西門町台灣麵食 (已結業)

小弟上"開飯"看食評後,發覺"西門町台灣麵食"竟然是旺角區一位!二話不說立即和朋友試吃地點:算旺角區中心,方便,但較隱蔽!沒有"蒲"開旺角的朋友可能要花點時間找!環境:裝修簡潔,十分衛生,只是冷氣大了一點...食物:當日試了"招牌魯肉飯" "紅燜豬軟骨飯" "紅油玉燕餃"共三道"紅油玉燕餃":一碟五只 有點像魚皮餃!紅油配上炸蒜的醬汁十分惹味!驚喜之選,可跟餐特價配吃"招牌魯肉飯": 魯肉味配搭十分出色,花椒等味道沒有搶去肉的鮮味,入口有點甜的感覺!加上有鹵蛋和咸菜配吃,非常開胃!推介必試"紅燜豬軟骨飯":豬軟骨"淋"而入味,但比起魯肉飯遜色,不過也值得一試總結:味道十分不俗,價錢也算相宣,環境於繁忙時間可能略為擠迫,建議於2:00-3:00時入座最為理想!在繁華的旺角區,絕對是理想的選擇!

二人餐：以下每項任選其一：冷盤: 有涼拌茄子、涼伴苦瓜、酸辣拉皮雞絲拉皮: 好正! 醬汁濃郁，還有很香的芝麻味，雞絲也很滑小食：台式燙青菜、鳳尾蝦、腐皮蚵仔卷鳳尾蝦：炸得很美，點上香辣甜酸醬伴著吃，十分好味、好香口啊！小菜：小菜拼盤、醉雞…拼盤共5樣野：青瓜豆腐乾絲幾香惹味、豬軟骨、炸雞、花枝丸美味可口、魷魚菜蝦卷味道清淡怡人，unun的幾得意飯麵：擔擔麵、肉燥飯、擔仔麵肉燥飯：沒多大味道&肉燥、擔擔麵：湯底香濃，麵質不錯，不會好似有d好粉那樣子飲品：自選。香芋珍珠&藍莓沙冰可試勻幾款野，的確是底食之選！P.S：呢度冷氣是十分勁勁勁的！！驅人~

今次係第2次跟OPEN RICE 食野, 因為呢輪得閒, 可以在下午茶時間試, 唔洗等位~叫左走辣既擔擔米+小食滷蛋同豆腐+珍珠奶茶珍珠奶茶先到, 味道好又滑溜~擔擔米都等左幾耐下, 杯珍珠奶茶都飲左一半至到, 不過都好好味!到我食完個米粉..跟住飲埋杯珍珠奶茶...我仲以為漏單...個小食至到 (前後起碼等左半粒鐘) .第一時間夾舊豆腐..哎呀..有酸味..唔肯定係果度既特色定係...... 跟住個滷蛋蛋白有D硬..呢個小食破壞晒我成個TEA SET 囉~另外呢度可以話無SERVICE可言..D員工無笑容無表情..最唔惦係有個員工界D好似紙皮箱既紙板...好嘈~ 空調調得很冷...

見openrice咁多人讚西門町~好奇之下,同朋友一齊去試下!叫左2個午餐,1個小食~紅燒牛肉麵:牛肉好味~但個麵一般,唔知點解好似有D怪味...担担麵:幾好味~肉燥略嫌少...酸辣粉皮:好好食!酸辣度剛好~食完想再食~珍珠奶茶:味道好正~珍珠好有咬口~雖然主要食的麵比想像中差~有D失望~但算抵食~大大碗~小食好好味~值得試下~(食午餐半價嗌小食)下次再去試下其他~

裝修完後來過一次, 一直到而家lu! 今日又係mk 看戲, haha, 好啦, 有機會食啦!腐皮蚵仔 : 呢個嘛嘛地, 炸得過火, 本身蚵仔太少, 吃不出味道來. 蠔油炒手 : 無錯, 唔係紅油炒手, 初時以為自己聽錯. 個蠔油汁嘛嘛地, 都係d 辣辣地汁夾d. 呢個明明係雲吞之類, 但吃起來, 味道有點似上海菜肉餃. 味道不錯. 魯肉a菜 : 哈哈, 次次都吃架, 好鍾意! 冷撈麵 : 有火腿絲, 青瓜絲, 雞絲....最緊要係有個加咗醋和芝麻的麻醬, 夏天炎炎, 吃個冷麵最舒服. 唔錯...仲有茉香珍珠和百香果綠茶, 百香果酸酸地, 好啱夏天飲架!

開飯喇～二人套餐好抵，＄１４８～有３個菜，２碗飯ｏｒ麵，２杯飲品。蠔仔卷．．．不知名對不對，點甜甜的茄汁好味。担担麵好味麵有點膩，醉雞豬仔包好ｌｉｋｅ，但我就麻麻。環境既迫且嘈，不能聊天，冷氣好凍，各位開飯小心。

見到咁多個好評，今日同女友去試試。但係真係好一般，我地食左兩個set lunch我個係豬軟骨飯+胚芽奶茶 $28+4我女友個係豆腐肉臊飯+青蘋果綠茶 $26+4整體黎講，d餸鹹左小小，而且豬軟骨好少，得個幾舊；仲有d飯都太少，幾口就食晒。我自己都唔算太食，但係食晒成個飯都只係得7成飽。奶茶尚可既，不過唔知係咪我唔識飲胚芽，我覺得d胚芽好苦，有d涸喉，總之飲得唔係幾暢快。我女友d餸都ok，不過我同佢個飯都有一個比較嚴重既問題，就係d飯好似唔係好熟，好多粒都好硬，感覺似飯焦，令到成餐飯扣晒分。綠茶叫女友講比較甜左少少，唔係excellent如果當係一間普通食肆，都會覺得ok，但係高要求地回應番咁多好評，我自己就覺得唔值了~~順道一提，waiter哥哥係好有禮貌，值得一讚。

若去西門町 不如食一丁見到有咁多笑臉食評所以要尼試一試~~~!!!叫左 鹵水拼盤 + 香芒炸蝦 + 雞絲涼面 + 一個唔記得叫咩名的窩鹵水拼盤放到凍晒....表面係乾的有豆腐 鵝腸 賢果D但係樣樣都唔入味.....唔知佢想點炸蝦好好味!!估唔到芒果同炸蝦都可以配合得咁好!雞絲涼面..........雞絲係雪雞...冇聞冇味D 面又普通.....不如自己係屋企食出前一的好過呢間野....點值二百幾個好評呀......

上個月食過一次晚餐~好難食,各位可以睇返我之前既食評,應該係本頁內,唔係好遠~今日又食,因為想嘗試下係5係真係咁難食,好奇點解咁多個笑臉?!同朋友3:00去左~睇MENU話,2:00pm後減左$2 >> $24 就有一個餐,本來午餐要 $26我地要左:1)台式擔擔麫 : 走辣!!!!<-----------好味喎~上次無叫.今次嘗試,有鲁肉係上邊,真係唔錯~2)鹵水豆腐肉燥飯<-----------好味!特別係鹵水豆腐,因為我上次ONLY就咁食肉燥飯,覺得唔好食,原來係要叫埋鹵水豆腐一起混合左先食會好D~^^我加$4轉台式飲品,, 珍珠奶茶<------------有茶味~!!!比起上次我叫茱香珍珠好飲得多,上次個杯勁多水,好淡根本無味!今次珍珠奶茶真係不錯,起碼不淡味!!我朋友就咁叫涷奶茶,好普通無咩特別評語!我地仲跟餐仲可半價享用小食一客,叫左2樣野:1)涼拌茄子<--------好味呀!但有小小辣,我唔太食得2)涼伴苦瓜<---------好苦>_<唔太中意,但我朋友話好好味~^^可能各人口味唔同~佢挨得苦囉

台灣美食,都唔錯,於是收工就去食下先.............去台灣我一定食紅燒牛肉面,今次係"西門町",都叫番一碗先,試一試佢O唔OK~~~紅燒牛肉面 - D湯好濃味,牛肉黑黑實實,食落又好鬼"林",唔錯唔錯~~~拼盤 - 有5種食品,5樣都各有各特色,好味,應脆夠脆,應"林"夠"林" ,配埋D汁點嚟食~~~正我至鐘意台灣美食味道夠澴,夠入味,LEE一餐都唔錯,下次再試其他呀~~~

見到openrice有咁好食評, 所以星期日就走左去試下佢既下午茶.都唔錯喎..對於宜家通帳, 2:00pm後減左$2 >> $24 就有一個餐(午餐 $26), 加$4轉台式飲品, 跟餐仲可半價享用小食一客, 都算唔錯, 幾豐富的一個下午餐.我地兩個人叫左:1)紅燒牛肉麫 > 有成4件牛肉, 都幾多呀!~ d牛肉好淋,好入味 d麫都唔錯 唔會太粗2)台式擔擔麫 > 湯底有少少辣, 好有花生醬香味 good!~3)台灣燙青菜(即台灣A菜) > 普普通通4)珍珠奶茶+熱檸茶 > 發覺lee間d茶味比一般台式餐廳的香 好有茶味估唔到細細間 位置亦唔多顯眼的一間台式餐廳 3點到都好多人黎食喎有機會大家都去試下呀!~~~ ^.^

環境比較細 , 平時排晒隊架~紅燒牛肉麵好好味嫁!肉質同口感都唔差^^算係唔錯的選擇~可以一嘗，但係唔係人人喜歡實難以擔保.我就like it ^^而湯底不濃,有著的獨特氣味 . . .食物好快到~出面好多人等,都無吹埋單. . .服務真係好~good^^抵讚...不過比較細...大D好d

這裡有這麼多好評!!一定有它的原因~雖然對台灣食品沒什麼研究, 但覺得這間真的做得不錯~點了兩個set~一個擔擔米+鹵水豆腐/蛋~ 一個茄子飯+春卷~茄子飯 : 沒有試~但朋友說不錯!!!擔擔米 : 十分好味~米粉並不是平日那種~是超幼的!!!每條都沾了湯~很濃郁!!!真的很好味~!環境雖然不算闊落, 但還是值得一去的~~!!!

特地約友人E到此試一試這間「西門町」。在通菜街的帳篷中迷路了 @_@ 搵左一陣先搵到竟然咁隱蔽都咁多人來食既...友人未到 見到又未滿 於是就周圍行下先。等到友人來到 再去時已經開始要等位! 激死!! 不過都唔係等左好耐...15-20分鐘左右啦。坐低...d位好逼! 環境比想像中差左少少...同隔離枱隔左....我諗都有2cm 既...-_-叫了一個二人餐1) 冷盤1個: 有涼拌茄子、涼伴苦瓜、酸辣拉皮揀...其實全部都好吸引好想試...不過我地睇完openrice選擇 +$7 要雞絲拉皮2) 小食1個: 有台式燙青菜、鳳尾蝦或腐皮蚵仔卷...我地要左蚵仔卷3) 小菜1個: 有拼盤、醉雞同埋好似好鹵肉定咩...梗係拼盤抵食啦 4) 飯麵2個: 擔擔麵、肉燥飯、擔仔麵揀2個...我地大路d要左前2個5) 指定甜品6) 飲品: 我要了茱香珍珠...點知佢話珍珠要加$4...友人要了冰沙定咩...唔駛加錢...不過睇返menu散叫的話友人的飲品是比我個個貴的! mud事 -_-"雞絲拉皮: 好正! 醬汁好濃好香芝麻味 雞絲幾滑~ 份量唔少的!蚵仔卷: 不知所謂 -_- 我以為蚵仔係蠔!

某日說起台灣小吃，友人說這家台灣菜做得相當不錯，於是決定一試星期三的晚上等呀等，竟然４個人也要等上４５分鐘，基本上此店每張４人枱都係由２人２人塔枱而成，因此見到身邊的情侶不斷進去而我們還沒有輪到我們（我們比他們早到），加上天氣酷熱及被門口大射燈照射下，不其然有想走的感覺最後老闆識做，讓我們先分開坐在２人枱等四人枱空出不得不提的是，店裡店外溫差極大，裡面像小時候參觀麥當勞看過的大雪柜一樣，所以去之前切記帶件外套. 另外, 鋪面很小, 所以坐得頗迫澀. Anyways, 是日菜單為...雞絲拉皮: 好味!!! 好香的花生醬和麻醬味, 沾上無味的粉皮真的很okay! 雞絲沾滿醬汁, 掩蓋了略"鞋"口的感覺, 不過再多汁一點會更好脆樂雞扒麵: 簡單而言脆樂雞扒即大塊的麥樂雞, (我還以為是像以前去台灣旅行時吃的鹽酥雞之類 (香港真的吃不到呀, 有誰知道香港哪裏有賣好吃又夠鹽味的嗎?), 老實說serve來的時候看到有點失望, 不過其實炸得不錯呀, 很脆, 而且沒有油膩的感覺, 配搭的沙律醬蠻特別, 麵也煙靱, 很不錯友人們點的沒有試, 不過feedback普遍okay飲品要了芒果紅茶, 很一般