西貢街頭越南牛肉粉

營業中

休息中

這天剛好下班後肚子餓，想到了同事們介紹的越南餐廳，幸好時間尚早有下午茶供應。位置闊落，有我最喜歡的卡位。太幸運了，還有下午茶可以選。其他正價餐點也有很多選擇。多種醬汁可以用。下午茶份量也很豐富。咖哩烤雞飯令人受寵若驚的一個下午茶，份量足夠之餘有四份一只烤雞，雞肉烤得剛好鮮嫩，肉汁豐富。配上咖哩汁令人想多吃幾口！越南經典菜牙車快沙律就是椰菜雞絲沙律，雞肉、蔬菜和醬汁比例一流。不會太濕立立，吃下去感覺清爽。

上星期五晚, 買了戲飛去銅鑼灣睇戲, 在灣仔附近搵間餐廳食晚飯, 見到克街有呢間新開嘅”西貢街頭越南牛肉粉”,人流不多,不用排隊就可以入座。內裡裝修都幾靚, 藍白色主調, 有別於一般越南餐廳。望望MENU, 有很多不同選擇, 樣樣都想試。最後我們點了蒜茸牛油雞翼、魚露蒜茸炒芥蘭、鳳爪沙律、河內番茄蟹膏湯金邊粉。蒜茸牛油雞翼: 甫上枱, 香味四溢, 賣相吸引, 記得唔好咁心急即刻食, 因為真係好熱, 最好等幾分鐘放涼少少,  有濃烈嘅牛油香味, 帶少少甜味, 蒜香都有, 而且雞翼炸得剛剛好, 不會乾身, 好好食!!!!!!!!!!魚露蒜茸炒芥蘭: 份量頗多, 芥蘭比較粗壯, 魚露味不重, 健康之選。鳳爪沙律: 朋友說鳳爪幾好味, 份量不多, 但顏色豐富。河內番茄蟹膏湯金邊粉:  湯底味道好濃, 有蟹肉, 有貢丸, 有扎肉, 配搭都幾豐富, 如果味道輕一點, 更好。Overall 都幾好味, 下次會試下紙米卷~

夜晚同囡囡出灣仔行下，看聖誕布置，經過克街見到西貢街頭這一間餐廳，喺黑暗嘅小巷入面，顯得特別燈火明亮。餐廳裝修新淨，應該開咗冇幾耐，決定入去試一試。同囡囡share咗咖啡豬軟骨飯，柚子沙律同鹹柑桔 呢排天氣乾燥，喉嚨痕，飲杯咸柑桔潤一潤。女女大讚豬軟骨美味，我都覺得夠曬入味，同埋軟骨位炆到啫喱狀，送飯一流。鮮蝦柚子沙律賣相精緻，用柚子皮裝住，但係我嫌柚子比較酸，同埋個醬汁有啲古怪，唔同平時酸酸辣辣嘅汁，係比較傑身同偏酸。

平時，很少走到灣仔克街那邊。原來，這裡有多間食肆。前幾天，吃過火鍋、海鮮蒸鍋，實在太豐盛了，今晚決意來個輕食，就選了吃越南Pho。這間越式餐廳是開張的，裝修陳設都充滿越南風格，就連吊燈的外罩也用了越南草帽來做，很有特色。我們點了【生牛肉湯河粉】和【生牛肉牛腩湯河粉】，很大碗的，份量十足。牛腩和牛肉肉質很不錯，又軟腍又滑口。牛肉湯底充滿牛肉精華，很鮮美。河粉亦幼滑，連湯一起吃，非常滋味。我們還吃了一個越南小食【西貢脆春卷】，果然如其名，非常脆口、鬆化，用生菜包裹著再點魚露來吃，很好吃。飲品方面，嚐了越南出產的Saigon Beer，店員細心地把冰凍的啤酒倒進一個冰凍杯子內，令啤酒保持溫度。此外，我們還點了一杯很有特色的咖啡【越南雞蛋咖啡】。它不是一杯普通的越式滴溜咖啡，而是在越式滴溜咖啡上加上拌勻了的雞蛋黃漿。黃澄澄的顏色甚是吸引。雞蛋黃漿非常香滑，而下層的咖啡又香濃，兩者的配搭很匹配，很好喝。值得推介!

灣仔下班之後去附近食野,餐廳很光鮮, 坐得都好舒服。叫左西貢脆春卷($48)炸到脆卜卜, 春卷又脹卜卜,配上酸辣汁,好配。香茅豬排湯河($62)豬排加上爆過的洋蔥同蔥,令個豬排更可口,豬排不會過咸,而且入味,個河粉幼滑,湯底不油有味,仲有少少辣椒的辣,好正。蕃茄蟹膏湯檬($78)個湯底的蟹膏好淡,大部份只食到蕃茄味,個粉的材料豐富的,有蟹,丸, 紮肉等,佢仲有D豬肉碎,令人有不同的口感,經常食搾檬,今次係湯檬,食落去好似米粉咁,成個粉的分量足夠,食完都飽肚的。

好耐冇同做intern識既朋友食飯，趁放假就去接佢收工，順便食飯。2個女仔唔想食太飽，叫左1個主食，1個小食同1個甜品。主食叫左越南法包，越南法包出名在於軟熟，配料清爽。呢度既法包都做到，入面既蘿蔔絲可以中和肥肉既油膩。包夠哂脆身，如果再軟熟d更好。小食叫左芒果軟殼蟹米紙捲。芒果勁甜，軟殼蟹算大件，但肉唔多，夾埋食唔差，口感豐富。甜品叫左芒果糯米飯，呢個好推薦，必食！有糯米同黑紫米，飯夠哂熱，芒果夠凍，冰火交融！芒果十分甜，如果多幾件就更幸福！

之前試過佢個Pho好好食今次又再試下新野食🤣個人覺得都係Pho好食D😂-香脆炸蝦餅 $56蝦餅大大塊👍新鮮炸好熱辣辣❗️沾埋個泰式辣醬正呀😋不過個醬有少少辣😂-西貢脆春卷 $48新鮮炸起包住生菜食夠哂Fresh😋😋-原個菠蘿海鮮炒飯 $118上次食過Pho今次見隔離個菠蘿炒飯似幾正就諗住試下🤨飯既份量好多2個人都食唔哂🤣海鮮份量相對下就少得幾粒魷魚仔青口冇味大蝦就唔太新鮮🧐但菠蘿炒飯重點係菠蘿度個味其實唔錯菠蘿唔酸👍但可以濃味少少重口味人嫌太淡🤣

今晚放工後去咗食越南粉，呢間係朋友介紹的，佢吩咐我哋一定要食芒果軟殼蟹米紙卷果然係必食推介，芒果大大件，非常香甜，加上炸得香脆的軟殼蟹， 配搭得非常之好，點上越南菜獨有的冷麵醬汁，酸酸甜甜，超級開胃。唯一的缺點是上菜的次序，差唔多食完成碗面，才上這道菜，有點怪怪的。另外食咗牛丸生牛肉湯河，牛丸十分彈牙，有口感，食得出唔係街邊cheap cheap嘅牛丸。至於生牛肉，都唔錯，有牛肉嘅香味，只係個湯唔係好夠熱，有啲失色。

Lunch time 經過克街都見到呢間舖有人排隊，貪得意都排嚟試下新嘢。可能新開舖冇幾耐，人手都有啲混亂，一開始將我哋張單同搭枱嘅人當咗同一張，上菜仲叫我哋要自己睇清楚😅細節位需要改善。生牛肉牛丸湯河牛丸彈牙，咬落有汁，味道唔錯。牛肉半熟偏粉紅就好食啦，因為個湯浸熟咗，留後食變到好「鞋」跟餐杯檸檬茶原來係用青檸，同個茶底唔太夾，建議餐牌要講清楚係青檸。同行友人加錢轉咗椰汁冰，但原來係椰汁冰沙，所以同平時嘅椰汁冰就有少少唔同。但都好重椰汁味，而且唔會越飲越淡。哈哈，但如果要排隊，就短期內唔會再食。

今天中午又出動覓食啦😋公司附近新開了一間越南餐廳，平時常常經過，今次終於決定試一試。店舖的裝潢很新潮，以藍色為主，冷色系令人感覺很清新呢！他們有午市套餐優惠，雖然是午市套餐，但價錢相對附近的食肆來說還是有點偏貴，而且需要加一服務費喔，但以一個高質的越南餐廳相比算是正常的了。我今次點了個【西貢撈檬 併豬扒】，套餐連基本飲品，凍飲需要加三元。眼見天氣開始涼，於是點了杯熱的咸柑桔水。柑桔份量很足夠，不會淡淡的，一杯喝下肚，暖暖的很滋潤呢！【西貢撈檬 併豬扒】賣相很吸引，有紅蘿蔔絲作點綴，視覺上不會單調。而且紅蘿蔔絲和白蘿蔔絲酸酸甜甜，很開胃。檬粉是正宗的越南檬粉，口感不錯。撈檬用的汁偏酸，很合我心意豬扒方面，有很香的香茅味，而且熱辣辣，應是剛剛烤好出來的，肉身軟腍，容易咬開，很不錯呢！雖然食物都很吸引，但不會是一間午飯時常常光顧的食肆，因為對一個普通的打工仔來說，價錢真的不太吸引呢！

今日放左工心情好，約左友人去食飯，附近灣仔有間餐廳，裝修都唔錯，好光猛。就入去試下啦。友人選左個生牛肉湯金邊粉。啲牛肉要浸落啲熱湯道先會熟，岩岩好，口感一流，金邊粉好滑。再有啲芽菜同薄荷葉配料，味道好好，非常好味。我就選左椰青花腩肉飯，呢個非常特別，送咪杯椰青水，好甜。五花腩方面，煮到好入味，好軟身，入口即溶，一啲都唔會貼牙。食完之後覺得唔夠，重有椰子肉可以食，連咪啲五花腩汁一齊食真係令有一蕃風味。再唔夠喉，再叫多杯椰汁三色冰。啲沙冰淡淡地唔會太甜，岩曬我地怕肥既人。飲完重有啲豆可以食，真係滿足曬三個願望。

越南野都係我最愛之一，今晚突然想食生牛肉粉，就約朋友來到灣仔的西貢街頭試下呢間越南餐廳有咩好野食。越南餐我一定唔會錯過生牛肉粉，呢碗街頭生牛肉湯粉係真心好味，大大碗夠份量，牛肉份量也多，而且口感嫩滑，飲埋個湯底就最正啦。再點埋杯牛油果沙冰，岩曬鍾意牛油果既我，呢杯牛油果沙冰唔單止大大杯，而且面頭仲有三塊新鮮的牛油果伴杯，新唔新鮮真係好容易看到的，所以呢杯牛油果絕對貨真價實。點多個特色小吃香芒椰汁糯米飯，有黑白糯米飯配新鮮芒果，芒果夠甜，飯也夠口感，好好吃。再來一個特色的香茅布甸，陣陣香茅味加上滑滑的布甸，真係第一次食，好特別一定要試。呢度的侍應都似越南人，也是特別有禮貌，而且餐廳播放越南歌，感覺真的好像去了越南，有得食有氣氛，小柔也是十分推薦的。

河粉來說比較喜歡吃越南河粉喜歡它們的湯底🤤今日收工去左試西貢街頭一入到去有店員熱情招待😃😃其實越南餐廳來來去去都係食果啲所以餐廳取勝點會係在於食物質素同餐廳環境餐廳環境寬敞 唔會好逼好窄食物方面同朋友一人食左個香茅豬扒飯同金邊粉💛💛豬扒鬆軟食落唔會成口油仲叫左個春卷真係冇得彈春卷皮好脆 就算放得耐咬落依然超脆同樣雖然係炸但都係唔會好油兩個人都係每人食左$100以灣仔晚餐黎講係幾掋食☺️☺️📍灣仔克街6號廣生行大廈地下C及D號舖

在灣仔克街開了這間新的越南餐廳西貢街頭越南牛肉粉，環境幾好坐得舒服，menu選擇都幾多！質量幾好。叫了招牌生牛肉湯粉，先嘗湯頭！味道香濃入味！又不是味精的味道，可見湯頭快了很多心機都製作！之後放入辣椒粒，青檸汁！湯內已有香葉，洋葱等配料！混在一起更有東南亞既風味！河粉入口感覺幾滑溜，吸了湯既味道而且有米香！生牛肉片份量都唔少！再用湯既熱力將牛肉浸熟，剛熟既牛片入口濃郁入味！質感嫩滑又有牛味！真的是招牌菜。飲品要了金柚子沙冰，味道清爽！有柚子果肉粒更優香。

Had a business meeting in Wan Chai and still do not have any idea about dinner tonight. But then I found a newly opened Vietnamese restaurant located just next to The Emperor Group Centre...入面夠光猛，所以吸引左入黎，環境夠舒服。個湯底夠清甜，唔會太咸同太味精，而且生牛肉幾淋同埋牛丸幾爽口，讚哦。如果有晚餐就更好了