西貢松記車仔麵

營業中

休息中

本人曾幾何時都會久唔久係西貢松記車仔麵食o野，雖然唔講得係一間好大既舖頭，但佢既食物又真係唔錯架，每次我都會叫雞翼尖同豬腸，真係好好味。仲有佢d煎釀三寶...咖哩魚蛋同雞翼都唔錯架，其實仲有好多野揀(魚皮餃、豬皮、牛腩牛筋冬姑...等等)，但我最欣賞就係呢d，不過我每次都唔會叫麵同粉，因為會好飽架，而且我又覺得d麵既價錢比出面食既頗貴。不過我相信好食既野就唔會覺得貴o架啦，係舖裡面都貼左好多明星光顧過呢間野既相架，都可以對佢有信心，若果大家放假有時間可以入去一試架，一定回味無窮。p.s.於彩虹有綠色1A小巴直達西貢碼頭，超方便架！

有日放工後，有位<b>"智勇雙全"</b>的同事揸車戴我及肥蘇遊大運，竟然老遠的駛去西貢食下午茶，他本想去滿記食糖水，但我仝肥蘇都不喜歡甜品，我記得在政府合署旁的冷巷有很多食肆，走到這裹我見到以前傳媒都介紹過的松記車仔麵，見店面頗企埋，便入去試下係咪好嘢？！柯打時走到麵檔擇配料，然後有侍應會送到枱面，麵湯底巳經收十二元，餸料有由三元起的選擇，一般的都是由三至六元的，作為一客下午茶，我本想要兩餸都見到份量頗少便要多一味餸，連一杯五花茶共銀ニ十六元，實在昂貴。我要了咖哩魚旦、魷魚及牛肚，魷魚配油麵只有很小的兩片，牛肚也只有數小件，此一般的車仔麵的份量少，實在有廹客人多要配料及呃錢之嫌！上枱後用筷子一撈，見湯碗內只有半個麵餅的份量，想想油麵只是平價麵，收十多元的麵底竟然只有幾啖的份量，更如呃錢！難怪之前已有會員報導店內阿姐說起碼兩份才夠飽！如果作為正餐，平均起碼連飲品要四十元才夠食，以如此普通的質量，實在昂貴及物非所值！總括而言：服務一般，環境合格，但非常揾老襯！全港有很多比較便宜及好的其它選擇。評級：不妨不試，試過就包後悔！

8.3 (fri) lunch去西貢（木瓜坪至黃石）行山前，帶左ｆｄ黎食車仔麵，睇下佢係咪真係咁掂叫左個兩"送"油麵:豬紅&蘿蔔。豬紅有ｄ腥，蘿蔔同油麵ｏｋ啦，$14 only冇咩特別，不過幾平囉！如果食唔夠$15就$5杯豆漿，食夠就$4杯。豆漿幾好飲。

之前聽朋友講過"松記"好似幾好食於是見今日行開起呢頭諗住入去試試點知谷到一肚氣本人帶住隻細貓入去<--有拎籠袋裝住佢唔俾我我同隻貓入主鋪坐問佢咩原因又唔講係都要我地去側邊無乜冷氣既細鋪<-- 污糟d果邊個四眼女人一尾係咁推我地入細鋪<-- 驚死我地整污糟佢D地方心諗你講明唔俾我帶寵物入去食野我無所謂我最多咪唔食但你想做人生意又要阿之阿左果下黑人憎如果大鋪唔俾做咩細鋪又俾即係乜都係你講晒服務同態度差成咁就算搵再多食評寫好你都無用啦>.<

聽講呢度食車仔麵好出名，就黎試下啦，裝修過既舖面尚算坐得舒適。呢度車仔麵既餸款式唔多，但基本既豬皮，魚蛋，蘿蔔，牛腩都有，我叫左個牛腩冬菇咖喱魚蛋油麵，麵底唔多，好肚餓既話應該唔夠飽，牛腩ok，其他都冇乜特別，係個湯底幾夠甜囉，之但係會唔會係因為落左味精就不得而知喇！我地另外叫左個油菜，係白菜仔，但好似唔多夠熟，有少少硬。係度食車仔麵加$5有涼粉一碗，唔好錯過！雖然點菜時要自己出去排隊叫，但叫完後會有侍應幫你拎埋位，免卻倒瀉既危機，呢點值得一讚！總括而言呢度既食物唔算好突出，況且也不便宜，試過就算了！

咁熱嘩又要排隊、香港朋友又一失敗介紹、第一次去西貢。不過～～失望、她們的服務態度的確是惡劣、全欠笑容、吹人叫餸好似客人煩住她們咁！冇心造食物、食後手震心跳出汗、嘩味精仲多過我湖北地道嘅小店地方、地面充滿陣陣的漂白水味道、不過只是「乾淨」的表面工夫、好像在醫院吃東西、影響了我３個同胞的食慾、令我很忿忿不平嘅係價錢唔平、又話大陸人唔識食、港式車仔麵又唔係有宝駛唔駛咁大枝嘢啊。通菜有砂大腸有猪除唔似係猪紅嘅紅猪皮有毛

阿姐話例牌車仔麵一定要2個麵,印象唔好車仔麵最偉大之處就係鍾意要幾大幾小份量都得豬皮,豬紅,牛肚一般;蘿蔔好甜無根招牌豬手唔入味,唔得!涼粉唔似涼粉,似染了色的大菜糕

佢樣樣都好食,佢係以車仔麵為主,食物全都有麵,有:油麵,幼麵,粗麵......好多好多!總之一句:好!

尋日Family day，本來諗住食返滿泰雞粉，好可惜勁多人爆晒仲要有人等緊位，我地唔耐煩(因為趕住bbq)下見到松記有位就入裡面醫o左個肚先買野bbq~好可惜我係唔食牛o既....所以試唔到牛肚牛筋腩....豬手原本想試~但怕左豬手層皮所以覺得好可惜~老公: 牛腩牛肚豬皮米線我: 雞翼貢丸3寶米粉工人: 牛筋腩油麵我地3個都話d湯底好正，老公話d牛腩肚好入味，very good~我d雞翼+ 3寶都好好味...又估佢唔到喎~唯獨係地方淺窄d.......d阿姐惡d囉~

13-1-2007在西貢午飯突然想食車仔麵, 和太座到松記, 大家都要了四(送)幼麵。(一) 豬皮, 豬大腸, 豬手及釀茄子。(二) 蘿匐, 魚餃, 冬菰及釀豆腐。八種送大多交足功課, 尤其是冬菰, 豬皮及釀茄子, 只是湯底及幼麵比較一般, 不及天后鐘記。

今日行完山就出咗西貢市，好耐冇食松記，於是就帶咗男友嚟食車仔麪。男友叫咗豬手、牛腩、菜加米粉，而我就叫咗牛腩、豆卜、鷄翼加粗麪。講真佢D豬手、牛腩和鷄翼真係煮得好諗好入味，但係其它餸就好普通，個麵重完全唔好食，幸好湯底仍保持水準。叫餸時D阿姐好惡，好似趕時間咁趨你，真係值得改善吓。

如果專程入去西貢,只去松記吃車仔麵的話,實屬有點混吉,市區很多麵店水準更好,何必呢?但純屬路過/約人晚飯早到,友人未到找地方dum波鐘/大家在附近晚飯前打底,又無不可.大雜會共冶一爐,湯底比幾年前吃過的更濁,色水曖昧,碰也不碰.多種材料,只得鮮甜,無渣的蘿蔔比較有印像,其他的同外面的沒有分別.為何成為車仔麵之名牌,或只是在地域上的特殊關係,世界上有樣最美麗的事情,叫做距離.今次只是美麗的謊言.

今日同朋友到西貢行山, 之後d朋友話去食車仔麵, 入到去之後先發現這裡是不用落單的, 要自己到檔口處排隊．好開心．可以自己在檔口處指指點點，睇住ｄ亞姐在自己面前做麵．ｄ朋友仲話係這裡特式．不像出面的車仔麵檔晝紙仔．今次試左魚旦羅白豬手牛腩，仲飲左他們推介的熱柑桔蜜．好好味地方又乾淨，佢地仲攞左好多奬呢！

其實我第一次來食, 上次係幫襯到面既越南野車仔麵, 其實無乜要求, 只要唔太貴, 食完唔肚痛就係啦叫左一個三料車仔米粉, 牛腩, 牛肚同蘿蔔三樣野既味道都唔錯, 起碼唔會太硬先啦另外, 叫左一碗細既招牌豬手, 又真係炆得夠火喉喎比起好多大麵檔, 一點都不失禮下次可以再來最值得讚既係地方, 真係好干淨, 其他麵檔要學下

其實論食物只係一般,不過不失咁啦,不過呢道真係好乾淨,講真,食市乾唔乾淨真係好緊要,如果污糟,d野幾好食都會扣分啦,而呢道價錢都ok,一般車仔麵東價錢囉!