西湖春天食府 (已結業)

西湖春天食府是一所提供京川滬杭精選名菜的食店，以前曾經在此飲午茶，上月跟朋友再去吃了餐晚飯，現在才補回食評。這裹的座位空間頗闊，提供的菜式頗多樣化，今天較深印像的菜式有:1. 宋嫂魚 - 我很喜歡這個湯，份量足夠四人同享，味道帶魚肉的鮮味，但湯內有小量碎骨。2. 辣子雞丁 這個正宗的四川口味，用上大量紅彤彤的泡椒跟雞丁同煮，味道很辛辣，不好辣者千萬別叫。3. 百頁小唐菜 - 份量不多但味道都幾好。4. 上湯餃子 - 今晚跟北方人一般，吃餃子不吃白飯在港止宗的杭州菜不多，喜愛浙菜的可在這裹以較天香樓平宜的價錢喫到正宗的杭州菜，不妨試一下。

晚同幾個同事食送別飯, 兼且預祝我明天嘅生日, 真係食到一肚氣!!首先, 之前同事個女嚟食過, 帶蛋糕嚟唔收切餅費, 但係唔知點解今次就要收五十元. 咁都算啦! 我哋食完飯要求切餅, 個餅送咗過嚟, 同事叫咗幾次都無人嚟點火, 眼見蛋糕都開始溶, 於是我都忍唔住再催促一下侍應. 我向個白頭佬侍應揚一揚手, 點知佢突然呼喝我: “都話等一陣咯!”我都呆了一呆, 咁樣比人鬧都係第一次. 佢仲猛同佢招呼緊個枱嘅客人說我哋嘅不是. 後來終於都點咗火同吹埋洋蠋, 等咗一陣都係無人嚟分餅, 為免再勞氣, 於是我哋咪自己嚟. 之後個白頭佬仲不斷同佢所有伙計說我哋嘅不是, 指指點點, 簡直比起一個八婆更八婆! 食咗都背脊骨落, 浪費咗同事, 老遠陡步帶來的蛋糕! 都唔知點解, 要收切餅費, 要求點個火咁小事都要比人鬧, 講緊係侍應鬧客人喎! 最奇怪係成個過程都無經理介入, 好似無皇管咁. 食物質素普通, 枱與枱之間好迫, 服務同禮貌都咁差勁, 我哋以後都唔會再幫襯(埋單時五十元照收, 附上嘅一百元贈劵都無要, 因為無下次), 免得貼錢買難受!

71去呢間嘢食飯,真係食到一肚氣！食物唔算太好唔算太差~份量就好夠我叫6人餐個黃金蝦球炒得唔夠乾身,味道尚可燒雞偏乾蜜汁火方甜咗d但係服務質素就差差差~個服務員踢到我隻腳,無話唔好意思.仲話︰“有無搞錯,大佬！”吓！我話︰“好似係你踢到我喎,仲大佬我！”個經理走埋嚟問咩事,然後say sorry.問我係邊個,我咪指佢出嚟~哈,佢仲妙~“佢(指我)伸隻腳出嚟！”然後行咗去,個經理繼續say sorry囉……之後放煙花,咁我地都唔係坐得後.坐低都睇得到但班服務員就企哂係我地(左面)前面.我地都無出聲.但隔離果枱就比較燥叫前面d人坐低,又叫侍應不如比椅佢地坐唔洗遮住後面d人但成班服務員一d反應都無！卒之搞到隔離枱同班大陸客(阻人視線者)噪係佢地d朋友拉開佢地先無打交~雖然之後佢比張$100coupon但仲敢幫襯咩差到咁o既食飯經驗我都係第一次！

Last Sunday, went there to have dinner 7 ppl'. $555, 7 dishes, 1 rice紅燒小元蹄醉Pork leg榨菜肉末配叉子燒餅醬爆Lamb肉魚香茄子 東坡肉 a few more Overall, ok, but a bit oily esp 魚香茄子 東坡肉and 魚香茄子我見thick oil in the sauce!!!!!!!!! 4 th times had dinner here, had te here for a few times.

一朝早同媽咪仲有佢幾個朋友來飲茶呢度同其他地方飲茶唔同既係有小籠包吃呢度既春卷好幾正~~ 但一句話講得好岩「小吃多滋味,多吃壞肚皮」服務方面都ok 啦, 唔算差

母親節晚飯，拖拖拉拉之下，終於在當日中午才敲定這店。之前沒聽過人家的comment，純粹自己未試過，更重要的是交通便利嘛。館子位於11樓，到達後卻被領到12樓，招牌寫著叫喜鵲會，想是同一集團的食肆，裝修比較簡陋，但勝在清靜，坐在窗邊更可俯瞰九公。當日的餐牌選擇非常有限，但也捨套餐而取散叫，點了：烤麩──單看賣相，烤麩是切而不是手撕，已知好打有限。入口更是不濟，硬得很。醉雞──雞件無味，不要說雞味，連酒味也欠奉。馬蘭頭百頁卷─總算正常，喜歡馬蘭頭的我連盡兩件。砂鍋雲吞雞──行貨。鱔爆蝦──黃鱔質素麻麻，質感偏硬，味道也欠鮮甜；蝦仁就可以。重點是汁醬很惹味，加上大量吸汁的蔥蒜，也算滿意。榨菜肉末配叉子燒餅──我自己不太喜歡這味，但由於份量頗大，也勉為其難吃了一件。吃時已變涼，當然不大好吃。紅燒小元蹄──醬汁雖偏甜，但豬手頗肥美，肥肉部分軟綿綿的，瘦肉部位也不差，以這裡的水準來說，這道菜算是吃得過。不過伴碟的一撮白菜仔被隨意擱在一旁，格格不入。小籠包──今時今日大家都被寵壞了，對小籠包的要求都很高，這裡做的，都是那種被我認為是「湯汁另注」的版本，皮略厚但不會穿，本來收貨了，不過價錢稍貴。擔擔

o黎呢度食，好處就係睇到街景，仲要有埋對面海(灣仔O個頭)。幅相最頂O個張就係「蜜汁烤雙方」：全晚最特別的一味，把火腿、腐皮夾在薄曼頭中間，咬落外軟內脆，又甜甜地，口感同味道都唔錯，全晚之冠。對落少少的同一張相是「黃金明蝦球」：樣都ＯＫ，但可惜味道不夠，落唔夠‘黃’，唔知係味慳皮呢？第二張就係「鎮江小排骨」：可能本人不好鎮江醋，所以覺得味道帶苦，但有朋友就覺得好味，不過Ｄ肉都煮得夠‘林’。對落係「松子黃魚」：汁的味道幾好，可惜條魚炸O既時候，火候掌握得唔好，覺得食落有Ｄ霉(還是條魚唔夠新鮮?)。「化皮吊燒雞」：皮就幾脆，可惜炸得唔均勻，有幾件未熟透--有血浸出O黎。「甘湯小籠包」：都算皮薄，但湯就無咁美味喇，不過勝在上枱時熱騰騰。可惜臨走時，話俾部長聽佢未送Coupon俾我O地，佢O的回應就麻麻喇：「無理由，應該俾o左o架喎！」<--乜而家都仲可以咁樣答客仔咩？最終都無俾到coupon。

第一次去食飯，在門口呆了一會才決定入去，因為個格局好似比較貴。一看餐牌的價錢，就感覺偏向貴價。座位一般，唔算太迫，而且有窗境（雖則無乜好睇）。我們兩人點了半隻砂鍋雲吞雞$88，百頁小唐菜$56，小籠包（五只）$25，上海粗炒$48。味道都還可以，不過不失。小籠包個皮幾薄，雲吞雞就一般勝在幾大鍋，上海粗炒比較多油，不過這是一向粗少的特色，但味道幾好。服務就尚可以，有時會不見服務員，但找到他們時都幾好禮貌，上菜都幾快。我會再幫襯，因為這店有不少餸菜我都想試，這店不但有上海菜、京菜，還有些特色的粵菜，一向喜歡中國菜的我又點會錯過。

話說係路過, 成幢野都無乜邊間想幫襯. 就係看水牌叫到有呢味菜, 就俾呢個字吸左上去. 話晒傻鬼係文人, 仲唔知呢個字的秘密. 2個人點左魚咬羊, 小籠包, 榨菜酥餅. 魚咬羊係魚湯再煮羊肉, 煲野好大, 夠3~4人吃, 但羊肉味極重, 約怕"羊酥"者不宜吃. 小籠包皮薄湯滿, 湯和肉味都十足. 榨菜酥餅是分開上的, 傻鬼原來又沒有吃過, 熱熱的.服務不錯, 坐2人桌, 安排妥當. 不錯和算是抵食的一餐.

之前d網友批評服務員態度差，所以今日同同事食飯就特別留意，但發覺原來都唔係0甘差~個服務員仲教我們點樣食會更好味，而且沖茶又快，仲同我們切埋雞肉，呢d服務態度都唔叫差@v@5個人食，4個人俾$，每人都只係HKD120.00，所以真係好抵食，而且食得好飽又好味呢！註：這餐係為阿佳而設，希望你發達唔好唔記得我們啦！

4號果日同係新加坡黎旅行既朋友食飯, 唔知食咩好於是諗住食中國菜. 揀黎呢度食飯果然無錯, 又抵食又好食. 我地五個人叫佐個六人餐, 連湯連甜品都有九樣野, 但個餐都唔駛六百蚊(未計加一茶芥果D), 每樣野都好好食, 有兩個大男人係度都食唔晒, 仲淨底唔少野係度. 條魚好大條好好味; 個雞都唔錯, 唔係太肥味道幾好; 其他既我都唔記得咩名堂, 但無一樣野要彈囉, 下次有機會會再黎食. 本來諗住呢餐飯我請, 點知原來佢地已經靜雞雞去櫃面埋佐單, 多謝晒~

佐敦彌敦道219倫敦廣場11樓, 西湖春天我地尋晚８個人，七點半至九點十五分左右ｏ係西湖春天，食食下野，見到有隻老鼠ｏ係條柱中間閃出來..真係有ｄ想嘔呀．．．　離譜呀.. 唔好意思都無句記住唔好去~~!!D 待應勁無禮貌, 當我地透明...我地尖叫都好似無發生事咁，　無走埋來問一句..我個friend忍唔住去比錢要走,佢地究竟收full payment ,我話「有無搞錯！！... 你地有老鼠, 我地仲未食完！！」之後平左，由$591 －－＞$47X .... 唔係有老鼠又肯平?我太驚，都唔想講野，有ｄ想嘔..個部長都傻架，隻老鼠ｏ係中間條柱走出來，都出左來啦佢拎張梯爬上去睇.....　我地問佢，”你做咩呀?”佢話，”你地話有老鼠嘛”我: 你唔係諗住佢仲ｏ係果度丟你捉嘛．．之後佢又拎走左張梯........呢間野太過份了１．有老鼠已經非常過份２．竟然無人問下我也做咩事（我地已經好大聲叫，企起身）３．一ｄｄ歉意都無，唔好意思都無句４．人地未食完，咁既情況仲諗住收人full payment ，真的不要面

逢星期日兩點打後都開始帶住恐懼既心情春天幾時到?唔想返屋企住本來係自己話要去澳洲牛奶公司先至黎佐敦但去到街口臨時改變主意都係食上海野好落地玻璃九公景加少少海景可以勉強睇到幻彩詠香江但星期日晚都唔爆棚有少少意外188二人套餐費事諗香糟醉轉彎有三隻半雞翼唔算好醉反而有少少桂花味唔錯紅油酸辣湯正常水準龍井蝦仁唔係平時食果種細細隻河蝦反而隻隻都大隻食落仲好肥鹹肉燒津白係人都知我唔鍾意食黃芽白但唯獨是佢叫津白果陣我係會食既以前第一次食奶油津白一試難忘今次除左鹹肉少尐之外都唔錯甘湯小籠飽唔算好多湯皮唔算薄好一般生磨腰果露明顯摻左好多水所以唔敢叫做糊對於好鍾意食腰果糊既朋友黎講係唔多夠勁但平日唔鍾意食都覺得接受到屬於合家歡版啦整體份量幾夠食當佢係尖咀計的話價錢都算係咁喎

和男友點了二人套餐,$188再加一碗擔擔面,埋單$260幾,原來茶錢+小食每人$26,加埋一每人成$30蚊.d餸又細碟,好小家.碟菜我抄得好過佢.又黃又黑...唯一正係靚景囉.

肚餓千祈咪去!!!禽晚經過附近，記得食評話唔錯既，就去試下。點知...我地好肚餓，八點二到，八點四落好單，因為傾緊重要野，於是不經不覺過左三十五分鐘，打鼓既肚提示我們仍未有食物落格，這時已近九點!催佢地，d waitress 你望我，我望你，重無哩好氣問，有咩未黎，大佬!係一樣都未黎。我地叫的只有四味菜，當中一味黃金炒飯，一味雲吞雞，唔駛搞咁耐下話？之後十分鐘就過來話自己無漏單，係廚房出唔倒單，又講唔出幾時有野比我地食，解釋好幾次。醒少少都知應該起碼求其比d野過我地食住先啦。解釋咁多你內部有幾混亂對客人黎講又有咩用呢？完全無誠意去補救!!!!!之後仲收我地壺茶去加水，但奇怪的事又發生，壺壽眉茶消失左，一去無回頭，暖暖終於頂唔順，出去同似比較話得事既阿姐講，叫佢比番壺茶我地，點知阿姐指揮個waitress 過黎，佢好"天真無邪"咁問你無左水定茶，我地已被激到斷氣，無氣地話佢知係茶，佢轉頭比壺普洱我地，問係咪普洱呀，大佬，又唔一早問清楚，到左又黎問，話你錯唔知又要等幾耐，所以我地求其話是但啦!!!唯有靠僅有的茶充住飢先啦。擾攘一輪後，最後我地九點五有第一度菜食喇!十點二食完四樣埋單走人。一