西貢越南真味

營業中

休息中

喺西貢搵我屋企人，中午餓咗又唔想行出去搵嘢食就叫外賣，見西貢越南真味又平又大碗，就叫咗返屋企。我叫咗碗$89嘅香茅雞扒檬粉，佢湯同粉係分開送，唔會整到碗粉霖晒，好唔錯👍🏻面頭有個青檸仔自己唧，同平時出面食一樣。香葉都算多，調味嚟講好夠。最抵讚當然係佢嘅煎雞扒，外面脆，有少少煎焦感，但雞肉仍然滑同嫩口，雞扒就咁睇都有成10件，鋪滿成碗粉，好欣賞。檬粉都好彈牙爽口，一個男人食都夠哂飽🤤堂食會再平啲同中午包餐飲，下次都係唔好咁懶，行去食😂推薦指數：💛💛💛💛

今日百無聊乃去左西貢，行左一個圈，見呢間越南餐廳好似唔錯咁就入左去了😂點知幾有意外驚喜🙈去到餐廳大概係五點半，都有一兩枱客食緊野~餐廳地方唔大，一條直線，一邊係廚房，一邊係枱凳~呢D天氣最o岩食撈濛，所以我毫不猶豫，就叫左🐷豬扒撈濛😎朋友話想試下佢個牛骨湯河粉，所以就叫左個🐮生牛河了~🐮半生熟牛肉湯河粉 ($54)呢頭落完單，個頭就上枱，非常高效率😳🐮牛肉一上枱未熟晒嘅👍朋友話牛肉好好食~🐮牛骨湯好清😳河粉都好滑😍🐷香茅豬扒撈濛 ($63)呢個要等一陣先上枱~🐷豬扒外面脆脆地，食落少少甜，幾惹味😋個撈濛汁酸酸地，少少辣，好開胃👍撈濛份量有D大碗😂本身自己落單時冇叫走🥒青瓜，朋友後尾先問可唔可以走😂本來自己都覺得staff會話已經整緊，走唔到~點知staff好好人，好nice咁問係咪想走，係就依加同廚房講，超好👍👍👍🍋青檸梳打 (+ $8)跟餐叫，平過單叫左少少~青檸梳打比我預期中濃味，幾重青檸味😍好fresh😍仲有大大粒青檸係度😚最後埋單 $125，星期一至五唔收加一~🍴食物，大大碗，又高質~💁‍♀️服務都好好，見到我地左望右望，會問我地想要乜野，即刻攞比我地~落完單之後隔一陣先叫走🥒青

黎西貢我都會食呢間越南餐廳，之前經過已經聞到好香，知道佢地嘅湯河都好好食，不過我最鍾意❤️係佢地嘅撈檬😎我地今次叫左1️⃣香茅牛肉撈檬💰632️⃣香茅豬頸肉撈檬💰68撈檬超級大份，無論係豬頸肉定係烤牛肉，份量都非常足夠，連同行男性朋友都話食到好飽🥰牛肉同豬頸肉調味得好好，好有香茅味，食落甜甜地，就咁食都好好味🤤。除左肉，裡面仲有大量嘅生菜、炸乾蒜🧄、甘荀絲🥕、青瓜🥒絲、加埋酸甜汁，成碗撈檬口感非常豐富，又有咬口😎😎😎令人想一直食落去。消費價錢：2人💰131，人均💰65.5結論：（5個⭐️為滿分）味道：⭐️⭐️⭐️⭐️⭐️性價比：⭐️⭐️⭐️⭐️回頭指數：⭐️⭐️⭐️⭐️⭐️餐廳名稱：西貢越南真味 (西貢)餐廳地址：西貢敬民街42-56號西貢大廈地下16號舖

火車頭牛肉鍋粉XL份量係要兩個人食先食得哂因為真係好大碗 上枱都有啲嚇親係用左中菜大湯羹既size成碗面都係牛牛牛🙈🙈生牛肉 牛柏葉 牛肚 牛丸 牛腩.....湯底香濃又清甜 唔會太油膩👍而且唔似味精湯, 唔會口渴個種另外叫左越式粉包入面好足料 有木耳絲肉碎,點埋酸酸地既魚露，好開胃👍價錢來講屬合理，始終西貢區地市區感覺會貴價少少

西貢除左食海鮮，同埋去好chill ge cafe之外，原來仲有間好好味既越南菜！小店離碼頭不遠，細細間，座位唔多，坐得逼d，但野食真心有驚喜❤️。越南餐廳入面既火車頭我諗係人都知係咩黎🤭。即係乜都有既湯河。而呢度既火車頭大碗到令我後悔另外嗌咗碗生熟牛肉湯河，2個人食真係一d問題都無😂。有生熟牛肉，牛丸，牛筋，牛雜。生牛肉上枱時仲係粉紅色，浸落熱湯度灼熟，牛肉食起來嫩滑無渣肉甜。 河粉薄而滑，帶少少煙韌，爽滑彈牙。越式牛河的靈魂所在就係佢個一啖清澈但帶有肉香既湯底！加小小香葉，青檸汁 & 鮮辣椒，提鮮之餘增加層次，酸中帶辣的風味，加埋清爽香甜的湯頭，令人回味無窮。越南法包(豬頸肉)，法包即叫即焗，麵包外脆肉軟，越式法包係由傳統法包改良而成，貼近亞洲人既口味，所以食落輕盈唔會好硬。內裡塗上豬肝醬，再夾好多青瓜和生菜，令成件事一d都唔dry。豬頸肉烤過所以好香口，份量亦唔少。最正係面層既醃菜，酸酸甜甜解膩又開胃。大大份，一開二，可以同朋友一齊開心share。好味指數：8/10西貢越南真味西貢敬民街42-56號西貢大廈地下16號舖

小chur完一輪終於有一日可以休息吓，瞓醒後入咗西貢四圍輕鬆行下、食個lunch、睇下艇上面啲魚同海鮮入到去行咗一陣，經過呢一間越式餐廳，諗住食Pho都幾好，老虎🐯行過見到人地食越式法包又想食，點知今次真係有啲驚喜我哋叫咗個<招牌越式法包>，入面有豬頸肉、越式牛肉、扎肉，一咬落去啲肉汁爆晒出嚟，口感勁rich勁野味！仲要啲配料勁多，同埋最緊要個包唔會非常硬，完全改變左我對越式法包好硬好乾嘅印象。(不過如果下次我再食，我諗我會食豬頸肉)另外，我本身諗住入嚟食Pho，都叫咗碗<火車頭牛肉鍋粉>。個湯幾濃同甜，加埋啲河粉好好味！另外啲牛肚、熟牛肉、牛丸、生牛肉，其實都幾好味，處理得幾好，不過我總係有一種配料同湯粉好像有點分開、不是一個整體的感覺，我諗我下次都係食返普通嘅生牛肉湯河就ok，因為我最主要都係個湯同河粉哈哈嚟到越南餐廳，梗係叫杯<越南滴漏咖啡>啦，睇住咖啡慢慢滴落嚟的確係幾治癒、感覺幾慢活，不過杯咖啡略嫌煉奶多咗少少，偏甜，下次會叫佢落少煉奶哈哈

為食貓經過越南真味都經常會聞到佢一陣陣越南湯底既味道真係好香為食貓係度食過2次，食過既有：半生熟牛肉湯河個湯底真係好香，好有牛肉味，而d牛肉數量都唔少，好有越南既味道，非常推薦!順化湯河本身都幾期待，但食完覺得幾失望。先讚下佢個湯，都幾辣，唔錯。但佢個份量真係比較少，得個1,2個紮肉同牛丸等......68蚊加1完全唔值，我一個女仔都唔夠飽總結如果大家入黎西貢既話，為食貓覺得會有其他餐廳更值得去。畢竟出面都有唔少性價比高，(例如: 70幾蚊一碗粉,一個小食,一杯野飲)又好食既越南餐廳

西貢呢間越南餐廳都幾岀名，好多明星都食過，係門口貼哂相岀黎😏由於疫情關係，而且餐廳座位都好迫好密，所以今次叫左外賣，返屋企慢慢享用😋無湯汁又係凍食，所以外賣一樣咁滋味👌豬扒撈檬 $60無論堂食定外賣，份量都超大份，料勁足，豬扒煎炸得剛剛好，又大又軟又香又juice ，啖啖肉，好好味😋豬扒下有好多生菜同極大量炸乾蒜，倒入最重要的酸甜汁，同煮得軟熟剛好的檬粉撈呀撈🤩口感非常豐富，有軟有硬有脆，又酸又甜，加埋香口豬扒，又要露出一個好滿足的表情😁推薦度5/5越南粉包 $61十分大份，內有肉碎黑木耳，好足料又夠飽，唔加汁就淡d，加d酸甜汁，味道就更上一層樓☺️推薦度3.5/5人均消費$60西貢越南真味 (西貢)西貢敬民街42-56號西貢大廈地下16號舖

上個夏天成日入西貢玩, 西貢越南真味就變左我飯堂, 入左秋後都冇點食過, 個日行完果欄竟然比我見到有間分店係度, 原來新開冇耐!越南米紙春卷即叫即炸好香脆, 香口野最岩我! 內餡有米粉, 木耳絲等好飽滿, 仲耐埋生菜可以包住黎食, 減少油膩感。香茅牛肉飯要讚下佢D牛肉唔係CHEAPHCEAP肥牛, 而係厚身大塊似鮮滑牛個種, 食起上黎有肉味又好口感D, 而且牛肉份量勁多, 一定滿足。順化湯檬賣飛佛每次食必叫湯粉麵, 今次揀左順化湯檬中意佢湯底清甜得黎帶點香辣, 一定會擠埋青榆同埋加哂D辣椒落去, 湯底味道會更提昇, 配檬粉一流。仲有牛展, 札肉, 肉丸做餸, 豐富又好味!最後食到一半好想食香茅豬扒, 話哂都係越南餐廳名物, 依度既都冇令我失望, 豬扒冇乜肥膏, 肉質鬆軟又不失口感, 入口勁香, 絕對係必叫之選!最後飲埋杯香芒椰汁奶, 椰汁好濃郁, 甜味就濃左D, 但MIX埋芒果味道都OK! 叫咁多人均都係百幾蚊, 真係抵食又好味!

這店不是第一次光顧，有回頭，當然是滿意才再來啦。過去都是是生熟牛河，今天忽然想吃牛腩，於是點了牛腩。很快，食物送上。我傻了眼！牛腩是超薄切！我想吃牛腩，是想享受咬下去，肉的口感！唉！吃完了，心裏很不爽！幾片薄薄的牛腩，我有被欺騙的感覺。結賬時，女人問我D嘢對口味嗎？我如實相告，她解釋有客人喜歡薄片，容易咀嚼喔！無言！

去西貢唔想食太貴，見到呢間越南野細細間就入去幫襯。疫情之下多咗啲圍板，搞到個座位好迫。叫咗個生牛肉金邊粉，賣相非常之得，冬天凍冰冰食返碗暖粒粒嘅湯粉確係好爽！重要啲生牛肉份量好多，價錢又唔貴，性價比好高！

每次入西貢玩，除了食海鮮和去Little Cove飲flat white吃輕食，間中也會吃這間越南粉。雖然店面地方淺窄，略為擠迫，但總算材料新鮮，湯底清新沒什麼味精，對得起店名「真味」二字，性價比亦頗高。🍜 真味特別牛肉湯粉($75)(7.5/10)，即雜錦牛金邊粉，有牛肉、牛肚，牛腩、蘿蔔等材料。生熟牛肉(7.5/10)，唔係肥牛，較天然有肉感有牛味。牛腩(6.5/10)，越式牛腩多數切薄片烚熟，不是港式清湯腩那種炆煮，不能對對油香肉質有期望太高。至少這間沒有雪藏偏硬質感。牛肚(8/10) ，新鮮爽口彈牙。金邊粉(7/10)，default係河粉，建議轉金邊粉，條條分明，有咬感。湯頭(7.25/10)，味道較淡，略帶蘿蔔和牛肉的清甜，重點沒什麼味精，不會口渴。🥗 牙車快(7.75/10)，用蘿蔔絲、紅蘿蔔絲、雞肉絲、椰菜絲、青瓜絲、花生碎等，加以酸甜調味的越南沙律。通常我會走其中一樣（青瓜絲），如果店家做到，就代表即叫即做，新鮮，就像這間。這個牙車快口感清新，材料新鮮，是不錯的開胃前菜。📝 去到越南餐廳，食牛記住點混醬（辣椒醬甜醬），是地道的食法，這間也有提供。✍️這間是心目中越南粉t

去西貢多數都係食泰國嘢，甚至我覺得好食過九龍城嘅泰菜店，今次朋友介紹有間越南野都唔錯，果然冇介紹錯。呢個係火車頭越南河，第一次嚟到諗住乜都試啲，點知食唔晒，同埋入邊有牛雜，所以如果唔食內臟嘅人都唔使叫。湯頭濃郁，飲完都唔會好口乾，味精感唔太重，生牛肉灼一灼食得，唔肥肉味濃，掂。另外雞扒撈濛都好出色，雞扒唔會好油膩，啖啖肉，腌得幾入味，而且配料豐富，所以食落有好多重口感。價錢都好抵食，係貴過泰菜少少，但係整體CP值高！

今日放假又入左西貢玩，行山之前最緊要醫飽個肚，揀左呢間主打越南粉嘅小店。✨牛腩湯粉 $58就咁睇湯底既顏色就知道味道夠哂濃，飲落有牛肉味似牛腩汁湯底。餐廳會比埋金不換、青檸仔同埋辣椒碎比你，等你根據個人口味調教湯嘅酸辣度，加埋落去會令成個湯多左酸辣風味，味道更豐富突出！牛腩份量唔多，只有約四至五塊薄腩片。不過肉質同口感算唔錯，夠腍夠入味，亦無過多肥肉，食得出牛肉味。.配菜只有一舊白蘿蔔同幾條洋蔥絲，蘿蔔煮到夠腍無楂，幾好味。不過以接近六十蚊一碗粉麵呢個價錢來講， 餸既份量比較少，如果牛肉同配菜多返啲會更抵食。粉麵比較幼身，口感順滑，吸哂湯底既味。飲品選舉唔多，青檸梳打味道普通，唔算特別。

西貢除咗海鮮和泰國嘢，呢間越南餐廳也是一個唔錯嘅選擇小食拼盤新鮮香脆，蝦餅好味，粉包出色美味😋🍜香茅豬扒檬粉分量多飽肚，味道也可牛肉湯粉味道適中埋單價錢合理