西門町台灣麵食 (已結業)

又係一間人氣食店, 師傅遲遲都未有機會一試, 遇啱嗰日同好友食家"乜都放入窿"食完湯丸後, 慢慢行左落黎呢度; 本來行左去堂記, 點知去到先知冇開, 咁師傅先記得佢逢星期三休息; 白行一趟! 入到去都已經冇咩人, 絕對係因為夜深嘅關係, 坐底即刻睇下有咩好食, 最後商量一陣就揀左香辣牛筋同埋皇牌拼盆!師傅起初以為香辣牛筋係冷盤, 點知出到黎係熱嘅, 不過都冇所謂啦, 牛筋真係好腍好滑身, 口感唔錯, 可惜一d都唔辣, 食到接近全碟食晒時, 師傅先覺得有少少辣, 如果可以辣多d就更好呀!皇牌拼盆有五款唔同食物, 啱晒師傅d貪心嘅人, 可以一次過試多幾款唔同嘅食物, 五款食物有五味山珍, 蝦仁中卷, 椒盬雞球, 花枝丸同埋豬軟骨, 款款食物都係三件到, 先講下五味山珍係由青瓜絲, 紅蘿蔔絲等等組合而成, 入口清爽, 味道淡淡地, 啱啱可以中和口中濃濃嘅牛筋味, 唔錯; 而蝦仁中卷係用魷魚包住蝦仁, 蝦仁爽口而魷魚煙煙韌韌, 味道都幾好, 可以; 椒盬雞球炸得幾香口, 但雞身唔乾, 味道咸左少少, 都可以; 而花枝丸亦炸得幾脆口, 加上花枝丸亦夠爽口, 真係唔錯; 仲有豬軟骨都炆得好腍, 不

今日得閒,補番一篇上個月的食評依舊是與pumpkin的二人行,這個地方不太好找,通菜街行到最尾都未見到,後尾問了人先知道要轉過彎才是細細一間店,生意幾好,不過好彩仲有兩個位,即刻坐低,霸住個位! XD兩人叫了一個雞絲冷麵餐,一個鹵水四寶飯餐,落單不到5分鐘便有飯食了我不中意食麵,於是專攻四寶飯,這裡的四寶飯真是幾得意,食多了燒味四寶飯,今次換了鹵水口味感覺很新鮮,入面有鹵大腸,鹵豆腐,鹵水雞蛋,另外一樣不記得了,總之味道不錯,不會太咸,亦不似燒味四寶飯那麼油,食落下肚不怕變肥pumpkin則專攻雞絲冷麵,有雞絲,火腿,青瓜,我試了一啖,拌麻醬食味道ok,可惜冷麵就不算有咬口,再加上我原本就不中意食麵,所以就沒怎麼多食,但是pumpkin就話好好吃,還全部吃完了!所以,我想如果是喜歡吃麵的人應該會覺得好吃吧飲品方面,飲了一杯茉香奶茶,麻麻地,味道很淡,離"台灣"奶茶還是有很大距離的兩個人食到好飽,買單都未到100蚊,真是超級抵!不過環境就嘈了一點,不太適合傾計

睇到openrice各食家食評後抱著十分期待心態去試,好可惜所有食物都十分麻麻.環境都好擠迫下又要趕住交枱 (冇特定不過未飲完杯嘢都有人坐抵對面 (四人卡位) 等我地走)我地兩個人叫咗嗰個二人套餐, 如果要揀最好食係個涼拌拉皮(希望冇記錯個名,即雞絲粉皮, 套餐要另加HKD6).飲品叫咗荔枝玉露,甜咗D囉應該唔會再去

上次同好友 N先生食過很好今次帶返豬生試一試 等左好耐終於有位了但空氣位好凍呀 >.< 豬生比埋件褸我都好凍 食唔好落野 於是散叫唔食2人套餐 ^^點了 五味山珍 :很好食,必食 雞絲拉皮:麻醬好味 無左個醬不值一提 一個套餐包括:炸雞球乾面+涼拌苦瓜+飲品(香芋奶茶)苦瓜 : 比上一次苦左又硬身左 x_x 不好味炸雞球: 一般 唔試也罷飲品 :好香芋頭味 ok wor最後都係食唔晒 要打包返屋企宵夜`煮左2個營多撈面 拎返西門町d外賣食 ookk又一餐

今日去左食皮蛋豆腐, 真係幾好..唔錯..仲有叫左個豬排魯肉飯.真係幾正. d魯肉送飯好好味..但真係幾迫..旺角係甘..

今日專程去try去到下午茶平兩蚊($27)主菜:豬扒飯-----------------都幾有味道--------------------------最好食廟口魯肉飯-----------好多肉碎.不錯----------------------NO.2擔擔面-----------------好難食有花生.好似花生糊-------最最最差少食(跟餐減10蚊):涼泮苦瓜--------------正正正

已經有好多日想食肉燥飯~但係附近又無咩邊間食肆有高質素o既肉燥飯食~之前去過西門町一次~食過牛肉面~感覺真係好一般~當時重好唔明點解會有咁多好食評~~星期4為左我恨左好耐o既肉燥飯~決定去食多一次!!!呢次真係可以幫佢之前比我o既壞印象加返晒分~樣樣野都好好食!!!!我同男朋友叫左個2人餐~

見到openrice d相好似好吸引加想好想食台灣野所以就去試下食左個set dinner有飯有菜有雞有野飲好抵1.肉燥飯唔太乾唔太咸,撈飯一流2.油麥菜有d類似豉油既汁,但又唔會咸,有少少肉碎d菜亦都好新鮮3.唔記得個名既雞雖然係雞胸肉但一d都唔鞋仲好入味添4.苿香珍珠奶茶唔甜剛剛好值得再去!!!!!

終於來到這間人氣飯店，幸好晚上剛到時時間尚早，等了一會便有位。豬扒魯肉飯：豬扒好好味，炸得好香好脆，啖啖肉，實在值得一讚！雞扒担担麵：都ok的，但雞扒好奇怪，好滑，不似平時吃開的雞扒，又不是不好吃，但我也不覺得好味，真的很奇怪！担担麵有好重的花生味，雖然我好喜歡吃花生，但湯底太濃令個胃有點不舒服。朱古力雪香：好好味，好濃朱古力味，愛朱古力人必試檸檬柑桔蜜：超酸，為免傷胃，飲至未到一半已經放棄總括來說這裡的食物不錯，而且侍應很好，很有禮貌，不知是不是老闆呢？haha 只是店舖十分窄，吃後便會想立即離開，不想久留，但有機會也會再去。

開飯喇 ~~琴日好難得相約到由學生時期到現在識了9年GA N先生食飯 佢介紹我去西門町食,佢話好味WOR .... 去到個頭,眼見左右的食肆都出門口拉客,西門町門口就好多人拎票排隊入座...好彩等左唔係好耐,已經有2大枱人走 ^^環境不錯,係迫左少少 叫左個 $148 SET DINNER 食 有 拼盆 :有炸雞 , 炸花枝丸 , 豬軟骨 , XX山珍 , 吊筒"讓"蝦同小黃瓜 除豬軟骨外 其他都好好味 , XX山珍有蘿白,青瓜,海哲,木耳,金菇絲整GA蚵仔腐皮卷:好脆好熱 , 好食涼拌苦瓜:N先生同我都係唔食苦瓜GA人,但都可以食晒 最好一早食先因為之後食左野先 食會好苦一個飯同一個面 + 2杯野飲 + 甜品個日見有人上錯餸去第2枱 =0= 攪到本身係個枱客食完先追單 出餸有問題WOR--------------------------------------------------------------------------------愈多人食愈好 , 計落仲平D TIM BOR

我e個人其實吳鍾意去旺角, 但係聽你地話幾好味. 之後就試下. 卤水四寶飯: 冇乜卤水, 但係都好正. d卤味比其他虛有其表的台吃好食好多. 酥炸豬扒麵: 吳係我食. 但我睇到d脆醬好薄, 好脆. 之後我個friend都話正.有d懶, 吳想寫. 整體來說都好正.

今日特登早左黎~等左一陣姐~2個人~叫左雞絲粉皮:我鍾意個汁丫~因為好重麻醬~正醉雞:唔得啦~好似係雪櫃雪左好耐咁~d酒味過濃~一路都唔知魯肉飯同肉燥飯既分別~魯肉飯:多碎肉,有隻蛋肉燥飯:少碎肉,走蛋加豆腐其實對於我黎講係冇分別既~因為我係台灣牛肉麵食的肉燥飯係兩樣合併的~多碎肉+蛋+豆腐~仲要好味d添~

周日午後人潮漸退, 不過卡位依然滿座. 下午茶時段麵食連港式飲品僅廿七元, 台式飲品加四元和特色粉麵飯另加三到四元不等. 另有小食減十蚊的優惠, 可惜此不適用於特色台灣小食.1. 蜂蜜薑母茶: 薑是霸道的, 蜂蜜的香和甜都被壓制住. 啜飲前要先好好調和一下, 否則喝到底的辛辣未必人人受落. 2. 脆雞塊: 抵不住減價的優惠, 估不到居然是大昌麥樂雞. 莫講八蚊, 一蚊件都咪搞.3. 酥炸豬扒麵: 友人的卤水四寶飯老早吃完, 豬扒仍然在制作中. 尤幸耐心的等待也得到合理的回報, 剛炸起的豬扒固然不錯, 沾上薄薄的粉漿後更覺風味, 不負酥炸之名. 湯和麵也是合格之作, 並非味精出品. 兩位大叔待客禮貌服務周到, 手腳利落尤勝茶餐廳侍應, 實在是令人舒適的小店.

好耐無去西門町,今日在空立即食個午飯.叫咗...1,魯豬排碗飯,2,燙青菜,3,凍蜂蜜綠茶,第一次叫豬排碗飯,因之前唔係魯肉就牛筋...但今次叫碗豬排飯超好食,塊豬排又大又厚身炸得啱啱好,味道一流.睇怕以後次次都叫豬排了.........正!燙青菜,凍蜂蜜綠茶一貫水準,不詳談.

昨天又再到光臨,事隔第一次光顧後,差不多一個月之久,還是依舊較早的時間就到店裡吃晚餐,皆因之前經驗可知,7點半過後較多人,再一次order 2人套餐,皆因想吃的東西,大多數已在其中,難忘其拼盤裡的由squid及蝦仁整成的特色小吃,唯一不同乃今次不再試腐皮蚵卷,嘗試鳳尾蝦配芒果沙律sauce,芒果沙律sauce不太甜,蝦的脆度又剛好,比較上次吃的腐皮蚵卷更好吃整體不失水準,維持上次的味道,應該還有下次再見吧