裕鵝莊 (已結業)

有名你叫裕‧鵝莊，招牌菜一定是燒鵝，據餐廳所說燒鵝用了清遠黑鬃鵝，而且明火燒烤，全部都是功夫錢。首先這裏是收茶錢$8/位，另外還有加一。滷水鵝肝配意大利黑醋鵝肝入口嫩滑，滷得入味，配上黑醋汁中和油膩感。燒鵝米燒鵝份量都很多，外皮燒至帶脆，皮肉間油脂都不少，肉質鬆化且多肉汁，還帶點炭火香味，配上自家製的酸汁，可減輕油膩感。叉燒拼燒腩飯叉燒燒至旁帶點焦，肉質嫩腍，但肉味略淡；燒腩肥瘦均勻，表皮香脆，肉質保留了肉汁，完全唔乾。百花炸蝦丸蝦丸炸至表面金黃香脆，蝦膠彈牙，中間還有隻爽口蝦仁。懷舊炸鮮奶用了3.6牛乳，所以奶香味突出，而且很滑，外層粉漿又薄。

好耐無食燒鵝，又唔想去咁遠，所以就嚟到尖沙咀呢間裕鵝莊。裕鵝莊係由出名既深井燒鵝第三代傳人開既。我地係平日六點鐘左右去，所以到既時候都無乜人。深井燒鵝例牌 📌$160例牌有四份一隻鵝，燒鵝既肉都幾厚身，配埋塊燒鵝皮食好滿足。配埋既醬同平日食既酸梅醬有啲唔同，好似酸梅醬加咗啲是拉差辣醬咁，不過我都係鐘意食傳統酸梅醬多啲。鼓油皇灼鵝腸 📌$138鵝腸好夠味，好爽口唔會好韌，食落有驚喜。鵝莊小炒皇 📌$118小炒皇幾夠鑊氣，入面有幾款唔同既料。有魷魚、腰果、蝦乾之類，用嚟送飯都幾好。黃金蝦多士 📌$78蝦多士有六件，除咗蝦之外仲有咸蛋黃碎，好香口。不過塊麵包比較油，一人食一件就夠喇。除咗燒鵝之外，其他小菜都整得幾好食，可以一試。用埋Openrice訂位有八折就仲抵啦。

細細個就聽過好多次深井裕記燒鵝嘅名，印象深刻，但從來都未食過。原來呢間餐廳由裕記的後人所開，咁食燒鵝都唔需要大老遠走入深井喇。來到裕鵝莊，梗係要食下佢嘅燒鵝啦。例牌 $160。雖然例牌咋，食落都好多舊鵝，唔少架。燒鵝咬落皮脆肉嫩，鵝油溢出，散發著鵝獨特的油脂香味，在嘴裡回味。鵝肉入味，上佳作品。鵝的皮下脂肪不多，多吃也不會覺得太油膩。這是我試過最美味的鵝 🦢。另外，也叫了「求其」- 蘆筍百合炒蝦球。蝦球的美味超出我的預期！唔知大家有無食過爽口彈牙但無乜味的蝦球，我成日都食到。但呢間店唔同，蝦球係爽口彈牙兼有鮮味！真係難得！炒熟的蘆筍也很爽口，整道菜感覺清新。咕嚕肉用上新鮮菠蘿作配料，味道屬正常發揮。總括來講，呢餐好滿意 👍🏼

餐廳裝修簡約、時尚， 座位寬敞舒適， 環境寧靜， 主打食燒鵝， 原來是深井裕記燒鵝分店。杏汁菜膽燉豬肺湯$78奶白色的杏汁燉豬肺湯， 賣相吸引，真材實料 ， 豬肺同白菜， 十分軟淋香甜 ，入口滿滿杏汁的香氣， 豬肺仲有補肺功效，十分有益，秋冬最適合不過的滋潤湯水。燒鵝瀨$80 燒鵝外皮烤至油光亮麗，香氣四溢，皮脆肉嫩，肉質嫩滑多汁， 十分入味， 瀨粉彈牙，既香且滑 ，啖啖都是幸福的滋味，與燒鵝絕對是黃金拍檔，十分搭配， 將深井燒鵝的風味，重現在舌尖上。鹵水鵝肝配黑醋汁$68鹵水鵝肝火候控制剛好， 外層 光亮， 輕輕咬下去，油香四溢 ，質感嫩滑細緻，入口綿化， 鵝肝的油香在口中綻放， 沾上黑醋汁一起吃 ，鮮味提升，令人齒頰留香。冰鎮芥蘭$48芥蘭放在冰塊上， 色澤翠綠，賣相吸引， 入口爽甜帶嚼勁， 原汁原味，沾上魚生豉油， 啖啖好鮮味，津津回味。百花炸蝦球$118百花炸蝦球外皮炸到金黃色， 大粒圓渾， 熱呼呼， 香噴噴，令人垂涎， 入口甘香酥脆， 咀嚼時啖啖蝦的鮮味，口感彈牙 ，完全不覺油膩，令人停不下來， 一口接一口。椰香鮮奶桃膠$48 椰香鮮奶桃膠，入口滿滿迷人椰香的香甜，配上豐

一直以黎食燒鵝都係特登入深井，呢幾年好多深井老字號都開左巿區分店，真係方便左好多食客。坐低緊係叫份例牌燒鵝下庄先✓✦鵝下庄 $190大概2-3人份量，睇到已經流口水，皮脆肉嫩，咬落去啲肉汁流哂出黎，好滿足！中意食燒鵝既朋友真係唔可以錯過。✦味菜豉椒鵝腸 $138鵝腸好爽脆，好有口感，而且都好重豉椒味，夠哂開胃。✦椒鹽茄子 $78茄子條配惹味既椒鹽真係冇得輸既組合，一啲都唔油，夠哂鑊氣，酥香可口。✦杏汁菜膽燉豬肺湯 $78最後忍唔住加多個燉湯，好香杏味，做埋尾的湯水岩岩好有種清熱既感覺。

作為大西北牛牛，周不時都約埋一堆朋友去裕記嗒燒鵝。上上星期誤打誤撞食左裕鵝莊，真係食完先知原來他原來是裕KEE。尖沙咀店以裝備黎講係幾摩登，食飯時聽到兩個呀叔話「嘩我以為去酒樓食飯架咋，哈哈哈哈」。老老豆豆，我覺得卡位真係坐得幾舒服。野食方面我地叫左無甩拖既燒鵝下庄，仲有兩道小菜包括黃金蝦球同干扁肉碎四季豆。作為裕記，燒鵝出色是應該，好彩水準確實是不錯的。燒鵝外皮燒得香，鵝肉味濃、油脂重，再配搭酸梅醬可謂白飯爬多兩啖。好野總想食多幾啖，可惜鵝略瘦，鵝肉不多，很好奇坐隔離的壯男們是否夠食。至於小菜，黃金蝦球做得出色，蝦球大隻爽口，沾滿令人垂言三尺的咸蛋黃，令我非常滿足。干扁肉碎四季豆都不俗，有鑊氣之餘，味道夠，單食有點咸，順利成章成為餸飯炒品。埋單呢餐食左$534，價錢中等，環境服務及食物質素均不俗。

唔係傳統中菜裝修，得一張大圓檯，其他係2人檯嗰啲，雖然位迫咗啲，但環境都幾乾淨，洗手間同樣細同迫，只適合100磅嘅女仔入去🤣🤣，不過都好整潔👍《桃膠時疏》不過不失《燒鵝》（例）例嘅份量都唔細，有脾位，皮燒得香，肉質都幾好😋。《柚子青檸骨》好似得5件，份量就少咗啲，不過幾惹味😎。《炸鮮奶》幾好，個粉唔太厚《滷水雙拼》揀咗海蜇同掌翼，海蜇都幾辣，掌翼都算幾入味。《安格斯炒河》係幼河粉，炒得都幾鹹，麻麻👎埋單有8折，不過原來只限正價單點食品，所有飲品係正價嘅，所以分開咗2張單俾我地，over all 性價唔高。

裕鵝莊位於海港城附近，地鐵站A1出口行去大概3分鐘到達。裝修有傳統香港風味，侍應服務殷勤，小菜款式亦都有好多選擇。📍金柱伴秋葵$48涼拌小食，調味出色，微酸清新，配合上面炸脆了的瑤柱絲，好開胃📍小炒王$118每次食小菜都一定要叫小炒王，呢間嘅小炒王都好高質，好足料，蝦乾魷魚量多，仲有海蜇同白飯魚！📍松露鯪魚球$108即叫即炸，熱辣辣，鯪魚肉爽口彈牙，外皮超級酥脆，內裏包着黑松露醬，有驚喜！📍豉汁帶子蒸豆腐$128使用布包豆腐，吸汁力極高，帶子鮮甜，送飯一流😉📍凍菠蘿茶$32超級大杯， 580 ml，冰爽清涼，有果肉，酸酸甜甜，好似初戀❤️🤣❤️今次雖然冇叫到佢哋招牌燒鵝，但係佢哋嘅小菜都十分高質，推薦！

要想食靚燒鵝，而家唔駛長途跋涉跑去深井了！ 因為深井最出名的裕記燒鵝已有分店落戶於尖沙咀。 我們現在想吃的話，十分之方便了！裕 鵝莊店舖裝潢美觀，主打的燒鵝仍然保持一貫的高水準，必點。 鵝肉赤紅、肉汁豐腴、皮脆香口！絕對和老店無異，都是採用清遠的黑鬃鵝，按秘製配方烤製， “色、香、味”都是絕配，真的吃落便知龍與鳳，絕對誇啦啦！我們二人也點了甜薯黑椒安格斯牛粒，上枱時香味撲鼻，賣相誘人！ 牛肉粒牛味豐富軟稔，肉身滲入黑椒和青紅椒的香氣，加上安格斯牛肉的鮮甜，別具特色。深井炒麵素材豐富，油麵固之然炒得好吃，沒有油膩的感覺，加上蛋絲、魷魚、大蝦的配料，吃得十分滋味！至於甜品的陳皮紅豆沙桃膠，煮得非常夠火喉，清甜滋潤，桃膠也為紅豆沙增添特色兼養顏。

今日黎左呢到食燒鵝 雖然都深#裕記 但黎到裝修、餐具都感覺好年輕第一樣食既就係例牌燒鵝(下庄)。呢個位比較滑。佢既鵝都比較肥美，食到一層層脂肪，而且個皮好香脆。呢到既燒鵝好滑 而且比出面既大件，應該係燒到岩岩好。另一樣叫既係百合蘆荀炒蝦。佢既蝦好新鮮，食落又大隻又爽。配合埋蔬菜好好味最後一樣就係帶子瑤柱蛋白炒飯。佢用既帶子瑤柱都好多，每一啖都食到有。調味岩岩好, 唔會過鹹，而且D米都分明，唔會痴埋一舊舊。值得稱讚。!~成餐都好滿意，一定會再黎。

臨時約中秋節晚飯，當日約也book到早輪，六點半開始食，也幾多人，叫了招牌燒鵝、鹵水鵝肝、黃金蝦球、柚子青檸骨、上湯桃膠時蔬、瑤柱蛋白帶子炒飯、鱷魚燉湯、瀨粉，每樣食物價錢並不便宜，個湯一盅仔要$98未計加一，個湯同青檸骨製作需時，要大約十五至廿十分鐘，味道ok，個燒鵝我們叫例牌，唔係好多肉食，個黃金蝦我覺得唔夠咸蛋黃香，但D蝦也彈牙，整體而言，味道ok，但份量比較少，服務也算ok，不過價錢比較貴.

疫情拖得太久，變成抗疫疲勞，今晚找上好久不見的朋友聚會，問朋友想吃什麼？她回答“求其”“是但”，居然讓我在菜單上找到“求其”這道菜，甚至也有“是蛋”，那就來道“求其”啦。“求其”這道菜名不副其不實，有6隻如湯匙那麼大的蝦，蝦肉很結實。蘆筍翠綠，百合清甜。還有紅蘿蔔，黑木耳和配菜做點綴，一點也不求其。鵝莊的鵝也是出名好吃，所以也是必點的菜。味道清香淡甜，鵝皮脆，肉質細膩，夾在皮和肉之間的脂肪雖然邪惡，但口感卻不能失去它。爽滑海蜇，有陣濃濃麻香味，表面有紅油並不是辣的，吃完一塊鵝肉，再來一口海蜇，是非常合緣的搭配。

抗疫多日，今晚收工後去了食燒鵝，心情很好。餐廳最出名就是燒鵝，當然要試試。什麼都想試下，所以點了燒鵝河粉，份量亦不少，皮薄脆，肉厚多汁，配上滑溜河粉，超正。燒味雙拼飯要了叉燒和燒腩仔，叉燒肥瘦相宜，爽口，燒腩仔就不過不失。鹵水掌翼份量比想像的多，很入味。小炒皇亦是至愛之一，夠獲氣，有蝦乾、魷魚、腰果和韮菜，非常有口感。上湯浸時蔬要了菜心，可以中和了肉的飽濟感。眼闊肚窄，最終要了外賣盒，將鹵水掌翼帶返去做宵夜，配啤酒，正呀！

疫情緩和, 是時候恢復和朋友飯聚的日子, 放工在尖沙咀買點東西, 就來亞士厘道搵食, 之前沒留意, 原來有間來自深井的燒鵝餐廳, 很久沒吃鵝的我們, 就選了這間吃飯。燒鵝瀨$80每次吃鵝也不會吃太多, 小食多滋味, 所以叫了燒鵝瀨一起分享, 很幸運的得到了鵝脾, 鵝脾看上去偏瘦, 但肉質咬下去很嫩, 滿有鵝香味, 皮薄帶鵝油香, 這滋味實在迷人, 配上瀨粉是一絕。蝦醬炒西蘭花$80本想蝦醬炒通菜, 通菜沒有了改西蘭花, 西蘭花在家也常吃, 但就是在外吃的比較好吃, 很是爽脆, 可能走過油, 但它也不油膩, 蝦醬味道鹹香滋味。椒鹽白飯魚$108白飯魚細細條, 炸到金黃色, 很香脆, 蘸上椒鹽及醋, 十分有大排檔風味。澳門炒飯$98不知道澳門炒飯是什麼, 因為想吃炒飯就嘗試一下, 原來是鹹魚、蝦乾作為主材料, 鹹鮮的味道反而令我想起大澳, 份量都幾足。竹笙螺頭老雞湯$88一個人住的我, 很缺乏湯水的滋潤, 開始入秋及乾燥, 喝碗燉湯滋補一下, 它如家常靚湯, 足料美味, 無味精的味道。豐富的食物滋養心靈, 裕鵝莊不單只鵝靚, 小菜都很夠鑊氣夠味道, 茶又香, 更有我喜歡的燉湯, 是朋友晚飯

超邪惡又好肥美既鵝😍超好食仲有懷舊炸鮮奶，好滑好重奶味 係就貴左dd 間唔中都要食d好西 獎勵自己既😂個鵝有dd濟 我地兩個人咁既份量岩岩好 唔會唔夠飽餐廳仲坐得好舒服 推介～～～