影片
港鐵太古站 A2 出口
繼續閱讀
營業時間
星期一至日
11:00 - 21:30
以上資料只供參考, 請與餐廳確認詳情
不知道以鮮花入饌的甜品, 各位吃過未? 我縱使有吃過, 但次數也不多而且也頗貴 .... 那麼又便宜又好吃的, 可以在那兒品嚐得到呢? 有, 就是老牌甜品店, 許留山~鮮花入饌的甜品, 堂食正價 $28 一客~根據餐牌上的說明是: "鮮花入饌的甜品均是每日新鮮採摘無污染原生態既食用鮮花"大豆黑糖花菓子 $28賣相姿態優美, 晶瑩剔透的花菓子內竟藏著鮮花 ..... 好夢幻feel~清爽Q韌而味道清幽又輕甜的花菓子, 配上黑糖漿及撒上大豆粉, 感覺就有如一隻小花貓倚偎在大老犬的懷裡般可愛和純潔~本篇完~
繼續閱讀
近日輕度失眠，也許想做的事情太多了，許久未有吃過龜岑膏，來一碗清清失眠之火。兩款選擇，加了靈芝的、或特效，早前報道不少，所謂龜岺膏用龜熬之成份成疑，無需特效了。帶點點甘苦味的龜岑膏必配糖醬，黑色糕狀對辦，份量無欺，但說實話，藥材味不濃，只是感覺良好，無論如何，成份都該是清熱的。
繼續閱讀
冬天天氣乾燥, 除了日日塗潤膚膏、潤唇膏、手霜和面霜來外在保住一下之外, 內裏都要補補, 咁先可內外兼備, 由內靚到外, 哈! 別作夢吧! 繼之前的《冬日要補補》湯水食品篇後, 今次便來《滋潤在寒冬》是糖水篇。雖然新派凍冰冰的西式糖水, 如芒果撈、綿綿冰、什果西米露等等, 較吸引青年的一輩, 但我還是“老餅”一點, 獨愛熱辣辣的中式糖水, 既滋潤又暖身, 正!許留山所供應的甜品雖主要走新派路線, 但冬季時亦會推出一系列的熱食中式甜品, 正正中了我的喜好, 加上這間分店在家附近, 閒時便會走來一試, 否則過了冬天想吃都無得吃。這分店的座位不多, 經常都有客人在外等位和等外賣, 人流不錯。開放式的門口, 一邊是放了精緻食品模型的玻璃櫃配上大型的紅色招牌店名, 相當搶眼; 另一邊是收銀處, 以及有一個放了支裝飲品和糕點的凍櫃。店頂設有一牌大型的食品電子餐牌, 相片色彩繽紛, 挺吸引。內裏設有四張四人的沙發座位, 移動式的枱子可隨時變成二至六人位, 很有彈性。每張枱子已放有一盒膠餐具, 雖可減少店員清洗的工序, 但的確不太環保。亦放齊了設計吸引的餐牌, 圖文並茂, 款款大張的食物相片配上清晰的文字簡介, 設計用心精美, 而且選擇和配搭眾多, 真的令人難於下決定, 幸好我一早已鎖定目標, 否則有選擇性困難的我待到天黑都未有得吃, 呵!第一次到訪: 2014-11-29要先試新推出的【原隻燉品】系列, 但一看見這個原隻夏威夷木瓜燉竹笙($42)就很失望, 先不是用燉盅上枱, 而是用了一個玻璃碗, 感覺不似燉製。其二, 那個外表淡黃帶青的木瓜 一定不會甜美, 結果……全中! 一把木瓜頂蓋打開, 熱煙隨即散出, 聞到淡淡的椰香。因這木瓜 瘦長且窄身, 故內裏注入的竹笙椰奶 並不多, 椰奶的味道有點像罐頭椰奶, 只是多了份奶香 及質感稀一點, 而且略為偏甜, 幸兒內存爽口的竹笙。需極之用力才能把這個未熟木瓜的果肉掏出, 其並不腍嫩亦不清甜, 還帶點青澀味, 失望!******************************第二次到訪: 2014-12-13因為被它所推出的【精品撈糊】系列吸引, 因為有我最喜歡的香芋、栗子和紫薯, 今次先試香芋栗子露($26)。粉紫色的香芋栗子露上枱時熱辣辣, 帶有椰香味, 內有不少粉綿的香芋, 芋香味香濃, 而栗子亦存咬口, 不至完全粉腍, 兩者同樣美味。撈糊的稀稠程度剛好, 入口幼滑, 甜度亦適中, 吃時加入冰凍的小丸子, 一冷一熱, 吃得過癮, 加上其質感煙煙韌韌, 多一份口感, 挺不錯!******************************第三次到訪: 2014-12-21還要一試我喜愛的紫番薯, 深紫色的紫薯紫米露($26)同樣辣辣上枱, 可惜發現是用微波爐翻熱, 原本有益的食物都變得不健康! 其用料十足, 滿是煙韌的紫米, 頗有咬口, 亦有不少綿腍的紫薯粒, 甜美吸引, 而撈糊的質地偏為杰身, 每啖都充滿紫米, 再加入煙韌的小丸子, 整體口感極之豐富, 吃後真的相當飽肚, 幸好甜度合宜, 沒有甜膩的感覺。******************************第四次到訪: 2015-01-30最後要一嚐飲品, 今年共推出四款燉飲, 包括無花果燉豐水梨、桂圓燉富士蘋果、蓮子蘆薈燉海底椰及紅蓮冰糖燉雪蛤, 個人較喜愛無花果, 故揀選了一杯暖笠笠的無花果燉豐水梨(堂食$26, 外賣$21)。燉飲 清澈透亮, 微甜微酸, 絶不甜膩, 感覺清新滋潤, 看見不少雪白的豐水梨粒 浮游着, 燉至半腍半爽之間, 帶少少甜而多果汁, 還有數粒細小的去核原粒紅棗, 肉質柔軟。當然不少得我最喜愛的無花果, 原粒大型的無花果肉厚多汁, 微甜帶酸, 外肉腍身, 內果籽脆口, 挺美味, 可惜只有一粒。喝到底還有驚喜, 原來還加入了鮮准山粒, 粉綿清新, 據說鮮准山比乾准山營養價值高, 故家中都以其取代乾准山煲湯, 更加美味, 大家不妨一試。再來一支細小的銀菊露($9), 標籤上註明有平肝明目之用, 不知喝過後眼睛會否亮晶晶呢? 哈! 其只有凍飲出售, 故留待回家翻熱才慢慢品嚐。啡黃色的銀菊露一邊翻熱, 一邊散發着菊花的清香, 翻熱後入喉舒暢, 啖啖充滿菊花的味道, 但略嫌甜小一點。另外, 建議在寒冷天氣下以熱爐保暖着出售, 則更理想。在店舖的facebook下載了一張優惠劵, 凡購買滿$28便可免費享用一客鴻運年糕配紅藜麥粒粒或千絲芋頭糕配纖營藜麥片片。平時甚少吃年糕, 芋頭糕較吸引我, 可惜已售罄, 唯有取而求其次。一客鴻運年糕配紅藜麥粒粒($0)大約有六小件, 面層灑滿了紅藜麥粒粒, 賣相有點似兒時所吃的糖不甩。年糕 外層煎至有點焦燶脆口, 軟糯而帶稍稍黏口, 但並不黐牙, 口感挺不錯, 加上採用蔗糖 製作, 味道清甜。藜麥 是近期大熱的食品, 據網上資料所得, 其含極大且極佳的營養價值, 被證明是鈣、鐵、鎂、鉀、鋅、維生素B、A、E的極好來源，足以滿足人類的飲食營養, 而紅藜麥 則為較少有的品種, 有豐富磷, 鎂, 鋅,鐵, 鈣, 鉀等礦物質及維他命A,B1,B2,B6,B9,E。嘩! 怪不得命為【藜麥健康新煮意- 鴻運年糕】。除了有粒粒硬實的紅藜麥 外, 還混入了甘香的芝麻、脆口的花生粒、黃糖 等, 味道較甜, 但與少甜的年糕伴吃, 甜度剛好, 而硬實的紅藜麥配上軟滑的年糕, 雙重口感, 兩者配搭不錯。------------------------------其實不論男或女, 在寒冬的天氣都要好好滋潤一下, 近期流感極之厲害, 好好照料自已的身體, 有強健的體魄才是最重要, 這便可好好享受人生, 大家快快補補吧!
繼續閱讀
尋日(24-10-2014 Fri)男友正日生日,我o地一齊放假返佢北角屋企食長壽麵,坐到晏晝出去行,由於我少飲水,行到o黎康怡我就話要飲o野,o岩o岩見到許留山,就睇吓有咩o野飲,所有外賣飲品,第一杯原價,第二杯就半價.而中杯庄(12oz)就賣$19.00一杯,加$3.00就係大杯庄.我揀o左西瓜蘆薈爽,男友要芒椰龜苓爽,兩杯都係中,買完等大約3分鐘至有,睇到細杯到呢,男友o個杯芒椰龜苓爽有三隻色,我杯西瓜蘆薈爽有兩隻色.…搵個位置坐低飲,我o個杯好夠凍,嗅到西瓜香但飲就好似淡o左啲, 蘆薈爽到脆口.味道: 3.5分而芒椰龜苓爽呢,芒果同椰子o既味道都有,做得o岩o岩好,龜苓爽味道係甘就個個知,不過佢真係龜苓膏嗎?點會俾龜苓膏?應該係涼粉.味道: 4.5分抵食:如果兩杯都係原價$19.00就真係搵鬼幫趁,兩杯除開係$14.25我都嫌貴.
繼續閱讀
食完Pepper Lunch好口渴... 有d許留山禮券, 所以就走去許留山飲番杯... 芒之戀(一品芒糍, 袖珍芒丸子, 袖珍芒晶晶)--嘩!!! 一次過有齊3個願望, 好開心呀!!! 一品芒糍又大又圓又好味... 袖珍芒丸子D芒果味直頭想爆出o黎咁呀... 袖珍芒晶晶相對就冇咁芒, 清淡D, 啱D鐘意小小甜嘅朋友... 炸炸聲已經倒晒落肚, 真係好想再叫多幾客呀!!! 燕窩蜂蜜爽(西瓜)--好冰凍, 透心涼... 不過... 唔係好解渴... 我唸我要飲1 JAR囉... 餐廳入面有3-4張4人枱, 2個員工, 主力做外賣, 人手有D不足...
繼續閱讀