西貢越南真味

營業中

休息中

31/5端午佳節入西貢睇龍舟競渡，區內仲有節日遊戲攤檔，老少一同玩樂非常熱鬧，充滿節日氣氛。在西貢市中心找美食，越南檬粉涼快是消暑皆品。就呢間 「西貢越南真味」啦！價錢較貴亦可試試。入內地方比較窄，通道只可以一個人行，冇乜視角靚境，坐低正對面就見廚房。假日沒有下午茶，落單要了 「香茅牛肉撈檬」。食物相當吸引充滿清新感覺牛肉都好多呀！有碎花生粒、生菜絲、青瓜絲、炸蒜、蔥，加埋魚露撈汁一齊…. 食指大動只是…牛肉咬落去都好實吓，要努力𡁻，仲食到香茅碎

適逢假日5.1黃金周，難得放假唔使反工就同老婆入去行下，咁經過間越南餐廳，睇佢啲相好似幾正，就衝入去試下，唸住叫牛腩河應最穩陣唔會太差，點知中伏，啲牛腩切到一片片但完全靱到咬唔到，又柴又乾以為食緊牛肉亁，而我老婆都係叫反香茅厒扒，呢個就味道正正常常，叫入到口，但間野難食都唔緊要，仲要安排我坐係入面一個走廊位，對住廚房落單位，但佢地就不斷咁出出入入係咁撞到我，環境差，食品可能牛腩唔掂其它唔知，鐘意食牛既唔建議，

今日經過見到佢門口好多明星合照， 包括周潤發，咁咪以為呢間舖頭應該都幾好食囉。我哋兩個人一入去坐咗個近門口嘅 二人位，兼且落咗單。之後出面嚟咗女人話佢哋有八個人仲加隻狗， 所以要坐門口位，要我哋調位畀佢哋坐。 咁我哋好人咪調畀佢囉。 我調位嗰陣都已經同個店員講咗「但我已經落咗單」叫佢幫手改返個枱號， 佢話ok。 但係之後啲菜一路都係上錯曬， 去咗我哋原先坐(而家八個人)嗰張枱諗住啲嘢食好食嘅話都唔緊要啦，但係 點知!!! 我哋嗌咗個二人份量火車頭牛肉湯粉，加小食拼盤，加杯椰汁珍多冰。 個火車頭 湯粉 啲牛柏葉 同牛肚 又韌又冇味， 都冇乜嘢值得讚㗎喇。 之後個小食拼盤嗰啲蝦餅係鬆散㗎， 一啲彈性都冇，第一次食到咁冇誠意嘅蝦餅， 一間 沒有任何讚賞嘅餐廳所做出嚟嘅蝦餅、小食拼盤都會比佢出色。 而且佢啲春捲一咬落去就食到全部都係油... 仲要個店員唔記得比醬我哋， 要我問佢攞失有仲要食食下有隻大頭烏蠅係咁飛嚟飛去，呢間舖頭衛生極有限總括而言無論呢間舖頭嘅服務、定係食物質素都好， 都係 差! 完全唔值得畀加一佢囉所以唔好中伏，唔好入去!

去開西貢玩，晚餐在西貢市內搵食，記得之前嚟過一間食越南河。好好味，所以搵到呢間，加上呢間在香港仲有兩間分店，以為係品質嘅保證，點知係咁唔好食的。我哋都叫咗半生熟牛肉湯河，一碗加左牛丸，牛肉係有少少牛味，食得出唔係雪到死的牛肉，不過有啲韌同鞋，不太好食，牛丸細細粒，好有牛味，不過加16元得4粒，唔太抵食 。酥炸魷魚圈真的很難食，不推薦，炸皮一啲都唔酥，咬落口係又韌和又硬的，亦食唔到一丁點魷魚味。我朋友話見到佢係來貨的，拿出來放油炸現成的，下次不會再來。

去咗西貢越南真味試咗幾樣菜式，感覺都幾好。首先食咗豬頸肉法包，包身鬆軟，豬頸肉唔算好肥，但啱啱好，仲有啲蕃茄同青菜，吃落清新。接住試咗香茅豬扒飯，豬扒煎得香口，香茅味唔太濃，剛好唔會搶走豬扒嘅原味，飯粒亦幾煙韌。最後係蕃茄牛腩濃湯飯，湯底酸甜適中，牛腩夠嫩滑，蕃茄味帶出咗少少酸味，整體配搭平衡。呢度環境都算舒適，服務員態度親切。價錢方面，唔算太貴，性價比高。雖然唔係特別驚喜，但係每款菜式都唔會令人失望。如果鐘意越南菜，呢度可以考慮一試。

西貢越南真味，位於西貢敬民街42-56號西貢大廈地下16號舖。 店內位置不多，座位比較狹窄。 餐廳主打越南菜，午餐 ～ 半山熟牛肉湯粉$54、 香茅豬扒撈檬$63、 越南滴滴咖啡$38、 香芒椰子奶$26。 📍半山熟牛肉湯粉🍜$54 ～ 第一啖試下湯頭， 味道清甜夠熱。 牛肉鮮嫩， 河粉嫩滑。 📍香茅豬扒撈檬🍜$63 ～ 香茅豬扒肉嫩多汁，配上酸甜醬和撈檬，口感豐富。 📍越南滴滴咖啡☕$38 ～ 咖啡味道非常香濃，配上煉奶，中和咖啡的苦味，幾好。 📍香芒椰子奶🥤$26 ～ 芒果和椰子兩者味道香甜順滑， 甜度適中。 整體食物不錯，可以一試。 🏷️溫馨提示～ 整個用餐體驗均屬個人分享意見， 只作參考😊。

I tried C 2 on the menu. I think it was called Pho Dac Biet.It cost HKD84 and it was a big bowl of pho with assorted beef parts from usual beef pho slices to tripe and brisket kind of texture etc.Could have given more chilli bits, the other half of the small lime and greens on the side to throw in.I thought it was tastier than the average beef pho and it filled me up 😋

我同朋友每次行完山必食嘅越南餐廳，佢地嘅越南河大大碗，又足料，味道又好食，所以去西貢都會食返。我多數叫越式牛腩河，碗入面必有吸湯白蘿蔔一件，蘿蔔炆到腍腍地，好好味，牛腩都好入味，大大碗。小食我就叫越式豬頸肉，豬頸肉燒到香脆，爽口，配埋炸蒜好味。再嚟就係牛油雞翼，好香牛油味，雞翼炸到非常鬆化，正

去西貢行完, 夜晚食飯去咗呢間食越式粉。我只係食咗個蝦卷, 因為唔係太肚餓, 天氣太熱。佢啲蝦好大隻好新鮮, 裏面有扎肉包住, 嗰塊皮都好好食, 點埋D魚露, 幾開胃。D瓜菜同埋海鮮都啱啱好, 唔會剩係得啲青瓜蘿蔔絲菜。佢係冇餐嘅嘢飲要散嗌, 呢間開咗好耐, 食過兩次, 如果喺出邊曬完, 夏天嘅話, 食返啲越南嘢, 冇咁飽滯, 感覺不錯!

此店舖位於西貢市中心的大街，位置非常顯眼，要搵到佢嘅人非常方便！不過要注意嘅係餐廳入邊嘅冷氣好大，如果係運動之後入去食嘢嘅話一定要換返件衫。服務員好熱情，點餐嘅時候態度同埋笑容都好好👍🏻👍🏻👍🏻 講吓佢嘅半生熟牛肉湯粉，我冇諗到係咁大碗，咁嘅價錢食到咁大碗半生熟牛肉湯粉性價比真係好高😂👍🏻👍🏻，而且佢啲牛肉仲好多，個湯好好飲，建議食完之後可以飲埋個湯🤤🤤我嘅朋友嗌咗一碗香茅雞扒撈檬，份量同樣都係好大份，就算做完運動之後食到一定夠飽！倒埋啲魚露落去撈埋啲檬粉好好食！啲雞肉夠晒補充運動之後需要嘅蛋白質😽😽✨✨

香茅雞扒撈檬 $63 加$10生菜 平時去粉麵舖頭加錢叫生菜份量都係得好少，呢度嘅份量好大方。足足有一碗仔嘅份量。店員仲好貼心問我想食熟咗嘅生菜定係新鮮生菜。生菜新鮮爽脆👍🏻 雞扒煎得好香脆，特別係邊位，係半煎炸好酥脆嘅口感。雞肉未到非常嫩滑但入口都嫩口既。份量足，真係大大塊。仲跟配蔥油，成碗撈檬好濃郁食得好滿足。我叫咗少麵，女仔都好夠飽肚👍🏻我無叫飲品，店員定老闆主動俾左杯水我，好sweet🥰前日試過越南法包都非常好食，麵包烤得勁酥脆，勁大份，一個女仔應該食唔哂一份！系我系香港食過最好食既越南法包。會專登為咗佢入黎西貢😻

今日食呢間西貢越南真味［Saigon pho]之前都食過幾次，佢個湯底主要係牛肉湯，好清甜好香，唔係味精湯。如果唔食牛既朋友好似可以轉其他湯底（好似係雞湯，以職員回覆為準）。1️⃣半生熟牛肉湯河💰54牛肉數量都多，河粉好滑，好彈牙。2️⃣雞絲扎肉湯河💰63扎肉十分彈牙，雞絲略少左dd。3️⃣奶茶 加💰12 總結：食過幾次都覺得西貢越南真味湯底足料清甜，份量都算多。可惜冇套餐，野飲要單叫，建議午市可增套餐。總消費價錢2個人💰71人均142(堂食加一服務費）結論（10分滿分）價錢：7/10味道：7.5/10環境：7/10 可以經常試食

西貢比較多西餐同泰菜，難得見到間越南小店就試試不過整體菜式都比較普通，味道唔算特別出色但如果想揀平平地，醫飽下個肚都可以試下呢間越南真味Saigon Pho牛腩湯粉🍜🥩正正常常，湯係幾清，牛腩都大件，不過味道就普通。香茅雞翼飯🍚🥠雞翼炸得幾脆，不過得３隻真係好少，雖然飯既份量都唔細，但唔夠汁撈飯食🥲香芒椰汁奶 & 椰汁涼粉冰香芒椰汁奶🥛真係怪怪地，有少少人造味道，芒果味🥭唔出，整體唔夾；相反椰汁涼粉冰既椰子味濃好多，似返平時飲既椰汁🥥

今日食呢間西貢越南真味［Saigon pho]之前都食過幾次，佢個湯底主要係牛肉湯，好清甜好香，唔係味精湯。如果唔食牛既朋友好似可以轉其他湯底（好似係雞湯，以職員回覆為準）。1️⃣半生熟牛肉湯河💰54牛肉數量都多，半生熟岩岩好唔會太生唔會太熟,河粉都好滑2️⃣雞絲扎肉湯河💰63扎肉十分彈牙，雞絲略少左dd,蘿蔔有啲老，個芯有小小紅色。3️⃣奶茶 加💰12 總結：食過幾次都覺得西貢越南真味湯底足料清甜，份量都算多。可惜冇套餐，野飲要單叫，建議午市可增套餐。總消費價錢2個人💰71人均142(堂食加一服務費）結論（10分滿分）價錢：7/10味道：7.5/10環境：7/10 可以經常試食#hkfoodie #hkigers #hkblogger#chansfoodie

用外賣平台叫了外賣，收到食物後發覺送漏了，馬上打給送貨的人，送貨人告知已詢問過店員是否已齊，店員告知是，隨後我馬上打給西貢越南真味，他(男店員)第一句就是說外賣平台的人攞漏了，無辦法，我再追問送貨員沒有攞漏係你們俾漏左，但佢唔好意思都唔講一句仲賴人地做錯，男店員隨即答我可能係啦比漏左，你取消啦就cut我線。其實送漏貨品祇是一宗小事，我不吃或比多次平台費再叫便是了，我祇是覺得第一句就將責任賴落其他人的人真的是要不得。向來有光顧這店，其服務態度一直也不怎麼好，可能西貢就祇有這一間越南店仗著祇有它們吧，以後不會再光顧了，也會叫家人朋友不要再光顧了。