西貢街頭越南牛肉粉

營業中

休息中

呢日去灣仔做野，經過呢間越南野見佢新裝修決定試下佢啦！入面大部分都係卡位，坐得舒服值得一選讚，裝飾都幾好。Menu 食物種類多，飯麵都有。食得越南野緊係試下佢既粉麵，所以就叫咗兩個麵一個甜品。生牛肉牛腩湯粉生牛肉同牛腩都係鐘意食既野呢個簡直滿足曬兩個願望！ 佢個湯頭唔係好咸，有少少藥材味，唔錯。順花香矛豬扒撈檬個檬粉食落彈牙，豬扒都燒得好香脆，食到有香矛味。香芒椰汁糯米飯佢賣相好特別好似壽司咁，可以食到白同紫糯米兩種味，正！

#灣仔Saigon晚餐週末就去港島消遣，夜晚就想食越南菜，行過呢間灣仔嘅越式餐廳，感覺都幾光鮮企理，一於就入去食個晚餐啦。雖話週末夜晚，但餐廳人流唔多，餐廳裝修感覺似茶餐廳，卡位多坐得幾舒服，點了兩款粉和一款飲品。河內番茄蟹膏湯檬 Tomato & Crab Roe Soup Vermicelli ($78)這款檬粉看落就好辣，澄深紅色，其實就一啲都唔辣，只係番茄湯底呢令到整碗粉變成深紅色。食落都幾足料，有扎肉、魚腐、札蹄等，當然唔少得蟹膏同蟹腳，整道菜味道相當唔錯，非常鮮甜！順化湯檬 Spicy Beef Soup Vermicelli ($75)(Sliced Beef Brisket, Beef Balls, Boneless Pork Shank in Soup Vermicelli) 送到時香氣四逸，應該是香茅的味道，份量十足，幾大碗，選用牛腩、牛丸、札蹄等配料，湯底雖然是辣，反而顏色頗清，除了香外，還略帶辣，非常惹味，也不錯！越南雞蛋咖啡 Vietnamese Drip Coffee w/ Egg ($32)呢款咖啡好適合打卡，有火係下邊暖住，試過效果非常之好！雞蛋加咖啡感

約朋友到灣仔附近放工食餐飯聚一聚，佢提議呢間新開的越南粉餐廳，叫西貢街頭越南牛肉粉！點解會係灣仔開間餐廳叫「西貢街頭」？search 一下，原來越南的胡志明市又名「西貢」，真係長知識！店舖夠大座位闊落，而且店舖裝潢用上我喜歡的藍色，一入去就感覺很舒適！好耐冇食過越南粉，一定要叫一碗招牌生牛肉牛丸粉試試！生牛肉牛丸湯粉（$68）牛肉的份量足，牛丸有肉汁夠彈牙，好食！朋友點的烤牛肉撈檬，牛肉烤過外脆內軟，很不錯！另外點的牛油雞翼，出奇地好好味 😋 雖然係炸過但唔會覺得好油膩，推介！大頭蝦膏炒通菜 （$68）因為唔食得辣，所以點左呢個蝦膏炒通菜，蝦膏好香，我覺得比馬拉盞更好味！薄荷青檸梳打，夠哂Fresh! 留意返加入左半條香茅做攪棍，好有特色！因為太飽，食唔到甜品，下次一定會再來試試！

放假出街食嘢都唔知食乜好？決定去灣仔食順便行吓街啦！搭巴士途中先搵吓有咩好食推介，因為係星期六搵定三間諗住冇衰啦！點知真係人算不如天算第一間新景x諗住食咖哩排長龍😅第二間Spring Fxxxx食和牛Pho又排長龍😅第三間拾x山西刀削麵館食個冷刀削麵又full house 😅😅😅行嚟行去已經餓到一個點😫，行去刀削麵時經過呢間都好吸引，唯有行返轉頭試吓去到門口原來係要㩒飛等叫號碼，好彩一個人去好快就入得，店員指示我去搭枱，冇所謂啦！反正都係食嘢啫星期六仲有lunch set我叫咗L8河內番茄蟹膏湯檬同滴漏咖啡先嚟咖啡，可能需時滴漏，我第一次飲呢款咖啡，又幾好味喎主角嚟啦首先試啖湯先，好有番茄味又唔油見唔見到有舊蟹同蟹鉗呀我去親越式食店，都會叫同款試吓不過未試過真係有蟹喺碗檬粉到三片扎肉中間肉色嗰片最好味，下次試吓跟餐加小食先

今日放假睇醫生， 順手約朋友食飯聚下舊， 朋友話公司附近新開左間越南餐廳， 可以一試。咁我就早少少去拎位， 一到lunch時間， 就超多人等位， 好彩我預先拎左飛啫。綜合牛肉粉 $68一人一個lunch set， 我就叫左綜合牛肉加凍檸蜜， 凍飲加$3蚊。 綜合牛肉內有生牛肉、牛腩片、牛丸， 湯底比較淡， 需要加青檸及辣椒粒粒調味， 生牛肉夠薄、牛腩片牛味濃但較韌， 牛丸最失望… 竟然係一開兩，不是俾兩粒完整既，感覺cheap。

呢日約左睇醫生，就搵呢頭返工嘅朋友仔一齊食lunch，咁佢建議食呢間西貢街頭越南牛肉粉。我最早到，見到好似排隊攞位咁，呢條街好窄，企左一段時間突然見到啲人好似拎住張飛仔，我即刻衝去門口位睇下….omg….我白白企左15分鐘….我叫左個香茅豬扒湯河lunch set $62，熱飲免加錢。湯河係鮮雞湯底，加左好多香草來調味，幾清新。再加埋辣椒同檸檬汁簡直係錦上添花。豬扒幾香幾juicy，但略嫌香茅味唔夠重。我揀左熱咸柑桔水飲，而家天氣涼涼地，飲呢類熱飲滋潤下感覺唔錯！

琴日響灣仔接男朋友收工，經過克街見到一間岩岩裝修好既越南餐廳，就入黎試一試呢到供應既款式多，而價錢合理，難怪咁多本地人同遊客過黎幫襯～呢到供應幾款正宗辣醬，不過今次無試到啦～～男朋友就叫左牛丸生牛肉湯河，佢話呢到湯底好清甜，牛肉都好嫩滑，好味！順帶一提，呢到既香葉係幫你落埋，唔洗自己落，另外仲提供辣椒同青檸！而我就叫左保寧雞絲扎肉湯金邊粉，湯底唔係牛骨湯，而係雞湯，一樣咁正！雞絲好滑，唔鞋口，而扎肉加入左香菇，所以特別香！！甜品以香芒糯米飯作總結，如果椰漿可以再鹹少少，味道會更突出！

After a day off exploring new areas, we stopped for dinner. I noticed a new Vietnamese place when I walked by this area after work and we decided to give it a try.西貢街頭越南牛肉粉 (English name: Pho Sai Gon Vietnam Ese Cuisine) is quite a long name. Located next to the Empire Building where there also a number of other restaurants, it was fairly large and spacious with a blue color scheme.Menu is in English, Vietnamese and Chinese with photos of all the food. In the evening they have no sets and not up

呢個鋪位經常都會轉最近就開左間好令的越南餐廳裝修幾Dum本座位好舒服, 環境夠光猛不過相對, 價錢亦較貴一於試下佢價錢同食物質素成吾成正比了!個晚吾太餓叫左兩個小食同一碗麵就算呢個河粉係大雜燴, 咩牛都有湯底清甜最好食係生牛肉夠軟滑河粉份量比想像多男士們一碗都夠飽小食方面原先都幾期待芒果軟殼蟹米卷但比較清淡個人偏好炸春卷餡料夠, 炸得亦好香脆用生菜加青瓜包可以減油膩, 剛剛好大力推荐!走的時候見人食雞樣子挺不錯, 會bookmark!

今日跟老公到灣仔辦點事， 完成後驚覺我們沒有食lunch, 難怪咁肚餓喇, 咁就嗱嗱聲搵下附近有咩食醫下肚仔, 行下行下就見到呢間西貢街頭, 比佢粉藍色既門面吸引住, 就過去睇下有咩下午茶食。見到餐牌都好多選擇, 有湯河, 撈檬, 飯, 法包等等…..二話不說就入去坐, 入面裝修, 乾淨企理, 一看就知是新開張冇耐, 而且坐位都鬆動. 我地叫左一個生牛肉湯河同燒雞串撈檬. 先講講個生牛肉湯河, 個牛骨湯底, 牛味濃, 入口鮮甜, 應該下了不少功夫。另外, 牛肉也好鮮嫩, 而且份量也不少。加少少青檸同辣椒，又係另一個層次 另外個撈檬, 都不錯, 燒雞串即叫即燒, 所以好香口, 食撈檬最重要就係個酸汁,夠酸, 好合我口味呢，同其他配料都好多，感覺好健康

行完街，正是食飯時間，經過灣仔克街，見倒西貢街頭呢間舖正在試業，所以就膽粗粗入去試下 叫左個素札肉撈檬 😋😋賣相很不錯，可以按自己需要調較酸汁的份量，喜歡乾一點，定濕一點，任君選擇😎😎

放工去北角食完雞蛋仔， 夜晚去咗time Square shopping， 再去灣仔電腦商場。晚飯時間喺附近搵下有乜嘢好食， 突然發現新開的越南菜餐館😚😚😚餐廳還在試業中階段， 最鍾意試新餐廳嘅我，當然唔會放過呢個機會😄😄😄生牛肉湯河🐂、香茅豬扒撈檬🐖、 清沅蒸粉包、 3檸七喜🍋🍋🍋生牛肉湯河粉😋， 分量比我想像中的多， 牛肉數量也不少， 河粉彈牙幼滑😎， 湯頭清甜唔太鹹。 加埋 青檸檬同埋辣椒就啱啱好喇。香茅豬扒撈檬， 豬扒金黃鬆脆， 厚切豬扒 份量十足， 加上青瓜絲生菜絲蘿蔔絲， 配上餐廳嘅檬粉酸汁， 清新爽口非常開胃。清沅蒸粉包， 米漿外皮煙韌 彈牙， 粉包餡料有大大隻嘅冬菇 同埋大量肉碎， 記得要趁熱食， 凍咗外皮就會唔煙韌㗎喇。整體味道不錯， 餐廳環境舒適， 而且價錢又唔太貴， 如果有套餐就會更加好啦。

今日係灣仔上完堂，餓著嘅肚子已經咕嚕咕嚕作響，經過西貢街頭越南牛肉粉，被光猛嘅門面及特式嘅室內設計吸引，二話不說，入內光顧。餐廳內，大部分都是卡座位，我跟友人二人被安排四人卡座，非常舒適，斗笠燈飾及百葉風扇設計充滿法式越南風味。餐牌設計精美，食物選擇亦很多。朋友給我發板，點了三款食品，分別是：-🔸河內番茄蟹膏湯檬 $78番茄湯底🍅顔色鮮艷，番茄同配料份量十足，有三款扎肉、兩粒蝦丸，仲有隻蟹鉗，加上芽菜同芫茜香味，令人胃口大開。🔸芒果軟殼蟹米紙卷 $56米紙卷賣相精緻，包得厚實，芒果🥭味道香甜，軟殻蟹油份適中，加埋蘿蔔絲及生菜，食落感覺清新。🔸越式傳統街頭法包 $62法包內脆外軟，令我聯想起在越南峴港嘗過嘅街頭法包風味，法包材料包括扎肉、蔗蝦肉、沙律醬、芫茜、蘿蔔絲等，非常惹味。總括而言，餐廳環境舒適，食物味道出色，職員服務周到，值得推介。👍🏻

灣仔最近開左好多越南餐廳！今晚就嚟到克街呢間西貢街頭一試👀👀餐廳裝修幾用心，幾舒服的😀 食物方面都幾多，叫左一碗蟹膏番茄湯檬($78)🥰 首先，湯底真心幾重蟹味，又帶有番茄酸甜味🍅🍅 而且肉碎超多，啖啖都食到！仲有只蟹腳添，材料嚟講都幾足🦑🦑雞絲札肉撈檬($66)🤗 非常之大堆頭的！雞絲幾滑唔會太干，札肉亦好彈牙的🤤用左越北個種檬粉架，同平時食開透透的唔同，介乎於米粉同麵之間🥴 牛油果沙冰($38)🥑🥑 係足料的！幾creamy & 唔會落太多糖🥰🥰👍🏻

今天接男友放工，經過這間門外還寫著"試業中"的越南餐廳，以綠藍色為主調，感覺光猛寛敞，愛試新嘢的我們當然不能錯過🤫🤫🤭✨ 香芒軟殼蟹米紙卷 - $56米紙卷很足料，軟殼蟹香酥不油膩，以芒果包著整個米紙卷，吃下去口感更清新🤗而且這個份量作為餐前小吃剛剛好~✨綜合牛肉粉 - $75這是一個簡化版的火車頭湯河😂材料有生牛肉、生腩片和牛丸👦男友說最喜歡湯底入味而不會過濃，而且牛肉都很霖滑~✨河內蕃茄蟹膏湯檬 - $78一打開餐牌已經看中，果然沒有令我失望😍😍滿滿蕃茄味的湯底，蟹膏比其他餐廳份量多一點，還有一隻小蟹腳、扎肉、蝦丸等材料，抵食👍雖然餐廳還在試業中，但安排上沒有混亂，上菜速度快🙌有機會可以再來🥰