西沙茶座 (已結業)

星期日返完教會，兩口子無野做，所以想住搵個地方行下hea 下食下野，行到去巴士站，見到有車去烏溪沙，就提議去西沙行下（其實之前楂車去過，但果次太多人又無位泊車，所以走左）由於去到都兩點幾，所以無乜人，即刻有位入座其實泰國菜係我喜愛，但因為第一次來，所以隨意叫了比較普通菜式來試下先來個泰式小食拼盤：個蝦餅都外脆來軟，都算ok個魚餅食落有點鬆散，同有點咸，味道一般個泰式醬，有陣番茄味，有點怪泰式紅咖哩牛肉煲：好傑有點咸，沒有辣味，所有配菜同牛肉都入唔到味芝士薄餅：出奇地好食，好香芝士味又幾脆，用來點咖哩，個咖哩即刻好食左，俾個話明要hea 下又食左咁濃味野，梗係要啤啤佢啦（難得我無楂車）總結來說，去得西沙行下hea 下就無乜太大要求，個芝士薄餅算是一個驚喜

假日到西沙吃泰菜～野味冬蔭公（細）多蝦，菇～～兩人各飲了4碗偏愛吃羊 所以點了烤羊肉賣相好似好濃品 但食落只是一般 亦有點硬。醬汁是淡芝士香草吃了一條已經好滯.....青咖哩魚 配招牌烤餅好好味 又好香～～～yummy被羊肉ko了，吃剩的外賣帶走了。

點左 泰式春卷 泰式金邊粉 泰式蟹肉炒飯野飲 椰青奶昔 菠蘿汁七喜 野飲好快到但等左好耐先出泰式春卷 春卷算唔錯!泰式金邊粉好耐先出😕賣相算唔差 但味道真係差 淡而無味😧泰式蟹肉炒飯 更加係我話賣單先入廚房急急腳炒出黎因為d飯仲係濕濕地 痴埋一舊賣相無特別 唔講唔知係蟹肉炒飯食落又係淡而無味😰椰子奶昔只有甜味😖菠蘿汁七喜算唔差但整體 唔會再幫襯

尋日都唔知做咩事,神早流流同老公揸車去西沙甘遠食,無諗過原來晏就都有十幾張檯食緊,對上一次黎應該都成十年前,而家睇下個MENU都唔平,餐前小食,有炸米粉碎,蝦乾,花生,蝦乾食落幾香幾好味,其他都脆卜卜,而家呢D天氣,坐出面咪曬親我,所以都係坐入面好D,不過冷氣唔係好夠,好彩叫左個椰青係好凍既者,大個,凍又甜,好多時係出面飲既都係細個,又唔夠凍同甜,沙嗲豬雞串燒,我覺得麻麻地,無咩豬同既雞既味,個沙嗲醬甜甜地,有一粒粒既花生粒,薯容烤餅,平時食開烤餅多數都係蒜容味,牛油味,原味,好少有香蕉味,菠蘿味,同埋薯容味,食過真係有啖啖既薯容,味道唔錯,不過應該蒜容味會香好多,其實就甘食呢個,都會有D飽,雜菜粉絲煲,好搞笑,感覺好中式,因為係南乳汁,粉絲有D少,味道唔會太咸,都唔錯,泰式炒粉,酸酸甜甜,似金邊粉甘,D蝦好乾好硬,D蝦肉咬唔甩,魷魚筒,有D野釀左入個魷魚筒到,味道唔錯,伴碟既菜,同雜菜煲入面既一樣,因為食唔哂,要外賣盒打包,問佢地拎,佢地俾完盒,即刻隊埋本野叫我地賣單,因為我同老公都覺得,我地仲有好多野食緊,未食完,所以無諗住甘快叫埋單,佢就一直企係對面,企左兩分鐘左右,我就話我地轉

星期六下午駕車經過西沙，見經過多次都無食過，盡管試一試，點了炒雜菜，細拼盤(有蝦餅，乾過我荷包嘅荷葉包雞同不知什麼圈，各兩件）同芋頭海鮮焗飯。頭兩樣都是普通味道，不算好味，最差是個焗飯，焗飯不是應該熱騰騰嗎？點知飯係常溫，一點都唔熱，飯上面係有些青口同粉漿魚，好似粟米班腩個種。但裡面當然不是班腩啦！上面的所謂海鮮係熱，好明顯炒熱左就咁放在飯上，完全無焗過啦！呢個飯真難食，食了三份一就放棄。加多杯青檸梳打，多謝承惠四百大元。價錢不是問題，只是又貴又難食呀！

昔日拍拖、假期飲食的理想地點！昨晚，星期日，與老公及友人在馬鞍山聚會完畢，一起過來，預計無訂座都要等位。餐廳只有三成客人正在用餐，環境有些雜亂，感覺麻麻地，有2位菲籍男仕表演音樂及唱歌中😬。先點啤酒，發覺一枝細啤要$45-$48，幾貴囉，後來經server 介紹ordered 一 jar, $118. 我們分別ordered 柚子蝦沙律、雜菜咖喱角、泰式炒椰菜苗，正想継續order 之際，個 serve 話：你們食完再叫啦（她原來係我們的救星）！那三碟所點菜式，真的難食柚子又硬又乾，全碟只有2隻細蝦，只拌了酸甜醬就算！咖喱角普通不過的小食都炸不夠🔥！又係用蠔油豆豉醬炒老椰菜（不能夠講係苗）！知道大家生意難做、但更加要把關做好、客人失去、好難有回頭！

好多次都想食，决定襯今次機會去得成，又有免費泊車，good!價錢合宜相等分量，但我們叫三款：椰汁焗飯，細型雜錦併盤，泰北咖哩雞煲椰汁焗飯：炒飯底，可惜好淡，吾油好耐熱雜錦併盤：蝦餅、魚餅、烤雞一定要配泰式辣醬，吾係沒味！咖哩雞煲：香甜咖哩及椰奶香，滑滑雞肉和少許薯菜，配飯一流！(下次轉試咖喱牛腩)多年沒黎，環境依然沒變，當曰每枱一家大細  代客泊車，係免費啲，貼士隨心！待應一般，等好耐才埋單，食物仍需改善！

印式咖哩蝦+牛油烤餅($109+48)Lam脷: 4/5抵食:3/5相機: 4/5Vi好中意去西沙茶座食野,環境好d野又幾好食又唔洗等位,呢個印式咖哩同烤餅係Vi必點之一，印式咖哩用鐵盆上，下面有蠟燭燒住唔怕凍，咖哩少少辣，味道香濃重點係要以烤餅沾黎食,呢度d烤餅好正，係用炭爐烤，同普通出面泰國菜果d薄餅唔同嫁厚身d, 微脆而帶點包既韌度，Vi最中意香葉炒辣田雞腿($100)Lam脷: 5/5抵食: 3/5相機: 4/5呢個炒田雞腿又係Vi最愛田雞腿大大隻啖啖肉，連埋個辣辣地既醬汁好惹味係一款簡單又好味既菜,田雞腿都幾多件，3-4個人食都夠魚露生蝦刺身($142)Lam脷: 3/5抵食:2/5相機: 4/5食泰菜梗係要食生蝦刺身,呢度既生蝦刺身浸滿醬汁，睇落好吸引,但食落超辣辣到Vi頂唔順不過生蝦夠凍亦爽口,食得辣既朋友應該會中意椰汁西米糕($52)Lam脷: 3/5抵食: 3/5相機: 3/5呢度既椰汁西米糕水準較飄忽，一時太淋一時太實,但味道都係好食既,椰汁味濃，不過略嫌下面既西米比例太多

星期日雖然天氣麻麻，但係我地一家人照舊都會約埋其他屋企人一齊SUNDAY聚。今次阿姨揀咗去西貢方向近烏溪沙嘅西沙露天茶座，出動一架7人+5人車入去，門口免費代客泊車，非常方便。泰式生蝦，蝦好爽口，醬汁亦調製得非常惹味！串燒，牛肉一定最少要叫半打，豬雞就可以自由配搭，燒得好香，肉汁又冇流失，最緊要係冇過份醃製。冬蔭公湯，大大隻蝦，酸辣比例控制得好好！燒烤牛仔骨，最驚喜嘅一碟，全部人都讚不絕口，燒得好香，都嘅肯定係用炭燒，又淋又入味。北印度咖喱羊肉，非常好食嘅咖喱底，羊肉又夠騷味，點薄餅食就最啱。蒜蓉炒芥蘭，唔掂，淥熟先再炒，差！馬拉盞炒通菜，呢個正常好多，好味！菠蘿焗飯，好鍾意佢加咗一D泰國香腸片，非常好味，平時唔喜歡食菠蘿焗飯嘅我，都食咗兩大碗。食泰菜，當然一定要配啤酒啦！

每個星期日都要好好諗吓帶老婆同寶貝女去邊度玩，真係諗到頭都大埋。今次上網SEARCH先知原來西沙茶座對面有個小石灘可以捉吓蟹仔同放紙鳶。地點安排好，就即刻揸車去。今日天氣非常酷熱，去到放低部車比代客泊車就算。今朝冇食早餐所以午餐就點多D。招牌咖喱羊肉，呢個係我係西沙茶座嘅至愛，通常我都會叫加辣，再配埋佢哋自家製牛油薄餅，一流！必食推介！濕炒蝦河，呢個今次有少少失準，個汁埋得唔係咁好！河粉依然炒得好香好爽。泰式蝦餅，蝦膠彈牙爽口，一食就知係即日手打貨色！泰式串燒 ， 豬肉醃製得好好味，肉亦都肥瘦適中。之後餐廳仲叫我哋放架車係度，落去石灘玩完先返嚟挪車。呢＄20代客泊車費真係超值！

女友生日, 但要到外地公幹, 唯有早一天慶祝。可惜兩皆懶惰, 未夠正午也不願起床, 結果只好簡單遊遊車河。開車往西貢方向, 必經西沙。路邊打著不少悠閒攤檔, 正好餓著, 就泊車內進。原來茶座打著明爐泰式燒烤, 泰越菜式。泰式生蝦, 例牌必點。生蝦用料一般, 肉質偏淋。但汁醬調味不錯, 酸辣甜而少辣, 邊旁苦瓜涼而甘。冬陰公一小碗, 兩人夠食。有酸有辣但嫌不足, 蝦肉一般, 湯身輕, 香茅月桂不錯。泰式炒貴刁, 調味太甜。但貴刁有韌度嚼勁, 香蔥花生惹味, 芽菜爽口, 份量平衡。可惜另加的辣粉已走氣, 味道呆板。最後一個炭烤羊脾肉是最差的, 肉汁已乾, 質感嚡而韌。只可加上檸檬汁才感濕潤, 紅甜椒粉香料明顯, 但薄荷汁太淡。兩人午餐, 埋單近$600, 感覺有點不值。另外一提, 繁忙時間代客泊車收$20。可是並無明確指定何時是繁忙時間。西沙茶座西貢西沙路十四鄉泥涌村10號Cposted from Bloggeroid

遠望已經好吸引,今次搭的的士入去香矛雞翼味道有d似咖哩雞翼 個汁係酸辣醬 兩樣野幾夾雞都幾滑串燒好好味' 個汁甜甜地 意外地夾而且燒到好香 但又唔乾身蒜味餅, 好香好脆 不過份量多d會好d有d似西餐既蒜蓉多士 正!青咖哩 , 唔多辣, 對唔太食得辣既人黎講好正不過d肉就小佐d , 果到既配菜好好食d汁點薄餅更正!另外都叫但菠蘿飯同芒果糯米飯 兩個都好正特別推薦芒果糯米飯,佢係果白糯米 芒果又甜,口感唔會太漏餐廳氣氛好好 有人唱下歌咁

遠望已經好吸引,今次係搭的士入去香矛雞翼 味道有d似咖哩雞翼 個汁係酸辣醬 兩樣野幾夾 雞都幾滑串燒好好味' 個汁甜甜地 意外地夾 而且燒到好香 但又唔乾身蒜味餅, 好香好脆 不過份量多d會好d 有d似西餐既蒜蓉多士 正!青咖哩 , 唔多辣, 對唔太食得辣既人黎講好正 不過d肉就小佐d , 果到既配菜好好食 d汁點薄餅更正! 另外都叫但菠蘿飯同芒果糯米飯 兩個都好正 特別推薦芒果糯米飯,佢係果白糯米 芒果又甜,口感唔會太漏 餐廳氣氛好好 有人唱下歌咁

小時候乖299入西貢, 總是會經過西沙茶座, 每每被門口那尊四面佛吸引, 覺得好利害, 還未吃已感到很” 泰國”了!現在西沙還是我家飯堂list中其中一間來! 天氣開始熱了, 又是食泰國菜的時候,猛然發現竟然沒有在文章介紹過, 於是復活節吃過後, 馬上出文!西沙茶座的冬陰公湯是我暫時飲過最合我口味的, 夠酸, 夠香, 非常開胃前菜:炒椰菜苗:好甜炒雜菜(Rei 媽很喜歡吃綠食東東, 所以菜比較多)蒜容煎餅原味煎餅這是我家每次必點的, 沾咖哩汁一流, 很香,也很飽肚紅咖哩雞有點不夠香(因為我在印度吃過正宗印度紅咖哩, 所以,很難在香港找到我認為夠香的紅咖哩) 不過這個沾煎餅還是很不錯, 而雞的大小剛好,又無骨, 懶人如我非常喜歡飲品:我個人比較喜歡青檸梳打不過今日食未為最抵, 她們家有lunch 任叫任食, 才百幾元/人, 很抵食, 可是時間有點麻煩, 是閒日, 像我這種要番工的人就很少機會可以吃到了….p.s: 西沙還有一個selling pt 就是可以讓我這種狗奴帶主人來就此, 多謝收看(鞠躬) 

星期日，周圍都要排隊，唯有去呢間。平時對呢間餐廳都好有信心，一入座，就有餐前小食。有碎炸米粉、花生、魚乾仔，但可惜又爛又漏氣。輪到睇餐牌，d價錢提高晒。叫左個青咖哩雞、蒜蓉薄餅、香蕉薄餅、濕炒雞河、菠蘿焗飯、燒豬頸肉。帶位果個阿姨最好招呼，落單完全唔係寫，靠記憶，好厲害。豬頸肉同薄餅最早到。豬頸肉算油，但食得落。薄餅太厚，已經唔係薄餅，係面包，但都每份$44。濕炒雞河太濕了，好似湯河咁。等左大約二十分鐘，個青咖喱同菠蘿焗飯好耐都咪黎。原來佢地係想等埋隔離果d，因為隔離檯都叫左。廣返個青咖喱，一d都冇咖喱應有嘅香味，水準急速下降！菠蘿焗飯有肉鬆、提子乾、臘腸topping。但d飯唔乾，太濕，淋晒。叫待應冇個聽到，十叫九唔應。總之呢間餐廳唔會再去，大失望。