西沙茶座 (已結業)

消費券一出市區的食肆多人到一個点,故去偏点的西沙,天气晴朗有点風坐露天食泰菜正似足去旅行.咖喱大頭蝦送薄餅.椰青好清甜.個蝦餅炸得好又弹牙.木瓜沙律小辣,但泰式鳳爪就辣左D

呢間茶座好有特色，有啲似圍村過年咁，點估到佢竟然係泰國菜，食物仲比想象中好食。1. 印度薄餅👍🏻👍🏻👍🏻佢呢個naan不得了，好出色！同出面嘅好唔同，熱辣辣新鮮出爐，好有嚼頭，好重蒜香，食落反而似日式麵包，真係會食到上癮。2. 青咖喱👍🏻好食，好鍾意佢入面好多菜，又瓜又豆又茄子，係啲雞肉差咗啲，但味道好好。3. 冬陰公湯👌個味係幾好嘅，可能甜過出面少少，入面有幾隻開邊蝦，有啲草菇咁樣，不過蝦肉好霉，唔新鮮。呢度個環境係介乎countryside café 同酒樓之間？好難形容，要親自睇下，嚟西貢玩開嘅不妨一試。同埋佢幾好有代泊service ，記得留啲tips 畀人。

朋友推介話呢度幾有風味呀WEEKEND就黎試下呀可能疫情又TEA TIME唔多人真係座位任揀呀點左~蝦餅熱辣辣六大件質感可以既好香口呀~冬陰功湯細呢個堅要講呀我超鍾意首先黎到仲有火既STAFF HELPFUL既會幫手分呀裡面有幾隻蝦同大量菇菇但個蝦係大隻架仲要肉質幾好唔係平時用黎整湯既質素呀味道係少辣又唔會太酸真係好推介呀~咖哩炒蝦(本來想炒蜆既,但果日無呀)咖哩汁又係好好味唔會好稀身點薄餅一流呀~蒜容薄餅(跟蝦送既)有四件好鬆軟質感係超級好架好飽之後都要食埋佢呀蒜容味係有既又唔會濃得滯OVER左呀~蝦醬椰菜苗呢個就正常呀但一上碟係聞到香蝦醬味呀

今日遊車河🧡🧡🧡午餐去咗西沙茶座吃，環境開陽，坐低會有一碗小食，花生魷魚鬚，我哋叫咗菠蘿焗飯，好有驚喜，好足料💛💛💛新鮮好味，菠蘿好甜😋😋😋，腰果肉鬆一啲都唔馬虎，連擺設都好有心思😍😍😍還有叫牛肉清湯可，牛肉好足了，好大塊，但正常味道，同埋好大碗，食唔晒，豬頸肉清湯河，好足料好多豬頸肉，之後叫咗個椰青，好新鮮好清甜，最緊要好夠凍👍🏻👍🏻👍🏻，總括嚟講，值得推介的必叫菠蘿焗飯

喺西貢行行下有啲肚餓，經過西沙茶座諗住嘆個下午茶，呢到pet friendly，大家可以帶自己嘅主子去嘆個靚tea而且環境好大好舒服，可以遠離繁囂，係一個relax好地方！嗌咗一個西多士同埋炸雞髀配薯條，西多士好大份，中間搽滿花生醬，麵包炸到外脆內軟，正常茶餐廳水準炸雞髀上枱嘅時候令兵仔震驚，隻雞髀好似成塊面咁大，唔會話好油，炸到好香脆薯條份量都好多，簡直係一個令人抗拒唔到嘅下午茶🍗🍟頒發軍階: 少校🎖🎖🎖

星期日中午和家人去西沙茶座吃個brunch,由於不太肚餓,只係叫了幾碟菜,包括: 蒜蓉炒泰國椰菜,印式蒜蓉烤餅,沙嗲串燒,冬陰功湯,天多利爐鹽燒魚和椰汁西米糕。先食過蒜蓉椰菜,椰菜比一般我哋食到嘅中國椰菜細小,但深綠色啲,都幾有"趙口",用蒜蓉炒好夾。印式蒜蓉烤餅肯定係新鮮烤製,熱辣辣,達到水準,非常好食👍。(我去廁所時,見到廚房有個印度廚師,所以我相信係正宗印度烤餅。) 至於串燒就不過不失,基本嘅好味道。冬陰功湯就真係麻麻地,有啲辣同有香茅味,但唔夠鮮,唔夠濃,同埋太稀,雖然有三隻蝦,不過都係冇鮮味。等左15分鐘,天多利爐鹽燒魚到,有驚喜的魚,好味! 即使魚味唔夠濃,但勝在夠嫩,而且鹽燒魚係好少餐廳有得食,真係值得叫嚟食。最後椰汁西米糕作為甜品,一碟有四件,唔算甜,幾好味。總括嚟講,十幾廿年冇黎,覺得西沙茶座仍然充滿特色,係香港人嘅集體回憶。有車人士仲有免費泊車,非常合適。

開車去開西貢-西沙公路必定要黎試下出名的泰國菜餐廳 -「西沙茶座」建議預先打電話留位留位先有室內冷氣位坐～Walk in 只有戶外（會比較多蚊）另外餐廳很甜心地，有代泊車服務～👍🏻等待菜式時，可以食免費既前菜～魷魚鬚和豆魷魚鬚好讚👍🏻👍🏻印式蒜茸烤餅Lashan Ka Naan $49推介👍🏻👍🏻好香好脆既烤餅烤餅上既蒜茸好加分！令到烤餅味道更豐富！就咁單食都好好味～而且蒜茸份量剛剛好！ 唔會太多太少烤餅整體唔會過油好推介👍🏻👍🏻👍🏻炸蝦餅Deep Fried Shrimp Cake $90/4件必食推介👍🏻$90，4件大大舊蝦餅！ 熱烘烘地送上黎～炸粉唔算好多，而且入面蝦餅都足料好彈牙！👍🏻👍🏻👍🏻再配埋泰式辣醬食，簡直一流👍🏻馬拉盞炒通菜Fried Vegetables with Belachan $79相對上比較普通😣同炒得較濕身，唔夠乾身😣有特改善海南雞（半隻）Halnanese Famous Chicken w/Thai Sauce $113雖然叫左半隻，但都唔少！而且雞好嫩！👍🏻👍🏻雞下面仲有烚熟左既生菜～夠哂健康👍🏻雖然係烚菜，但都會有淡淡雞香味～☺️☺️炒泰式粉 Fried

《西沙茶座 / Chi Sha Cafe》上年年頭來食過午餐，當時有工程在四周進行，環境不是太好，較大塵；另餐廳沒有泊車位置供應，須泊在餐廳對面的停車處。坐下後餐廳提供附送的花生腰豆魷魚小食，我地得兩個人但眼闊肚窄地叫左好多野，椰青、蝦餅、薄餅、咖喱青口、海鮮炒飯等，好飽，食唔晒。蝦餅算係ok，但佢哋嘅咖喱同其他菜式既獻汁都比較結身，帶甜唔夠辣，唔夠惹味；不是我地喜歡的泰菜口味… 而價錢亦唔算寶惠，用餐經驗一般。

雖然天氣熱不過都無減郊遊意欲🌞。正午時份食個LUNCH先， 位於馬路邊嘅茶座交通唔太方便， 無鐵路， 附近又無商場， 得少量村屋， 主要都應該係靠假日遊人踩單車經過或者去石灘玩先會嚟呢度食下野😅。星期日嘅menu 只有單點， 無set（可能平日都無😅）， 餐廳有indoor不過無開， 開咗半outdoor位置， 有蓬， 泠氣同風扇， 33度高溫正午 嚟講唔太夠涼🧊， 不過還可以的。餐前小食有個蠶豆魷魚《蝦餅》🦐有4件， 好大件， 啱啱炸起， 好彈牙👍， 好咬口😋， 加埋個汁幾開胃。《馬拉盞椰菜苗》除咗食泰國菜， 平時好少食椰菜苗， 所以趁機食下， 馬拉盞唔太辣👍《蟹肉炒飯》賣相幾靚， 配朵花同青瓜點綴下😍， 炒得幾乾身， 蟹肉都多，仲有少少蛋同蕃茄， 不過食落有少少蟹殼😅《串燒》牛雞各3， 燒得唔夠惹味同有啲偏乾。《黑牛x 2， 檸茶x1》呢啲基本野， 不過加朵花同有耳嘅杯就好有泰國feel 了❣。total 三個人食咗598，整體食物ok嘅，不過呢個地段同環境就真係唔太值。食完去石灘散下步，睇下小生物🦀，等日落🥰。

1) 餐具污糟： 樓面哥哥將污糟餐具直接拎比我，同佢講仲要話係正常2) 食物送餐：樓面哥哥專登放到令一枱面，要我自己由枱B拎去枱A, 服務奇差3) 十問九唔應，用十五分鐘都比唔到張單我，仲要下午時段，無乜人##############################呢間野有個咁既樓面，真係想幫襯都難！有機會你地可以試下，對你黑面就梗架，食物又一般，以前好好多既，以為有疫情好d, 點知差十九幾倍，真係多謝哂 thank you very much! 食到成肚氣

本來諗住揸車入去enjoy吓relax吓，諗住都叫近郊應該會幾舒服啦，嘢食都係次要啫。點知，一揸部車入停車場，個「代客泊車」同事叫我求其泊低。咁其實都無所謂既，問題係個停車場究竟邊一度係村民位，邊一度係餐廳位我真係分唔到，於是問佢係邊度啦。點知佢態度就開始麻麻咁，話衣度有代客泊車，求其放低就可以。我於是再問返佢係咪要留匙，點知佢就態度再差啲就話係...我當時都開始對佢無耐性了，就話我部係棍波車，如果燒咗極力子點算，於是佢就話「咁你出返去囉」。衣間餐廳認真係sell有泊車位，我地揸車都係想方便同有安全泊位，佢要求留匙都唔係過份，不過佢啲態度趕客到過份，亦唔尊重人。最後，小弟無幸去試衣間餐廳，應該無我既損失。

青木瓜salad，帶D辛辣一般前菜都係青豆花生，但依間前菜小食就有喊喊甜甜地既蠶豆+魷魚絲，算係成本比較高既前菜唔知係咪要證明牛油薄餅有放到牛油落去，塊塊薄餅上都有成啖油，食個陣都要瓊一瓊D 油先好食，至於白咖哩個味道一般， 咖哩味唔重亦唔香，可能叫反普通咖哩有D辣味會好D,而且個雞肉肉質較鞋，好似雞胸肉咁 一個普普通通既椰青， 加D鮮花成個靚哂，但椰青雖然喺雪櫃攞出黎，但係唔算好凍，再加上我地坐左喺露天，好快已經唔凍

很久沒去過，幸好幾個星期前限聚令未收緊前一行多人去了一趟。小食如炸虾餅、魚餅、春卷和串燒等水準一如以往，炒河粉比較濕，炒菜味道很咸，咖喱蟹肉身一般，味道也是一般，波羅飯尚可。最值一讚的是環境，而且绝對安全，之前聽過事頭婆在門口說自豪地過兒子是新科督察，所以大家可放心在這裹享受食物和環境。

這店不在市區，星期天，朋友特地駕車載我來吃飯。雖然到達時已是下午一時多，餐廳還是人頭湧湧，所以對這午餐還是滿心期待的。點了小食拼盤（細）、泰式咖喱牛腩煲和冬陰功海鮮湯河粉。小食拼盤：包括炸蝦餅、炸魚餅和香葉包雞各兩件。炸的食物都是比較油膩的，這點我明白，不過這小食拼盤還是有點油得過份。先吃香葉包雞，雞肉一點味道也沒有，不只是沒雞肉的味道，是連調味的味道也沒有，真的不好吃。魚餅也沒魚肉的味道，幸好還有點調味品的味道，但質感太軟不夠彈。蝦餅算是較好的了，有點蝦味，質感也好。泰式咖喱牛腩煲：咖哩汁太甜，沒有辣味，牛腩煮得夠軟，味道也不錯，煲中還有牛筋和馬鈴薯，牛筋很奇怪，除了咖哩汁的甜味，一點味道也沒有，馬鈴薯則質感古怪，表面是結實的，內裏卻是鬆散的，結果沒把牛筋和馬鈴薯吃完。冬陰功海鮮湯河粉：湯頭不夠香濃，海鮮有青口兩隻、蝦三隻和大量魷魚，味道可以，河粉很滑，算是好吃。這店大部分的食物都不太好吃，不知道為什麼仍那麼多人光顧，可能香港市民已被疫情困在家困得太久，所以限聚令一稍為放寬，便湧到郊區來。食物質素不似預期，下次不會大老遠的駕車前來了。

西貢露天➕情調泰菜🌴✨80年代好出名嘅印、泰餐廳❗️聽Daddy mami講佢地後生果陣時呢間野好出名，成日大排長龍，係好多人的拍拖勝地😲成30年歷史⏳餐廳位於公路旁邊 隔離有停車場泊車。門口大大個七彩繽紛嘅招牌，餐廳裏面有四面佛、D樹圍哂燈飾好有泰國風情feel🌴✨-🔸青檸明爐烏頭$240🔸泰式拼盤（大）$212🔸馬拉盞炒通菜$79🔸蝦醬炒飯$80叫左四樣野，我就覺得食物一般般(樣樣都唔太入味🙈)尤其條烏頭，同埋等/燒左好耐都未熟😅但係聽聞以前味道幾好 依家愈做愈⋯⋯🤭總括食物正常勝在食環境🎑建議大家揸車入來較方便👍🏼👍🏼