67
57
51
電話號碼
2792 9172
營業時間
今日營業
07:30-19:30
星期一至六
07:30-19:30
星期日
07:30-20:00
付款方式
現金
其他資料
酒精飲品
食評 (197)
等級3 2017-04-30
104 瀏覽
幾個朋友話好好食,又有幾個朋友話普通車仔麵!今日試完覺得屬中上既!全因為個湯底清清地得黎,又不失車仔麵湯底既味道,佢係個面架左啲類似沙嗲既秘制醬汁上去,另到成碗麵好食左!餸要左豬大腸+蘿蔔蘿蔔夠透,不過食唔到香甜豬大腸有3-4舊好肥美既,其他都薄ea ea!麵底要河粉似係麵唔靚,爛爛地又碎碎地不過真係麵多餸多,係屬少數可以食完覺得飽……唔係!係好飽既車仔麵小食要左雞翼同煎釀三寶老公話雞翼好夠味,我就無食啦!三寶係ok既,魚肉足料,不過除左豆腐之外,青椒同茄子都係凍既!野飲另叫,唔要小食既話都$50左右一個人落樓架不過禁大碗又食得飽,ok啦!有帶狗,要坐外面,小巷環境都ok啦,算乾淨既!叫完有人送上黎,仲就返邊碗係你既黎放,算係禁啦 繼續閱讀
(以上食評乃用戶個人意見 , 並不代表OpenRice之觀點。)
每個餸有自己獨特嘅味道 鮮味新鮮, 而且地點易搵 ,舖頭內部都係好乾淨好裝修企理 ,唔似一般車仔麵店嘅唔乾淨,有洗手間方便, 餸菜多選擇款 最好要快啲諗左食咩,因為人比較多,令你揀都揀唔切 繼續閱讀
(以上食評乃用戶個人意見 , 並不代表OpenRice之觀點。)
等級3 2017-04-01
186 瀏覽
天氣很好,到西貢一遊!除左同陽光玩遊戲之外,都要祭下五臟廟!行下行下到後巷,好多野食,見到呢間車仔面大排長龍,而且門面幾光鮮,就入左去。呢度要先買野食,後入座,最後食完埋單!我叫左魚蛋蘿蔔芝士腸米線,個湯幾惹味,好少好少嘅辣!蘿蔔我覺得有少少硬,唔夠淋,淋啲會好啲!芝士腸正常味道!至於魚蛋反而幾好食,幾夠味!三送31蚊!總括而言,正常味道,唔係特別好味,唔知食咩好可以試下! 繼續閱讀
(以上食評乃用戶個人意見 , 並不代表OpenRice之觀點。)
等級2 2017-03-01
312 瀏覽
車仔麵成日都食,又多選擇任你配搭,而近年嘅車仔麵質數每況愈下,麵質,餸嘅味道,品質及價錢都唔能夠取得平衡,今時今日食個淨麵都20蚊,再唔係小時候嘅平價之選。呢間喺西貢市中心巴士站附近後巷嘅車仔麵舖係朋友之前介紹嘅,話每次經過都有人排緊隊,好似幾掂咁喎去到後巷入少少就會見到人龍,有十零人左右,排咗一陣就見到易拉架排咗10分鐘左右已到揀食區,已貼好晒餐牌,有晒唔同配搭,俾我呢種選擇困難症患者啱晒,唔怕排到去都未揀定麵檔外有一排坐位外,舖內都有好多位,舖內嘅坐位都乾淨企理最後我揀咗佢地嘅招牌“豬手牛筋腩”加咗木耳,米綫底($43)腩汁湯好香好味,忍唔住飲咗2啖,牛筋腩佔嘅比例較豬手多,牛筋好鬼冧,牛腩唔韌又唔黐牙,超,豬手都好冧,味道就無牛筋腩咁出喇,木耳亦好爽。同行嘅朋友仲“醒”咗舊豬紅我食,又幾好食喎,唔會過火又有味 繼續閱讀
(以上食評乃用戶個人意見 , 並不代表OpenRice之觀點。)
等級2 2017-02-26
182 瀏覽
講到食車仔麵唔係要認叻,真係由細食到大,勝在多嘢揀。最近都食咗好幾間,Lee間就真係幾唔錯,每次同老婆食車仔麵都係3餸變6餸,今次都唔例外,真係可以試多D架,Lee間除咗湯底好味(有個特別嘅汁),食物質素都掂喎;豬腸乾淨又無一陣味;牛肚又夠厚身有口感;加埋老婆加餸,招牌牛筋腩,忟得夠"淋"肉味香濃,真係好食;仲有豬紅,堅嘢好食唔會一夾就散嗰種,真係好味。只要大家唔介意係巷仔排一陣隊等叫餸,真係要試下。 繼續閱讀
(以上食評乃用戶個人意見 , 並不代表OpenRice之觀點。)