西沙茶座 (已結業)

今天揸車四處兜風，到tea time 又諗食咩，我呢一代既姨姨，就即時想起西貢西沙茶座。其實西貢市中心會更多野食，不過難泊車，所以就去左西沙侍應問我地坐室外定室內，我地話室內，於是佢就安排左位於室外，帆布下的「室內餐廳」，有冷氣既，環境唔錯，有氣氛，但係就有好多蚊蟲，不停飛去D食物到，我腳都多左幾粒蚊咬。所以坐得唔耐，其實我地想慢活一下，歎完首杯house wine, 春卷後，想再order 多杯wine 同其他小食，但係實在太多蚊咬，所以坐左陣就走了。我倆只食左春卷配生菜，即炸，春卷皮顏色唔黑。青檸香茅凍飲就普通啦，因為冇香茅味，只飲到青檸味，見有香茅乾係杯中，但可能冇加熱過，唔夠味。價錢比起九龍城，荃灣，佐敦的泰菜館貴，另有加一服務費，但只提供一包濕紙巾，無餐巾提供，要加$3買左包Tempx tissue, 不過呢到勝在泊車方便！

慶祝母親節，老遠嚟到西貢！見仍未天黑，首先去附近行過圈，環境優美，適合拍拖。🤣🤣🤣食物：😋😋😋1）泰式豬頸肉，好香，夠林，而且好入味，感覺好正宗。2）飲品偏貴，所以叫咗椰青，價錢$44 ，不過真係好好味，好飲過喺超市自己買好多。3）印度薄餅，原來出面有個印度師傅即場整，好軟熟，好味！4）明爐魚，一般5）蒜蓉炒空運椰菜苗，好喜歡吃這個椰菜，爽口，同埋因為平時好少機會有得食，特別矜貴6）粉絲蝦煲，大大隻蝦，粉絲亦都好入味7）椰青焗飯，充滿椰青嘅香味，仲有蝦青口魷魚，啖啖海鮮8）最後梗係要食個甜品，椰汁糕味道偏淡，西米糕就好好味有免費泊車，下次可以考慮再嚟✅。不過食緊飯嘅時候，拍死咗幾隻蚊，啲蚊超級大隻，雖然有蚊香，個心都驚驚地。😅

呢間都算係幾癖既餐廳，平時自己都好少黎呢邊，只不過有個朋友住呢頭附近，過休閒既下午行下行下就黎左呢到，一見到個門口啲裝飾擺設已經好有泰國感覺，直情餐牌都唔洗睇已經知佢地賣咩野食，難得黎就試下啦，首先第一就係環境感覺好好，除左因為佢係鄉村之外，仲因為佢餐廳裏面地方好大，位置好多，完全唔會有要快啲食完快啲走既感覺，好啱成班朋友一齊黎食，我地叫左烤餅，個蒜蓉烤餅係我食過最好食既烤餅，聽講係店主自己手打手搓，好香口，椰青亦都好甜好正，食啲咸野配椰青飲落舒服曬，至於串燒配個沙嗲醬都好好食！而黃咖哩雞味道都幾好，甜辣適中! 

今日下午去西貢市同朋友食海鮮，之後係西貢市行咗一陣，回程時經過西沙路西沙菜座見好多年未黎呢度食過，對上嗰次已經係7年前，生日嗰個朋友之前又話想食泰國菜，大家又唔多想去到九龍城咁遠，即管黎呢度食晚餐，呢度主打泰國菜又有啲印度菜，菜單上啲菜式種類同之前差唔多，食物整體黎講都好味道同環境氣氛都好，而且晚上仲有菲律賓籍歌手唱歌，最緊要係主角話有得聽下生日歌，我地過咗個開心晚上，下次有時間會同家人再黎食過。

第一次寫食評，文筆較為差，希望咁多位唔好介意。話說本人琴日同朋友黎左呢間餐廳食lunch，整體黎講我好滿意間餐廳食物水準。講下個蝦餅，我自己覺得岩岩好唔會太鹹同時又食到蝦嘅味，最重要係食落去唔會覺得好油同食落去口感好彈牙。至於個pad thai, 食落去唔油，呢點對我呢個偽健康人士好重要XD。雞肉分量夠多，同外面d餐廳相反，外面食pad thai成日俾我嘅感覺係純炒麵無咩肉食。呢到俾我感覺唔會偷工減料。至於炭燒泰皇雞，夠入味，最重要隻雞唔會被燒到d肉好乾。最後到個芝士烤餅，味道就唔錯，不過如果分量多d我地會食得開心d。價錢貴唔貴就見仁見智la，我自己覺得呢個價錢係香港食泰國菜係合理 而且食物質素唔差。

今日放假同朋友想去郊遊就揀左呢個泥涌諗住輕輕鬆鬆睇下海影下相期間有個跑步呀伯來回幾轉見我地影得咁開心同我地搭左兩個咀原來佢話佢係西沙茶座老細但我地講佢開呢間茶座既淵源傾左一陣就走左喇我同朋友郊遊完都要搵野食就姑且試試佢啦一開始我以為西沙茶座係樓上雅座d fd係食西餐點知來到先知係食泰菜入到店內坐低因為都有蚊蟲朋友覺得唔算舒適食物方面我地叫左冬蔭功生蝦刺身青木瓜沙律生菜包食物質素合符水準只是價錢未算好抵入來食可能因為附近無咩選擇如果係市區就未必會揀呢到

一直以為西沙茶座好有特色，點知今日去食就totally 中伏，只係食個下午茶姐要成二百幾埋單，兩份茶餐，一份雞肉清湯河+一份炒貴叼+兩杯餐飲，個湯河粉同雞肉份量超少，湯真係清到冇味，我太太食完都要去第間再食過，至於炒貴叼個粉量又係好少，用隻碟仔，真係茶餐廳都整得好過佢，而且炒到超求其，完全唔值，高級餐廳質素比返高級餐廳價錢非常合理，但高級餐廳既價錢但比茶餐廳更低既質素，仲要只係路邊村屋餐廳，點值兩舊幾呀。

今日天氣好，打算搵間露天茶座去下。醒起西貢西沙茶座，就過來坐下。西貢過來一條直路，幾易搵。去到門口突然有人示意代客泊車，咁都得！？入去坐底，有2-3台客嘅。睇下有咩食啦。打開餐牌，價格成間高級餐廳咁，叫杯野飲四、五十蚊，叫個小食閒閒地$100一場來到都隨便叫小小啦。所幸食物都入得口，咖哩幾好味（不過唔辣）。但性價比真係低⋯一間路邊茶座都要收茶錢、小食錢。收到高級餐廳嘅收費，但問阿姐要紙巾話收我$3包，真係佩服！

呢度附近除左呢間西沙茶座，就冇任何餐廳。本來聽個名以為係一間普通茶餐廳，諗住玩完去坐下涼下冷氣食個下午茶餐。點知去到先發現唔係一間茶餐廳，不來係一間泰國餐廳。反正都有少少肚餓又諗住坐下，所以就照入去食少少野。叫左泰式生蝦，炸蝦餅同一個炒飯，都好好味。估唔到係一個咁偏僻既地方都有一間咁有水準既餐廳。最後，叫多左個甜品— 香蕉🍌薄餅見佢幾特別，就叫黎試下。果然有驚喜咼，薄餅中間有一層香蕉蓉，真係好香，推介呀～～不過相比起食物，野飲就唔抵飲，普通菠蘿冰珍多冰咁都要四十幾蚊，個人認為寧願叫多樣野食勒～～

聽朋友講好食，專登同老公黎試，大失所望。一坐低叫左3個餸， 馬拉棧炒菜$79， 咖喱蝦$117， 薄餅$49， 每個菜都有加一$14 ， 叫咖喱蝦時個職員問我個蝦要咩汁，我話唔太辣就ok。炒菜同蝦同出面泰國菜差唔多，唔係特別，d蝦仲有d霉，老公話百幾蚊係咁上下。埋單一睇$557， 跟手睇單佢幫我落左$330果種，跟住問個老闆，老闆叫左落單個職員黎跟住走左，個職員話唔落都落左，你都食左 我打工架咋。之後老公話唔好拗，嘥氣，應該經常係咁。呢間野真係可一不可再

我第二次黎西沙茶座，之前係N年前，今次又有一番新風味!平時通常都係炭燒豬頸肉點這個汁，今次用咗豬扒就冇咁肥膩，非常好!這個沙律甜、酸、超辣都齊，我最鍾意食裏面既蕃茄仔，貪佢吸哂D泰式汁之後仍好清甜!炒椰苗:好夠火喉， 炒得好翠綠，又能夠散發出辣椒香氣，同時亦感覺好清辣! 我極度推介呢個咖哩蜆比大家，必定要食，個咖哩味香濃好食到停唔到口，再配埋D薄餅，真係好正!芝士味、蒜頭味、原味薄餅，三個口味既薄餅去點個咖哩，竟然可帶出獨特嘅味道😋超Yummy!泰式生蝦:而家都比較難食到好味嘅生蝦，呢到都係一般!

同屋企人食生日飯 同行13人叫左12個餸 諗住好好食餐飯 都唔抱太大期望一開始點菜就呼呼喝喝咁問食乜 興致先減一半 算辣椒炒椰菜苗唔辣得個咸 小食拼盤極油豬肉咖哩隨便3 4片豬肉外加一堆填充物就算最差係服務態度 不斷送錯野 將隔離枱啲野係咁攞過我地枱 放低兩樣先發現 又收返 阻住晒更甚既係自己漏單 黑晒面 老屈我地拎走個碟 講到我地好似為左40蚊就要做埋晒啲咁既野自己住附近 屋企人又鍾意泰國野 因為方便 成日尼 食左十年有多 見證住質素下降 價格就淨係識上漲 依家服務更加係不知所謂西沙茶座？不了

我去親西貢，必經西莎路，原來一直經過的這條路有一間西莎茶座係食正宗泰國菜的。原來住附近的人已經一早知這裡有美食。座低係茶座裡面，可以選擇坐室內或是室外。氣氛同一般餐廳唔同，幾得意。我點左好多人都鍾意食嘅炸蝦餅、泰式炒雜菜、及泰式生蝦。炸蝦餅，好多地方都有得食：，但要好食就並唔容易揾到，這裡的蝦餅，蝦肉落足料，好夠蝦味，而且好彈牙，脆脆地咬落去口感滿分，直得推介泰式炒雜菜，最仲要係個汁同火候。這𥚃的汁味道好好，只係個菜炒得唔夠火喉，所以比較硬身，如果可以炒多陣應該會好好味。泰式生蝦的蝦就唔係太鮮，但個汁就超好味，不過唔食辣的朋友就唔好試了。

今日放假同朋友去到泥涌附近摸蜆，攞完蜆就順便去對面西沙茶座度食飯，我軒之前本身已經食咗少少野打底所以都唔係太肚餓。所以只叫了泰式菠蘿炒飯同沙嗲牛肉串。泰式菠蘿炒飯用料好豐富，有蝦肉、肉鬆、提子配上鮮菠蘿，而且黃薑飯香氣撲鼻，味道清新醒胃。沙嗲牛肉串肉質嫩滑又多汁，真係一食就返唔到轉頭，真係好好好好食呀 ！！！必食。

某日既三點三，朋友突如其來話要帶我去一間有返咁上下歷史同有名既西沙茶座食野！恕我孤陋寡聞....我去到餐廳門口先知....原來係食泰國菜！由於我個人就係比較偏好韓、西、泰菜！所以我好開心～我地點左三款菜色：「泰式生蝦」、「泰式鳳爪」、「燒豬頸肉」，生蝦同鳳爪個汁較辣、惹味！雖然我食到眼汪汪....但我就係要食😂豬頸肉燒得唔錯，肉質好嫩同 juice ！但每一塊都無切到底，比較難夾同埋配既汁可能有花生？🤔（因為我個人唔係喜歡花生）所以就得唔到我歡心啦～