裕記大飯店

營業中

休息中

周末多个朋友一起聚集，一起游玩元荃古道，大家都觉得深井烧鹅出名，都想尝试一下，下午两点多到达深井。到深井之后左挑右选最终选择这家。总体来说评价不高，这家的菜都比较贵。六位餐（B款）和四位餐（B）相差600多，但仅多一道菜，着实有点差劲。味道除了烧鹅和西兰花带子还可以，其他的都不好吃，建议大家慎重选择！！！！如果只是为了尝一下烧鹅，可以单独点半只烧鹅，其他的不建议点了，价格很不美丽！请大家注意避免踩雷！

黎得深井又點可以唔食返隻燒鵝先走人？上OpenRice見到馳名陳記劣評如潮，唯有揾另一間試試，呢間裕記評語好好多。去到呢間裕記其實見到個環境都有啲嚇親，不過可能咁先夠地道。特大燒鵝半隻 $350 另加一一坐低先黎古法炭燒特大燒鵝半隻，燒鵝少少熱上枱，皮又薄又酥脆，脂肪一層都易咬開，咬落去勁多汁。鵝脾肉超嫩，鵝胸肉就較韌，不過都算可以。個人覺得熱啲仲好。沾另上嘅甜醬個人就覺得甜左啲。半隻鵝都多肉食，我哋打包左啲返歸。酥炸生蠔 $120 4隻 另加一好耐冇食酥炸生蠔啦，見到呢度有酥炸生蠔就叫黎試試。例有4隻，生蠔唔算大隻，酥皮幾厚，蠔肉好麻麻，沾另上嘅醋就好味啲。有紫梛菜墊底，可以當沙律食。呢味餸唔建議叫。好失望！豉椒炒蟶子 $55一隻 另加一再叫左4隻蟶子。大大隻，新鮮爽甜，熱辣辣上枱。配菜有紅綠椒，洋蔥，薑同豆豉，味道少少辣，都冶味。綠豆沙食完仲有糖水送，今日係綠豆沙。味道唔過甜。茶錢$9一位。總括而言，燒鵝唔錯，可以一試。服務算係咁，座位麻麻哋。

最近幫襯過幾次，有外賣亦都有現場食，佢哋嘅燒鵝真係冇得彈，每次俾你都係熱辣辣，因為佢限時會出少量，唔會一次過出晒幾隻鵝係到。燒鵝唔係太肥，而且皮香又脆，肉質甘香又多汁，佢嘅肉汁係會流晒出嚟，始終即刻食係最好架！我試過外賣拎返屋企，依然好香，不過肉稍為收緊一點，無現場食咁嫩。仲有堂食可以點佢嘅酒浸鵝肝，好香又滑，而且唔俾外賣，現場食記住要試試。不過其他菜式就差啲啦，試咗個雜菜煲同埋炸生蠔，味道都係一般而且價錢稍貴。

食燒鵝堅要去深井😋😋深井有好多間，食過其他，唯獨這間食完再食🙌🏻🙌🏻好多選擇，有套餐、有散叫……左揀右揀後，揀左散叫，先叫半隻鵝👍🏻👍🏻再叫薑蔥蜆芥炒牛肉，牛肉上有蜆芥味，不太咸，份量恰當👍🏻👍🏻薑蔥炒起不爛，值得一試🙌🏻🙌🏻豉椒鵝雜，件件四正，不是頭頭尾尾，每件也夾得起👍🏻👍🏻豆腐羹味道略淡，可能中段才吃，被其他味搶走😝😝😝最後談及燒鵝，無得輸，半隻已經好大碟，啖啖肉，肥膏欠奉，值得再來🙂🙃🙂美中不足是一個空間只有一位服務員😩😩檯與檯之間也很近，相對難交談。

行完山就嚟遠近馳名嘅裕記食燒鵝，原來一連有幾間呢啲飯店，咁呢間名氣最大就當然要試先。時間大概係6點，唔使等位，坐樓上，冷氣好夠，樓底有啲矮，似閣樓，上到去檯已有一包飯店logo 紙巾，梅子醬同一碟花生，好舊式嘅感覺，紙巾我地唔要了，花生我都食得幾多，因為好脆囗嘅👍點咗燒鵝例下庄，185蚊，碟都印咗logo😅 , 嚟到感覺似一隻大脾，所以隻鵝應該唔太大隻，有啲肥，肉唔多，皮微脆，無我預期咁香，脾底下仲有半隻鵝頭嘅。另點咗雜菜粉絲煲，好清，無乜味，再加瀨粉同粥，total 3xx埋單。走時勁多人等位啊，原來香港人咁鍾意食燒鵝😲。

朋友突然之間話想食深井燒鵝，組團入去食個晚飯。店內最少有兩層，我們選了坐地下的一層，在一間房內，一入去感覺近門位置好似有陣廁所臭味... 坐耐了便習慣了🙊🙊一同分享燒鵝半隻，燒鵝的確比起坊間的好吃，燒鵝皮份外酥脆，帶有一層油脂，肉質厚都算多肉。近肚的位置肉味過鹹，其他位置鹹味適中。梅醬似是自家製，味道跟平常包裝的不同，酸味比較突出，不會太甜。服務比較一般，店員對客人帶點命令的態度，可能生意太好了😶。

難得去黃金海岸Staycation,又唔想食附近餐廳咪飛的去深井食燒鵝，問的士佬去陳記定裕記好，佢話緊係裕記啦，咁就信你啦🍺🤩😬本身諗住散叫例牌燒鵝加鵝肝加多個小菜就算，點知話冇鵝肝就俾個阿姐sell左食套餐，五百零蚊二人餐😋🙂😬例牌燒鵝，仲要係脾位，皮脆肉嫩，係咸左少少西洋菜陳腎湯，一人有兩碗，驚喜地超好飲，連湯渣既西洋菜都食晒，好甜好淋，推介蒜蓉開邊蝦，都新鮮幾爽口，不俗😋鮑魚鵝掌扒時蔬，呢個就不過不失咁最後姐姐仲問我地飲吾飲紅豆沙，嘩，煲得又幾入味，好香陳皮味，最後埋單加一連茶芥六百四左右，仲有姐姐既服務態度完全超出我預計，以為呢啲名牌服務一定勁差，但點知真係好過好多其他餐廳，完全敬業落業，殷勤到你吾信，忍唔住都俾少少貼士，總括係個燒鵝咸左少少…少少😂其他嘅都幾好滿意😍😍😍老店不一定服務差🤩

好味指數：🌟🌟🌟🌟抵食指數：🤑🤑做嘢難得經過深井，夜晚梗係想試吓啲地道嘢啦。深井最出名係咩？梗係燒鵝啦！不過作為一個港島人真係對邊間燒鵝好食完全冇概念，好彩有同事係住深井，同佢講完佢就介紹我食呢間✅燒鵝：今次叫咗半隻燒鵝，燒鵝皮脆肉嫩又多肉汁，真係同出邊食嘅有啲唔同，醃得好入味，火候都恰到好處，係有少少油膩，如果配埋瀨粉口感應該會好好多同可以解膩。同埋唔知係咪半隻嘅關係，得幾件鵝肉比較多，其他都比較多骨，可能係想我快啲再嚟幫襯掛哈

約十年前吃過這間，與今天的裝修擺設基本上沒有分別，地板的小格階磚顯得特別有風味。點了燒鵝例牌、油泡蝦醬鮮魷。鵝有炭燒的香味，肥瘦適中，胸肉位置有適當口感肉汁，大致符合預期，但醬汁太鹹。魷魚質素勝預期，爽口不會太鹹太油，蝦醬味可以再加強一點。本來想點冰花燉燕窩，因為掛住一個大牌推廣，但是侍應說未準備好。值得一提，酒樓的冷氣和抽風系統懷疑失靈，環境十分侷促，加上天氣熱，不是坐得很舒服，疫情期間亦很危險。

入到深井必食燒鵝，由細食到大嘅老字號都係深井裕記大飯店，今次再食估唔到係同朋友嘅Farewell 飯…叫左半隻燒鵝，即叫即燒，真係熱辣辣上台，皮脆肉厚，仲好多汁! 不過都係油左DD，肥油都唔少! 不過平時都少食，一次半次都OK去到可能已經晏左DD，已經無哂鵝腸叫了… 唯有點其他小食，估你唔理到醉鵝肝係咁好食，酒味好重，但冇蓋過鵝肝嘅油香味，癖左腥味，同時口感仍然好嫩滑。其他冷盤盤都驚喜，海哲同鵝腎真係必點! 海哲份量又多又大片，麻油味好濃好爽口彈牙；鵝腎唔會太硬仲好入味，基本上碟碟都好餸飯

做咗foodie之後，去食嘢已經唔會理交通，想去就去，今次深井食燒鵝🦢燒鵝係香港特式美食，要講最傳統嘅當然係深井燒鵝，深井咁多間燒鵝點揀好？咁就揀間老字號啦😉 裕記燒鵝於1958年創立，燒鵝用獨特碳燒烤法，成為屹立60多年嘅燒鵝老字號，仲有好多特色小菜。 燒鵝半隻比我想像中冇咁肥美，上次食陳記燒鵝勁多乳白色嘅脂肪，今次見唔到，同埋感覺鵝冇咁大隻。 酒釀鵝肝💕酒釀鵝肝不得了，用筷子夾都覺得好滑，入口即溶，酒同鵝肝加埋，酒揮發時帶出鵝肝嘅香味，超正，不過注意健康，唔好食咁多 琵琶豆腐💕份量勁多有成十幾件，但因為炸得外脆內軟，好好食，所以都食得哂😍鵝舌鵝翼例牌因為好抵，所以叫咗，最後食唔哂打包 好味指數 🌕🌕🌕🌗🌑抵食指數 🌕🌕🌕🌗🌑打卡指數 🌕🌕🌕🌗🌑推介指數 🌕🌕🌕🌗🌑推介菜式會以💕表示

假日下午茶時段去深井裕記食燒鵝，裕記在橫街嘅村屋裡面，停車場就在惠康側邊路口轉入去直入裕記專用停車場, 兩小時免費泊車。附近亦有很多巴士站，人流旺盛。好耐冇去過裕記，佢哋依然保持舊式夠酒樓嘅格局，好鍾意這種懷舊感覺，好似去咗旅行咁。沒有下午茶套餐，我哋揀咗套餐A，但燒鵝例牌太少，想改半隻，侍應建議可以加多一個例牌，變成半隻。燒鵝半隻，好新鮮，皮脆肉質鮮嫩多汁，沒有膻味，醬汁滲入鵝肉，味道濃郁，外皮燒得好香脆，真係比一般燒味店出色。大讚👍食到最底，發現好多鵝頸，唔明點解半隻燒鵝會出現咁多鵝頸。炸蟹鉗，熱辣辣，外層香脆，肉質結實花膠雙喜翅，熱辣辣，唔係好多料，沒有翅味，但都OK 熱辣辣的遼蔘鵝掌扒時蔬，還有冬菇，味道唔錯，我鍾食淋嘅，遼蔘和鵝掌我覺得炆得唔夠淋總結：深井好像只有3間食肆專做燒鵝，都是老字號，有幾十年歷史，感覺裕記好似較出名，所以揀咗佢。假日下午茶時段，只得幾枱客，侍應服務態度良好，洗手間亦算乾淨，燒鵝保持水準，其他小菜擺上枱都係熱辣辣，味道都可以。假日非繁忙時間來吃個下午茶，除了可以消磨時間，因客人不多，可以慢慢享受。

This place is famous for roast goose and totally lives up to its fame. Juicy roast goose with crispy skin with a chilled glass is just the almost perfect taster of HK. We also ordered gourd with egg white and fried cuttlefish which were delicious. Very friendly staff and excellent service as well.

深井裕記已經開咗好多年，今次才第一次去試試，店舖正門雖然不在大街， 但都有很多指示，所以都容易找到。揸車的食客可以有免費泊車。平日中午時段都不太多人，可以慢慢享受午餐。而且職員很有禮貌服務很好。裝修似舊式茶樓Order咗半隻燒鵝，上台時味道都有d香，食慾大增，肉質不太韌，皮香，但食落鵝味就唔夠，x哥的還比佢好。最主要係個燒鵝汁唔夠香濃，而且鵝肉又不是熱的，不似剛剛出爐。另外，可能佢哋醃製用的香料和出面的不同，因為出面食d燒鵝、燒鴨連啲骨都好正……好好味……，骨都要咬埋西洋菜陳腎湯味道比較淡，有點失望。浸勝瓜好味，勝瓜很嫩，蒜味不太濃剛好。鹵水拼盤只有海蜇比較好味，主要鹵水汁唔夠香，鵝腸完全是零分，嘥咗。蜆蚧鯪魚球， 可能這個菜色沒有什麼技巧食鵝當然配瀨粉啦……鵝瀨完美配搭其他的小菜鑊氣就唔知夠唔夠啦……因為就無叫即炒小菜隻燒鵝應該可以改善一下再做好一些，深井燒鵝十分出名，不要影響個品牌。

裕記，已經很久沒有幫襯了。因為上次的用餐經驗太糟糕，所以一直提不起勁再去，早前終於再試一次，看看現在的情況如何。晚上接近六點到埗，被安排上二樓，待應頗殷勤的推介套餐、海鮮等等，沒有依從也不會變成黑臉琵鷺，OK喎。點了一客酒釀鵝肝、燒鵝例牌、酥炸生蠔四隻、蒜蓉蒸蟶子二隻、一碗瀬粉、一支喜力，埋單六百許，價格都算唔錯啦。重點的燒鵝感覺一般，味道可以但比較嚡，皮也不說得脆，鵝肉不算嫩所以有點韌，可能下次要試試下樁，肥一點該會滑些吧。酒釀鵝肝則十分精彩，處理過的鵝肝因挑走了血管而變得嫩滑無比，入口即化，超級美味，很讚。酥炸生蠔水準之下，粉漿厚而欠味，蠔也不覺鮮美，配喼汁上桌亦未能為此加分，始終要吃炸蠔該到流浮山而非深井。蒜蓉蒸蟶子火路剛剛好，蟶子面鋪上蒜蓉，沒有添加豉油但味道足夠，鮮口甜美，回味無窮。瀨粉只十多元一碗，湯頭絕不馬虎，淨食已覺不俗，配上鵝背更顯相得益彰，吃鵝的絕配。最值得一記是坐下便是坐下便奉上的普洱茶，本來對這些例茶不存寄望，可是試上一口，居然比一般的都要好，陳香而滑，好喝。總括而言，今次晚膳沒有伏，但個別尚有改善空間，價錢也可以接受的。