詠藜園四川擔擔麵

營業中

休息中

自從鑽石山無左,第一次黎食,同bf叫左兩碗傳統擔擔麵(一辣一唔辣),楊家小湯包及高力豆沙.擔擔麵(HK$17)(一辣一唔辣)-雖然麵比以前幼同淋,辣湯底依舊好味,總的水準比好多其他店舖為佳,唔辣湯底就有好濃花生味楊家小湯包(HK$18)-湯好足,皮好薄,但個人口味認為太薄,乏質感,肉餡ok普通啦高力豆沙(HK$32)-質地比較實,都可接受,幸好豆沙好味,不太甜p.s.不過最唔好係一坐低(兩位咋喎)就比一碟酸菜(HK$5)一碟花生(HK$5),每人HK$1茶錢(呢個其實ok),另外仲要加一,實食HK$84,但最後要比HK$106,好似有d唔抵,我覺得晚市比酸菜花生都無可厚非,但午市or茶市就有點那個了.

一向都知道此店質素不太好，甚至曾經有朋友叫我千萬別試，但人總是不到黃河心不死，算是差都總要光顧一次，領教一下有幾差，跟太太和女兒三人走進去，第一時間就感受到此店奇差的服務水準，侍應們對客人的愛理不理態度確實氣得人七孔生煙，明明見你揚手都詐癲扮傻睇唔到，幾經辛苦找得一人來寫Order，我們點選了：擔擔麵、宋嫂魚羹、糖醋魚塊、紅燒獅子頭和酸辣水餃，點莱後正想看餐牌有什麽飲品之際，面黑的侍應小姐就不耐煩地箭步般走了，於是我們就全程飲茶作罷。食物很快就端出來，質素一般沒有特別驚喜，擔擔麵過淋和酸辣水餃味道怪怪的，至於糖醋魚塊、宋嫂魚羹和紅燒獅子頭就不俗略挽回水準，我留意到餐牌內的糖醋魚塊$48、糖醋貴花魚$98、松子貴花魚$238及Q版松鼠魚$288，此幾款菜基本上一模一樣，只是價錢貴的就會擺設好一點。依我睇法：如果請不太相熟的親朋食飯，為了排場好看一點就要叫Q版松鼠魚會較為大體，至於和要好而不拘小節的親朋吃飯就點選糖醋魚塊就可以了。結賬前太太想吃甜品，叫了黃金糕一客，是用粉搓皮包著南瓜，但就差到不得了，我們一人吃了一塊就不要了。結賬$280大元，我覺得價錢雖然略貴少少，但仍可接受，不過侍應們

睇番呢度d評語, 好壞幾乎各佔一半,不過我冇食過以前鑽石山果間, 自然冇得&唔會比較。個人覺得呢度仍然係我食過最好食既擔擔麵!!星期六晚同男友又來呢度食,其實我一向都唔明傳統擔擔麵同改食有咩分別我見改良係貴d, 諗住一定係大碗d, 所以叫改良,男友就叫番傳統, 點知原來改食隻碗仲細,我又覺得冇咁好食...早知叫傳統好過!!另外都係叫三色拼盤,因為兩個人, 如果再叫其他菜色可能只叫得一碟,所以叫呢個最好! 但呢度的三色拼盤好奇怪,冇得自己揀, 係睇佢果日俾乜你..今次同上次一樣都有好大份無骨沙薑雞腳,另外係海哲同五香牛肉, 都幾好味!!食完都好飽, 下次想試下醉豬手!同埋想過隔離楊家菜試下~~值得一讚係這裡的服務不錯, 比金滿庭同霸王山莊好!~

時光倒流1995,剛升上社會大學,開始懂得去搵食,同時亦開始會捐窿捐罅搵邊度有好野食.不知咩緣故,打開本日文香港旅遊書,用左四大版去介紹大墈村詠藜園,雖然唔識睇日文,一樣感受到篇文章係稱讚,同埋,價錢平.就係呢兩個原因,終於聯同朋友摸上門.兩個人叫擔擔麵,鱔蝴,紅油抄手etc...食七咁食唔洗$100,又平又好吃.係到左千禧年,大墈村重建,當時詠藜園,才開始引人注意.門外突然人龍不絕.臨終前的反高潮,而我曾在老店結業前再光顧過一次.詳情請追會我2000年7月8日的食評.火鳳凰置諸死地而後生,進駐蔡瀾美食坊已差不多6年,期間也光顧過一次,就係好初期果陣,成班人去只叫擔擔麵.每人廿皮消費出番黎.好似黎混吉咁.近月再去一次,今次無咁肉酸只叫擔擔麵,加埋Star War雲吞雞,鱔糊等菜式.擔擔麵已無以前的質感,花生醬落得少.全無香味.質雞真係乏善足陳,同寧波同鄉果隻比相差幾個馬位.鱔糊只係尋常味道.昔日舞曲在街頭,今日在紅館,在台上竟然走音.....回憶,總是美好的.

已經第二次來食野, 但係每一次都覺得佢坐得好迫, 不過.....算了吧, 都係食餐飯啫 :-(1) 擔擔麵- 男朋友勁鐘意食花生醬, 所以這個是必叫食物, 都ok, 幾大碗, 如果兩口子來食, 叫一碗分來吃好了, 如果唔係, 乜都唔駛食(2) 醉雞- 酒味好香, d雞全都係雞髀, 所以覺得好正, 好好食(3) 素菜炒年糕- 這個是我鐘意的食物, 菜好多, 汁好濃味, 初初擔心佢會做得好淡口, 點知唔係, 好好食(4) 楊家湯包(即係小籠包) - ok啦, 因為我唔鐘意一夾個皮就穿, 但都ok好食

王家沙之食品不錯,而服務態度都唔差.特別推介: 心滿意粥(即是豬骨粥,成日好快就賣曬),擔擔麵(花生品濃,湯底好飲),上海小湯包(好多湯)通常都是30多元一味, 食齊以上都只是50多元!

呢度無楊家菜的獨立page,就寫埋入黎啦=D開左咁耐都無試過,係因為唔知呢間野係食咩...招牌係宮廷點心,原來只係一小part,仲要係甜點,由於我地叫得太多野,飽得滯,無機會試添!四個食左三百一十幾,幾抵~ 小小食評:金絲脆鱔-前菜,凍食,酸酸甜甜幾好食,又夠脆!楊家小湯包-同小籠包一樣,味道一般,不過個皮做得好, 雖然好多湯,但係點夾都唔穿古法盤炆茄子-好多人都有叫,茄子炸過,所以個皮係有d 脆脆地,唔錯蒙古三寸骨-好大陣孜然粉味,由於用了豬髀肉, 所以好,有d次食雞肉,我同bf都覺得'鞋'口d 會raw d XDD 肉片炒年糕-OK紅燒豆腐-OK步步高陞(粢飯糕)-個樣好似炸薯餅,其實係'炸米餅', 好香口,但係無咩味,佢地話呢度d 做 得唔夠上海食到既咁正,因為d飯黏 左d,應該用d 冷飯整喎(佢地係上海 人) 燻魚-好味道,上檯賣相都好精緻酒釀丸子-唔錯,不過份量少

詠藜園未搬入黃埔時，仲係大磡村(鑽石山)嗰陣臨拆時幫襯過一次，雖然環境"up dup", 又迫，但食物真係一流，砂鍋雲吞雞、紅油抄手係我食過最好的。但搬到黃埔後，就....唉可能集團化咗，無論服務及食物水準都越來越差。昨晚同bf再去幫襯，不抱希望(因為之前幫襯過，覺得都係麻麻, 不過bf話比多次機會佢地喎)。7:30仍然有大把位, 唔使等(基本成個蔡瀾美食坊, 伙計多過客, 慘!), 雖然大把位, 但個侍應竟然要我地撘枱!隔離講咩清楚聽哂。問個侍應三色併盆有咩，但她講了兩次我都聽唔明, 因為她鄉音太重，費時大家尷尬, 作罷。最後叫了紅油抄手, 醉轉彎, 蔥爆三樣, 擔擔麵及肉絲炒年糕。醉轉彎同肉絲炒年糕都不錯，但其他就非常唔掂喇。尤其是紅油抄手，以前係大磡村食嗰啲是很"的色"的雲吞，再加蒜茸、紅油、濃醬油在雲吞上，又香又惹味，一試難忘。可惜今次完全無heart。係有好多雲吞(約10粒)但太大隻, 皮太多, 變了紅油雲吞皮, 就像茶餐廳雲吞，烚完未"琼"乾水，就放在一碗得少少蒜茸, 少少紅油的湯碗內，結果烚雲吞既水溝淡哂個紅油,失敗！詠藜園掛住走高檔, 什麼楊家菜，結果兩頭唔到岸，既然唔

EEEEE..... Totally 唔明有咩好食,坐得超迫,D food 又普通,最差係D service, 好似去咗勁貴既茶歺廳.去翠華重好.

Surprised that we did not have to wait even at 7:30pm on Monday night as the place used to be jam-packed.Food quality has been able to maintain; service has improved; queuing time has been largely shortened (the only reason that I did not visit this place more offen was because of the long wait that I experienced previously). I think I shall go there more offen.

星期六晚一行十三人幫朋友慶祝生日，本來想食王家沙，但因為呢期大家都比較窮就去訂左樓下既詠藜園。訂左八點半十三位，雖然我地遲到，但佢地都有留到位比我地，一去到唔洗等就入得。成班後生仔對點菜都係冇咩主意，全晚都係我負責點菜。第一碟係雲白肉，雖然大家都覺得睇落好似好肥，但食落又真係好好食，個汁辣辣地好好味。之後就上左乾燒蝦仁，又係辣辣地咁，D蝦仁幾爽，幾新鮮，水準之作。本來想食糖醋桂魚，可惜冇晒，叫左個糖醋魚塊，我冇食過，我想食既時候就已經比人夾晒喇。五色冷盤，有雞絲、醉雞、海哲、凍豆腐同肴肉，冷盤黎講不過不失，但如果海哲可以改做第二D冷盤就好喇，感覺海哲好似冇咩特別，燒臘檔都有得賣。招財寶鴨，又即係香酥鴨，炸過但唔會好油好肥，D鴨肉亦唔老，幾香，味道岩岩好，我最鍾意食呢個菜。楊家湯包即係小籠飽，皮都幾薄，但好易穿，D汁我覺得麻麻地，可能我鍾意食一咬落去就有油好惹味既小籠飽。仲叫左D餃子、抄手、炒年糕同擔擔麵，餃子、抄手、抄年糕同普通上海鋪食既都差唔多，但整體黎講都唔係話太油。擔擔麵一般，我覺得黃大仙四川菜館果D比較好食。老闆同我落單，可能見我地一大班後生仔女，所以好好招呼。我地買左個生日蛋

那次黎呢度食dinner，當然要試下個招牌擔擔麵啦！擔擔麵有分改良版同埋普通版，因為好奇所以order左個改良版，原來改良版只係多左肉碎，食過後覺得佢地的招牌擔擔麵，原來都不外如是，唔係特別好食，麵質係幼同埋爽身的，個人唔太like呢種麵做擔擔麵但個湯都幾好，麵的份量都頗少，男仔食一定唔夠飽。小籠包皮夠薄，但湯汁就麻麻唔係特別好味。

星期六晚五時多來拿籌，準六時叫號碼入座。全店都是非吸煙區。點了以下的招牌菜:擔擔麵($17) - 每檯必叫的食物，有什麼改良版，當然唔信得過，叫原味辣的擔擔麵。麵很幼細，麵質不錯，湯底有花生、肉碎、榨菜等，味道微辣，幾惹味。我和x2喝了很多麵湯也不口渴，應該沒下什麼味精。雲白肉($48) - 肉片得極薄，醬汁少少辣，略嫌鹹。雲南風味餐廳的醬汁似乎好味些，但肉較肥，蒜泥較多。楊家湯包($18) - 包皮黏易穿，但肉味不錯，湯汁鮮美。招財寶鴨($138) - 鴨肉一點也不不羶，雖然炸過但又不會很肥膩，果然是得獎菜。伙計們都十分好傾，一點也不大牌，換碟快，問他們問題也十分樂意回答。茶錢每位$1，花生酸菜每碟$5，7位以下每檯2碟，7位以上好似4碟。

I heard of this restaurants for many years and yet I only managed to try it for the first time today. It was a disappointment. The Dan Dan Noodles were no big deal, and other dishes just OK. I wouldn't recommend it.

唔知點解我呀媽好鍾意食擔擔麵...我就麻麻地好今次所叫既野食全部都比以前少油左,especially雲白肉,少油變得冇咁膩,食都食得開心d,好醬汁好獨特好甜,不俗.個擔擔麵亦都整得好食,冇咁油,麵身適中.雲腿津白清清地,都好有雲腿味.至於個雞絲拉皮就好差,一d味都冇,但d麻醬,唔好食呀呢個...