西貢松記車仔麵

營業中

休息中

8號風球黎左搞到冇得去南丫島, 唯有用呢$500租屋錢用哂黎入西貢買海鮮返去補數~17:00見肚餓走入巷仔見到呢間車仔麵檔, 眼見門口有好多明星合照, 就決定入黎一試!牛筋腩+豬皮+米線$19(牛筋腩真係好得!!! 夠腍入味又有d咬口, 豬皮就可以用難食黎形容, 好似用水烚+色咁, 米線都腍到爛卻一陣水喉水味, 而且佢個辣汁真係好唔得, 以我咁唔食得辣既人都覺得一d辣都冇-_-)牛筋腩+豬腸+牛肚+油麵$27(男友都覺得腩好好食, 豬腸都幾好, 牛肚就麻麻, 油麵都ok, 佢咁鍾意食辣就梗係更加覺得一d辣都冇!!!而且.....係碗野太少喇, 佢幾啖就食q哂, 以我咁細食既人都食得哂成碗, 可想而知......)P.S. +$6有杯凍檸茶, 都幾好飲&大杯, +得過~ 我地唔知訂入到去坐低, 個姐姐仔都好有禮貌提醒我地要自己出黎叫野食, 我太多心望左好耐先叫餸佢都冇唔耐煩, 算係唔錯咁啦~

今日突登同老公去松記食車仔麵!我見咁多人話li間野既豬手同牛腩咁正,我咪試下la!我點左豬手,牛腩,韮菜,大腸,蘿蔔米粉+冬o茶!老公點左大腸,雞翼尖,牛腩,豬皮,油麵+冬o樂!嘩,個牛腩又鞋又冇乜味;豬手太淋又係冇乜味...d湯底ok,最好味係蘿蔔lo!嗌麵個亞姐又冇禮貌,我後面冇人等,但催我,唔比我諗.!(咁不如劃紙點野la,又要客人排隊揀~~!!!)Total:$78總結---li間野食一次就夠!!!

除左支可樂可以讚佢夠涷之外其他真係冇野可以讚!叫左個牛腩，豬手，豬腸，雞尖(全部你推介餸)牛腩，豬手都算林，但係完全唔入味，雞尖以為大大隻就吸引人，但係又係唔入味.....

11/5星期日一早約了幾位朋友一起出海，在西貢ok便利店集合。未到集合時間，去食個早餐先，見這間店外貼滿了些明星來到幫襯的照片，應該會幾好食！嗌了三個車仔麵：豬手牛腩菜河（豬手腍得嚟又唔散，牛腩都係！）牛根腩豬皮魚蛋豬大腸米線（好味！）白蘿蔔豬紅炸魚皮粗麵（魚皮好脆，不錯！）可能時間尚早的關係，沒有人龍，不用太排隊！我們用了90元。如再去西貢的話都會再去的！

琴日星期日, 我同BB個朋友住喺西頁, 入嚟玩完後, 就嚟咗呢度食嘢, 門口排晒長龍, 仲貼咗好多明星相, 諗住係好嘢啦, 點知....我地4人要揾咗位先, 坐喺對面舖到, 又多人又焗, 跟住就排隊叫嘢食啦, 一排到我地, 個亞姐串爆咁講, "食咩食咩, 快D講, 行前D, 唔好阻住後面", (仲要D眼神, 惡到死), 你講咗要咩, 佢又話, 仲要咩, 無就比錢, 跟住去收銀到比錢, 比完後, 諗住攞番碗面返位, 個亞姐好好好串咩講, "你只係負責食, 唔係你拎, 你放低...." 咩事呀而家, 監獄放飯呀, 要聽指令呀, 我同個FD都有D慶, 心諗你地D嘢食係咪好味得咁緊要呀!我叫咗 : 米粉, 冬菇, 牛腩, 豬皮...牛腩unun地, 豬皮仲有豬毛...冬菇係唯一合格既,夠味BB叫咗 : 河粉, 牛肚,豬腸,豬紅, 牛肚唔諗, 豬腸有陣味, 豬紅就唔錯朋友s小姐 : 粗面, 冬菇,豆卜,雞翼, 全部係一般貨色 (冬菇好d)朋友D先生 : 油面, 牛腩, 蘿蔔, 芝士腸...都係好一般另外加咗個煎四寶, d紅腸炸到燶晒, 茄子同豆腐就普通料, 再叫咗生菜同魚皮, 加4杯凍檸茶...

星期日屋企人特登揸車黎喱到食車仔麵見門口貼晒老闆同明星影ge相,心諗應該吾錯見到宋芝齡同小豬ge相,仲有劉青雲...等等門口好多人排隊,客人要排隊同廚房講食乜我要紅腸,豬皮,雞翼米線,叫完食物就等佢送上黎其實我有d吾明點解要咁做,不如埋黎落order又要搵位,又要叫野食,又要等佢送上黎,好晒時間等佢送晒d食物黎就一次過俾錢講下d食物...係普通到吾普通ge紅腸,豬皮同雞翼質素同好多出面ge車仔麵差吾多,吾需要特登走入黎食"送"菜每款$3或者$6, 佢個到寫明豬手同牛腩好食不過媽咪話只係好普通ge豬腳,得層皮,冇肉屋企人話牛腩有d un, 我冇試過吾知服務方面,廚房個阿姐串到爆登,我媽咪只係問左句"有冇菜送ga??"佢即刻話"叫咪有囉,喱到所有野都要叫先有ga"我心諗,洗吾洗咁串呀,問下o者,即刻大打折扣總括黎講,我覺得只係明星效應,出面好食,服務又好ge車仔麵大把,吾需要響到受氣,又坐得吾舒服!! 我諗D明星都係平時食得好野多,食下車仔麵就覺得好食

此間食肆在店舖內大大隻字寫住連續幾多年拎咩咩清潔獎~無錯係幾乾淨~好似..我同愛人入去果時,間鋪本身都唔多人,但竟然有枱係未抹乾淨而且唔係剛剛有人走果隻..張座椅有點麵汁但竟然沒有人清理,我企起身叫人抹,又要等好耐先有人泥.出去叫野食果陣仲衰,好似我得罪左佢咁..我知做廚房好熱好辛苦,但依家係我俾錢你使,你竟然俾氣我受!唔係路...食物方面..真係超唔抵食,牛丸4蚊得兩粒,仲要無味.食物方面我覺得中等偏下.而愛人就覺得難食整體泥講除左裝修係幾光鮮~但真係金玉其外,敗絮其中囉我叫左金錢肚加牛丸瀨粉=18蚊愛人叫左油菜魚皮胶魷魚油麵=20蚊

昨天星期六入去西貢,去了松記食了一碗魷魚,一啲味道都無,非常普通,都唔知點解有咁人排隊去食.

原來香港有咁多冇Taste 的名星，如果唔係時來運到，解釋唔到點解咁好生意！食物算普通，大都煮得不夠淋，但總算入味，招牌牛腩鞋鞋哋。服務非常系統化，催逼你order，很不舒服；老闆娘的眼神，更令我很不舒服。設最低消費，好囂張。最重要的是.... 一回家立即肚疴！

本身食過幾多次，次次都覺得麻麻地間鋪最出名係果d豬手，試過d味唔算太入味，好普通另外有好多野選擇，好記得係d茹子切得有少少厚，有點怪不過其實間鋪大部分野食都幾平大大件，推薦一d想試SAI KUNG野的人兩份食

星期日..同男友到西貢行下經過松記門口好大條人龍..以前試過一次覺得一般..今次再泥睇下有無改善..排左5分鐘度可以叫送..d 阿姐好快好急..諗多陣都有點壓力最後買左2碗(一個要豬手豬腸釀茄子粗麵)26蚊另一碗要(白菜仔魚蛋魚餃雞翼)24蚊湯底個色好深好似好濃..但飲落好淡..d 送就ok ..豬手雞翼都幾入味..魚蛋都幾好..收$阿姐就幾好禮貌不過專登入泥食就無咩必要..

長征後回到西貢已是三點多四時，已超過7小時未為肚子"加油"，所以立即找個地方來個下午茶。本來是去一間小食店，發現隔離有一間車仔麵店，大家就急急進去。先與老公分享一碗車仔麵，材料有咖哩魚蛋、豬皮、兩份紅腸及粗麵。麵是腍的、一點也不爽口；魚蛋是細細粒夠彈牙，亦有咖哩香味；豬皮炆得夠入味，可惜唔夠爽好腍；而紅腸略為煎過，厚切有咬口；湯底加了腩汁，味道夠惹味，老公差不多喝光。我再來杯豆漿紅豆冰，將花奶代替豆漿，感覺比一般紅豆冰來得健康，雖有不少紅豆，但是豆漿太濃味，不覺紅豆味的存在。

Late lunch到達西貢時為下午二時，一下車就直奔松記車仔麵。排隊點菜的人龍很長，我倆只好乖乖排隊等食。豬手、牛筋腩、白菜、幼麵($25)︰男友點得，他說豬手和牛筋腩是招牌菜總能不試。牛筋腩味道不錯，而筋位很腍很入味。豬手真的沒有毛，很乾淨，食得安心，哈哈。豬腸、貢丸、白菜、米粉($21)︰我點的，豬腸很好味，又不韌，有咬口。貢丸有一陣麻油香，白菜是意想不到的鮮甜、爽口。環境光猛、潔淨，食物也蠻好的。不過服務態度有點差，可能人多不愁沒生意吧。

本人曾幾何時都會久唔久係西貢松記車仔麵食o野，雖然唔講得係一間好大既舖頭，但佢既食物又真係唔錯架，每次我都會叫雞翼尖同豬腸，真係好好味。仲有佢d煎釀三寶...咖哩魚蛋同雞翼都唔錯架，其實仲有好多野揀(魚皮餃、豬皮、牛腩牛筋冬姑...等等)，但我最欣賞就係呢d，不過我每次都唔會叫麵同粉，因為會好飽架，而且我又覺得d麵既價錢比出面食既頗貴。不過我相信好食既野就唔會覺得貴o架啦，係舖裡面都貼左好多明星光顧過呢間野既相架，都可以對佢有信心，若果大家放假有時間可以入去一試架，一定回味無窮。p.s.於彩虹有綠色1A小巴直達西貢碼頭，超方便架！

有日放工後，有位<b>"智勇雙全"</b>的同事揸車戴我及肥蘇遊大運，竟然老遠的駛去西貢食下午茶，他本想去滿記食糖水，但我仝肥蘇都不喜歡甜品，我記得在政府合署旁的冷巷有很多食肆，走到這裹我見到以前傳媒都介紹過的松記車仔麵，見店面頗企埋，便入去試下係咪好嘢？！柯打時走到麵檔擇配料，然後有侍應會送到枱面，麵湯底巳經收十二元，餸料有由三元起的選擇，一般的都是由三至六元的，作為一客下午茶，我本想要兩餸都見到份量頗少便要多一味餸，連一杯五花茶共銀ニ十六元，實在昂貴。我要了咖哩魚旦、魷魚及牛肚，魷魚配油麵只有很小的兩片，牛肚也只有數小件，此一般的車仔麵的份量少，實在有廹客人多要配料及呃錢之嫌！上枱後用筷子一撈，見湯碗內只有半個麵餅的份量，想想油麵只是平價麵，收十多元的麵底竟然只有幾啖的份量，更如呃錢！難怪之前已有會員報導店內阿姐說起碼兩份才夠飽！如果作為正餐，平均起碼連飲品要四十元才夠食，以如此普通的質量，實在昂貴及物非所值！總括而言：服務一般，環境合格，但非常揾老襯！全港有很多比較便宜及好的其它選擇。評級：不妨不試，試過就包後悔！