西門町台灣麵食 (已結業)

來到旺角當然去這區的必食之選－西門町。我與女朋友仔專登約遲一點才來這裡，但下午1:45來到全店還滿是人呢！好不容易來找到位子，一坐下便點了肉燥飯配荔枝玉露($27+$6)及雞絲拉皮($28)。特飲的加幅未必太多了吧，足夠買一罐呢！ 肉燥飯的肉燥異常多，撈好後吃一口，滿口也是肉燥，很滿足 但是太多的關係，入口也很濕呢，這點可以稍為改善。荔枝玉露的味道雖然與道地的產品味道差不多，但這裡的還比較甜一點，怕甜的人士可能會不太喜歡。雖然午餐可以以優惠價配酸辣粉皮，但是當你吃個這裡的雞絲拉皮後，便會覺得$28是抵的，不過心裡也盤算著是否老闆專登這樣子做的。雞絲拉皮內有花生醬、芝麻與一些切得很幼的青瓜絲，雖然我不太喜歡吃青瓜，但也建議將它們混在一起後吃。吃入口可以清楚吃到芝麻與花生醬的香以及青瓜的爽口，不用五分鐘便吃光了，實在太好吃！

皇牌拼盤涼拌青瓜：青瓜絲、紅蘿蔔絲，仲有意想不到既大菜絲，味道不俗炸花枝丸、炸雞件：炸得酥脆，內裡頗鮮嫩，是整晚最好味的豬軟骨：少少咸，但都硬硬地，煮既時間不夠魷魚卷：外層魷魚似橡膠，咬唔斷又無味；入面既菜絲蝦仔同樣淡出個鳥來。不過可以平衡返拼盤內其他咁濃味既食物隱約見到侍應將隻手插左D入沙律醬，嘔心紅燒牛肉麵牛肉份量少，唔稔，又鞋又韌；湯勁鹹多味精唔好話同台灣比，即使同香港較為出名食台灣麵既舖頭都完全比下去珍珠奶茶一般上黎OR見咁多好評，加上次次經過都有咁多人排隊，呢次親自排左半個鐘有突，但原來食物普通，座位不行，實在難以明白點解佢係旺角區最多好評既食肆??同朋友仔講明：無下次

今晚睇梁靜茹演唱會睇之前就同d fds黎左呢度食我地3個人就叫左個3人套餐共有:1. 拼盤2. 雞絲拉皮3. 涼伴茄子4. 紅燒牛肉5. 腐皮蚵卷6. 肉燥飯+擔擔麵+擔仔麵各一7. 3杯野飲結果我地3個人係食唔哂的 =(我覺得D野都係不過不失但略嫌多味精左少少好似紅燒牛肉太鹹啦!!!雞絲拉皮再凍D會好D涼伴茄子都幾好，幾清新，不過又好似唔係好夠味哈哈我好似有D矛盾咁擔擔麵好辣呀我唔係好食到反而另外既麵同飯都OK~總結黎講我覺得無以前咁好食~~~

見到咁多好既食評, 今日決定一試同男朋友叫左2人餐, 3個餸(雞絲紛皮, 鹵水拼盤, 蚵仔腐皮卷), 2個燥肉飯, 1個甜品(桂花糕) 連2杯飲品菜上速度好快, 一落單前後唔夠3分鐘可以上第一道菜食物方面, 雞絲紛皮d麻醬好好味, 粉皮爽口, 正!鹵水拼盤......覺得同以往食既鹵水食物無乜差別, 唔算太驚喜, 但味道唔差, 腎"林"左d唔夠爽口蚵仔腐皮卷, 好脆, "獨家秘製蚵仔汁" (職員話的) ---> 我初初以為係茄汁, haha~ 但有少少辣, 一d都唔食得辣既朋友要叫之前諗諗先桂花糕齋睇好淡色以為冇乜味, 但係食落好似有少少蜜糖, 仲好食左, 不過食唔到有桂花味, 呢個就有少少失望值得一讚店係入面有個肥哥哥好nice~ 成日都笑口勢勢~ 又好肯答我地既問題......Very good!

今日既配搭係同妹妹加好朋友行街行完街~ 我提議來這兒食飯呀三個女仔叫咗一個二人攴加一杯飲品二人餐係己經set 咗食物1. 頭盤係皇牌拼盤 ~ 呢個樣樣都好味呀~ 2. 雞絲粉皮 ~ 呢個真係值得食呀~ 好好味呀~ d麻醬好味,粉皮又滑呀~ 3.豬軟骨~ 真係好多軟骨呀,但就喊咗d呀...4.魯肉反 & 擔擔面 ~ 面就普通,反就ok5.甜品~ 差....6.珍珠奶茶,芝麻珍珠,藍梅珍珠綠茶 三個人食都己經飽晒呀~ 真係抵食呀

當日同0左係舞台劇上認識的嫲嫲出0左旺角食飯, 之前因為同她談及過Happpeace的概念, 而且她表示有興趣, 因此我地就相約在旺角的No. 1<西門町台灣麵食>食晚飯. 1. 雞絲拉皮 ($28) ~ 嫩滑的雞絲+有質感的粉皮配上味道適中的花生醬, 而且是一個凍食的頭盤, 食完之後, 都會令你更加開胃的!!! 2. 腐皮蚵卷 ($32) ~ 個卷皮脆而有咬口, 正正正!!! 不過跟之前0既食家的感覺一樣, 就係會比較熱氣. 卷中的蚵仔大小適中, 且沒有腥味, 仲有個醬甜甜辣辣, 好惹味的, 因此係必試之選!!! 3. 臺灣花枝丸擔擔麵 ($34) ~ 其實個麵真的不錯, 至於花枝丸及湯底我就麻麻地. 4. 金香奶茶 ($18) + 珍珠及胚芽 (各$2) ~ 因為跟餐的關係, 所以可以減$10. 珍珠奶茶來講, 其實味道都有一定的水準, 珍珠有咬口, 加上近排必加的胚芽也沒有令我失望, 值得一試!!!P.s. 依家用0既手機, 影相0既質素都唔係咁好, 睇0黎都要想一想辦法先!!! 整體評價：環境較迫, 但質素不錯!!!

稱之為倒模晚餐，並非有貶義之意，而係全間餐廳單靠兩面餐牌就已經其門如市，又要做到碟碟一樣質素，都真係唔易架！同朋友食左一個二人晚餐，包括：1. 蚵仔卷今次食已經比上一次好，起碼真係食到有蠔仔鮮味2. 皇牌拼盤最好食就係中間既涼拌青瓜，至於左邊既釀魷筒就係最差3. 雞絲拉皮 (需加錢)至正就係呢碟，麻醬無得頂4. 擔擔麵有得揀擔擔麵、擔仔麵或者肉燥飯，根據經驗，都係擔擔麵最好食5. 凍香芋珍珠 (需加錢)呢杯野就太多冰，講真都係仙蹟岩好味 D樣樣食物都算係中上水準，不過最唔開心就係入到去要兩人坐埋一邊，兩個人傾計要擰側頭，而且仲要張檯好細，變左同對面既食客頂住 D 碟……全餐平均每人約 $120，都算係唔錯喇！

我是Kei, 今次紀念與友人Mac共進晚餐, 特此食評今晚食左4樣野,1/ 擔擔麵超好味麵一餅過, 可以大啖食; 加上花生醬/ 麻油做配料, 帶出香味; 仲有炸醬放上面, 食時有啖肉香, 少許似辣實不辣; 再加D牙菜, 咬落有點質感, 同埋軟軟脆既感覺值得一試2/ 抄手, 一般, 配料有點太辣, 食前落定杯水好D我成日早餐食辣野慣左先無所謂3/ 炸豆腐, OK啦, 沒想像中的好味一般炸豆腐好味在外脆內軟, 外熱內暖今次佢切得太大件, 所以效果不十分理想而個汁都唔夠焦鹽, 爆一爆上碟會更好4/ 豬排, 一般, 同別店的吉列豬排有點像, 只係炸既程度少一點綜合, 值得去試, 因為個擔擔麵好味 ^^!

今日同友人黎食台灣野拎飛65 號, 見到佢張紙去到41號, 真係好恐怖, 但係門口就冇乜人唔知係咪d 人覺得排得耐所以走晒, 所以都好快有位.入到去叫左個4人餐$258有6個小食, 4個細既鹵肉飯/擔擔麵, 4杯野飲, 仲有甜品雞絲粉皮, 花生醬味都幾夠, 但係易好散醉雞, 好有酒味, 雞又滑炸雞, 睇個樣係一般炸雞, 但佢炸得幾好食, d 雞又滑新鮮炸, 熱辣辣卜卜脆, 岩岩好, 唔鹹, 加埋d 雞醬, 正!五色咩咩, 係唔同既菇同絲炒埋一碟既素菜, 冇乜特別尚算可以既凍食, 健康d 都好既擔擔麵, 個湯好似淡左, 冇咁大朕花生醬味同冇咁辣蚵卷, 唔知邊忽有蚵, 只係食到好大舊菇.不過熱辣辣, 加埋d 唔似茄汁既茄汁, 咁就唔錯鹵水拼盤, 有豆腐, 大腸, 蛋, 雞定鴨腎同豬頸肉豬頸肉唔夠夾, 大腸都係炸既好食, 蛋同腎都不過不失咁其實都幾普通叫左朱古力雪香, 唔知雪香係咩不過哩杯野就似係朱古力上面加左d 脆既東西咁冇咩特別, 但幾好飲, 當朱古力咁飲最後係甜品, 但係甜品竟然係熱既春卷入面唔知係包住d 咩, 不過味道唔錯, 甜既, 同埋有d 芒果漿咁.應該唔係芋頭, 因為我唔食既之

其實7年前.,讀大學時已成日係度食野,果時無咁多人,服務比較好..明白既,生意好,食物ok,價錢又收得合理,當然就多人...上次,我地食套餐,食物上得好快...而且食物都keep到水準,除左一個涼伴菜係我地食剩左,其他野食都ok好味,份量係小d既,不過可以試多幾樣野.算係抵食.p.s.我飲果杯芝麻奶茶唔好飲.另外,坐得迫d.

第一次來試,都吾知可以點麼好就叫左個猪軟骨飯,而好吾好彩地食中有硬骨的肉,個醬汁吾差,但軟骨又係另一種味,如果先把猪軟骨表層的醬先食左剩下的軟骨就只有醬油味,而服務生係上菜時就來一招飛碟,把我地已擺好的碗筷飛碰落枱,跟住未來得及鬧人時,個服務生自己笑到傻左.連對吾住都吾記得講,而我淨係可以O咀望住佢.

今次是我第二次到訪有見上次對此小店的印象不深但它卻能俘虜256人呢?!還是要試清楚喔!!點了紅燒牛肉飯 -- 軟、滑、淋，很地道的擔擔麵 -- 帶點蒜、辣味，很特別雞絲拉皮 -- (見每枱客都有點喎~) 果然，好得、不膩~~還有，峰蜜薑母茶和凍0茶 -- ok~

今日夜晚黎左西門町食 , 6:45去到 唔洗等位住 由於唔係好餓既關係..只係叫左一個肉燥豆腐飯 同 一碟酸辣粉皮 , 唔知係咪2個人叫2樣樣食好少呢...個光頭叔叔前後2次同我地講只係點左兩樣野食....肉燥豆腐飯: 一直都係食開佢 , 水準仍然KEEP到好味道呀!!我最鐘意佢既豆腐..酸辣粉皮 : 之前都會耐唔耐叫黎食 ,但係今次食就覺得唔好食...D粉皮好厚好厚呀...自己整都整得好食過佢....所以 我唔會再點呢個小食啦 , 而且唔平架...夜晚去真係坐得唔舒服....好迫好迫....也許...以後都係下午先好去...

之前睇openrice,,,好多人都話好食,,,所以試吓,,,價錢唔算好貴,,,但食物就一般般,,,無想像中禁好食,,,不過蜂蜜薑母茶,,,都ok,,,可以試吓,,,p.s 我下次唔會再去

chopstick:今晚終於試到呢間嘢之前好多人都介紹好好味～今日我終於可以一試嘞原本有二人餐食，但因為太多炸嘢，所以無叫我吔二人散叫牛肉面～　好大舊肉，好似牛展咁，味道好好，但面質一般魯肉飯～　好好味雞絲皮拉皮～　拉皮好滑，雞絲就少咗ｄ燘豬軟骨～　好多軟骨，啱晒我，但就喊咗ｄ薑茶～　不夠熱，味道係ｏｋ架