西湖春天食府 (已結業)

晚同幾個同事食送別飯, 兼且預祝我明天嘅生日, 真係食到一肚氣!!首先, 之前同事個女嚟食過, 帶蛋糕嚟唔收切餅費, 但係唔知點解今次就要收五十元. 咁都算啦! 我哋食完飯要求切餅, 個餅送咗過嚟, 同事叫咗幾次都無人嚟點火, 眼見蛋糕都開始溶, 於是我都忍唔住再催促一下侍應. 我向個白頭佬侍應揚一揚手, 點知佢突然呼喝我: “都話等一陣咯!”我都呆了一呆, 咁樣比人鬧都係第一次. 佢仲猛同佢招呼緊個枱嘅客人說我哋嘅不是. 後來終於都點咗火同吹埋洋蠋, 等咗一陣都係無人嚟分餅, 為免再勞氣, 於是我哋咪自己嚟. 之後個白頭佬仲不斷同佢所有伙計說我哋嘅不是, 指指點點, 簡直比起一個八婆更八婆! 食咗都背脊骨落, 浪費咗同事, 老遠陡步帶來的蛋糕! 都唔知點解, 要收切餅費, 要求點個火咁小事都要比人鬧, 講緊係侍應鬧客人喎! 最奇怪係成個過程都無經理介入, 好似無皇管咁. 食物質素普通, 枱與枱之間好迫, 服務同禮貌都咁差勁, 我哋以後都唔會再幫襯(埋單時五十元照收, 附上嘅一百元贈劵都無要, 因為無下次), 免得貼錢買難受!