西湖春天食府 (已結業)

This place was recommended by friends. I love dumplings and northern Chinese food, so I thought I'd give it a try.We had a late-ish dinner there on a Sunday and was given a table by the window, the view was nice as all the buildings light up at night.Service was average, but the lady owner (She was not in an uniform!) was good at recommending unusual dishes. We were happy that she didn't tried to sell us the Shake Fin soup or other expensive dishes on the menu.I've had better "siu long bao" else

佐敦地帶, 柯士甸道與彌敦道交界的一座商業大廈, 全座皆食肆, 今天上了最高的一間, 11樓, 上海菜品種加粵式飲茶, 景觀正, 安排坐在窗前, 太陽晒, 略熱, 幸好天氣涼, 尚可以, 先來一籠蝦餃和鎮江肴肉來試一試品質, 蝦餃略為大了些, 蝦味不足但肉質口感彈牙, 加上皮厚簿適中, 不差啦, 鎮江肴肉, 透明部分略多, 咬落彈口但肉質口感不足, 吃了才叫其他的點心, 脆皮雞半隻, 皮十分簿, 炸得剛好, 外脆內軟, 炒飯比想像中細碟, 蝦多但細隻, 炒得干身, 飯質一粒粒可見, 锅貼煎得不夠香, 底部顏色還是淡淡, 皮實實, 但肉質不錯, 可惜, 义燒包十分出色, 以上海包式外表, 皮極軟熟, 內裡材料交足功課, 接近全瘦义燒, 多而汁論中, 查看原來是大點, 難怪,

事關北京酒樓等到儍, 才有今次既第一次. 第一个 GOOD o係老板娘既服務, 需然有DD hard-sell 但勝在態度好. 尼家片皮鴨都不錯, 睇上去都幾靚, 又不太膩 青瓜仲好fresh 小籠包: 入口香甜;皮厚ok;但裏面D湯比較少. 其它小菜都OK 但細 portion. ps: 剛剛先見到 OpenRice優惠券

朋友生日, 相約了在這裡吃飯, 見到dinner 食評好像一般都有點兒擔心,不過今年夏天才在這裡吃過lunch(飲茶) 感覺上服務很好, 所以決定再試夜晚.這裡值得推介是沒有限時, 一整晚任坐, 待應們的服務都很好, 我們買了蛋糕, 雖然要收hkd 50切餅費, 但這裡的待應很細心, 先讓我們唱過生日歌許過願拍過照才拿回去幫我們分件 (這個是雪糕蛋糕來的, 要分件其實都好辛苦架)食物方面推介北京填鴨, 糖醋排骨. 雞絲粉皮 北京填鴨真的好好吃, 皮很脆, 而且(hkd 298) 還能送多一個餸, 所以我地也點了選單下的糖醋排骨, 排骨很入味肉很林.砂鍋雲吞雞(半隻) 是hkd 98 也是送選單下的餸,我們也就點了臘味抄芥蘭. 另外也點了回窩肉抄年糕, 葱油餅 , 不過這些就一般了.

今日夜晚見金山爆晒, 所以上左黎食, 點知佢做緊中秋, d 野食勁貴, 又冇乜得揀, 不過開左茶冇計,叫左:1. 韮黃鱔糊 ($88), 呢個係全晚最正常既菜 2. 帶子西蘭花 ($78), 帶子有雪味又韌, 同0係屋企冇走油就咁煮既一樣 3. 賽螃蟹 ($68), 得 d 蛋白同少少瑤柱, 冇料既, 又冇蛋黃撈, 又淡 真係0係屋企煮好過

我和朋友2人於8/8/09晚到西湖春天吃飯，怎知吃了一肚火！ & 首先，在倫敦廣場地下西湖春天的廣告說有砂鍋云吞雞HKD 98（見圖），上到西湖春天開了茶以後，才說不是那個價格，要多一倍！至於廣告說的買一送一，又話無做了！我們叫了二人晚飯套餐！個餸的碟之直徑只有2支牙簽的長度 （14 cm) !!!! （請看圖！！！）我以為是前菜！！！我們覺得不妥，於是便叫經理來，怎知，來了個曾經理,態度非常惡劣！最後便無奈找數 HKD246！！！只想借此與大家分享，叫大家小心！

剛剛去完西湖春天，在這裡吃晚餐，因裝修不錯，吸引我到這家飯店吃晚飯，結果。。。！2個人，點了個2人套餐，結果來了幾碟直徑只有2根牙籤大的餸菜！埋單共HKD 246. 菜單內容和食評：醉雞 - 只有6件雞胸，酒味怪異，很難吃！！鎮江排骨 - 上菜不夠熱，太濃醋味，不過排骨大部份是骨，很小肉，要減肥應該尚可以賽螃蟹 - 大約每人份量=2口子應該吃完，因為淡而無味，實在難以入口，這個份量可算環保，不然太浪費了！小籠包 - 每人兩件 ，不夠熱，味道一般報告完畢，是時候煮公仔面啦！同時罰自己抄寫以后不要再去西湖春天吃東西！

在深圳試過西湖春天，其醉雞和東坡肉確實一試難忘。好耐之前已留意到佢「紮根」於佐敦站附近，但久久未去嘗試。直至母親大人與朋友試過西湖春天的特價 TEA 後，才的起心肝一試。是日叫左八樣點心，詳細食評如下: 開洋蔥油拌麵: 本是簡簡單單的拌麵，但被炸乾了蔥花散發出一陣陣的香味，再加上適量的蔴油，實是一絕。最初覺得味道比較淡，但越食越覺得佢好香，食到停唔到手。 豬潤燒賣: 豬潤不屬爽口，但卻煙靭鮮甜。而佢既燒賣餡乃是由豬肉、蝦餃和冬菇製成，肥豬肉不多，但蝦餃如果整得再彈牙一點便更好。 鮮蝦賽螃蟹餃: 可以用「包簿餡靚」黎形容。賽螃蟹的蝦鮮甜彈牙，而蛋白亦很滑溜，推介之作﹗ 叉燒包: 用北方大包形式的粉糰製成，較厚較鬆軟，其賣相亦似「山東大包」。而餡料則是傳統的叉燒餡。味道則與一般茶樓的差別不大，唔錯。 $3.8 山竹牛肉球: 每天均有一款精選點心，$3.8 一籠，試過有豬手，而我去果日就係山竹牛肉球。佢大大個，但絕無將貨就價。佢蔥味會較濃，如果唔鍾意食蔥就要留意一下。 鮑粒千絲蘇: 爽口，香脆係佢既特色。雖然被脆脆的皮包著，但其餡料亦十分 'juicy'，鮑粒鮮甜，唔錯。又是一值得推介的特

因為Happy Hour 時已吃了點東西，過後在老尖轉了數圈後才吃晚飯，因為上周杭州酒家滿座，預早也訂不到枱，今天便想起了在附近的另一杭州菜館西湖春天，近日天氣漸熱，最適合吃清淡口味的淮揚菜，今天客人稀疏，沒訂抬也有一張靠窗的細枱，可俯瞰彌敦道的街景。由於只有兩個人，又想吃多幾款菜，散叫份量相對較多怕會浪費，又不想傷腦筋，便點了一客二人套餐，這套餐包每人一盅宋嫂魚羹、醉鷄、賽螃蟹、小籠包和糖醋排骨，有四餸一湯都算幾豐富。宋嫂魚羹宋嫂魚羹是一道杭州名菜，菜名中的宋嫂是真有其人，她原是北宋汴京（今河南開封）的一位民間女廚師，以擅長製作魚羹而聞名汴京，因為嫁給宋家排行老五的先生，而被大家暱稱為宋五嫂，後來宋遭遼人入侵，隨宋室南遷至臨安(今杭州)而搬到杭州，因為受到宋高宗的讚賞，而揚名於杭州城。 這宋嫂魚的材料非常豐富，有魚茸、蛋絲、筍絲、豆腐絲、香菇絲、薑蔥絲及火腿絲等，加上紹酒、浙醋及胡椒粉調味，味道入口非常鮮甜，一丁點魚腥味也沒有，又很有營養，是我很喜愛喝的一味湯。醉鷄鷄肉非常嫩滑又不黐胃，皮下脂肪薄得見不到，不怕連鷄皮也吃下，加上紅色的紹興花雕酒香味，色、香、味俱全，真是一味不可多

同舊同事, 現在已成為朋友聚會來呢度因為就腳, 散水方便因為我第一次來, 所以交俾朋友發辦生煎包 $28三隻, 幾好食, 但價錢好貴, 等同酒樓的超點桶子雞 都唔錯煎黃魚, 冰鮮貨仔, 不過d汁幾濃, 可以掩蓋雪味, $138好貴雪菜肉絲炒年糕, 好淡口毛豆百頁, 清清地幾好食炸菜肉末叉子燒餅, 味道一般東坡肉, 特價 $10一塊, 呢個讚啦, 炆得"林" 又唔算肥膩甜品, 桂花糕及豆沙窩餅個一碟連茶芥加一, 再減左 100蚊 coupon, 都要 $570價錢頗貴, 但好在食完再坐左成個鐘都無唔會趕你走 (因為只係七成滿座)和舊同事談天說地, 侍應們不短加水都無黑心算係唔錯了環境ok, 但廁所又細又濕, 麻麻地

星期日去開佐敦,唔知食乜,走去倫敦廣場昅吓,果度選擇多,唔想飲茶最後揀咗呢度,點幾鐘都唔滿,雖然話食京川滬但有好多廣東點心.潮流興集大成.叫咗個$88套餐包油棻,小食,粉麵,點心各一,另外又叫咗紅油抄手,窩貼同擂沙湯丸.油棻好大碟,出乎意外,雞絲粉皮就OK啦,不過雞絲少D回鍋肉炒拉麵就好正,回鍋肉好好味,D麵又好入味上海春卷就痲痲,雖然係即炸但裡面D餡料較濕,好快淋紅油抄手,窩貼都係普通而巳擂沙湯丸就差D,好實吓.食物質素整体都唔差,向九龍公園景觀又靚,可以番頭.

這天約了朋友在尖沙咀食飯，想起已很久沒有去西湖春天吃飯，便又去這裹吃杭州菜。 上到樓時見客人較疏落，安排坐了一張望海方向的檯，可遠眺彌敦道的景色。朋友掛住煲電話粥，落單全由我發辦，在詳細看了一偏菜牌，不想吃套餐便自行在菜牌中挑選以下幾道菜。醉鷄: 用紹興酒浸著嫩滑的白切雞，鷄皮下沒有皮下脂肪，入口帶清香的紹興酒香味。松鼠黃魚: 最近做特價八十八元一尾，正價要百多元，用約一斤重的黃魚在表面用刀十字花再下鍋蘇炸，再淋上酸甜醬上檯，魚肉炸後依然嫩滑，在碟上像在水上翻騰的樣子，造型食味俱佳。蒓菜魚片湯: 這是一道很地道的杭州菜，蓴菜是生長在西湖底的水草，通常用西湖內的草魚片或魚丸煲湯，湯內下了很多筍絲、薑絲、草菇、什菌及醋跟大量魚片同煮，一窩足夠四個人用，味道非常清新可口，今天只有兩個人，每人都喝了四碗，是我推介的一道湯。小籠包: 一籠有五隻，用筷子夾著薄皮的包子搖晃可見肉汁在包內流動，這都是上品的特徵，味道絕不亞於名店"等太瘋"，吃它就不再叫白飯。幾味菜雖則份量不少，但食味都很清新不油腻，非常適合在現時炎夏時享用。

知道朋友訂左位係呢度食飯,我即刻上OR睇食評,發現好多人話服務唔得,都驚驚地,好似分分鐘會俾人鬧咁,但係又無野喎,服務無乜大問題,不過係落漏左一個order(本來叫左上海粗炒,但無落到單),個經理同侍應等都好客氣,無唔禮貌既情況發生。反而,價錢比我想像中貴就真!我地七個人,點左六人套餐,包括三小碟,松子魚,燒元蹄,脆皮雞,火腿津白,小籠包,桂花杞子糕等等,我地揀左配砂窩雲吞雞($598)加多個回鍋肉炒年糕,仲叫大一幾碗白飯(因為用松子魚既酸汁撈飯好正!),實在係非常之豐富,大家都食唔晒!三小碟最好味係雞絲粉皮,其實呢碟真係無走雞,成日都咁好食,芝麻醬香,粉皮滑,雞絲嫩,如果有一間餐廳連呢味都整得唔好食,就真係好唔掂,所以呢味最快搶晒;薰魚唔得,唔夠乾,太多汁,唔夠香;另一碟係筍之類,唔好味,唔愛歡迎。松子魚勁好味,十分搶手,個皮又脆又薄,肉又唔係少喎,其實最好味係個甜甜酸酸既汁,一定要用黎撈飯呀!燒元蹄外層好肥,但係我專揀裡面既肉食,好腍好香,夠肉味,唔錯!脆皮雞多肉少肥呀,難得難得,個皮又真係幾脆喎,幾好呀!火腿津白竟然油左d膩左d…估唔到。小籠包唔算高水準,皮唔算薄,不過OK咁啦!

剛才我睇到之前有2個食客既評語, 簡直身同感受, 尋晚同朋友慶祝生日, 去左呢間服務態度極差既食肆, 我地叫左個4人套餐之後, 餸菜陸續送到, 我地當然一邊傾偈一邊食喇, 就食到一半既時候, 有個經理走到我地張枱, 望住枱上既菜指指點點, 於是我就多口問一句, 係咪少左, 之後佢話吾係少左, 係比多左一碟"雞絲粉皮", 然後佢指示其他侍應過黎收番, 於是我問已經食左一半, 何況係你地既錯, 無理由收番, 佢跟住用極吾禮貌既態度同我地講, 就係因為套餐裡面係無既, 所以要收番, 如果你地繼續食既就要收錢, 仲執問我地仲食吾食, 我地聽完之後簡直嬲到上心口 為左一碟食左一半既"雞絲粉皮", 可以得失d客人, 如果本住服務至上既態度, 可以用另一個表達方式, 令客人滿意舒服!!

今日去食生日飯，味道認真麻麻，而且都唔平，唯有勝在人唔多，又可以坐得耐。食左好多野，記得幾多就寫幾多啦。1. 黃金蝦，難食。因為黃金蝦係指用d「鹹蛋黃」包住d蝦仁來煎，我個人就非常唔好鹹蛋黃，因為味道實在太重，完全搶晒蝦味，而且油到不得了。2. 薑蔥羊肉，普通。羊肉好少，薑蔥好多，而且我又唔多好羊肉，食左少少，味道好鹹，普通貨色。3. 水晶餚肉，難食。味道非常鹹，好似用鹽醃過，雖然賣相幾靚，但係唔好食就無用啦，連我d「食肉獸巴打」見到都唔食多舊。4. 醉雞，無酒味。雖然切既雞位幾好，係雞髀位，肉都算滑，但係真係一d雞味都無囉，如果咁叫醉雞，我寧願叫碟切雞好過。5. 宋嫂魚羹，較淡。呢個我見到都以為幾好，實際就好淡，我食野其實要求唔高，味道恰如其份就好，但呢個就真係淡d，而且都幾稀，加上料好少，麻麻。6. 炒年糕，好淡。除外有咬口之外，我完全食唔到咩野味道。7. 小籠包，幾好。呢個係我個人覺幾好既一味，雖然我只係食一粒，但係都feel到裏面多汁，味道幾鮮。8. 炒鮮菌，難食。一句講晒，好油。9. 北京烤鴨，ok。一般水準，還可以。最後切生日蛋糕要收切餅費50蚊，唔抵，不過都無計。