇飽！對比起來，呢度呢奶皇飽就比較死實，亦欠香味，可以改進！至於服務，唔知係本人比較難服侍還是怎樣，果日星期六唔知係咪佢想做多轉生意，加上我成班真係食完都傾好耐（都係九點幾），佢伙記勁幫我執，又騰來騰去，想叫我走咁，即刻無晒癮！服務即刻扣分啦！再者，佢醬芥都成十七蚊位，都真係唔平。所以我都贊成去有骨氣或者附近小肥羊都好過呢度！

我11月去食個次, 覺得一般啦!我地book咗間房同個friend慶祝生日.佢地d食物OK ka 都幾新鮮, 湯底都唔錯, 不過d 食物好鬼細碟, 變相每款餸要叫成3,4碟先夠食, 因為我地成10個人. 其間發覺原來陳自強, 吳彥祖, 房祖明... 成班人都係到傾嘢& 打邊爐.不過講好食及底食, 都係方榮記同有骨氣正d woh!

尋晚同班Training Course既同學仔相約打邊爐，咁就揀左呢度，之前得我黎過，感覺上貴但都唔太差。一路食都有人等位，但我地由7點食到11點，四個鐘都無比面色我地睇，仲對我地既好客氣，主動黎幫我地加湯，又同我地講笑話黎多d就比憑樣九折。不過係d座位迫少少，同碟頭細左d。講返食物，手切牛肉唔夠方榮記既好，但唔算太差。有好多新穎既野，好似百花釀蓮耦，扎肉卷咁，都幾好味。而且佢地有出面少有既牛骨髓，食落都好過癮。埋單都幾貴，總共$1200，每人二百。

都不是第一次幫襯這間鋪頭食飯〔起碼五次以上〕，最初食真係幾好食，仲介紹很多朋友去試，但d朋友都比人趕，可能我們幫襯得少他們不在乎。每一次未食完都比人趕走。d食物由其是牛肉，真是一次不如一次〔但係價錢一d都唔平〕。好食都無所謂，最慘就係街市買十蚊牛肉都好過佢。出街食飯最緊要招呼好，如果比人咁對待，不吃也吧！

有一段時間無幫襯,眼見有食評話佢差了,所以去試下真假.要了豬骨湯底,用料十足,滿滿一鍋豬骨呀,粟米呀…….先來的手切牛肉,依然嫩滑,刷一刷就入口,”正”.主打的確係主打,不用講!田雞亦是我幾鐘意在這裡食的.真係生”湯”,上枱時還見Ｄ肌肉震震下架,外面通常是冷藏物,吃唔到鮮甜味.魚麵,鵝肝餃和墨魚滑也是必選的.之後再加了數碟菜.水準依然,會繼續支持!!三人行近$550都ok!

竹戰完畢已九時多，一伙人到謙記打邊爐，原來十時後有特價。我們點了番茄魚頭及麻辣的鴛鴦鍋底。番茄魚頭湯好鮮甜；麻辣湯則勁辣，甚至比寧記的更辣……可惜麻味不足，吃得我們個個噴火，嘴腫面紅流眼水，真箇刺激！生料方面，值得一試的是牛頸脊，沒有肥牛的肥但卻有肥牛的嫩。墨魚滑和墨魚丸也甚有水準，可以一吃再吃。是晚Asahi做特價，我們開了約十支啤酒，又飲了三渣竹蔗茅根水，六個人吃了兩個回合，吃得大家都飽飽，都不用一千元。大家都說抵吃，可以一來再來。

當我看到阿仔的評語，令我很怕寫字的人也要抱不平。尋晚12月3日，我們一行八人都有去謙記,同樣是點了蕃茄魚頭湯,這個湯底我們已經不是第一次點了,基本上每次我們去都是因為這個湯底夠好味,而且可以有不同的配搭.連我最怕魚腥的女友都不抗拒.不過各人有各人口味,唔係個個識欣賞.但最離譜的是那裏根本沒有那個"聖子皇"刺身,唔知點解你會吃到那個聖子皇,唔怪得之淨係得你肚痛.講到這店最特出的就是本地手切肥牛，其他食肆用機切的肥牛有很大分别，其中是那款山東牛頸脊，一定要試价格略高一些但可以order半份只是$90元，如真好吃可以再來，當晚一共order了3份。我唔係去過謙記好多次,但這裡的食物真的很新鮮,值得一提的是服務態度真的很好,遇著叫多或想試多些種類,都很樂意幫我換或雙拼,自已帶酒去又不收開瓶費，唔似得有的類同的火店,伙記個個面黑黑,好似食九斤炭番工咁.當我吃到差不多時，有位Waiter問我們喜歡吃椰汁紅豆羔或芒果卷，我們說巳很飽了不要Order，但Waiter說是送的，原來送的甜品也是一絕。

見新假期賣廣告好行，的相都拍得好，就去食下，叫了招牌靚肥牛，鮮茄魚頭鍋，一些四保丸，蟶子皇．奶皇包等，食個魚頭腥到震，個茄湯就更加沒有味，明顥唔夠濃，少少酸，不太好味，個肥牛就離譜啦，個樣係幾得，但係食落仲靭過牛皮，叫佢換過碟，個伙記就咀妙妙，雖然最尾都換過，但係第二碟都一樣，跟本食不到入口的，原本想叫他們取消，但班friend話算，再加埋個死人石頭式四保丸，真係食到一的引都沒有了，還有個奶皇包，的奶皇又是死死實實，絕無流沙feel，特別推介的蟶子皇刺身就有料到tim，因為食到我同個friend肚痛，第二日新聞有阿拉面館食物不潔，所以即刻去看醫生，醫生話我吃錯野，我估係個刺身有問題，食就已經成肚氣，如果我個肚痛多一日，我真係會去報食環處，我就真係不會推介人去比人搵笨，我都不知是我不幸定係好彩，不過一定不會再去！

我就試過晏晝到呢間火鍋店食點心&小菜. 除口左新鮮大件外. 水準不變. 我地通想book間房成班人食晏晝, 因為佢地Service好好. 我地會每人消費$50倒叫佢地幫我地點炒幾碟&點心. 每次都有好幾碟新款食, 而且仲好好味. D點心多到放滿成張枱. 我就最鍾意食佢地"水晶奶皇飽". 唔會太甜. 味道剛剛好. 仲有一般既燒賣,牛肉,....好多好多既點心都非常好味. 仲會同我地傾下. 問我地滿唔滿意呀. 交流一下!

上星期同朋友黎打邊爐, d 食物都ok, 有好少見0既"黑柏葉",味道同牛柏葉一樣,都係咁爽....最特別係有成十幾款料比你混個醬,幾特別....

尋晚同幾個朋友八個人來打邊爐，有提議過去有骨氣但其中有人極力推祟呢度，所以就來試新野。星期六晚人都算多，叫了兩個窩，分別是鳳爪豬骨窩及豆腐魚湯窩。可能係由豬骨窩開始，鮮甜的窩底已經是打邊爐的「must have item」。兩個窩底都不錯，鳳爪豬骨就多料，豆腐魚湯就較鮮甜，不過說到尾我還是喜歡最元祖的濃味純豬骨窩底。邊爐食料都算新鮮，肥牛不算很肥，不過好似而家靚肥牛是越來越少；生蠔都幾好，不過近排風頭火勢，要食全熟，自然影響食味；呢度都有手製魚茸麵，睇怕好快會出羊茸麵！連啤酒埋單一千二百幾，一人百五蚊，以火窩來說中等價錢咁啦！

星期六(母親節前)同一家大細去食.10時後大部份食品都做特價.$50變做$30,$28變做$20,$20變做$15.所以大食持食,最緊要水準不變,依然係原價分量!!!都唔記得貪食幾多款,佢仲送碟水晶奶皇飽俾我.注意依個水晶奶皇飽係甜品,放落D湯到煮熟,D皮咸咸,裹面個心就甜甜,好特別呀!!!6個人$800找數,呀媽鐘意無計.